ᐊᑈᔅᑕᓇᒡ 26:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒥᒄ ᒪᒃ ᒋᓴᒪᓂᑐᐤ ᒧᔅ ᓂᒋ ᐸᒋ ᐎᒋᐃᒄ, ᐊᐅᒄ ᐛᒋ ᓂᐳᐅᔭᓐ ᐅᑕ ᐊᓄᒡ ᐊ ᐛᐎᑎᒧᐅᒂᐤ ᒥᓯᐛ ᐊᐛᓐᒋ ᐊ ᑕᑈᔭᓐ ᒥᓯᐛ ᑕᓐ ᐊ ᐃᓯ ᐛᐎᑎᒪᓐ᙮ ᐊᓐ ᒪᒃ ᐊ ᐃᓯ ᐛᐎᑎᒪᓐ ᐊᐅᑯᓐ ᒧᔭᒻ ᑲ ᐃᓯ ᐛᐎᑎᒧᐛᐛᒂ ᑭᔭ ᐎᔨᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑭᔭ ᒧᓱᔅ᙮

ᐊᑈᔅᑕᓇᒡ 26:22 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 124:8

ᒋ ᐎᒋᐃᑯᓯᐅᓄᐤ ᑎᑯᓂᔪᐤ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 18:47

ᐎᔾ ᒋᓴᒪᓂᑐᐤ ᓂᒋ ᒋᐛᑎᐸᐊᒪᒄ, ᑭᔭ ᐊᓐ ᑲ ᓴᐧᑯᒋᑎᒧᐅᑦ ᐃᔪᐛ᙮

ᑎᐱᑦ ᐅᓂᑭᒧᐅᓇ 66:12

ᔅᒋ ᐱᒥᑕᑎᐱᐊᐅᒡ ᐃᔪᒡ ᒥᒋᒪ ᓂᔅᑎᒂᓂᓇᒡ: ᓂᒋ ᓴᐳᔅᑲᓇᓐ ᐃᔅᑯᑕᐤ ᑭᔭ ᓂᐱᔾ; ᒪᒃ ᔅᒋ ᐸᒋ ᐃᑐᑕᐃᓇᓐ ᐊᓐᑕ ᐊ ᐛᔪᑎᒡ᙮

ᒪᑎᔪᐤ 26:24

ᒋᑭ ᓂᐸᐊᑭᓄᐤ ᐃᔪᐤ ᐅᑯᓯᓴᓐ ᐊᓂᔭ ᐊᓐ ᑕᓐ ᑲ ᐃᓯ ᐸᒋ ᒥᓯᓇᐃᑭᓄᐎᒡ ᒥᓯᓇᐃᑭᓂᒡ ᐊᓐᑕ ᐅᑕᒡ᙮ ᒥᒄ ᒪᒃ ᑕᑈ ᒋᑭ ᐊᒂᒡ ᒥᒋᐱᔪᐤ ᐊᓐ ᐊᐛᓐ ᒐ ᐎᔭᓯᐱᒋᔅᑎᓇᑦ ᐃᔪᐤ ᐅᑯᓯᓴᓇ᙮ ᐃᐛᒃ ᒋᐸ ᒥᔽᔨᑯᐱᓇ ᐊᓐ ᐊᐛᓐ ᐊᑲ ᐛᐛᒡ ᐅᒋ ᐱᒪᑎᓯᑯᐱᓇ᙮”

ᓗᒃ 16:28

ᐱᑕᑕᒡ ᑕᑎᓯᐅᒡ ᓂᐧᑲᓂᓯᒡ ᐊᓐᑕ ᒋᐸ ᐃᔭᒂᒥᒪᐤ ᒐ ᐊᑲ ᒋ ᐃᓯᓇᑯᓂᔨᒡ ᐊᔅᒄ ᒐᒋ ᑕᔨᒋ ᐅᑕ ᐅᔭᔪᐤ ᐊ ᐃᔅᐱᔅ ᓂᓇᐧᑲᑕᔨᒧᓇᓄᐎᒡ᙮’ ”

ᓗᒃ 24:27

ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᓗᒃ 24:46

ᐊ ᐃᑕᑦ, “ᐃᑎᔅᑕᐤ ᙭ ᔭᐃᑕᔾ ᒐ ᐎᓯᒐᔨᑕᐧᒃ, ᑭᔭ ᑲᐤ ᒐ ᐅᓂᔅᑲᑦ ᓂᐳᐅᓂᒡ ᐅᒡ ᒋ ᓂᔅᑐᒋᓯᑲᔨᒐ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᒠᓐ 5:46

ᑕᑈ ᑲ ᑕᑈᑐᐛᐛᒂ ᒧᓱᔅ ᑭᔭ ᓂᔾ ᒋᐸ ᐸᒋ ᑕᑈᑐᐅᓇᐛᐤ ᐛᔅ ᓂᔾ ᐊᓂᔭ ᑲ ᐸᒋ ᑎᐸᒋᒥᑦ ᑲ ᒥᓯᓇᐃᒐᑦ᙮

ᐊᑈᔅᑕᓇᒡ 10:43

ᒋ ᑎᐸᒋᒥᑯᐤ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᔅᒋᔄᔨᒋ, ᐎᔾ ᐅᑦ ᐃᓯᓂᐧᑲᓱᐅᓂᔨᒡ ᐅᒡ ᒥᒄ ᐊᐛᓐ ᒐ ᑕᑈᔭᔨᒪᒂ ᒋᑭ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮”

ᐊᑈᔅᑕᓇᒡ 13:29

ᐛᔅᑭᒡ ᒋ ᒥᓯᓇᐃᑭᓄᐤ ᐊᓐᑕ ᒥᓯᓇᐃᑭᓂᒡ ᑕᓐ ᒐ ᐃᑐᑕᑯᑦ ᐃᔪᐛ ᙭, ᒥᓯᐛ ᒪᒃ ᒋ ᑎᐱᐱᔪᐤ ᐅᔭ, ᒋᓴᔅ ᒋ ᓂᐸᐊᑭᓄᐤ ᐊᑯ ᒂ ᓂᑎᓇᑭᓄᐅᑦ ᒋᐱᔭᑎᑯᒡ ᐅᒡ, ᐊᑯ ᑲᒋ ᓇᐃᐧᑯᐛᑭᓄᐅᑦ᙮

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 26:17

ᓂᔾ ᒋᑭ ᑭᓄᐛᔨᒥᑎᓐ ᑕᔨᓇ ᐊᓐᑕ ᒐ ᐃᑎᓴᐅᑕᓐ ᒍᐤ ᐃᔪᒡ ᐊ ᑕᒡ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᐊᑈᔅᑕᓇᒡ 26:6

ᐊᓄᒡ ᒪᒃ ᐅ ᑲ ᓂᐳᐅᔭᓐ ᐅᑕ, ᓂ ᑎᐸᔅᑯᓂᑯᐅᓐ ᒥᒄ ᐊᓐ ᐊ ᐊᓱᐛᐸᑎᒪᓐ ᑭᔭ ᐊ ᑕᑈᑎᒪᓐ ᑕᑈ ᒐ ᐃᔅᐱᔨᒡ ᐊᓂᔭ ᑕᓐ ᑲ ᐃᑕᒂ ᒋᓴᒪᓂᑐᐤ ᐊᓂᔭᐧᑲ ᐛᔅᑭᒡ ᓂᐧᑲᓂᓯᓇᓇ ᒐᔅᑎᓇᔅ ᒐ ᐃᑐᑎᒧᐛᑦ᙮

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:21

ᐊᓄᒡ ᒪᒃ ᐊᑯ ᐊ ᓄᑯᑕᑦ ᒋᓴᒪᓂᑐᐤ ᑕᓐᑕ ᐛᒋ ᑯᐃᔅᑯᓇᑯᐊᑦ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᓇᒪᔭᔪᐤ ᒪᒃ ᐎ ᐊ ᓂᓇᐃᑕᐧᒃ ᐊᐛᓐ ᑭᔭ ᐊ ᐃᑐᑕᐧᒃ ᐎᓱᐛᐅᓂᔪᐤ ᐛᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐎᓱᐛᐅᓂᒡ ᐊᑯᑕ ᐛᑕᒂᒡ ᑕᓐ ᒐ ᐃᑎᑦ ᐊᐛᓐ ᒐᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᓂᔭᐧᑲ ᒪᒃ ᐅᒋᔅᒋᐛᐃᒐᓱᒡ ᐊᔪᐅᒄ ᐅᔭ ᑲ ᐃᓯ ᐎᑕᒡ ᑭᔭ ᐎᔨᐛᐤ᙮

1 ᑯᕆᓐᑎᔭᓇ 15:3

ᐛᔅ ᔅᒋ ᐊᓱᐤ ᐎᑎᒪᑎᓇᐛᐤ ᐊᓐ ᑲ ᒥᔨᑯᐅᔭᓐ ᒐᒋ ᒋᔅᒐᔨᑎᒪᓐ᙮ ᓇᔅᒡ ᑕᑈ ᒋᒋᐛ ᐃᑕᔨᑕᑯᓐ ᐅ ᑲ ᐛᐎᑎᒪᑎᑯᒡ᙮ ᒪᐅ ᐊ ᐃᓯ ᐎᑎᒪᒐᒥᑲᒡ᙮ ᙭ ᔅᒋ ᓂᐱᔅᑎᒪᑭᓄᐤ ᒐᒋ ᐛᐸᔨᑎᒪᑯᐛᐧᒄ ᒋᒥᒋᑥᐅᓄᐛ ᒧᔭᒻ ᐊ ᐃᓯ ᐊᔨᒧᑕᔨᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒐ ᐃᑐᑎᒪᑯᐱᓇ᙮

1 ᑯᕆᓐᑎᔭᓇ 15:4

ᐎᑎᒪᒐᒥᑭᓐ ᐅ ᒥᔽᒋᒧᐅᓐ ᐊᒋ ᓇᐅᔅᑕᑭᓄᐎᒡ ᙭ ᐎᔪᐤ᙮ ᐃᔅᐱ ᒪᒃ ᑲ ᓂᔅᑐ ᒋᓯᑲᔨᒡ ᐊᑯ ᑲ ᐅᓂᔅᑲᓇᑭᓄᐅᑦ ᑲᐤ ᒐᒋ ᐱᒪᑎᓯᑦ᙮ ᐊᐅᒄ ᐅ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮

ᒋᔅᒐᔨᑕᑯᑕᒐᐅᓐ 11:18

ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋ ᒥᔅᑎ ᒋᔄᓱᐅᒡ᙮ ᐊᑯ ᒪᒃ ᒋᔾ ᐛᑎᒋᐱᔨᒡ ᒐᒋ ᒋᔄᓯᔨᓐ ᑭᔭ ᒐᒋ ᑎᐸᔅᑯᓂᑥᐤ ᐊᓐᒡ ᑲ ᓂᐱᒡ᙮ ᓴᔅ ᐅᑎᒋᐱᔪᐤ ᒐᒋ ᑎᐸᐊᒧᑥᐤ ᐅᑎᐸᐊᒪᑯᓯᐅᓄᐛᐛ ᐊᓐᒡ ᒋᑦ ᐊᐱᒋᐊᑭᓐᒡ ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ ᑭᔭ ᐊᓐᒡ ᑲ ᒋᔅᑕᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ, ᐊᓐᒡ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ᙮ ᓴᔅ ᐅᑎᒋᐱᔪᐤ ᒐᒋ ᓂᓱᐅᓇᒋᐊᑭᓄᐎᒡ ᐊᓐᒡ ᑲ ᓂᓱᐅᓇᒋᐊᒡ ᐊᐛᔪᐛ ᐅᑕ ᐊᔅᒋᒡ᙮”

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 20:12

ᓂᒋ ᐛᐱᒪᐅᒡ ᒪᒃ ᒥᓯᐛ ᐊᓐᒡ ᐊᐛᓐᒋ ᑲ ᓂᐳᐛᑯᐱᓇ᙮ ᒥᓯᐛ ᑲ ᒋᔅᑕᔨᑕᑯᓯᒡ ᑭᔭ ᐊᓐᒡ ᐊᑲ ᒋᔅᑕᔨᑕᑯᓯᒡ ᓂᒋ ᐛᐱᒪᐅᒡ᙮ ᒋ ᐅᑎᔅᑯᑲᐳᔅᑎᒧᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ᙮ ᒋ ᑎᑯᓐ ᒪᒃ ᒥᓯᓇᐃᑭᓇ ᐊ ᓴᓂᑭᓄᐅᒋ᙮ ᒥᓐ ᒪᒃ ᑯᑎᒡ ᒥᓯᓇᐃᑭᓐ ᒋ ᓴᓂᑭᓄᐤ᙮ ᐅ ᒪᒃ ᒥᓯᓇᐃᑭᓐ ᐊᑯᑕ ᒪᓯᓇᓱᒡ ᐊᓐᒡ ᐊᐛᓐᒋ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ᙮ ᐊᓐᒡ ᒪᒃ ᑲ ᓂᐱᒡ ᒋ ᑎᐸᔅᑯᓇᑭᓄᐎᒡ ᒥᒄ ᑕᓐ ᑲ ᐃᑐᐛᑯᐱᓇ᙮ ᒥᓯᐛ ᑕᓐ ᑲ ᐃᑎᒡ ᒋ ᒥᓯᓇᑕᔪᐤ ᐊᓐᑕ ᐊᓂᔭᔪᐛ ᒥᓯᓇᐃᑭᓇ᙮