ᐊᑈᔅᑕᓇᒡ 21:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᒪᒂᒡ ᒪᒃ ᐊᓂᔭ ᐊ ᐎ ᐱᑎᑲᐊᑭᓄᐅᑦ ᑈᓪ ᐊᓐᑕ ᑲᒪᑯᓄᐛᓯᐅᒋᐛᐱᒡ ᒋ ᐃᑕᐤ ᐊᓂᔭ ᓂᑐᐱᔪᐅ-ᐅᒋᒪᐛ, “ᒋᑭ ᒋ ᐃᑎᑎᓐ ᐊ ᒐᒂᓐ ?” ᐊᑯ ᒂ ᐃᑎᑯᑦ, “ᑯᕆᒃ ᐊ ᒋ ᐊᑎ ᐃᓯ ᐃᔨᒥᓐ ?

ᐊᑈᔅᑕᓇᒡ 21:37 ပူးပေါင်းရင်းမြစ်များ

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᐊᑈᔅᑕᓇᒡ 19:30

ᐊᑯ ᑈᓪ ᒂ ᐎ ᐃᔨᒪᐊᑦ ᐊᓂᔭᔪᐛ ᐃᔪᐛ ᑲ ᒋᔄᓯᔨᒋ ᒥᒄ ᒪᒃ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᓴ ᓇᒪ ᐅᒋ ᐱᔅᑎᓂᑯᐤ ᒐᒋ ᐃᑐᑕᑦ ᐊᓐᑕ᙮

ᐊᑈᔅᑕᓇᒡ 21:19

ᑈᓪ ᒪᒃ ᒋ ᐊᑎ ᐛᒋᔭᒪᐤ ᒥᓯᐛ, ᐊᑯ ᒂ ᐊᑎ ᐛᐎᑎᒧᐛᑦ ᒥᓯᐛ ᐊᓂᔭ ᑕᓐ ᑲ ᐃᓯ ᐃᑐᑎᒪᑯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒪᒂᒡ ᑲ ᐛᐎᑕᐧᒃ ᒥᔽᒋᒧᐅᓂᔪᐤ ᐊᓐᑕ ᐊ ᑕᔨᒋ᙮

ᐊᑈᔅᑕᓇᒡ 21:34

ᐊᓐᒡ ᒪᒃ ᐃᔪᒡ ᐊᓐᑕ ᑲ ᑕᒡ ᒋ ᓂᔎᐅᓯᐊᐅᒡ᙮ ᐊᑯ ᒥᒄ ᓇᒪ ᐸᐃᑯᓄᒡ ᐅᒋ ᐃᔅᒋᔄᐅᒡ, ᑯᑎᑭᒡ ᐃᔭᒡ ᐊ ᐃᔅᒋᔄᒡ ᑕᓐ ᐊ ᐃᔅᒋᔄᔨᒋ ᐊᓂᔭᔪᐛ ᑯᑎᑲ᙮ ᐊᑯ ᑭᑈ ᓇᒪ ᐅᒋ ᓂᔅᑐᑎᒻ ᐊᓐ ᓂᑐᐱᔪᐅ-ᐅᒋᒪᐤ ᑕᓐ ᐊᓐ ᑲ ᐃᑎᓇᓄᐎᒡ, ᐊᑯ ᒥᒄ ᑲ ᐃᑎᓱᐛᑦ ᒐᒋ ᐱᑎᑲᐊᑭᓄᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 22:24

ᐊᑯ ᐊᓐ ᕈᒻ ᓂᑐᐱᔪᐅ-ᐅᒋᒪᐤ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒪ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓯᒪᑭᓂᓯᐅᒋᐛᐱᒡ᙮ ᐊᑯ ᒂ ᐃᑎᓱᐛᑦ ᒐᒋ ᐸᐱᓯᔅᑕᐛᑭᓄᔨᒋ᙮ ᒋ ᐱᑯᓴᔨᑎᒻ ᑭᑈ ᒐᒃ ᐊᓐᑕ ᐊᓂᔭ ᐊ ᐸᐱᓯᔅᑕᐛᑭᓄᔨᒋ ᒐᒋ ᐅᒋ ᐎᑎᒥᔨᒋ ᑕᓐ ᑲ ᐃᓯ ᐅᓂᐱᓱᔨᒋ ᐛᒋ ᐃᔅᐱᔅ ᐛᓴ ᒋᔄᐊᔨᒋ ᐊᓂᔭᔪᐛ ᒍᐤ ᐃᔪᐛ᙮

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 23:16

ᐅᔭ ᒪᒃ ᑲ ᐃᔅᒋᔄᒡ ᐅᒡ ᑲ ᐎ ᓂᐸᐊᒡ ᑈᓚ ᒧᔭᒻ ᒋ ᐃᑕᔨᑯᐱᓇ ᑯᐸᓇᓴ ᐊᓐᑕ ᐊᓂᔭ ᑲ ᑕᒡ᙮ ᑈᓪ ᒪᒃ ᐎᐧᑲᓂᓴ ᐅᔭ ᐅᑯᓯᔪᐛ᙮ ᑭᑈ ᐱᔭᑕᐧᒃ ᐊᓐ ᓇᐸᔅ ᐅᔭ ᐊ ᐃᓯ ᐊᔨᒧᒪᑭᓄᔨᒋ ᐊᓂᔭ ᐅᐧᑯᒥᓴ ᑈᓚ᙮ ᒂ ᐱᒐᑦ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᔪᐤ ᐊᓐᑕ ᑲ ᑭᓄᐛᔨᒪᑭᓄᔨᒋ ᑈᓚ, ᐊᑯ ᒂ ᐎᑎᒧᐛᑦ ᑕᓐ ᑲ ᐃᓯ ᐸᑕᐧᒃ᙮