ᐊᑈᔅᑕᓇᒡ 21:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᓂᔄᐅᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᒍᐤ ᑲ ᐃᑎᔅᑲᓇᓯᒡ ᐊᓐᑕ ᐊᐃᓴ ᐊ ᐅᒋᒡ ᒋ ᐛᐱᒪᐅᒡ ᑈᓚ ᐊᓐᑕ ᒍᐤ ᒋᓴᐊᔭᒥᐊᐅᒋᐛᐱᒡ᙮ ᐊᑯ ᒂ ᐃᑐᑐᐛᒡ ᐊᓂᔭ ᐃᔪᐛ ᒐᒋ ᒋᔄᓯᔅᑐᐛᔨᒋ ᐊᓂᔭ ᑈᓚ, ᐊᑯ ᒂ ᒪᑯᓇᒡ᙮

ᐊᑈᔅᑕᓇᒡ 21:27 ပူးပေါင်းရင်းမြစ်များ

ᓗᒃ 21:12

“ᐊᔅᒄ ᒪᒃ ᐊᑲ ᐃᔅᐱᔨᒋ ᐅᔭ ᒐᒂᔪᐛ, ᒋᑭ ᒪᑯᓂᑯᓇᐛᐤ ᐊᑯ ᒐ ᓂᓇᐧᑲᒋᐃᑯᐅᔭᒄ᙮ ᒋᑭ ᐃᑐᑕᐃᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ ᒐ ᑎᐸᔅᑯᓂᑕᑯᒡ, ᐊᑯ ᒐ ᒋᐸᐅᑕᑯᒡ᙮ ᑭᔭ ᒋᑭ ᐃᑐᑕᐃᑯᐛᐅᒡ ᒋᓴᐅᒋᒪᐛ ᑭᔭ ᒋᓴᐅᒋᒪᓴ ᒐᒋ ᑎᐸᔅᑯᓂᑕᑯᒡ ᓂᔾ ᐅᒋ ᐊ ᐸᒋ ᓇᓴᐎᔭᒄ᙮

ᐊᑈᔅᑕᓇᒡ 13:50

ᒥᒄ ᒪᒃ ᐊᓐᒡ ᒍᐤ ᐃᔪᒡ ᒋ ᐃᑐᑐᐛᐅᒡ ᐊᓂᔭ ᓇᐸᐛ ᑭᔭ ᐃᔎᐛ ᓇᔅᒡ ᑲ ᒋᔅᑕᔨᒪᑭᓄᔨᒋ ᐊᓐᑕ ᐅᑕᓇᒡ ᒐᒋ ᒋᔄᓯᔅᑐᐛᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒐᒋ ᓂᓇᐧᑲᒋᐊᔨᒋ᙮ ᑭᔭ ᒋ ᐎᐎᑎᓴᐅᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᐊᓐᑕ ᐊᓂᔭ ᐊᔅᒋᔪᐤ᙮

ᐊᑈᔅᑕᓇᒡ 14:19

ᐱᔅᒐ ᒍᐤ ᐃᔪᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ᐅᑐᑕᐅᒡ, ᐊᑯ ᑲ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ᓂᐸᐊᒡ ᑈᓚ᙮ ᐊᑯ ᑲ ᐸᐱᒧᓯᓇᑕᐛᒡ ᐊᑯ ᑲ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ᐃᑕᔨᒪᒡ ᐊ ᓂᐱᔨᒋ ᐊᓂᔭ ᑈᓚ᙮

ᐊᑈᔅᑕᓇᒡ 14:2

ᐊᑯ ᐊᓐᒡ ᒍᐤ ᐃᔪᒡ ᐊᑲ ᑕᑈᑕᒡ, ᒋ ᐃᑐᑐᐛᐅᒡ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒥᒋᐱᔭᐊᔨᒋ ᐊᓂᔭᔪᐛ ᐎᐧᑲᓂᓯᒪᐛ᙮

ᐊᑈᔅᑕᓇᒡ 14:5

ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐊᓐᒡ ᒍᐤ ᐃᔪᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᒋ ᑯᒂᑕᔨᒪᐅᒡ ᒐᒋ ᓂᓇᐧᑲᒋᐊᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᑭᔭ ᒐᒋ ᓂᐸᐊᒡ ᐊ ᐸᐱᒧᓯᓇᑕᐛᒡ᙮

ᐊᑈᔅᑕᓇᒡ 16:6

ᐊᑯ ᐊᓐᑕ ᐳᕆᒋᔭ ᑭᔭ ᑲᓚᓯᔭ ᐊᔅᒋᒡ ᒂ ᐃᑐᑕᒡ, ᑲ ᐸᔭᒋᓯᔨᒋ ᐊᒐᒂ ᐊᒋ ᓇᑲᓂᑯᒡ ᒐᒋ ᐛᐎᑕᒡ ᒥᔽᒋᒧᐅᓂᔪᐤ ᐊᓐᑕ ᐊᐃᓴ ᐊᔅᒋᒡ᙮

ᐊᑈᔅᑕᓇᒡ 17:13

ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ᑕᒡ ᑈᓚ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ᐃᑐᑕᐅᒡ ᐊᓐᑕ, ᒂ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 2:9

ᐊᓐᑕ ᒪᒃ ᒥᓯᐛ ᓂᓇᐧᑯᐤ ᐊᔅᒋᔾ ᐊ ᐅᒋᔭᐧᒄ ᐊᓐᑕ ᐸᕐᑎᔭ ᑭᔭ ᒥᑎᔭ, ᐃᓕᒻ, ᒪᓴᐳᑕᐃᒥᔭ, ᒍᑎᔭ ᑭᔭ ᑲᐸᑐᓯᔭ, ᑈᓐᑕᔅ, ᐊᐃᓴ,

ᐊᑈᔅᑕᓇᒡ 20:19

ᐊᒋ ᐊᑐᔅᑯᐅᒃ ᐅᑎᐸᔨᒋᒐᐤ ᑎᐱᑕᔨᒧᐅᓂᒡ ᐃᔅ ᑭᔭ ᓇᓂᑯᑎᓂᔾ ᐊᒋ ᐃᓯᓇᑯᓯᔭᓐ ᐊ ᒪᔭᓐ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᐊᔨᒥᐅᔭᓐ ᒪᓐ ᐊᓂᔭ ᑲ ᐃᔅᐱᔅ ᒧᔅ ᒋ ᐎ ᑎᑯᓂᔨᒡ ᐊ ᐎᑐᑐᐅᒡ ᐊᓐᒡ ᒍᐤ ᐃᔪᒡ᙮

ᐊᑈᔅᑕᓇᒡ 24:11

ᓇᒪ ᐅᔅᑕ ᓂᓱᓴᑉ ᒋᓯᑲᐛ ᑲ ᑕᔭᓐ ᐊᓐᑕ ᒋᕈᓯᓕᒥᒡ ᐊᒋ ᐊᔭᒥᐊᔭᓐ᙮ ᒋᔾ ᓇᓂᑎᒻ ᒋᑭ ᒋ ᓂᑐ ᒋᔅᒐᔨᑕᓐ ᐊ ᑕᑈᔭᓐ ᐅ ᑲ ᐃᑎᑕᓐ᙮

ᐊᑈᔅᑕᓇᒡ 24:18

ᐊᑯᑕ ᒪᒃ ᐊᓐᑕ ᒪᒂᒡ ᑲ ᑕᐅᒡ ᑲ ᐛᐱᒥᒡ ᐊᓐᒡ ᒍᐤ ᐃᔪᒡ ᐊᓐᑕ ᐊᐃᓴ ᐊᔅᒋᒡ ᑲ ᐅᒋᒡ᙮ ᓴᔅ ᓂᒋ ᐃᑐᑎᒺᓐ ᑕᓐ ᑲᒋ ᐃᑎᓇᓄᐅᒡ ᒐᒋ ᐸᔭᒋᐃᓱᓇᓄᐅᒡ᙮ ᐊᓐ ᒪᒃ ᒪᒂᒡ ᓇᒪ ᐅᒋ ᒥᒐᑐᐅᒡ ᐊᐛᓐᒋ ᐊᓐᑕ ᑭᔭ ᓇᒪ ᒐᒂᓐ ᐅᒋ ᐃᓯ ᒥᒋᐱᔪᐤ᙮

ᐊᑈᔅᑕᓇᒡ 26:21

ᐊᐅᒄ ᒪᒃ ᐅᔭ ᒪᒂᒡ ᑲ ᐃᑐᒡ ᐊᓐᒡ ᒍᐤ ᐃᔪᒡ ᑲ ᐸᒋ ᒪᑯᓂᒡ ᒪᒂᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᑕᐅᒡ, ᐊᑯ ᒂ ᐎ ᐸᒋ ᓂᐸᐃᒡ᙮

ᐊᑈᔅᑕᓇᒡ 4:3

ᓴᔅ ᒪᒃ ᒋ ᐅᑕᑯᓯᔪᐤ ᑲ ᒪᑯᓇᑭᓄᐎᒡ ᐱᑕᕐ ᑭᔭ ᒠᓐ᙮ ᑲᒪᑯᓄᐛᓯᐅᒋᐛᐱᒡ ᒪᒂᒡ ᑲ ᑭᓄᐛᔨᒪᑭᓄᐎᒡ ᐊᓂᔭᔪᐤ ᑕᐱᔅᑲᔨᒡ᙮

ᐊᑈᔅᑕᓇᒡ 5:18

ᒋ ᒪᑯᓇᐅᒡ ᐊᑯ ᒂ ᐱᑎᑲᐊᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐊᑈᔅᑕᓇᒡ 6:12

ᐅᔭ ᒪᒃ ᐊᒋ ᐃᑎᒡ ᒋ ᐃᑐᑐᐛᐅᒡ ᐊᓂᔭᔪᐛ ᑲ ᓂᑲᓂᐱᔨᒋ ᑭᔭ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐃᔪᐛ ᒐᒋ ᒋᔄᐃᑯᒡ ᐊᓂᔭ ᔅᑎᐱᓇ᙮ ᐊᓐᒡ ᒪᒃ ᑲ ᓂᑲᓂᐱᒡ ᒋ ᐃᑎᓱᐛᐅᒡ ᒐᒋ ᒪᑯᓇᑭᓄᔨᒋ ᔅᑎᐱᓇ ᑭᔭ ᒐᒋ ᐃᑐᑕᐊᑭᓄᔨᒋ ᐊᓐᑕ ᐊ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ᙮

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮

1 ᑕᓴᓗᓂᔭᓇ 2:16

ᐛᐛᒡ ᓂᒋ ᐎ ᒋᐱᒋᐃᑯᓇᓂᒡ ᐊ ᐛᐎᑎᒪᒥᒋᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊᓂᔭ ᒥᔽᒋᒧᐅᓂᔪᐤ ᒐ ᐱᒪᒋᐃᑯᔨᒋ᙮ ᐊᑯᑕ ᐛᒋ ᑕᐱᐱᔨᑕᒡ ᑕᓐ ᒧᔅ ᑲ ᐃᓯ ᐸᒋ ᐅᓂᑐᑕᒡ᙮ ᐊᑯ ᒪᒃ ᐛᑎᒋᐱᔨᒡ ᒐᒋ ᒋᔄᐊᒡ ᑭᔭ ᒐᒋ ᐛᐛᓯᐃᑯᒡ ᒋᓴᒪᓂᑐᐛ᙮