ᐊᑈᔅᑕᓇᒡ 20:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

ᐊᑈᔅᑕᓇᒡ 20:35 ပူးပေါင်းရင်းမြစ်များ

ᒪᑎᔪᐤ 10:8

ᒥᓏᒋᐊᐧᑯᒡ ᑲ ᐊᐧᑯᓯᒡ, ᑭᔭ ᐅᓂᔅᑲᓇᐧᑯᒡ ᐊᓐᒡ ᑲ ᓂᐱᒡ, ᒥᓏᒋᐊᐧᑯᒡ ᒐᒋ ᐸᔭᒋᓯᒡ ᐊᓐᒡ ᑲ ᒪᔭᑎᓂᔨᒡ ᐅᒥᒋᐅᓂᔪᐤ ᑲ ᐊᔭᒡ ᑭᔭ ᐎᐎᑎᓴᐛᐧᑯᒡ ᒥᒋ ᐊᒐᐧᑯᒡ᙮ ᓴᒐᔾ ᔅᒋ ᒥᔨᑯᐅᓇᐛᐤ ᐅ ᓱᐧᑲᑎᓯᐅᓐ, ᓇᒪ ᒪᒃ ᒋᐸ ᐅᒋ ᒋᓯᐧᑲᑯᐅᓇᐛᐤ ᐅ ᐊ ᐃᑐᑎᒪᒄ᙮

ᐊᑈᔅᑕᓇᒡ 20:20

ᑭᔭ ᐊᑲ ᐅᒋ ᑲᑥᑎᑯᒡ ᒐᒂᓐ ᑕᓐ ᒐᒋ ᐃᓯ ᐎᒋᐃᑯᔭᒄ᙮ ᒋ ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᓯ ᒋᔅᑯᑎᒪᑎᑯᒡ ᐊᓐᑕ ᐊ ᒪᒧᐎᓇᓄᐅᒡ ᑭᔭ ᐊᓐᑕ ᒋᒋᐛᐛᒡ,

ᐊᑈᔅᑕᓇᒡ 20:27

ᐛᔅ ᓇᒪ ᓇᔅᒡ ᓂ ᐅᒋ ᓇᑲᐎᓐ ᑯᐃᔅᒄ ᒐᒋ ᐃᓯ ᐎᑎᒪᑎᑯᒡ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑎᔭᒄ, ᓇᒪ ᓇᔅᒡ ᒐᒂᓐ ᒋ ᐅᒋ ᑲᑥᑎᓇᐛᐤ᙮

ᐊᑈᔅᑕᓇᒡ 20:34

ᒋ ᒋᔅᒐᔨᑕᓇᐛᐤ ᑭᔭ ᓂᔾ ᑎᐱᔨᐛ ᐊᒋ ᐊᔭᐱᑎᓯᔭᓐ ᒐᒋ ᐅᒋ ᐅᑎᓇᒪᓱᔭᓐ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒋ ᐱᒪᒋᐅᔭᓐ ᑭᔭ ᑕᓐ ᐊ ᐃᓯ ᓂᑐᐛᔨᑕᒡ ᐊᓐᒡ ᑲ ᐎᒐᐅᒡ᙮

ᐊᑈᔅᑕᓇᒡ 20:36

ᐃᔅᐱ ᒪᒃ ᑲᒋ ᐃᓯ ᐃᔨᒪᐊᑦ ᑈᓪ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᑲ ᑕᑈᑎᒥᔨᒋ ᐊᓐᑕ ᐃᐱᓴᔅ ᑲ ᑕᔨᒋ ᐊᑯ ᒥᓯᐛ ᑲ ᓂᐱᔅᑯᐱᒡ ᐊ ᐊᔭᒥᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:1

ᒋᔭᓄᐤ ᑲ ᓱᒋᑲᐳᐅᔭᐧᒄ ᒋᐸ ᐎᒋᐊᓄᒡ ᐊᓐᒡ ᐊᑲ ᓱᒋᑲᐳᐅᒡ᙮ ᓇᒪ ᒋᔭᓄᐤ ᒋᐸ ᐅᒋ ᐎ ᓇᐊᔨᑎᒥᑎᓱᓇᓄᐤ᙮

1 ᑯᕆᓐᑎᔭᓇ 9:12

ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ᑯᒂᒋᒥᑎᓇᓐ᙮ ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ᐛᐎᑎᒪᒡ ᒥᔽᒋᒧᐅᓐ᙮

2 ᑯᕆᓐᑎᔭᓇ 11:12

ᐃᔭᐱᒡ ᒧᔅ ᓂᑭ ᑐᑕᓐ ᑕᓐ ᐊ ᐃᑎᔭᓐ ᐊᓄᒡ ᒐ ᐊᑲ ᒋ ᑎᑯᓂᔨᒡ ᑕᓐ ᒐ ᐃᓯ ᓂᓇᐸᐅᒧᒡ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᑭᔭ ᒐ ᐊᑲ ᒋ ᐃᔅᒋᔄᒡ ᒧᔭᒻ ᓂᔭᓐ ᐊ ᐃᑕᐱᑎᓱᒋᑦ ᐊ ᐃᑕᐱᑎᓯᒡ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 12:13

ᑕᓐ ᑲ ᐃᓯ ᐊᑲ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

ᐃᑉᕈᐛ 13:16

ᐊᑲᐎᔾ ᐳᓂᒄ ᐊ ᒥᔪᑐᑎᒪᒐᔭᒄ ᑭᔭ ᐊ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᓇᔅᒡ ᐊ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮

ᐃᑉᕈᐛ 13:3

ᒪᒥᑐᓇᔨᒪᐧᑯᒡ ᐊᓐᒡ ᐊᐛᓐᒋ ᑲᒪᑯᓄᐛᓯᐅᒋᐛᐱᒡ ᐊ ᑕᒡ᙮ ᒧᔭᒻ ᑭᔭ ᒋᔨᐛᐤ ᐊ ᑕᔭᒄ ᐊᓐᑕ ᐊᓂᔭ ᐊ ᑕᒡ ᒐᒋ ᐃᓯ ᒪᒥᑐᓇᔨᑎᒪᒄ᙮ ᒪᒥᑐᓇᔨᒪᐧᑯᒡ ᑭᔭ ᐊᓐᒡ ᑲ ᓂᓇᐧᑲᒋᐊᑭᓄᐎᒡ ᒧᔭᒻ ᑭᔭ ᒋᔨᐛᐤ ᐊ ᓂᓇᐧᑲᒋᐃᑯᔭᒄ ᒧᔭᒻ ᐎᔨᐛᐤ ᐊ ᐃᓯ ᓂᓇᐧᑲᒋᐊᑭᓄᐎᒡ ᒐᒋ ᐃᑕᔨᑎᒪᒄ᙮

3 ᒠᓐ 1:7

ᐛᔅ ᔅᑐᑕᐅᒡ ᙭ᑕ ᒐᒋ ᐊᑐᔅᑯᐛᒡ᙮ ᓇᒪ ᐅᒋ ᓂᑐᐛᔨᑎᒧᐛᐅᒡ ᐊᓂᔭᔪᐛ ᐊᑲ ᑕᑈᑎᒥᔨᒋ ᒐᒂᔪᐤ ᒐᒋ ᐃᓯ ᐎᒋᐃᑯᒡ᙮