ᐊᑈᔅᑕᓇᒡ 19:35 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁵ ᒐᒃ ᒪᒃ ᐊᓐ ᐸᐃᒄ ᑲ ᓂᑲᓂᔅᑲᒐᑦ ᐊᓐᑕ ᐅᑕᓇᒡ ᒂ ᒋᐱᒋᐊᑦ ᐊ ᑕᑈᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᐃᐱᓴᔅ ᑲ ᐅᒋᔭᒄ, ᒥᓯᐛ ᐊᐛᓐ ᒋᔅᒐᔨᑎᒻ ᐊᑯᑕ ᐊᓐᑕ ᐃᐱᓴᔅ ᐊ ᑎᒂᒡ ᐊᓐ ᒋᓴᐊᔭᒥᐊᐅᒋᐛᑉ ᐊᓐᑕ ᑲᒋ ᑭᓄᐛᔨᒪᑭᓄᐅᑦ ᐊᓐ ᑲ ᒋᔅᑕᔨᑕᑯᓯᑦ ᐊᕐᑎᒥᔅ ᑭᔭ ᐊᓐ ᑲ ᒋᔅᑕᔨᒪᑭᓄᐅᑦ ᐊᓯᓂᔾ ᒋᓯᑯᒡ ᑲ ᐅᒋ ᐸᒋᓯᓂᑦ᙮

ᐊᑈᔅᑕᓇᒡ 19:35 ပူးပေါင်းရင်းမြစ်များ

ᒠᓐ 9:31

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊᑲ ᓂᑐᑐᐛᑦ ᑲ ᒥᒐᑎᓯᔨᒋ, ᓂᑐᑐᐛᐤ ᒪᒃ ᐎᔾ ᐊᓂᔭ ᐊᐛᔪᐛ ᑲ ᐅᒋᒋᐧᑯᓂᐱᔅᑕᑯᑦ ᑭᔭ ᑲ ᐃᑐᑎᒥᔨᒋ ᑕᓐ ᐊ ᐃᓯ ᓂᑐᐛᔨᒪᑦ ᒐᒋ ᐃᑐᑎᒥᔨᒋ᙮

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 19:34

ᐃᔅᐱ ᒪᒃ ᐊᓐᒡ ᐃᔪᒡ ᑲ ᒋᔅᒐᔨᒪᒡ ᒍᐤ ᐊ ᐃᑎᔅᑲᓇᓯᔨᒋ ᐊᓂᔭ ᐊᓕᒃᓴᓐᑕᕐ, ᒥᓯᐛ ᒪᒧᐤ ᒋ ᑕᑈᐅᒡ ᐊ ᐃᔅᒋᔄᒡ, “ᒋᔅᑕᔨᑕᑯᓱᐤ ᐊᕐᑎᒥᔅ ᐊᓐᑕ ᐃᐱᓴᔅ ᑲ ᑕᑦ !” ᓂᓱ ᑎᐸᐃᑭᓇ ᒪᒃ ᒋ ᐃᔅᐱᔅ ᑕᑈᐅᒡ᙮

ᐊᑈᔅᑕᓇᒡ 19:36

ᓇᒪ ᐊᐛᓐ ᒋᑭ ᒋ ᐊᓏᑎᒻ ᐅᔭ᙮ ᐳᓂᒄ ᒪᒃ ᐅ ᐊ ᐃᑎᔭᒄ ᑭᔭ ᐃᔭᒂᒥᒄ ᑕᓐ ᒐ ᐃᑎᔭᒄ᙮

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮

1 ᑎᒧᑎ 4:2

ᐊᑯ ᒪᒃ ᐊᓂᔭ ᒐ ᐃᓯ ᐛᐎᔭᓯᒧᐛᒡ ᐅᒡ ᓂᑎᒥᒄ ᐊ ᐃᓯ ᒋᔅᑯᑎᒪᒐᒡ ᐊᑯᑕ ᒐ ᐅᒋ ᐱᐸᑕᒂᒋ ᐅᔭ ᒥᒋ ᒋᔅᑯᑎᒪᒐᐅᓇ᙮ ᐅᒡ ᒪᒃ ᒐ ᐱᐸᐎᔭᓯᒧᐛᒡ ᒐᒃ ᓇᒪ ᓇᔅᒡ ᒐᒂᓂᒡ ᒋᑭ ᐅᒋ ᐃᑕᔨᑎᒥᐃᑯᐅᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ ᒐ ᐃᔅᐱᔅ ᐊᑲ ᒋᔅᒐᔨᑕᒡ ᑕᓐ ᐊᓂᔭᔪᐤ ᑕᑈᐅᓂᔪᐤ ᑭᔭ ᑕᓐ ᐊᓂᔭᔪᐤ ᐎᔭᓯᒧᐛᐅᓂᔪᐤ᙮ ᓇᒪ ᓇᔅᒡ ᒋᑭ ᐅᒋ ᐊᔨᒪᔨᑎᒧᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ᙮