ᐊᑈᔅᑕᓇᒡ 23:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᓐᒡ ᓴᑎᔪᓯᒡ ᓇᒪ ᑕᑈᑎᒧᒡ ᒐ ᐅᓂᔅᑲᔨᒋ ᐊᓂᔭ ᑲ ᓂᐱᔨᒋ᙮ ᓇᒪ ᑭᔭ ᑕᑈᑎᒧᒡ ᐊᓐᒋᓇ ᑭᔭ ᐊᒐᒂ ᐊ ᑕᔨᒋ᙮ ᐊᑯ ᒪᒃ ᐎ ᐊᓐᒡ ᐸᕆᓯᔨᒡ ᒥᓯᐛ ᐃᓯ ᑕᑈᑎᒧᒡ ᐅᔭ᙮

ᐊᑈᔅᑕᓇᒡ 23:8 ပူးပေါင်းရင်းမြစ်များ

ᒪᑎᔪᐤ 22:23

ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᓴᑎᔪᓯᐊ ᒋ ᐸᒋ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐ ᐊᓂᔭ ᑲ ᐃᔅᒋᔄᔨᒋ ᒧᔭᒻ ᐊ ᐳᓂᐱᒪᑎᓯᔨᒋ ᐊᐛᔪᐛ ᐅᑕ ᐊᔅᒋᒡ ᐊᑲ ᒥᓐ ᒐ ᐅᒋ ᐅᓂᔅᑲᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:18

ᓴᑎᔪᓯᐊ ᑭᔭ ᒋ ᐸᒋ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ᐅᓂᔅᑲᓇᑭᓄᔨᒋ ᐊᔅᒄ ᐊᐛᔪᐛ ᑲ ᓂᐱᔨᒋ᙮ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ,

ᓗᒃ 20:27

ᒋ ᐸᒋ ᓇᑎᑯᐤ ᒪᒃ ᒋᓴᔅ ᓴᑎᔪᓯᐊ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ᐅᓂᔅᑲᓇᑭᓄᔨᒋ ᐊᔅᒄ ᐊᓂᔭ ᑲ ᓂᐱᔨᒋ᙮ ᐊᑯ ᒪᒃ ᑲ ᐎ ᓇᓂᑐ ᑭᒐᔅᒐᔨᑕᒡ ᑕᓐ ᐊ ᐃᑕᔨᑎᒥᔨᒋ ᒋᓴᓴ ᐅᔭᔪᐤ,

ᐊᑈᔅᑕᓇᒡ 23:7

ᐃᔅᐱ ᒪᒃ ᐅᔭ ᑲ ᐃᔅᒋᔄᑦ ᑈᓪ, ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᒡ ᒋ ᒋᒋ ᒥᒋᐱᔪᒡ, ᐛᔅ ᑕᐸ ᐸᐃᑯᓄᒡ ᐅᒋ ᐃᓯ ᑕᑈᑎᒧᒡ ᐅᔭ᙮

ᐊᑈᔅᑕᓇᒡ 4:1

ᐊᔅᒄ ᒪᒃ ᒪᒂᒡ ᐊ ᐃᔨᒪᐊᒡ ᐊᓂᔭᔪᐛ ᐃᔪᐛ, ᐱᑕᕐ ᑭᔭ ᒠᓐ ᒋ ᐸᒋ ᓇᑎᑯᐅᒡ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐅᒋᒪᒧᐛᐛ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᑕᒡ ᒋᓴᐊᔭᒥᐊᐅᒋᐛᐱᔪᐤ, ᑭᔭ ᐊᓂᔭᔪᐛ ᓴᑎᔪᓯᐊ᙮

1 ᑯᕆᓐᑎᔭᓇ 15:12

ᐅ ᒪᒃ ᐊ ᐃᓯ ᑭᒐᔅᒋᒧᔭᒡ ᐊ ᐊᔨᒧᑎᒪᒡ ᙭ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ, ᑕᓐᑕ ᐱᔅᒐ ᐊᓐᑕ ᐊ ᑎᓯᔭᒄ ᐛᒋ ᐃᔅᒋᔄᔭᒄ ᐊᑲ ᑲᐤ ᒐ ᐅᒋ ᐅᓂᔅᑲᓇᑭᓄᐎᒡ ᐊᓐᒡ ᑲ ᓂᐱᒡ᙮