ᐊᑈᔅᑕᓇᒡ 25:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᑕᑈ ᒪᒃ ᐊ ᑎᑯᓂᒂ ᐊᒋ ᐅᓂᑐᑎᒪᓐ ᐊ ᐃᑕᔨᑕᑯᓂᒂ ᒪᒃ ᒐᒋ ᓂᐸᐃᑯᐅᔭᓐ ᐊᓐ ᐅᒋ, ᑭᑈ ᐸᔅᑎᓂᓱᔭᓐ ᒐᒋ ᓂᐸᐃᑯᐅᔭᓐ᙮ ᒥᒄ ᒪᒃ ᒧᔭᒻ ᐊᑲ ᑎᔭᑈᐛᒂ ᐅᔭ ᑕᓐ ᐊ ᐃᓯ ᒪᒥᓯᒥᒡ ᐅᒡ ᒍᐤ ᐃᔪᒡ ᓇᒪ ᐃᑕᔨᑕᑯᓐ ᐎᔨᐛᐤ ᐊ ᑕᒡ ᒐᒋ ᐃᓯ ᐱᔅᑎᓂᑯᐎᒡ᙮ ᓯᓴᕐ ᐊ ᑕᑦ ᐊᑯᑕ ᓇᑐᐛᔨᑎᒪᓐ ᒐᒋ ᑎᐸᔅᑯᓂᑯᐅᔭᓐ᙮”

ᐊᑈᔅᑕᓇᒡ 25:11 ပူးပေါင်းရင်းမြစ်များ

ᐊᑈᔅᑕᓇᒡ 16:37

ᒥᒄ ᒪᒃ ᑈᓪ ᐎᔾ ᒋ ᐃᔨᒪᐊᐤ ᐊᓂᔭ ᑲ ᒪᑯᓄᐛᓯᔨᒋ ᒂ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”

ᐊᑈᔅᑕᓇᒡ 18:14

ᒧᔭᒻ ᒪᒃ ᑈᓪ ᒋ ᐎ ᐃᔨᒧᐤ, ᑲᓕᐅ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑕᑈ ᑲ ᐅᓂᑐᑎᒧᒂ ᐅ ᓇᐸᐤ ᑈᓪ, ᒋᐸ ᓂᑐᑕᑎᓇᐛᐤ᙮

ᐊᑈᔅᑕᓇᒡ 22:25

ᐃᔅᐱ ᒪᒃ ᑲ ᐎᔭᐱᐧᑲᑕᒡ ᒐ ᐸᐱᓯᔅᑕᐛᒡ, ᐊᓐ ᐊᓯᒪᑭᓂᓯᐤ ᐅᒋᒪᐤ ᒋ ᐃᓯ ᑯᒂᒋᒥᑯᐤ ᐊᓂᔭ ᑈᓚ, “ᑯᐃᔅᑯᓇᑯᓐ ᐊ ᒐᒋ ᐸᐱᓯᔅᑕᐛᒄ ᐊᐛᓐ ᕈᒻ ᐊ ᐃᓯ ᒥᓯᓇᓱᑦ ᑭᔭ ᐊᑲ ᐊᔅᒄ ᐅᒋ ᑎᐸᔅᑯᓇᑭᓄᐅᑦ ?”

ᐊᑈᔅᑕᓇᒡ 25:10

ᐊᑯ ᑈᓪ ᒂ ᐃᔅᒋᔄᑦ, “ᐅᑕ ᐅ ᑲ ᓂᐳᐅᔭᓐ ᓯᓴᕐ ᐅᑎᐸᔅᑯᓂᒐᐅᒋᐛᐱᒡ ᐊᑯᑕ ᐅᑕ ᓂᐸ ᑎᐸᔅᑯᓂᑯᐅᓐ ᐛ ᑎᐸᔅᑯᓂᑯᐛᓇ᙮ ᑕᐸ ᑎᑯᓂᔪᐤ ᑕᓐ ᑲ ᐃᓯ ᐅᓂᑐᑐᐅᒂᐤ ᐅᒡ ᒍᐤ ᐃᔪᒡ᙮ ᒋᔾ ᓇᓂᑎᒻ ᒋ ᒥᔪ ᒋᔅᒐᔨᑕᓇᒐ ᐅ᙮

ᐊᑈᔅᑕᓇᒡ 25:12

ᐸᔅᑕᔅ ᒪᒃ, ᐸᑎᒪ ᒋ ᐃᔨᒪᐊᐤ ᐊᓂᔭ ᑲ ᐎᑎᐱᒥᑯᑦ ᐊ ᒋᓴᐅᒋᒪᐅᑦ᙮ ᐊᑯ ᒂ ᐃᑕᑦ ᐊᓂᔭ ᑈᓚ, “ᔅᒋ ᓂᑐᐛᔨᑕᓐ ᓇᑕ ᒋᒋᐛ ᒋᓴᐅᒋᒪᐤ ᓯᓴᕐ ᐊ ᑕᑦ ᒐᒋ ᑎᐸᔅᑯᓂᑯᔨᓐ᙮ ᐊᑯᑕ ᒪᒃ ᒐ ᐃᑎᓴᐅᑕᒡ᙮”

ᐊᑈᔅᑕᓇᒡ 25:21

ᒋ ᓂᑐᐛᔨᑎᒻ ᒪᒃ ᐃᔭᐱᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒐᒋ ᑭᓄᐛᔨᒪᑭᓄᐅᑦ ᐸᑎᒪ᙮ ᓯᓴᕋ ᒋ ᓂᑐᐛᔨᒪᐤ ᒐᒋ ᐎᔭᔨᑎᒥᔨᒋ ᑕᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᑲ ᐃᑎᓱᐛᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐸᑎᒪ ᒐᒋ ᑭᓄᐛᔨᒪᑭᓄᐅᑦ ᐸᑐᔅ ᒋ ᐃᑎᓴᐅᑲ ᓇᑕ ᓯᓴᕋ ᐊ ᑕᔨᒋ᙮”

ᐊᑈᔅᑕᓇᒡ 25:25

ᓇᒪ ᒪᒃ ᓂᔾ ᐎ ᓂ ᐅᒋ ᒥᔅᑭᒺᓐ ᑕᓐ ᑲ ᐃᓯ ᐅᓂᑐᑎᒥᒂ ᒐᒋ ᐅᒋ ᐃᑕᔨᑕᑯᓂᔨᒡ ᒐᒋ ᓂᐸᐊᑭᓄᔨᒋ᙮ ᐊᑯ ᒪᒃ ᐎᔾ ᐅ ᓇᐸᐤ ᒋ ᓂᑐᐛᔨᑎᒻ ᓇᑕ ᐊᓂᔭ ᒋᒋᐛ ᒋᓴᐅᒋᒪᐛ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮ ᐊᑯ ᒪᒃ ᒂ ᐎᔭᔨᑎᒧᒡ ᓇᑕ ᐊ ᑕᔨᒋ ᒐᒋ ᐃᑎᓴᐅᒃ᙮

ᐊᑈᔅᑕᓇᒡ 26:32

ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᐸᔅᑕᔅ, “ᓇᔅᒡ ᒋᐸ ᒋ ᐱᔅᑎᓇᑭᓄᐤ ᐅ ᓇᐸᐤ ᑈᓪ ᐊᑲ ᐅᒋ ᐃᔅᒋᔄᒂ ᒐᒋ ᐃᑎᓴᐛᑭᓄᐅᑦ ᐊᓐᑕ ᓯᓴᕋ ᐊ ᑕᔨᒋ ᒐᒋ ᑎᐸᔅᑯᓇᑭᓄᐅᑦ᙮”

ᐊᑈᔅᑕᓇᒡ 28:19

ᐊᑯ ᒥᒄ ᐊᓐᒡ ᒍᐤ ᐃᔪᒡ ᓇᒪ ᐅᒋ ᓇᐊᔨᑎᒧᒡ, ᐊᑯ ᑎᐛᒡ ᑲ ᐃᔅᒋᔄᔭᓐ ᒐᒋ ᐛᐱᒥᒃ ᒪᐅᒡ ᓂᑲᓐ ᒋᓴᐅᒋᒪᐤ ᓯᓴᕐ ᑲ ᐃᓯᓂᐧᑲᑕᑭᓄᐅᑦ, ᐎᔾ ᒐᒋ ᐅᑎᔅᑯᑲᐳᔅᑎᐅᒃ᙮ ᓇᒪᔭᐤ ᑭᑈ ᐎ ᐊᒋ ᐃᑕᔨᑎᒪᓐ ᓂᑐᐎᔾ ᒐᒋ ᐃᓯ ᒪᒥᓯᒥᒂᐤ ᓂᑦ ᐃᔨᒥᒡ᙮

1 ᑕᓴᓗᓂᔭᓇ 2:15

ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᐅᒄ ᐊᓐᒡ ᑲ ᓂᐸᐊᒡ ᐅᑎᐸᔨᒋᒐᐤ ᒋᓴᓴ ᑭᔭ ᐊᓂᔭᔪᐛ ᐅᒋᔅᒋᐛᐃᒐᓱᐛ᙮ ᑭᔭ ᓂᔭᓐ ᒪᒃ ᓂᒋ ᓂᓇᐧᑲᒋᐃᑯᓇᓂᒡ᙮ ᓇᔅᒡ ᑕᑈ ᓇᒪ ᓇᐊᔨᒥᑯᐅᒡ ᒋᓴᒪᓂᑐᐛ᙮ ᑭᔭ ᒥᓯᐛ ᐊᐛᔪᐛ ᐛᐧᑲᑕᐅᒡ᙮