ᐊᑈᔅᑕᓇᒡ 23:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᑈᓪ ᒂ ᐎᓴᒪᑦ ᐸᐃᒄ ᐊᓂᔭ ᑲ ᓂᑲᓂᔅᑯᐛᔨᒋ ᐊᓯᒪᑭᓂᓴ, ᐊᑯ ᒂ ᐃᑕᑦ, “ᐃᑐᑕᐃ ᐊᓐ ᐅ ᓇᐸᔅ ᓇᑕ ᓂᑐᐱᔪᐅ-ᐅᒋᒪᐛ ᐊ ᑕᔨᒋ᙮ ᑎᑯᓂᔪᐤ ᒐᒂᔪᐤ ᐛᐎᑎᒧᐛᑦ᙮”

ᐊᑈᔅᑕᓇᒡ 23:17 ပူးပေါင်းရင်းမြစ်များ

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᒠᓐ 18:12

ᐊᓐᒡ ᒪᒃ ᐊᓯᒪᑭᓂᓯᒡ ᑭᔭ ᐊᓂᔭ ᐅᒋᒪᒧᐛᐛ ᑭᔭ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᑲᒪᑯᓄᐛᓯᒡ ᒋᓴᐊᔭᒥᐊᐅᒋᐛᐱᒡ, ᒋ ᒪᑯᓇᐅᒡ ᐊᓂᔭᔪᐛ ᒋᓴᓴ ᑭᔭ ᒋ ᒪᑯᐱᑕᐅᒡ᙮

ᐊᑈᔅᑕᓇᒡ 22:26

ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᑲ ᓂᑲᓂᔅᑯᐛᑦ ᐊᓯᒪᑭᓂᓴ, ᒋ ᓂᑐᐛᐱᒪᐤ ᐊᓂᔭ ᐊᓯᒪᑭᓂᓯᐤ ᐅᒋᒪᐛ, ᐊᑯ ᒂ ᐃᑕᑦ, “ᒋ ᒋᔅᒐᔨᑕᓐ ᐊ ᑕᓐ ᐅ ᐊ ᐃᑎᔭᐧᒄ ? ᕈᒻ ᐃᔪᐤ ᐊᓐ ᐃᑎᔅᑲᓇᓱᐤ ᐅ ᓇᐸᐤ ᑲ ᐃᑐᑐᐛᐧᒄ᙮”

ᐊᑈᔅᑕᓇᒡ 23:16

ᐅᔭ ᒪᒃ ᑲ ᐃᔅᒋᔄᒡ ᐅᒡ ᑲ ᐎ ᓂᐸᐊᒡ ᑈᓚ ᒧᔭᒻ ᒋ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ᐎᑎᒧᐛᑦ ᑕᓐ ᑲ ᐃᓯ ᐸᑕᐧᒃ᙮

ᐊᑈᔅᑕᓇᒡ 23:18

ᐊᑯ ᑭᑈ ᐊᓐ ᑲ ᓂᑲᓂᔅᑯᐛᑦ ᐊᓯᒪᑭᓂᓴ ᒂ ᐃᑐᑕᐊᑦ ᐊᓂᔭ ᓇᐸᓴ ᐊᓐᑕ ᓂᑐᐱᔪᐅ-ᐅᒋᒪᐛ ᐊ ᑕᔨᒋ, ᐊᑯ ᒂ ᐃᑕᑦ ᐊᓂᔭ ᓂᑐᐱᔪᐅ-ᐅᒋᒪᐛ, “ᐊᓐ ᑲ ᒪᑯᓇᑭᓄᐅᑦ ᑈᓪ ᓂᒋ ᐃᑎᒄ ᒐᒋ ᐸᓯᒥᒋ ᐅᔭ ᓇᐸᓴ ᐅᑕ ᐊ ᑕᐅᑦ, ᒋ ᐎ ᐃᑎᑯᔪᐛ ᒐᒂᔪᐤ᙮”

ᐊᑈᔅᑕᓇᒡ 23:23

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᐎᓴᒪᑦ ᓂᓱ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐅᑦ ᐊᓯᒪᑭᓂᓯᒪ, ᐊᑯ ᒂ ᐃᑕᑦ, “ᐊᔭᔅᑯᐎᔨᒡ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᑭᔭ ᓂᔄᐅᑕᒡ ᑕᑐᔪᐤ ᐊᓐᒡ ᑲᐸᐃᑭᔎᐛ ᑲᒋ ᐊᐱᒋᐊᒡ ᐊ ᒪᓯᒐᒡ ᑭᔭ ᓂᓱ ᒥᑕᓯᒥᑎᓄᐤ ᐊᓯᒪᑭᓂᓯᒡ ᒧᐧᑯᒪᓇ ᑲ ᒪᓯᒐᐛᒐᒡ ᒐᒋ ᐃᑐᑕᒡ ᓯᓴᕆᔭᒡ᙮ ᐊᓄᒡ ᒪᒃ ᐅᔭ ᒐ ᐅᑕᑯᓯᔨᒡ ᐸᐃᑯᔅᑕᐤ ᐃᔅᐱᔨᒐ ᒐ ᔅᑐᑕᒡ᙮