ᐊᑈᔅᑕᓇᒡ 21:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐅᒡ ᒪᒃ ᒍᐤ ᐃᔪᒡ ᓇᔅᒡ ᑲ ᓂᓇᑭᑐᐛᔨᑎᒺᒡ ᒧᓱᓴ ᐅᐎᓱᐛᐅᓂᔪᐤ ᒐᔅᑎᓇᔅ ᒋᑭ ᐸᑎᒧᒡ ᐊᒋ ᑎᑯᓯᓄᐅᑦ᙮ ᑕᓐ ᒐ ᐃᑎᔭᐧᒄ ᒪᒃ᙮ ᒋᑭ ᐎᑎᒪᑎᓇᓐ ᑕᓐ ᑲ ᐃᑕᔨᑎᒥᐃᑯᐅᔭᒡ ᒋᐸ ᐃᑎᓇᓄᐤ᙮

ᐊᑈᔅᑕᓇᒡ 21:22 ပူးပေါင်းရင်းမြစ်များ

ᐊᑈᔅᑕᓇᒡ 15:12

ᒥᓯᐛ ᒪᒃ ᐊᐛᓐ ᐊᓐᑕ ᑲ ᑕᑦ ᓇᒪ ᐅᒋ ᒋᔅᑐᐤ ᒥᒄ ᒋ ᓂᑐᑐᐛᐅᒡ ᑈᓚ ᑭᔭ ᐸᕐᓇᐸᓴ ᐊ ᐎᑎᒥᔨᒋ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᐛᔨᒋ ᒋᓴᒪᓂᑐᐛ ᐛᐸᑎᔨᐛᐅᓇ, ᑭᔭ ᒪᒃ ᑕᓐ ᑲ ᐃᓯ ᐃᑐᑎᒥᔨᒋ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐎᔨᐛᐤ ᐅᒋ ᐊᓐᑕ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 19:32

ᐊᓐᒡ ᒪᒃ ᐃᔪᒡ ᒥᓯᐛ ᒋ ᒋᔄᓱᐅᒡ, ᐱᔅᒐ ᒋ ᐊᓯᒂᐅᒡ ᐊ ᒋᐧᑲᒥᑐᒡ, ᒥᒐᑦ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐛᒋ ᒪᒧᐎᓇᓄᐎᒡ᙮

ᐊᑈᔅᑕᓇᒡ 21:21

ᒋ ᐃᑕᒋᒧᔅᑐᐛᑭᓄᐎᒡ ᒪᒃ ᐊ ᒋᔅᑯᑎᒪᒥᑎ ᐊᓂᔭᔪᐛ ᒍᐤ ᑲ ᐎᒋᔨᒋ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᒐ ᐊᑲ ᒋ ᐊᐱᑕᔨᑎᒥᐃᑯᒡ ᒧᓱᓴ ᐅᐎᓱᐛᐅᓂᔪᐤ, ᐊ ᐃᑎᑥᐤ ᒐ ᐊᑲ ᒋ ᒋᔅᒋᓄᐛᒋᔄᒡ ᐅᑦ ᐊᐛᓯᒧᐛᐛ ᑭᔭ ᒐ ᐊᑲ ᒋ ᐊᐱᑕᔨᑕᒡ ᒍᐤ ᐃᑐᐅᓇ᙮

ᐊᑈᔅᑕᓇᒡ 21:23

ᐃᑐᑕ ᒪᒃ ᐅ ᒐ ᐃᑎᑕᒡ᙮ ᓇᐅᒡ ᓇᐸᐅᒡ ᐅᑕ ᐊ ᑕᒡ ᐊ ᑎᑯᓂᔨᒡ ᑕᓐ ᐛ ᐃᓯ ᒐᔅᑎᓇᔅ ᑎᐸᑐᑕᒡ ᐸᐃᒄ ᐊᓂᔭ ᒍᐤ ᐊᔭᒥᐊᐅᓐ ᐃᑐᐅᓂᔪᐤ, ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᐊᓐᑕ ᒧᓱᓴ ᐅᐎᓱᐛᐅᓂᒡ ᒋᐸ ᐃᑐᑕᑭᓄᐎᔪᐤ᙮

1 ᑯᕆᓐᑎᔭᓇ 14:15

ᒪᐅ ᓂᐸ ᐃᑎᓐ᙮ ᐊ ᐊᔭᒥᐊᔭᓐ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᔅᑐᑕᓱᔭᓐ ᓂᐸ ᐃᓯ ᐊᔭᒥᐊᓐ᙮ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᑭᒧᔭᓐ ᑭᔭ ᓂᐸ ᓂᑭᒧᓐ ᐊ ᓂᔅᑐᑕᓱᔭᓐ᙮