ᐊᑈᔅᑕᓇᒡ 19:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᐊᑯ ᑎᒥᑦᕆᔭᔅ ᑭᔭ ᐊᓂᔭ ᑲ ᐎᒐᐱᑎᓯᒪᑦ ᐛᔅᑐᐛᔨᑎᒧᐛᒂ ᑎᐸᔅᑯᓂᒐᐅᒋᐛᐱᒡ ᒋᐸ ᐃᑐᑕᐅᒡ᙮ ᐛᔅ ᓴᓇᑭᓄᐤ ᐊᓐ ᑎᐸᔅᑯᓂᒐᐅᒋᐛᑉ ᑭᔭ ᑕᐅᒡ ᐊᓐᒡ ᑲᒪᑯᓄᐛᓯᒡ ᐊᑯᑕ ᒪᒃ ᐊᓐᑕ ᒋᐸ ᒪᒥᓯᒥᑐᐅᒡ᙮

ᐊᑈᔅᑕᓇᒡ 19:38 ပူးပေါင်းရင်းမြစ်များ

ᐊᑈᔅᑕᓇᒡ 13:12

ᐃᔅᐱ ᒪᒃ ᐎᔭᐸᑕᐧᒃ ᐊᓐ ᒋᓴᐅᒋᒪᐤ ᐅᔭ ᐊ ᐃᔅᐱᔨᒡ ᒋ ᑕᑈᔭᔨᒪᐤ ᐅᑎᐸᔨᒋᒐᐛ ᑭᔭ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᑲ ᐃᓯ ᐸᑕᐧᒃ ᐊ ᒋᔅᑯᑎᒪᒐᓄᐎᒡ ᐊ ᐊᔨᒧᒪᑭᓄᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 13:7

ᑭᔭ ᐅ ᐸᕐ-ᒋᓴᔅ ᒋ ᐅᐎᒐᐛᑭᓄᐤ ᐊᓂᔭ ᒋᓴᐅᒋᒪᐛ ᐊᓐᑕ ᐊᓂᔭ ᒥᓂᔅᑎᑯᔪᐤ ᑲ ᑕᔨᒋ, ᓴᕐᒋᔭᔅ ᑈᓚᔅ ᑲ ᐃᓯᓂᐧᑲᓱᔨᒋ, ᐊᒋ ᒥᔅᑎ ᐃᑈᐧᑲᔨᒋ᙮ ᐊᓐ ᒪᒃ ᒋᓴᐅᒋᒪᐤ ᒋ ᐎᓴᒪᐤ ᐸᕐᓇᐸᓴ ᑭᔭ ᓴᓚ ᐊ ᐎ ᐸᑕᐧᒃ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 13:8

ᒥᒄ ᒪᒃ ᐅ ᑲ ᒪᒥᑕᐛᑎᓯᑦ ᐸᕐ-ᒋᓴᔅ ᑲ ᐃᓯᓂᐧᑲᓱᑦ, ᐊᓕᒪᔅ ᒋ ᐃᓯᓂᐧᑲᑎᑯᐤ ᐊᓂᔭ ᑯᕆᒃ ᑲ ᐃᓯ ᐃᔨᒥᔨᒋ, ᒋ ᐎ ᑯᔅᑎᔭᐤ ᐸᕐᓇᐸᓴ ᑭᔭ ᓴᓚ ᒐᒋ ᐎᑎᒧᐛᔨᒋ ᐊᓂᔭ ᒋᓴᐅᒋᒪᐛ ᒥᔽᒋᒧᐅᓂᔪᐤ, ᐛᔅ ᓇᒪ ᐅᒋ ᓂᑐᐛᔨᒪᐤ ᒐᒋ ᑕᑈᔭᔨᒪᔨᒋ ᐅᑎᐸᔨᒋᒐᐛ ᒋᓴᓴ᙮

ᐊᑈᔅᑕᓇᒡ 18:14

ᒧᔭᒻ ᒪᒃ ᑈᓪ ᒋ ᐎ ᐃᔨᒧᐤ, ᑲᓕᐅ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑕᑈ ᑲ ᐅᓂᑐᑎᒧᒂ ᐅ ᓇᐸᐤ ᑈᓪ, ᒋᐸ ᓂᑐᑕᑎᓇᐛᐤ᙮

ᐊᑈᔅᑕᓇᒡ 19:24

ᐛᔅ ᒋ ᑕᐤ ᐸᐃᒄ ᓇᐸᐤ ᐊᓐᑕ ᐃᐱᓴᔅ, ᑎᒥᑦᕆᔭᔅ ᐊ ᐃᓯᓂᐧᑲᓱᑦ ᐊ ᐅᓯᑕᑦ ᐊᔭᐱᓯᓯᔨᒋ ᒋᓴᐊᔭᒥᐊᐅᒋᐛᐱᓴ ᐊ ᒋᔅᒋᓄᐛᐸᑕᐧᒃ ᐊᓂᔭ ᐊᓐᑕ ᒥᔭᒥᒋᒪᑭᓄᔨᒋ ᐊᓂᔭ ᒥᓂᑐᐧᑲᓂᔎᐛ ᐊᕐᑎᒥᔅ ᑲ ᐃᓯᓂᐧᑲᓱᔨᒋ᙮ ᓱᓇᔭᐱᔎ ᒋ ᐊᐱᒋᐊᐤ ᐅᔭ ᐊ ᐅᓯᑕᑦ᙮ ᒋ ᐊᑕᐛᐤ ᒪᒃ ᐊᓂᔭᔪᐛ᙮ ᒋ ᐎᒋᐃᑯᔪᐛ ᒪᒃ ᐊᓂᔭ ᑲ ᐎᒐᐱᑎᓯᒥᑯᑦ ᐊᓂᔭ ᑕᓐ ᑲ ᐃᔅᐱᔅ ᒋ ᒥᔅᑎ ᐅᓯᑕᒡ ᓱᓇᔭᔪᐤ᙮

ᐊᑈᔅᑕᓇᒡ 19:39

ᐊᑯ ᒪᒃ ᐊ ᑎᑯᓂᒂ ᒥᓐ ᒐᒂᓐ ᐊ ᐎ ᐃᔅᒋᔄᔭᒄ, ᐎᑎᒧᒄ ᐃᔅᐱ ᐊᓐᑕ ᐃᐱᓴᔅ ᒪᒧᐎᓇᓄᒐ᙮ ᐎᔨᐛᐤ ᒋᑭ ᐎᔭᔨᑎᒧᒡ ᑕᓐ ᒐ ᐃᑎᒡ᙮

1 ᑯᕆᓐᑎᔭᓇ 6:1

ᐊ ᑎᑯᓂᒂ ᐊ ᐃᑕᔨᒥᑦ ᐊᒋ ᐃᓯ ᐅᓂᑐᑕᔅᒃ ᒋᐧᑲᓂᔅ ᓇᒪ ᐎ ᐊᑲ ᒂᔅᑲᑎᓯᑦ, ᑎᐸᔅᑯᓂᒐᓱᐤ ᒋᐸ ᐅᒋ ᐃᑐᑐᐛᐤ ᒐᒋ ᐛᐛᓯᑥᑕᒄ ᐊᓂᔭ᙮ ᐃᔭᐱᒡ ᑲ ᑕᑈᑕᒡ ᐊ ᑕᒡ ᐃᑐᑕᐃ᙮