ᐊᑈᔅᑕᓇᒡ 23:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᒋ ᐃᑕᐤ ᐊᓂᔭ ᑈᓚ, “ᐃᔅᐱ ᑎᑯᓯᒂᐛ ᐊᓐᒡ ᑲ ᐎ ᑎᐸᔅᑯᓂᔅᒡ ᐊᑯᑕ ᐃᔭᒂ ᒐ ᓂᑐᑎᒪᓐ ᑕᓐ ᐛ ᐃᓯ ᑎᐸᔅᑯᓂᑯᐅᓇ᙮” ᐊᑯ ᒂ ᐃᑎᓱᒪᑦ ᐅᑦ ᐊᓯᒪᑭᓂᓯᒻ ᒐᒋ ᓂᓇᑭᑐᐛᔨᒪᔨᒋ ᐊᓂᔭ ᑈᓚ ᐊᓐᑕ ᐊᕈᑕ ᐅᒋᓴᐅᒋᒪᐅᒋᐛᐱᒡ᙮

ᐊᑈᔅᑕᓇᒡ 23:35 ပူးပေါင်းရင်းမြစ်များ

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᒪᑎᔪᐤ 2:16

ᐊᔅᒄ ᒪᒃ ᒪᒂᒡ ᐊᒋ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ᒋᐎᔭᓯᒥᑯᑦ ᐊᓂᔭ ᑲ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ᑕᔨᒋ ᑭᔭ ᐛᔅᑲ ᐊᓐᑕ ᑲ ᑕᔨᒋ, ᐊᐅᒄ ᐅᔭ ᐛᒋ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ᐎᑎᒪᑯᑦ ᐊᓂᔭᔪᐛ ᑲ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮

ᒪᑎᔪᐤ 2:3

ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐱᔭᑕᐧᒃ ᐅᔭ, ᓇᔅᒡ ᒋ ᒥᑯᔅᑲᑕᔨᑎᒻ ᑭᔭ ᒥᓯᐛ ᐊᐛᓐᒋ ᐊᓐᑕ ᒋᕈᓯᓕᒥᒡ ᑲ ᑕᒡ ᑭᔭ ᐎᔨᐛᐤ ᒋ ᒥᑯᔅᑲᑕᔨᑎᒧᒡ᙮

ᒪᑎᔪᐤ 27:27

ᐊᑯ ᑈᓚᑦ ᐅᑦ ᐊᓯᒪᑭᓂᓯᒪ ᒂ ᐃᑐᑕᐊᔨᒋ ᒋᓴᓴ ᐊᓐᑕ ᐊᓂᔭᔪᐛ ᒋᓴᐅᒋᒪᐤ ᐊᐱᒋᐊᑭᓇ ᐎᒋᔨᒡ᙮ ᒥᓯᐛ ᒪᒃ ᐊᓐᒡ ᐊᓯᒪᑭᓂᓯᒡ ᐊᓐᑕ ᑲ ᑕᒡ ᒋ ᐛᔅᑲᑲᐳᔅᑐᐛᐅᒡ ᒋᓴᓴ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᐊᑈᔅᑕᓇᒡ 23:30

ᒐᒃ ᒂ ᐎᑎᒪᑯᔭᓐ ᐊ ᑕᔨᒋ ᒍᐤ ᐃᔪᐛ ᐊ ᐎ ᓂᐸᐃᑯᑦ, ᐊᑯ ᒂ ᐃᑕᔨᑎᒪᓐ ᒐᒋ ᐃᑎᓴᐅᒃ ᐊᓐᑕ ᐊ ᑕᔨᓐ᙮ ᐊᑯ ᒪᒃ ᐛ ᐃᑎᒂᐤ ᐊᓐᒡ ᑲ ᐃᔅᒋᔄᒡ ᐊᑲ ᓂᓇᐊᔨᑎᒥᔨᒋ ᐎᓱᐛᐅᓂᔪᐤ, ᒐᒋ ᐎᑎᒪᔅᒡ ᑕᓐ ᐊ ᐃᓯ ᒪᒥᓯᒪᒡ᙮ ᒐ ᐛᑕᔨᑎᒥᓐ ᒪᒃ ᑕᓐ ᒐ ᐃᑐᑐᐛᑭᓄᐅᑦ᙮ ᒋ ᐛᒋᔭᒥᑎᓐ ᒪᒃ᙮”

ᐊᑈᔅᑕᓇᒡ 24:1

ᐱᑕᑕᒡ ᒋᓯᑲᐤ ᒪᒃ ᐃᔅᐱᔅ ᐊᑯ ᐊᓐ ᒋᓴᐊᔭᒥᐊᐅᒋᒪᐤ ᐊᓇᓇᔭᔅ ᑲ ᐃᓯᓂᐧᑲᓱᑦ ᒋ ᑎᑯᓯᓄᐤ ᐊᓐᑕ ᓯᓴᕆᔭᒡ᙮ ᒋ ᐎᒐᐅᑯᐤ ᐱᔅᒐ ᐊᓂᔭ ᑲ ᓂᑲᓂᔅᑯᐛᔨᒋ ᒍᐤ ᐃᔪᐛ ᑭᔭ ᐊᓂᔭ ᑲᐃᔨᒥᑦ ᑐᕐᑐᓚᔅ ᑲ ᐃᓯᓂᐧᑲᓱᔨᒋ᙮ ᐊᑯ ᒂ ᓂᑐᐛᐱᒪᒡ ᐊᓂᔭ ᒋᓴᐅᒋᒪᐛ ᐱᓕᑭᓴ ᐊ ᐛᐎᑎᒧᐛᒡ ᑕᓐ ᑲ ᐃᑕᔨᒪᒡ ᑈᓚ ᐊ ᐃᓯ ᐅᓂᑐᑎᒥᔨᒋ᙮

ᐊᑈᔅᑕᓇᒡ 24:10

ᐊᑯ ᐊᓐ ᒋᓴᐅᒋᒪᐤ ᑲ ᒥᔭᑦ ᐊᓂᔭ ᑈᓚ ᒐᒋ ᐃᔨᒥᔨᒋ, ᐊᑯ ᑈᓪ ᑲ ᐃᔅᒋᔄᑦ, “ᒋ ᒋᔅᒐᔨᒥᑎᓇᓐ ᓴᔅ ᒥᒐᑐᐤ ᐱᐳᓇ ᑎᐸᔅᑯᓂᒐᓱᐤ ᐊᒋ ᐃᑎᐱᔨᓐ ᐅᑕ ᐃᑕᒐ ᐅᒡ ᒍᐤ ᐃᔪᒡ ᐊ ᑕᒡ᙮ ᓂ ᒥᔽᔨᑕᓐ ᒪᒃ ᐊ ᓇᐃᐱᔨᒡ ᑯᐃᔅᒄ ᒐᒋ ᐃᓯ ᐊᔨᒧᑎᒪᑕᓐ ᑭᔭ ᓂᔾ ᐅ ᑕᓐ ᐛ ᐃᓯ ᑎᐸᔅᑯᓂᑯᔭᓐ᙮

ᐊᑈᔅᑕᓇᒡ 24:19

ᒥᒄ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᐊ ᐅᒋᒡ ᒋ ᑕᐅᒡ ᐊᓐᑕ᙮ ᐊᐅᑯᓐᒡ ᒪᒃ ᐊᓐᒡ ᒋᐸ ᑕᐅᒡ ᐅᑕ ᐊ ᑕᐅᑦ ᒐᒋ ᐎᑕᒡ ᑕᓐ ᑲ ᐃᓯ ᐅᓂᑐᑎᒧᐛᓇ᙮

ᐊᑈᔅᑕᓇᒡ 24:22

ᒋᓴᐅᒋᒪᐤ ᐱᓕᑭᔅ ᒪᒃ ᑭᔭ ᐎᔾ ᒋ ᒥᔪ ᒋᔅᒐᔨᑎᒻ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᑯ ᒂ ᒋᐸᐊᒃ ᐊᓂᔭ ᐊ ᐃᓯ ᑎᐸᔅᑯᓂᑲᓄᔨᒋ ᐊᑯ ᒂ ᐃᑕᑦ ᐊᓂᔭ ᑈᓚ, “ᐃᔅᐱ ᒋ ᑎᑯᓯᒐ ᐊᓐ ᐊᓯᒪᑭᓂᓴ ᑲ ᐎᓱᐛᑕᑦ ᓚᐃᓯᔭᔅ ᑲ ᐃᓯᓂᐧᑲᓱᑦ ᐊᑯ ᒋᒋᐛ ᒐ ᐎᔭᔨᑎᒪᓐ ᑕᓐ ᒐ ᐃᑎᓱᐛᑎᑕᓐ᙮”

ᐊᑈᔅᑕᓇᒡ 24:23

ᐊᑯ ᒂ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ ᐊᓂᔭ ᑲ ᓂᓇᑭᑐᐛᔨᒪᔨᒋ ᑈᓚ ᐃᔭᒂ ᐃᔭᐱᒡ ᒐᒋ ᓂᓇᑭᑐᐛᔨᒪᑭᓄᔨᒋ ᐊᓂᔭ ᑈᓚ ᒥᒄ ᐊᑲ ᓇᔅᒡ ᒐᒋ ᒥᒪᒋᒥᓇᑭᓄᔨᒋ᙮ ᒋ ᐃᑎᓱᐛᐤ ᑭᔭ ᒐᒋ ᐱᔅᑎᓇᑭᓄᔨᒋ ᐅᐎᒐᐛᑭᓂᔪᐛ ᒐᒋ ᐎᒋᐃᑯᔨᒋ ᑕᓐ ᒐ ᐃᓯ ᓇᓂᑐᐛᔨᑎᒥᒂᓂ ᒐᒂᔪᐤ᙮

ᐊᑈᔅᑕᓇᒡ 25:16

“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮