ᐊᑈᔅᑕᓇᒡ 2:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 2:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 107:15

ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ, ᑭᔭ ᑲ ᐃᓯ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !

ᑎᐱᑦ ᐅᓂᑭᒧᐅᓇ 107:21

ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ, ᑭᔭ ᑲ ᐃᓯ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !

ᑎᐱᑦ ᐅᓂᑭᒧᐅᓇ 107:8

ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ, ᑭᔭ ᑲ ᐃᓯ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !

ᑎᐱᑦ ᐅᓂᑭᒧᐅᓇ 111:4

ᒋ ᐃᓯᓇᑯᑕᐤ ᐅᒪᒥᔅᑲᒡ-ᐃᑐᐅᓇ ᒐᒋ ᒋᔅᒋᑕᑭᓄᐎᒋ: ᑎᐸᔨᒋᒐᓱᐤ ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 136:4

ᐊᓐ ᐎᔾ ᒥᒄ ᑲ ᒪᒪᑕᐤ ᐃᔨᑎᑦ: ᐛᔅ ᐅᒋᔅᑎᒪᒐᔨᒋᒐᐅᓐ ᑲᒋᒡ ᐱᒥᐱᔪᐤ᙮

ᑎᐱᑦ ᐅᓂᑭᒧᐅᓇ 26:7

ᒐᒋ ᐎᑎᒪᓐ ᐊ ᓂᓇᔅᑯᒧᐅ-ᐸᑕᑯᓯᔭᓐ, ᑭᔭ ᒐ ᐎᑎᒪᓐ ᒥᓯᐛ ᒋᒪᒥᔅᑲᒡ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 40:5

ᒥᒐᓇ, ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋ ᒪᒥᔅᑲᒋ ᐃᑐᐅᓇ ᑲᒋ ᐃᑐᑎᒥᓐ, ᑭᔭ ᐊ ᐃᑕᔨᒥᔭᒡ; ᓇᒪᐎᔾ ᓇᔅᒡ ᒋᑭ ᒋ ᐊᒋᑕᒪᑯᐅᓐ: ᐃᔅᐱᔅ ᐎ ᐎᑎᒪᓐ ᑭᔭ ᐊᔨᒧᑎᒪᓐ, ᓇᒪᐎᔾ ᒋᑭ ᒋ ᑕᐱ ᐊᒋᑕᑭᓄᐎᔪᐛ᙮

ᑎᐱᑦ ᐅᓂᑭᒧᐅᓇ 71:17

ᐅ ᒋᓴᒪᓂᑐᐤ, ᔅᒋ ᒋᔅᑯᑎᒧᐅᓐ ᐊ ᐸᒋ ᐅᔅᒋᓂᒋᓱᔭᓐ ᐅᒡ: ᐱᐃᒻ ᐊᓄᒡ ᓂᒋ ᐎᑕᓐ ᒋᒪᒥᔅᑲᒡ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 77:11

ᓂᑭ ᒋᔅᒋᓯᑎᒺᓐ ᐅᑦ ᐊᑐᔅᒐᐅᓐ ᑎᐸᔨᒋᒐᓱᐤ; ᒐᔅᑎᓇᔅ ᓂᑭ ᒋᔅᒋᓐ ᐎᐱᒡ ᒋᒥᒪᑕᐅ-ᐃᑐᐅᓇ᙮

ᑎᐱᑦ ᐅᓂᑭᒧᐅᓇ 78:4

ᓇᒪᐎᔾ ᒋᑭ ᑲᑐᐅᒪᓄᐛ ᐅᑦ ᐊᐛᓯᒥᓱᐛᐛ, ᐊ ᐛᐸᑎᔭᐧᑯᒡ ᒐ ᐸᒋ ᐊᓂᔅᒐ ᐱᒪᑎᓯᒡ ᐅᒪᒥᒋᒥᑯᓯᐅᓂᔪᐤ ᑎᐸᔨᒋᒐᓱᐛ, ᑭᔭ ᐅᒥᔅᑯᐅᓯᐅᓂᔪᐤ, ᑭᔭ ᐅᒪᒥᔅᑲᒡ ᐊᑐᔅᒐᐅᓇ ᑲ ᐃᑐᑕᐧᒃ᙮

ᑎᐱᑦ ᐅᓂᑭᒧᐅᓇ 89:5

ᒋᓯᒂ ᑭᔭ ᒋᑭ ᒪᒥᒋᑐᑕᒧᒪᑭᓇ ᒋᒪᒥᔅᑲᒡ-ᐃᑐᐅᓇ, ᐅ ᑎᐸᔨᒋᒐᓱᐤ; ᒋᑯᐃᔅᑯᑐᐅᓐ ᐊᓯᒡ ᐅᒪᐛᒋᐃᑐᐅᓄᐛᒡ ᒋᐸᔭᒋᓯᒥᒡ᙮

ᑎᐱᑦ ᐅᓂᑭᒧᐅᓇ 96:3

ᐎᑎᒺᐧᒄ ᐅᒋᔅᑕᔨᑕᑯᓱᐅᓐ ᐊᓐᑕ ᐊ ᑕᔨᒋ ᐊᑲ ᐊᔭᒥᐊᔨᒋ, ᐅᒪᒥᔅᑲᒡ-ᐃᑐᐅᓇ ᐊᓐᑕ ᐊ ᑕᔨᒋ ᒥᓯᐛ ᐃᔪᐛ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᐊᑈᔅᑕᓇᒡ 2:10

ᐳᕆᒋᔭ, ᐸᒻᐱᓕᔭ, ᐃᒋᑉᑦ, ᑭᔭ ᓕᐱᔭ ᒥᒋᒪ ᐊᓐᑕ ᓴᐃᕆᓐ ᑲ ᑎᒂᒡ ᐅᑕᓇᐤ᙮ ᑭᔭ ᐱᔅᒐ ᐅᑕ ᐊ ᑎᓯᔭᐧᒄ ᕈᒻ ᒋ ᐅᒋᓇᓄᐤ᙮

ᐊᑈᔅᑕᓇᒡ 2:12

ᒥᓯᐛ ᒪᒃ ᒋ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ᐃᔅᐱᔨᒡ ᑭᔭ ᒋ ᐛᐛᓇᔨᑎᒥᐃᑯᐅᒡ᙮ ᒋ ᑯᒂᒋᒥᑐᐅᒡ ᒪᒃ ᐊ ᐃᑎᑐᒡ, “ᒐᒂᓐ ᐅ ᑲ ᐃᔅᐱᔨᒡ, ᑕᓐ ᐊ ᐃᑎᓇᓄᐅᒡ ᐅ ?”

ᐊᑈᔅᑕᓇᒡ 27:12

ᑭᔭ ᐊᓐᑕ ᐊᓂᔭ ᐊ ᐊᑯᑎᓂᔨᒡ ᐅᐤᑎᔪᐤ ᑲ ᑕᒡ, ᓇᒪ ᓇᔅᒡ ᐅᒋ ᒥᔽᔪᐤ ᐊ ᐱᐳᓂᔨᒡ ᐎ ᒐᒋ ᐊᑯᑎᓂᔨᒡ ᐅᐤᑎᔪᐤ᙮ ᐊᑯ ᒪᒃ ᐊᔪᐤ ᒐᑲᑦ ᒥᓯᐛ ᐊᓐᒡ ᓇᐸᐅᒡ ᒋ ᐎ ᐳᓱᐅᒡ, ᐊᓐᑕ ᐊ ᐎ ᐃᔅᒋᒪᒡ ᐱᓂᑭᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᐊᓐᑕ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᑎᒂᒡ ᐅ ᐅᑕᓇᐤ᙮ ᒋ ᒥᔽᐤ ᐊᓐᑕ ᐊ ᓇᐅᔅᑕᑭᓄᐅᒋ ᐊ ᒥᓴᔨᒋ ᐅᐤᑕ ᐊ ᐱᐳᒡ᙮ ᐅ ᒪᒃ ᐅᑕᓇᐤ ᐃᑐᐤ ᐊᓐᑕ ᐃᔅ ᓴᐅᓄᑕᒡ ᑭᔭ ᒋᐛᑎᓄᒡ ᒋ ᐃᓯ ᓄᑯᓐ᙮ ᒋ ᐃᑕᔨᑎᒧᒡ ᒪᒃ ᒐᒋ ᐅᑎᑕᐊᒡ ᐊᓂᔭ ᐅᑕᓇᔪᐤ ᐱᓂᑭᔅ ᑲ ᐃᓯᓂᐧᑲᑕᔨᒡ ᐊᓐᑕ ᒐᒋ ᐱᐳᓂᑕᒡ᙮

ᐊᑈᔅᑕᓇᒡ 27:13

ᐃᔅᐱ ᒪᒃ ᒐ ᒋᐛᔭᓯᒡ, ᐊᓐᑕ ᓴᐅᓄᒡ ᐊ ᐅᑎᓂᔨᒡ, ᐊᑯ ᒂ ᐃᑕᔨᑕᒡ ᐊᓐᒡ ᓇᐸᐅᒡ ᒥᓐ ᒐᒋ ᒋᑕᓯᒡ᙮ ᐊᑯ ᒂ ᐅᒋᐱᑕᒡ ᐊᓂᔭ ᐳᓂᓯᓇᐸᒋᑭᓂᔪᐤ ᐊᑯ ᒂ ᐊᑎ ᓯᓱᑕᐛᐊᒡ ᐊᓂᔭ ᒥᓂᔅᑎᑯᔪᐤ ᑯᕆᑦ ᑲ ᐃᓯᓂᐧᑲᑕᔨᒡ᙮

ᐊᑈᔅᑕᓇᒡ 27:7

ᒥᒐᑐᐤ ᒋᓯᑲᐛ ᒪᒃ ᐸᐧᑲᒡ ᒥᒄ ᓂᒋ ᐱᒪᔅᑎᒥᑎᓱᓇᓐ, ᓂᒋ ᐊᔨᒥᐅᓇᓐ ᐊ ᐎ ᒥᓯᑲᔭᒡ ᐊᓐᑕ ᐊᓐ ᓯᓇᐃᑕᔅ ᑲ ᐃᓯᓂᐧᑲᑕᒡ ᐅᑕᓇᐤ, ᐊᑯᑕ ᐊᓐ ᑲ ᐅᑎᒡ᙮ ᐊᑯ ᒪᒃ ᐊᓐ ᐊᓐᑕ ᐊ ᐅᑎᒡ, ᐃᔭᒡ ᑲ ᐃᑕᔅᑎᒥᑎᓱᔭᒡ᙮ ᐊᓐᑕ ᐊ ᑎᐱᓄᐛᒡ ᐊᓐ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᐃᑕᓯᔭᒡ, ᒂ ᐊᑎ ᓯᓱᑕᐛᒪᒡ ᐊᓐ ᑲ ᒥᔅᑕᐛᔭᐱᔅᑲᒡ ᓴᓪᒧᓂ ᑲ ᐃᓯᓂᐧᑲᑕᒡ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

ᑲᓚᓯᔭᓇ 1:17

ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮

ᑲᓚᓯᔭᓇ 4:25

ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮

ᑕᐃᑕᔅ 1:12

ᐛᐛᒡ ᑭᔭ ᐸᐃᒄ ᐊᓐᑕ ᐊ ᑕᒡ ᐊ ᐅᒋᔨᒋ ᑲ ᒋᔅᒋᐛᐃᒐᔨᒋ ᒋ ᐃᔅᒋᔄᔨᒐᓂ ᑎᐱᔨᐛ ᐅᑦ ᐃᔨᒪ ᐊ ᐊᔨᒧᒪᑦ, “ᒋᔨᐛᐤ ᑯᕆᑦ ᐊ ᐅᒋᔭᒄ ᒧᔅ ᒋ ᑭᑭᒋᔭᓇᐛᐤ, ᑭᔭ ᒧᔭᒻ ᒥᒋ ᐊᐛᓯᓯᒡ ᐊ ᐃᑕᔨᑕᑯᓯᔭᒄ, ᓇᔅᒡ ᐊ ᒋᑎᒥᔭᒄ ᑭᔭ ᓇᔅᒡ ᐊ ᐅᑲᓯᒋᒥᔭᒄ᙮”

ᑕᐃᑕᔅ 1:5

ᔅᒋ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ᐃᑎᑎᓐ ᒥᓯᐛ ᐊ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ᐃᑎᑕᓐ ᒋᐸ ᐃᑕᔨᑕᑯᓱᐤ ᐊᐛᓐ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮