ᐊᑈᔅᑕᓇᒡ 2:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ “ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

ᐊᑈᔅᑕᓇᒡ 2:33 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 118:16

ᐅᒥᔪᐎᓐ ᑎᐸᔨᒋᒐᓱᐤ ᐊᔅᐸᔨᑕᑯᓂᔪᐤ: ᐅᒥᔪᐎᓐ ᑎᐸᔨᒋᒐᓱᐤ ᓱᒋᑕᐊᐎ ᐊᔨᑎᒥᑭᓂᔪᐤ᙮”

ᑎᐱᑦ ᐅᓂᑭᒧᐅᓇ 89:19

ᐊᑯ ᑲ ᐃᔨᒥᐊᑦ ᒋᐸᔭᒋᓯᒻ, ᔅᒋ ᐃᔅᒋᔄᓐ ᒪᒃ, “ᓂᒋ ᒥᔭᐤ ᐎᒋᐃᑯᓯᐅᓂᔪᐤ ᐊᐛᓐ ᑲ ᓱᐧᑲᑎᓯᑦ, ᓂᒋ ᐃᔅᐸᔨᑕᑯᐊᐤ ᐊᐛᓐ ᑲ ᐅᐛᔭᐱᒥᒃ ᐃᔪᐛ ᐅᒡ᙮

ᑎᐱᑦ ᐅᓂᑭᒧᐅᓇ 89:24

ᒪᒃ ᓂᑯᐃᔅᑯᑐᐅᓂᔪᐤ ᑭᔭ ᓂᒋᔅᑎᒪᒐᔨᒋᒐᐅᓂᔪᐤ ᒋᑭ ᐎᒐᐅᑯᐤ; ᑭᔭ ᓂᑦ ᐃᓯᓂᐧᑲᓱᐅᓂᒡ ᐅᑦ ᐊᔅᑭᓐ ᒋᑭ ᐅᐱᓇᑭᓄᐎᔪᐤ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᓗᒃ 24:49

ᐊᑯ ᒪᒃ ᒐ ᐸᒋ ᐃᑎᓴᐊᒪᑎᑯᒡ ᐊᓐ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᓄᑕᐎᔾ ᑲ ᐃᔅᒋᔄᑦ ᒐᔅᑎᓇᔅ ᒐ ᐸᒋ ᐃᑎᓴᐛᑦ᙮ ᐊᓱᐛᐱᒄ ᒪᒃ ᐊᓐᑕ ᒋᕈᓯᓕᒥᒡ ᐸᑐᔅ ᒋ ᐅᑎᑕᐅᑯᔭᒂ ᓱᒐᔨᑕᑯᓱᐅᓐ ᒋᒋᒋᓯᑯᒡ ᑲ ᐅᒋᐱᔨᒡ᙮”

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᒠᓐ 17:5

ᓄᑕ, ᒋᔅᑕᔨᑕᑯᐃ ᒧᔭᒻ ᐊᓐ ᑲ ᐃᔅᐱᔅ ᒋᔅᑕᔨᑕᑯᓯᔭᓐ ᐊᔅᒄ ᐊᒋ ᑕᔭᓐ ᐊᓐᑕ ᐊ ᑕᔨᓐ, ᐊᔅᒄ ᐊᑲ ᐅᒋ ᐅᓯᑕᔨᓐ ᐅ ᐊᔅᒋᔾ᙮”

ᐊᑈᔅᑕᓇᒡ 1:4

ᐃᔅᐱ ᒪᒃ ᑲ ᒪᒧᐎᒡ ᒋᓴᔅ ᒋ ᐃᑕᐤ ᐊᓂᔭᔪᐛ ᐊᑈᔅᑕᓇ, “ᐊᑲᐎᔾ ᓂᑭᑎᒥᒄ ᒋᕈᓯᓕᒻ᙮ ᐊᓱᐛᐸᑎᒺᐧᒄ ᐊᓂᔭᔪᐤ ᒥᔨᐛᐅᓂᔪᐤ ᓄᑕᐎᔾ ᒐᔅᑎᓇᔅ ᑲ ᐃᔅᒋᔄᑦ ᒐ ᒥᔨᑕᒄ, ᐊᐅᒄ ᐅ ᓴᔅ ᑲ ᐸᒋ ᐊᔨᒧᑎᒪᑎᑯᒡ᙮

ᐊᑈᔅᑕᓇᒡ 10:45

ᐊᓐᒡ ᒪᒃ ᒍᐤ ᐃᔪᒡ ᑲ ᑕᑈᑕᒡ, ᐊᓐᒡ ᑲ ᐸᒋ ᐎᒐᐛᒡ ᐱᑕᕋ, ᒋ ᒥᔅᑲᑕᔨᑎᒥᐃᑯᐅᒡ ᒋᓴᒪᓂᑐᐛ ᐊ ᒥᔭᔨᒋ ᑲ ᐸᔭᒋᓯᔨᒋ ᐊᒐᒂ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᐊᑈᔅᑕᓇᒡ 2:17

ᐃᔅᐱ ᒪᔅᑕᔾ ᐊᑎ ᒋᓯᑲᒐ ᒪᐅ ᒐ ᐃᑐᑎᒪᓐ ᒋ ᐃᔅᒋᔄᐤ ᒋᓴᒪᓂᑐᐤ, ᒥᓯᐛ ᐊᐛᓐ ᓂᑭ ᓯᒋᓂᒧᐛᐤ ᓂᑦ ᐊᒐᒂ, ᒋᑯᓱᐛᐅᒡ ᑭᔭ ᒋᑕᓂᓱᐛᐅᒡ ᒋᑭ ᒋᔅᒋᐛᐃᒐᐅᒡ᙮ ᐅᔅᒋᓂᒋᓱᐅᒡ ᒋᑭ ᐛᐸᑎᒧᒡ ᐛᐸᑎᔨᐛᐅᓇ ᐊᑯ ᒋᓴᐃᔪᒡ ᓂᓇᐧᑯᐤ ᒋᑭ ᐃᓯ ᐳᐛᒧᐅᒡ᙮

ᐊᑈᔅᑕᓇᒡ 5:31

ᒋᓴᒪᓂᑐᐤ ᒪᒃ ᒋ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᑲᓚᓯᔭᓇ 3:14

᙭ ᒋ ᐱᔅᑎᓂᓱᐤ ᐅᔭ ᒐᒋ ᐃᑐᑐᐛᑭᓄᐅᑦ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐎᔨᐛᐤ ᒐᒋ ᒥᔅᑲᒡ ᐊᓂᔭ ᓱᐛᔨᒋᒐᐅᓂᔪᐤ ᐊᑉᕋᐊᒪ ᑲ ᐃᑕᑭᓄᔨᒋ ᒐᔅᑎᓇᔅ ᒐ ᒥᔭᑭᓄᔨᒋ᙮ ᐊᐅᒄ ᑲ ᐃᔅᐱᔨᒡ ᒐᒋ ᐊᔭᐛᐧᒄ ᐸᔭᒋ ᐊᒐᐧᒄ ᑕᑈᑎᒪᒂ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᐃᐱᓯᔭᓇ 4:8

ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᙭ ᐊ ᐊᔨᒧᒪᑭᓄᐅᑦ, ᒋ ᐅᐱᐱᔪᐤ ᐊᓐᑕ ᐃᔅ ᓇᔅᒡ ᐊ ᐃᔅᐸᔨᒡ, ᒋ ᔅᑐᑕᐊᐤ ᒪᒃ ᒥᒐᑦ ᐊᓂᔭ ᑲ ᒪᒪᒋᒂᐱᐧᑲᓱᔨᒋ᙮ ᑭᔭ ᒋ ᒥᔭᐤ ᒥᔨᐛᐅᓇ ᐃᔪᐛ᙮

ᑕᐃᑕᔅ 3:6

ᒋᓴᒪᓂᑐᐤ ᒋ ᐛᔪᒋᐱᔪᐤ ᐊ ᓯᒋᓂᒪᑕᐧᒄ ᑲ ᐸᔭᒋᓯᔨᒋ ᐊᒐᒂ ᐊᓐᑕ ᐊ ᑕᐛᐧᒄ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᐱᒪᒋᐃᐛᒥᓄᐤ ᒋᓴᔅ ᙭᙮

ᐃᑉᕈᐛ 10:12

ᒥᒄ ᒪᒃ ᐃᔅᐱᔅ ᒋᓴᔅ ᑲ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮

ᐃᑉᕈᐛ 2:9

ᒥᒄ ᒪᒃ ᒋ ᒋᔅᒐᔨᒪᓄᐤ ᐎᔾ ᒋᓴᔅ ᐊ ᐊᔭᑦ ᑎᐸᔨᒋᒐᐅᓂᔪᐤ ᒥᓯᐛ ᒐᒂᔪᐤ ᒐᒋ ᐅᒋᒪᐧᑲᑕᐧᒃ᙮ ᒋ ᐃᑐᑐᐛᑭᓄᐤ ᐛᐃᐱᔅᒋᔅ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᐅᔭ ᒪᒃ ᒋ ᐃᑐᑐᐛᑭᓄᐤ ᒐᒋ ᓂᒋᔅᑲᐧᒃ ᓂᐳᐅᓂᔪᐤ᙮ ᐊᐅᒄ ᐅᔭ ᐛᒋ ᒥᔭᑭᓄᐅᑦ ᒐᒋ ᒋᔅᑕᔨᑕᑯᓯᑦ ᑭᔭ ᒐᒋ ᐃᔅᐸᔨᑕᑯᓯᑦ ᐊᓂᔭ ᐊᒋ ᓂᒋᔅᑲᐧᒃ ᓂᓇᐧᑲᑕᔨᒧᐅᓂᔪᐤ ᐃᔅᐱ ᑲ ᓂᐸᐊᑭᓄᐅᑦ᙮ ᐊᓂᔭ ᒪᒃ ᒋᓴᒪᓂᑐᐤ ᓇᔅᒡ ᐊᒋ ᓴᒋᐊᑦ ᐊᐛᔪᐛ ᐅᑕ ᐊᔅᒋᒡ ᐊᔪᐅᒄ ᐊᓂᔭ ᐛᒋ ᓂᐱᔅᑎᒧᐛᑦ ᒋᓴᔅ ᒥᓯᐛ ᐊᐛᔪᐛ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮