ᐊᑈᔅᑕᓇᒡ 25:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒥᓐ ᒪᒃ ᐊᓂᔭ ᐎᔭᐱᓂᔨᒡ ᐊᒃᕆᐸ ᑭᔭ ᐊᓂᔭ ᐎᐧᑲᓂᓴ ᐳᕐᓂᓴ ᒋ ᑎᑯᓯᓄᐅᒡ ᐊᓐᑕ ᒐ ᐃᔨᒥᓇᓄᐎᒡ᙮ ᒋ ᐸᒋ ᐎᒐᐅᑯᒡ ᓂᑐᐱᔪᐅ-ᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᐊᓐᑕ ᐅᑕᓇᒡ᙮ ᓇᔅᒡ ᒋ ᒥᔽᔅᐱᓱᐅᒡ ᐃᔅᐱᔅ ᐱᔭᒋ ᐱᒐᒡ ᑭᔭ ᓇᔅᒡ ᐃᔭᒂ ᒋ ᐃᑎᓇᓄᐤ ᐊᓐ ᐊ ᐸᒋ ᐱᒐᓄᐅᒡ ᐊ ᐃᔅᐱᔅ ᒋᔅᑕᔨᒪᑭᓄᐅᒡ ᐊᓐᒡ ᐊᒃᕆᐸ ᑭᔭ ᐳᕐᓂᔅ᙮ ᐊᑯ ᒋᓴᐅᒋᒪᐤ ᐸᔅᑕᔅ ᒂ ᐃᑎᓱᐛᑦ ᑈᓚ ᒐᒋ ᐸᒋ ᐱᑎᑲᐊᑭᓄᔨᒋ᙮

ᐊᑈᔅᑕᓇᒡ 25:23 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:21

ᒐᒃ ᒪᒃ ᒋ ᓇᐃᐱᔪᐤ ᐊᕈᑎᔭᔅ ᒐᒋ ᐃᑎᑦ ᑕᓐ ᑲ ᐎ ᐃᑎᑦ᙮ ᐊᕈᑦ ᒋ ᐅᒋᓯᑯᒧᐤ᙮ ᒋ ᐎᓴᒪᐤ ᒥᓯᐛ ᐊᐛᔪᐛ ᒪᐅᒡ ᓂᑲᓐ ᑲ ᐃᑕᔨᑕᑯᓯᔨᒋ ᐊ ᒋᓴᐅᒋᒪᐤ ᐊᑐᔅᒐᔨᒋ᙮ ᒋ ᐎᓴᒪᐤ ᑭᔭ ᓂᑐᐱᔪᐅ-ᐅᒋᒪᐛ, ᑭᔭ ᓇᐸᐛ ᑲ ᐅᒋᒪᐛᔨᑕᑯᓯᔨᒋ ᐊᓐᑕ ᑲᓕᓕ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 12:21

ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 25:13

ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ᐃᓯᓂᐧᑲᓱᔨᒋ ᒋ ᐸᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮

ᐊᑈᔅᑕᓇᒡ 26:30

ᐊᑯ ᐊᓐ ᒋᓴᐅᒋᒪᐤ, ᑭᔭ ᐊᓐ ᒥᔅᑎ ᒋᓴᐅᒋᒪᐤ, ᐸᕐᓂᔅ ᒪᒃ, ᑭᔭ ᐊᓂᔭ ᑲ ᐎᑎᐱᒥᑯᒡ ᒋ ᐱᓯᑯᐅᒡ᙮

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

1 ᑯᕆᓐᑎᔭᓇ 7:31

ᐊᓐᒡ ᑲ ᐅᒋᐎᒋᔨᓱᒡ ᑕᓐ ᐊ ᐃᑕᐱᑎᓯᓇᓄᐎᒡ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᐱᒪᒋᐃᓱᒡ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊ ᐊᑐᔅᑯᐛᒡ ᐅᑎᐸᔨᒋᒐᐛ ᐛᔅ ᐅ ᐊᔅᒋᔾ ᑭᔭ ᑕᓐ ᐊ ᐃᑕᔨᑕᒂᒡ ᒋᑭ ᐎᒪᐱᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:11

ᐃᔅᐱ ᒋᒋᐛ ᐊ ᐊᑎ ᓴᑲᔅᑐᐛᑦ ᐱᓯᒻ ᒂ ᐊᑎ ᐃᔎᓴᐧᒃ ᓂᑕᐅᒋᑕᑭᓇ ᐊᑯ ᐱᔭᐸᒋᑎᓂᔨᒋ ᐊᓂᔭᔪᐛ ᐛᐱᑯᓇ᙮ ᐛᓂᑎᒡ ᐊᓐ ᑕᓐ ᑲ ᐃᓯ ᒥᔽᓯᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᒐ ᐃᓯᓇᑯᓯᑦ ᐊᓐ ᐊᐛᓐ ᑲ ᐛᔪᑎᓯᑦ, ᒋᑭ ᐳᓂᐱᒪᑎᓯᐤ ᑭᔭ ᐎᔾ, ᒐ ᓂᑭᑕᐧᒃ ᒥᓯᐛ ᐅᑦ ᐊᑐᔅᒐᐅᓐ᙮

1 ᐱᑕᕐ 1:24

ᒋᓴᒪᓂᑐᐤ ᐅᑦ ᐃᔨᒧᐅᓐ ᐃᑎᔅᑕᔪᐤ, ᒥᓯᐛ ᐊᐛᓐ ᒧᔭᒻ ᒥᔅᑯᓱᐛ ᐃᓯᓇᑯᓱᐤ᙮ ᒥᓯᐛ ᐊᐛᓐ ᐅᒋᔅᑕᔨᑕᑯᓱᐅᓐ ᒧᔭᒻ ᐛᐱᑯᓐ ᓂᑐᐎᔾ ᑲ ᓂᑕᐅᒋᑦ ᐃᓯᓇᑯᓂᔪᐤ᙮ ᓂᐱᒥᑭᓇ ᒥᔅᑯᓱᐛ ᐊᑯ ᐛᐱᑯᓇ ᐸᐸᒋᑎᓇ᙮

1 ᒠᓐ 2:16

ᒥᓯᐛ ᑕᓐ ᐊ ᐃᑕᑎᓯᓇᓄᐅᒡ ᐅᑕ ᐊᔅᒋᒡ, ᐊ ᒥᒋ ᒧᔅᑕᓇᐸᑕᐧᒃ ᐊᐛᓐ ᒐᒂᔪᐤ, ᐊ ᐃᓯ ᒥᒋ ᒧᔅᑕᓇᔨᑕᐧᒃ, ᑭᔭ ᐊᓂᔭ ᐊ ᒋᔅᑕᔨᒧᑦ ᑕᓐ ᐊ ᐃᓯ ᐱᒪᑎᓯᑦ, ᓇᒪ ᒋᓴᒪᓂᑐᐤ ᐊ ᑕᑦ ᐅᒋᐱᔪᐤ ᐅ ᐃᑕᑎᓯᐅᓐ, ᐅᑕ ᐊᔅᒋᒡ ᐅᒋᒥᑭᓐ᙮