ᐊᑈᔅᑕᓇᒡ 21:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ᒪᑯᓇᑦ᙮ ᒂ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ᐊᐱᑎᓂᔨᒋ᙮ ᐊᑯ ᒂ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ᐃᑎᑦ ?”

ᐊᑈᔅᑕᓇᒡ 21:33 ပူးပေါင်းရင်းမြစ်များ

ᐊᑈᔅᑕᓇᒡ 12:6

ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮

ᐊᑈᔅᑕᓇᒡ 20:23

ᒪᐅ ᒥᒄ ᒐᔅᒐᔨᑎᒪᓐ, ᑲ ᐸᔭᒋᓯᑦ ᐊᒐᐧᒄ ᓂ ᓂᑲᓐ ᐎᑎᒪᒄ ᒐ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ᐃᑐᑕᐅᒡ᙮

ᐊᑈᔅᑕᓇᒡ 21:11

ᐊᑯ ᒂ ᐸᒋ ᓂᑐᐛᐱᒥᔨᒥᑦ ᐅ ᓇᐸᐤ, ᒂ ᐅᑎᓂᒺᑦ ᑈᓚ ᐅᐱᒂᑕᐅᓂᔪᐤ, ᒂ ᒪᑯᐱᑕᐧᒃ ᐅᓯᑕ ᑭᔭ ᐅᑎᒋᔭ ᐊᑯ ᑲ ᐃᔅᒋᔄᑦ, “ᒪᐅ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, ᐊᐅᑯᓐ ᒐ ᐃᑕᐱᒂᑎᑯᑦ ᐊᓂᔭ ᒍᐤ ᐃᔪᐛ ᒋᕈᓯᓕᒥᒡ ᑲ ᑕᔨᒋ ᐊᓐ ᐊᐛᓐ ᑕᐱᔨᐛᐅᓯᑦ ᐅᔭ ᐱᒂᑕᐅᓂᔪᐤ᙮ ᒋᑭ ᐃᓯ ᐱᔅᑎᓱᐛᑎᑯᐤ ᑭᔭ ᐅᔭ ᐃᔪᐛ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮”

ᐊᑈᔅᑕᓇᒡ 22:29

ᐱᔭᑕᒡ ᒪᒃ ᐅᔭ ᐊ ᐃᔅᒋᔄᔨᒋ ᑈᓚ ᐊᓐᒡ ᑲ ᐎ ᓂᑐ ᒋᔅᒐᔨᒪᒡ ᑕᓐ ᑲ ᐃᓯ ᐅᓂᑐᑎᒥᔨᒋ ᒋ ᐊᑎ ᐊᓴᑲᐳᐎᒡ᙮ ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓯᓴᒋᓯᑦ ᐃᔅᐱᔅ ᑲ ᒋᔅᒐᔨᒪᑦ ᑈᓚ ᑕᑈ ᕈᒻ ᐊ ᐃᑎᓯᓇᓱᔨᒋ, ᑭᔭ ᐊᓂᔭ ᐊᒋ ᒪᑯᐱᑕᑦ ᐃᓴᒂᔭᐱᔪᐤ ᐊ ᐊᐱᒋᑕᑦ᙮

ᐊᑈᔅᑕᓇᒡ 22:30

ᐎᔭᐱᓂᔨᒡ ᒪᒃ, ᐊᓂᔭ ᐊ ᐎ ᓂᑐ ᒋᔅᒐᔨᑕᐧᒃ ᒐᒂᔪᐤ ᐊᓐ ᐛᒋ ᓂᑐᐛᔨᒪᑭᓄᔨᒋ ᐊᓂᔭ ᑈᓚ ᒐᒋ ᓂᐸᐊᑭᓄᔨᒋ, ᒋ ᐃᑎᓱᐛᐤ ᒐᒋ ᐱᔅᑎᓇᑭᓄᔨᒋ, ᐊᑯ ᑲ ᐃᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᒍᐤ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᒐᒋ ᒪᒧᐎᔨᒋ᙮ ᒂ ᐃᑐᑕᐊᑦ ᐊᓐᑕ ᑈᓚ, ᐊᑯ ᒂ ᐅᑎᔅᑯᑲᐳᐊᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮

ᐊᑈᔅᑕᓇᒡ 25:16

“ᐊᑯ ᒂ ᐃᑎᒂᐤ, ᓇᒪ ᐃᑐᐅᒡ ᕈᒻ ᐃᔪᒡ ᒐᒋ ᐱᔅᑎᓇᒡ ᐊᐛᔪᐛ ᒥᒄ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᔅᒄ ᐊᑲ ᐛᐛᒡ ᒋ ᐛᐱᒪᔨᒋ ᐊᓂᔭ ᑲ ᐎ ᑎᐸᔅᑯᓂᑯᑦ ᑭᔭ ᐊᑲ ᐛᐛᒡ ᒋᔅᐸᐛᑎᓱᑦ ᑕᓐ ᐛ ᐃᓯ ᑎᐸᔅᑯᓇᑭᓄᐅᑦ ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ᙮

ᐊᑈᔅᑕᓇᒡ 26:29

ᐊᑯ ᑈᓪ ᒂ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ᑎᓯᐧᑲᓱᒪᑭᓂᒂ, ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᓂᑐᑐᐅᒡ ᒧᔭᒻ ᓂᔾ ᑲ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ᐃᓯᓇᑯᓯᔭᓐ ᐊᓄᒡ᙮”

ᐊᑈᔅᑕᓇᒡ 28:20

ᐊᐅᒄ ᐅ ᐛᒋ ᐎᓴᒥᑎᑯᒡ᙮ ᔅᒋ ᐎ ᐎᑎᒪᑎᓇᐛᐤ ᒐᒂᓐ ᐛᒋ ᒪᑯᓂᑯᐅᔭᓐ, ᐊᐅᒄ ᐅ ᐊ ᐊᑐᔅᑯᐅᒃ ᙭ ᐊᓂᔭ ᐃᔅᕋᐃᓪ ᐃᔪᒡ ᑲ ᐊᔅᐸᔨᒧᑐᑐᐛᒡ᙮”

ᐃᐱᓯᔭᓇ 6:20

ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ ᒐᒋ ᐛᐎᑎᒧᒡ ᐅᒥᔽᒋᒧᐅᓐ ᐊᑎ ᒪᒂᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ᙮ ᐸᒋ ᐊᔭᒥᐊᔅᑎᒧᐅᒄ ᒪᒃ ᒐᒋ ᓱᒋᑕᐊᔭᓐ ᑭᔭ ᒐᒋ ᐃᔅᒋᔄᔭᓐ ᑕᓐ ᐊ ᐃᓯ ᓂᑐᐛᔨᒥᑦ ᒋᓴᒪᓂᑐᐤ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

2 ᑎᒧᑎ 1:16

ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮