ᐊᑈᔅᑕᓇᒡ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐱᑕᕐ ᒪᒃ ᒋ ᐎᒋᑲᐳᔅᑐᐛᐤ ᐊᓂᔭ ᑲ ᐸᐃᑯᓴᐳᔨᒋ ᐊᑈᔅᑕᓇ᙮ ᒂ ᐅᑎᔅᑯᑲᐳᔅᑐᐛᒡ ᐊᓂᔭᔪᐛ ᐃᔪᐛ᙮ ᐊᑯ ᐱᑕᕐ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊ ᒋᔄᐛᑦ ᐊ ᐃᔅᒋᔄᑦ, “ᒋᔭᓄᐤ ᒍᐤ ᑲ ᐃᑎᔅᑲᓇᓯᔭᐧᒄ ᑭᔭ ᒥᓯᐛ ᒋᔨᐛᐤ ᐊ ᑎᓯᔭᒄ ᐅᑕ ᒋᕈᓯᓕᒥᒡ ᑲ ᐎᒋᔭᒄ ᐃᔭᒂᐤ ᐸᒋ ᓂᑐᑐᐅᒄ ᑕᓐ ᒐ ᐃᓯ ᐎᑎᒪᑎᑯᒡ᙮ ᒋᑭ ᐎᑎᒪᑎᓇᐛᐤ ᐅ ᒐᒂᓐ ᑲ ᐃᔅᐱᔨᒡ᙮

ᐊᑈᔅᑕᓇᒡ 2:14 ပူးပေါင်းရင်းမြစ်များ

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᐊᑈᔅᑕᓇᒡ 1:26

ᐊᑯ ᒂ ᐎᔭᔨᒪᒡ ᐊᓂᔭᔪᐛ ᐊ ᓂᓯᔨᒋ ᓇᐸᐛ ᑕᓐ ᐊᓂᔭᔪᐛ ᐊᐅᒄ ᒐ ᐅᑎᓇᒡ, ᐊ ᐅᑎᓂᒺᒡ ᐅᑦ ᐃᓯᓂᐧᑲᓱᐅᓂᔪᐤ᙮ ᐊᓐ ᒪᒃ ᐊᐛᓐ ᑲ ᑕᐅᓂᑭᓄᐎᒡ ᐅᑦ ᐃᓯᓂᐧᑲᓱᐅᓐ ᐊᐅᒄ ᒪᑎᔭᔅ᙮ ᐊᐅᒄ ᒪᒃ ᐊᓐ ᑲ ᐅᑎᓇᑭᓄᐅᑦ ᐊᑈᔅᑕᓐ ᒐᒋ ᐃᑕᐱᑎᓯᑦ᙮ ᐊᑯ ᒪᒃ ᒥᓐ ᑲ ᓂᓱᓴᐳᒡ ᐊᓐᒡ ᐊᑈᔅᑕᓇᒡ᙮

ᐊᑈᔅᑕᓇᒡ 13:16

ᐊᑯ ᒪᒃ ᑈᓪ ᑲ ᐅᐱᑲᐳᐅᑦ, ᒂ ᐅᐱᓂᔅᒐᔨᑦ ᐊ ᓂᑐᐛᔨᒪᑦ ᐊᓂᔭ ᐃᔪᐛ ᒐ ᐊᑲ ᒋ ᒋᔅᑐᔨᒋ, ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᑕᐱᔅᑯᓐ ᒋᔨᐛᐤ ᒍᐤ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᓂᑐᑐᐅᒄ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᐊᑈᔅᑕᓇᒡ 21:28

ᒋ ᐃᓯ ᑕᑈᐅᒡ ᒪᒃ, “ᒋᔨᐛᐤ ᓇᐸᑐᒄ ᐃᔅᕋᐃᓪ ᑲ ᐅᒋᔭᒄ, ᐸᒋ ᐎᒋᐃᓇᓐ, ᐊᐅᒄ ᐅ ᓇᐸᐤ ᒥᓯᐛ ᑲ ᐃᑐᑕᑦ ᐊ ᒋᔅᑯᑎᒧᐛᑦ ᒥᓯᐛ ᐊᐛᔪᐛ ᒐ ᐊᑲ ᒋ ᐊᐱᑕᔨᒪᔨᒋ ᐃᔅᕋᐃᓪ ᐃᔪᐛ, ᑭᔭ ᒧᓱᓴ ᐅᐎᓱᐛᐅᓂᔪᐤ ᑭᔭ ᐅᔭ ᒋᓴᐊᔭᒥᐊᐅᒋᐛᐱᔪᐤ ᓇᒪ ᐊᐱᑕᔨᑎᒻ᙮ ᐛᐛᒡ ᑭᔭ ᒋ ᐸᒋ ᐱᑎᑲᐊᐤ ᒪᓐᑕᐛ ᐊᑲ ᒍᐤ ᐃᑎᔅᑲᓇᓯᔨᒋ ᐅᑕ ᒋᓴᐊᔭᒥᐊᐅᒋᐛᐱᒡ ᐊᓂᔭ ᒋᐸ ᐅᒋ ᐊᑲ ᐱᒐᔪᐛ ᐅᑕ᙮ ᐅᔭᔪᐤ ᒪᒃ ᑲ ᐃᑎᑦ ᓇᔅᒡ ᒪᔭᔨᑎᒻ ᐊᓂᔭ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ᙮”

ᐊᑈᔅᑕᓇᒡ 5:35

ᐊᑯ ᑲᒪᓕᔭᓪ ᒂ ᐃᑕᑦ ᐊᓂᔭᔪᐛ ᑲ ᒪᒧᐎᔨᒋ, “ᒋᔨᐛᐤ ᓇᐸᑐᒄ ᐅᑕ ᐃᔅᕋᐃᓪ ᑲ ᑕᔭᒄ, ᐃᔭᒂᒥᒄ ᑕᓐ ᐛ ᐃᑐᑐᐛᑯᒡ ᐅᒡ ᓇᐸᐅᒡ᙮

ᐊᑈᔅᑕᓇᒡ 7:2

ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?