ᐊᑈᔅᑕᓇᒡ 2:47 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁷ ᒧᔅ ᒋ ᒪᒥᒋᒪᐅᒡ ᐅᑎᐸᔨᒋᒐᐛ᙮ ᒥᓯᐛ ᒪᒃ ᐊᐛᔪᐛ ᒋ ᒥᔽᔨᒥᑯᐅᒡ᙮ ᐊᓯᑯᒻ ᒋᓯᑲᐛ ᒪᒃ ᒋ ᐊᑎ ᒥᒐᑎᔪᐛ ᐊᐛᔪᐛ ᒋᓴᒪᓂᑐᐤ ᐊ ᐱᒪᒋᐊᑦ᙮

ᐊᑈᔅᑕᓇᒡ 2:47 ပူးပေါင်းရင်းမြစ်များ

ᓗᒃ 19:48

ᒥᒄ ᒪᒃ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᒐ ᐃᑎᒡ ᒐᒋ ᓂᐸᐊᒡ ᐛᔅ ᒥᓯᐛ ᐊᓂᔭ ᐃᔪᐛ ᓇᔅᒡ ᐃᔭᒂ ᒋ ᓂᑐᑐᐛᔪᐛ ᒥᓯᐛ ᐊᒋ ᐎ ᐸᑎᒥᔨᒋ ᑕᓐ ᐊ ᐃᔅᒋᔄᔨᒋ ᒋᓴᓴ᙮

ᓗᒃ 2:52

ᒋᓴᔅ ᒪᒃ ᒋ ᐊᑎ ᓂᑕᐅᒍᐤ ᐊᔪᐤ ᐊᔭᔅᒃ ᒋ ᐊᑎ ᑭᒐᑕᐛᔨᑎᒻ᙮ ᓇᔅᒡ ᒪᒃ ᒋ ᓇᐊᔨᑎᒥᔪᐛ ᒋᓴᒪᓂᑐᐛ ᑭᔭ ᐃᔪᐛ, ᐊᓂᔭ ᑕᓐ ᑲ ᐃᓯ ᐱᒪᑎᓯᑦ᙮

ᐊᑈᔅᑕᓇᒡ 11:21

ᒋ ᒥᔭᑭᓄᐎᒡ ᒪᒃ ᐅᑎᐸᔨᒋᒐᐛ ᐅᓱᐧᑲᑎᓯᐅᓂᔪᐤ, ᒥᒐᑦ ᒪᒃ ᐊᐛᓐᒋ ᒋ ᑕᑈᔭᔨᒪᐅᒡ ᑭᔭ ᒋ ᓇᓴᐛᐅᒡ ᐅᑎᐸᔨᒋᒐᐤ᙮

ᐊᑈᔅᑕᓇᒡ 11:24

ᐛᔅ ᐅ ᓇᐸᐤ ᐸᕐᓇᐸᔅ ᓇᔅᒡ ᒋ ᑯᐃᔅᑯᑕᑎᓯᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᓱᒐᔨᑕᑯᓂᔪᐤ ᐅᑕᑈᑎᒧᐅᓐ᙮ ᐊᑯ ᒪᒃ ᐊᑐᐎᔅ ᒥᒐᑦ ᐃᔪᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐤ ᒋᓴᓴ᙮

ᐊᑈᔅᑕᓇᒡ 13:48

ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 14:21

ᑈᓪ ᑭᔭ ᐸᕐᓇᐸᔅ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᑎᕐᐱ, ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒪᔪᐛ ᒋᓴᓴ᙮ ᐊᑯ ᒥᓐ ᑲᐤ ᐊᓐᑕ ᓕᔅᑐᕋ ᒂ ᐃᑐᑕᒡ, ᒥᓐ ᐊᓐᑕ ᐊᐃᑯᓂᔭᒥᒡ, ᐊᑯ ᒥᓐ ᐊᓐᑕ ᐊᓐᑎᔭᑭᒡ᙮

ᐊᑈᔅᑕᓇᒡ 16:5

ᐊᑯ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑕᑈᑎᒧᐅᓂᒡ ᐃᔅ ᑭᔭ ᐊᓯᑯᒻ ᒋᓯᑲᐛ ᒋ ᐊᑎ ᒥᒐᑐᐅᒡ ᐊᐛᓐᒋ ᐊ ᑕᑈᑕᒡ᙮

ᐊᑈᔅᑕᓇᒡ 17:12

ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮

ᐊᑈᔅᑕᓇᒡ 2:39

ᐛᔅ ᐅᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ ᒋᔨᐛᐤ ᔅᒋ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ᑕᔨᒋ᙮ ᒥᓯᐛ ᐊᓐᒡ ᒐ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”

ᐊᑈᔅᑕᓇᒡ 2:41

ᒥᒐᑦ ᒪᒃ ᒋ ᑕᑈᑐᐛᐅᒡ ᐊᓂᔭᔪᐤ ᑲ ᐃᑎᑯᒡ᙮ ᐊᑯ ᒂ ᓯᑲᐃᑐᐛᑭᓄᐅᒡ᙮ ᐊᓐ ᒪᒃ ᑲ ᒋᓯᑲᒡ ᓴᓯᑲᓐ ᓂᔍᐤ ᒐᓯᐱᔪᐤ ᐊᔪᐛᒃ ᒋ ᐃᑕᑎᓱᐅᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ ᐊᓐᑕ ᐊᓂᔭᔪᐤ ᐊ ᐸᐃᑯᒪᒧᐎᒡ᙮

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᐊᑈᔅᑕᓇᒡ 4:33

ᒋ ᓱᒋᑕᑯᓱᐅᒡ ᑭᔭ ᒋ ᒥᔅᑎ ᒥᔪᑕᑯᓱᐅᒡ ᐊᓐᒡ ᐊᑈᔅᑕᓇᒡ ᐊ ᐛᐎᑕᒡ ᑎᐸᔨᒋᒐᓱᐛ ᒋᓴᓴ ᑲᐤ ᑲ ᐅᓂᔅᑲᔨᒋ ᓂᐳᐅᓂᒡ ᐅᒋ, ᑭᔭ ᒋᓴᒪᓂᑐᐛ ᒋ ᒥᔅᑎ ᓱᐛᔨᒥᑯᐅᒡ ᒥᓯᐛ ᐊ ᑎᓯᒡ᙮

ᐊᑈᔅᑕᓇᒡ 4:4

ᐃᔭᐱᒡ ᒪᒃ ᒥᒐᑦ ᐊᐛᓐᒋ ᒋ ᑕᑈᑎᒧᐛᐅᒡ ᑕᓐ ᑲ ᐃᓯ ᐎᑎᒥᔨᒋ ᐊᓂᔭᔪᐛ ᐊᑈᔅᑕᓇ᙮ ᓴᓯᑲᓐ ᐱᑕᑕᒡ ᒐᓯᐱᔪᐤ ᓇᐸᐅᒡ ᒋ ᑕᑎᓯᒐᓂᒋ ᐊ ᑕᑈᑕᒡ᙮

ᐊᑈᔅᑕᓇᒡ 6:1

ᐃᔅᐱ ᒪᒃ ᐊᑐᐎᔅ ᐊ ᐊᑎ ᒥᒐᑎᒡ ᐃᔪᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᒍᐤ ᐃᔪᒡ ᑯᕆᒃ ᑲ ᐃᓯ ᐃᔨᒥᒡ ᒋ ᒥᒋᐱᔭᐊᐅᒡ ᐊᓂᔭᔪᐛ ᒍᐤ ᐃᔪᐛ ᐃᑉᕈᐤ ᑲ ᐃᓯ ᐃᔨᒥᔨᒋ ᐊᒋ ᐃᔅᒋᔄᒡ ᐊᓂᔭᔪᐛ ᑲ ᐸᐃᑯᓯᔨᒋ ᐃᔎᐛ ᐊᓐᑕ ᐊ ᑕᒡ ᐊᑲ ᐅᒋ ᐃᔅᐱᔅ ᐊᓯᒪᑭᓄᔨᒋ ᒥᒋᒥᔪᐤ ᐊᓂᔭ ᑲᒋ ᒪᑎᓂᒧᐛᑭᓄᔨᒋ ᑲ ᐸᐃᑯᓯᔨᒋ ᐃᔎᐛ ᐊᓯᑯᒻ ᒋᓯᑲᐛ᙮

ᐊᑈᔅᑕᓇᒡ 6:7

ᒋᓴᒪᓂᑐᐤ ᒪᒃ ᐅᑦ ᐃᔨᒧᐅᓐ ᒋ ᒥᓯᑕᐱᔪᐤ᙮ ᐊᔭᔅᒃ ᒥᒐᑦ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᒋ ᑕᑈᑎᒧᒡ, ᑭᔭ ᒥᒐᑦ ᐊᔭᒥᐊᐅᒋᒪᐅᒡ ᒋ ᑕᑈᑎᒧᒡ ᑭᔭ ᒋ ᓂᓇᐃᑎᒧᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᐊᑈᔅᑕᓇᒡ 9:35

ᒥᓯᐛ ᒪᒃ ᐃᔪᐛ ᑲ ᑕᑎᓯᔨᒋ ᐊᓐᑕ ᓕᑕᒡ ᑭᔭ ᓴᕈᓂᒡ ᒋ ᐛᐱᒪᑯᐤ ᐊ ᐱᐸᒧᑕᑦ, ᐊᑯ ᒪᒃ ᑲ ᐊᑎ ᑕᑈᔭᔨᒪᔨᒋ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18

ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:27

ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ, ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮

1 ᑯᕆᓐᑎᔭᓇ 1:18

ᐱᔅᒐ ᐊᐛᓐᒋ ᒋᔎ ᐃᔨᒧᐅᓐ ᐃᑕᔨᑎᒧᒡ ᐊ ᐊᔨᒧᑕᑭᓄᔨᒋ ᒋᓴᓴ ᑲ ᓂᐱᔨᒋ ᒋᐱᔭᑎᑯᒡ ᒐᒋ ᐅᒋ ᐱᒪᒋᐅᔨᒋ ᐅᒥᒐᑎᓯᐛ᙮ ᐊᐅᑯᓐᒡ ᒪᒃ ᐅᒡ ᐊᐛᓐᒋ ᐅᓂᓯᓄᐅᒡ ᐅᔭ ᑲ ᐃᑕᔨᑕᒡ᙮ ᒋᔭᓄᐤ ᒪᒃ ᐎ ᑲ ᐱᒪᒋᐅᔭᐧᒄ, ᒋ ᒋᔅᒐᔨᑕᓇᓄᐤ ᐊ ᐛᐎᑕᑭᓄᐎᔨᒡ ᙭ ᐊᒋ ᓂᐱᑦ ᒋᐱᔭᑎᑯᒡ ᐊᑯᑕ ᔭᐱᑎᓯᒥᑭᓂᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ᙮