18 ᐊᑯ ᐊᓐᒡ ᑲ ᑎᑯᓂᔨᒡ ᑕᓐ ᑲ ᐎᓯ ᐊᑕᒪᔨᒪᒡ ᑈᓚ, ᓇᒪ ᐅᒋ ᐃᓯ ᐊᑕᒪᔨᒪᐅᒡ ᐊᓂᔭ ᑲ ᐃᑕᔨᒥᒂᐤ ᒐ ᐃᓯ ᐊᑕᒪᔨᒪᒡ᙮
ᐊᑯ ᑈᓚᑦ ᑲ ᐃᑕᑦ, “ᒋᔨᐛᐤ ᐅᑎᓇᐧᒄ ᐅ ᓇᐸᐤ ᒋᔨᐛᐤ ᒋᐎᓱᐛᐅᓄᐛᐤ ᒐ ᐊᐱᒋᑕᔭᒄ ᐊ ᑎᐸᔅᑯᓇᒄ᙮” ᐊᑯ ᐊᓐᒡ ᒍᐤ ᐃᔪᒡ ᒂ ᐃᔅᒋᔄᒡ, “ᓇᒪ ᓂ ᐱᔅᑎᓂᑯᓇᓐ ᓂᐎᓱᐛᐅᓇᓇ ᒐᒋ ᐃᔅᒋᔄᔭᒡ ᒐᒋ ᓂᐸᐊᑭᓄᐅᑦ ᐊᐛᓐ᙮”
ᒧᔭᒻ ᒪᒃ ᑈᓪ ᒋ ᐎ ᐃᔨᒧᐤ, ᑲᓕᐅ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑕᑈ ᑲ ᐅᓂᑐᑎᒧᒂ ᐅ ᓇᐸᐤ ᑈᓪ, ᒋᐸ ᓂᑐᑕᑎᓇᐛᐤ᙮
ᐃᔅᐱ ᒪᒃ ᑕᑯᓯᓂᒡ ᐅᑕ, ᑎᐛᒡ ᓂᒋ ᐎ ᓂᓇᐃᐱᔨᑕᐛᓐ ᒐᒋ ᑎᐸᔅᑯᓇᑭᓄᔨᒋ ᑈᓚ᙮ ᐊᓐ ᐎᔭᐸᒡ ᓂᒋ ᐃᑐᑕᓐ ᑎᐸᔅᑯᓂᒐᐅᒋᐛᐱᒡ᙮ ᐃᔅᐱ ᒪᒃ ᑲ ᐛᐛᔨᐱᔭᓐ ᐊᐅᑯᐤ ᒂ ᐃᑎᓱᐛᔭᓐ ᒐᒋ ᐸᒋ ᐱᑎᑲᐊᑭᓄᐅᑦ ᐊᓐ ᑲ ᐎ ᑎᐸᔅᑯᓇᑭᓄᐅᑦ, ᐊᐅᒄ ᐅ ᑈᓪ᙮
ᐊᓂᔭ ᑕᓐ ᐊ ᐃᓯ ᑕᑈᑎᒥᔨᒋ ᑈᓚ, ᐊᐅᑯᓐ ᐊᓂᔭ ᑲ ᐊᔨᒧᑕᒡ ᐊᑲ ᐊᓐ ᐎᔨᐛᐤ ᑕᓐ ᐊ ᐃᓯ ᑕᑈᑕᒡ ᐊ ᐃᓯ ᐛᐎᑎᒥᔨᒋ᙮ ᑭᔭ ᐊᒋ ᐃᔅᒋᔄᔨᒋ ᑈᓚ ᒋᓴᓴ ᐊ ᐱᒪᑎᓯᔨᒋ ᐊᒋ ᒪᒃ ᓂᐱᔨᒋ᙮
ᐊ ᐃᑕᐛᒂ ᒪᒃ ᐊᓐᒡ ᑲ ᓂᑲᓂᔅᑲᑕᑯᒡ ᐊ ᑎᑯᓂᔨᒡ ᑕᓐ ᐛ ᐃᓯ ᑎᐸᔅᑯᓇᒡ ᐊᓂᔭᔪᐛ ᑈᓚ ᓂᐸ ᐸᒋ ᐎᒐᐅᑯᒡ ᐊᓐᑕ ᓯᓴᕆᔭᒡ ᐊ ᐃᑐᑕᐅᒡ᙮ ᐊᑯ ᒪᒃ ᑕᑈ ᑲ ᐅᓂᑐᑎᒥᒂᓂ, ᐊᑯᑕ ᓇᑕ ᐃᑕᔭᒐ ᓂᐸ ᐎᑎᑯᒡ ᑕᓐ ᑲ ᐃᓯ ᐅᓂᑐᑎᒥᔨᒋ᙮”