21 ᒋ ᓂᑐᐛᔨᑎᒻ ᒪᒃ ᐃᔭᐱᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᑭᓄᐛᔨᒪᑭᓄᐅᑦ ᐸᑎᒪ᙮ ᓯᓴᕋ ᒋ ᓂᑐᐛᔨᒪᐤ ᒐᒋ ᐎᔭᔨᑎᒥᔨᒋ ᑕᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᑲ ᐃᑎᓱᐛᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑎᒪ ᒐᒋ ᑭᓄᐛᔨᒪᑭᓄᐅᑦ ᐸᑐᔅ ᒋ ᐃᑎᓴᐅᑲ ᓇᑕ ᓯᓴᕋ ᐊ ᑕᔨᒋ᙮”
ᐊᑯ ᐎᑎᒧᐅᓇᓐ ᒪᒃ, ᑕᓐ ᐊᑕᔨᑎᒥᓐ, ᐃᑎᔅᑕᐤ ᐊ ᐎᓱᐛᐅᓂᒡ ᒐᒋ ᒥᔭᑭᓄᐅᑦ ᓯᓴᕐ ᕈᒻ ᒋᓴᐅᒋᒪᐤ ᐊᓂᔭ ᑎᐸᔨᒋᒐᐤ ᓱᓇᔭᔪᐤ ᑲ ᒋᓯᐧᑲᓱᔨᒋ ᐊᐛᔪᐛ ?”
ᒪᒂᒡ ᒪᒃ ᓯᓴᕐ ᐊᑲᔅᑕᔅ ᐊᒋ ᒋᓴᐅᒋᒪᐅᑦ, ᒋ ᐃᑎᓱᐛᐤ ᒥᓯᐛ ᐃᔪᐛ ᐊᓐᑕ ᕈᒻ ᐊᔅᒋᒡ ᑲ ᑕᔨᒋ ᒐᒋ ᑎᐱᒋᒪᑭᓄᔨᒋ ᑭᔭ ᒐᒋ ᒥᓯᓇᐛᑭᓄᔨᒋ᙮
ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᔅ, “ᓇᔅᒡ ᒋᐸ ᒋ ᐱᔅᑎᓇᑭᓄᐤ ᐅ ᓇᐸᐤ ᑈᓪ ᐊᑲ ᐅᒋ ᐃᔅᒋᔄᒂ ᒐᒋ ᐃᑎᓴᐛᑭᓄᐅᑦ ᐊᓐᑕ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮”
ᐊᑯ ᒥᒄ ᐊᓐᒡ ᒍᐤ ᐃᔪᒡ ᓇᒪ ᐅᒋ ᓇᐊᔨᑎᒧᒡ, ᐊᑯ ᑎᐛᒡ ᑲ ᐃᔅᒋᔄᔭᓐ ᒐᒋ ᐛᐱᒥᒃ ᒪᐅᒡ ᓂᑲᓐ ᒋᓴᐅᒋᒪᐤ ᓯᓴᕐ ᑲ ᐃᓯᓂᐧᑲᑕᑭᓄᐅᑦ, ᐎᔾ ᒐᒋ ᐅᑎᔅᑯᑲᐳᔅᑎᐅᒃ᙮ ᓇᒪᔭᐤ ᑭᑈ ᐎ ᐊᒋ ᐃᑕᔨᑎᒪᓐ ᓂᑐᐎᔾ ᒐᒋ ᐃᓯ ᒪᒥᓯᒥᒂᐤ ᓂᑦ ᐃᔨᒥᒡ᙮
ᐃᔅᐱ ᒪᐅᒡ ᓂᔅᑎᒻ ᑲ ᐅᑎᔅᑯᑲᐳᔅᑎᒪᓐ ᐊ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ᑐᑕᒡ᙮