36 ᐊᓐᑕ ᐅᑕᒡ ᒋ ᐸᒋ ᑕᐅᒡ ᐊᓐᒡ ᐃᔪᒡ ᐊ ᑕᑈᒡ ᐊ ᐃᔅᒋᔄᒡ, “ᓂᐸᐊᐧᒄ ᐊᓐ ᓇᐸᐤ᙮ ᓂᐸᐊᐧᒄ᙮”
ᐊᑯ ᐊᓐᒡ ᐃᔪᒡ ᑲ ᐃᓯ ᒪᒧᐤ ᑕᑈᒡ, “ᓂᐸᐊᐧᒄ ᒋᓴᔅ᙮ ᐸᕋᐸᔅ ᐊᐅᒄ ᐱᔅᑎᓇᐧᒄ᙮”
ᒋ ᐃᓯ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ᐃᔅᒋᔄᒡ᙮ ᐊᑯ ᑈᓚᑦ ᒂ ᐃᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?” ᐊᑯ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ᐎᑎᒪᑯᐤ ᑈᓚᑦ ᐊ ᐃᑎᑯᑦ, “ᒥᒄ ᓯᓴᕐ ᓂ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”
ᐃᔅᐱ ᒪᒃ ᐅᔭ ᐊ ᐃᓯ ᐃᔨᒥᔨᒋ ᐊᓂᔭᔪᐛ ᑈᓚ, ᐊᓂᔭ ᑭᑈ ᐊ ᐃᑕᒋᒧᔨᒋ ᒋᓴᒪᓂᑐᐛ ᐊᒋ ᐃᑎᓴᐅᑯᔨᒋ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ, ᐊᑯᓐ ᑲ ᐃᔅᐱᔅ ᓂᑐᑐᐛᒡ ᐊᓐᒡ ᐃᔪᒡ᙮ ᒋ ᒋᒋ ᐊᓯᒂᐅᒡ ᐊ ᐃᔅᒋᔄᒡ, “ᓂᐸᐊᐧᒄ ᐅ ᓇᐸᐤ, ᓇᒪ ᐃᑕᔨᑕᑯᓱᐤ ᒐᒋ ᐱᒪᑎᓯᑦ ᐅᑕ ᐊᔅᒋᒡ᙮”
ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮
ᐊ ᒪᔭᔨᒥᔨᒥᒡ ᐊᐛᓐᒋ ᐊ ᐊᑐᔅᒐᔅᑐᐅᒋᒡ ᙭, ᐸᐧᑲᒡ ᓂᑦ ᐃᔨᒪᐊᓇᓐᒡ ᐊ ᐛᐎᑎᒧᐅᒋᒡ᙮ ᑭᔭ ᐊᓄᒡ ᒪᒂᒡ ᒧᔭᒻ ᐛᐱᓇᓱᐅᓐ ᐊᐅᑯᓐ ᐊ ᐃᑐᑕᑯᐅᔭᒡ, ᓂᔭᓐ ᓇᔅᒡ ᓇᒪ ᒐᒂᓐ ᓂᑦ ᐃᑕᔨᒥᑯᐅᓇᓐᒡ ᐊᐛᓐᒋ ᐅᑕ ᐊᔅᒋᒡ᙮