ᐊᑈᔅᑕᓇᒡ 18:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᓇᔅᒡ ᒪᒃ ᒋ ᓴᐧᑯᒋᒪᐤ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᐊ ᒥᒐᑎᓇᓄᐎᒡ, ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᐊ ᐅᒋ ᐎᑎᒧᐛᑦ ᒋᓴᓴ ᐊ ᐊᐎᔨᒋ ᙭ᑕ, ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᔨᒋ᙮

ᐊᑈᔅᑕᓇᒡ 18:28 ပူးပေါင်းရင်းမြစ်များ

ᓗᒃ 1:80

ᐅ ᒪᒃ ᐊᐛᔅ ᒠᓐ ᒋ ᐊᑎ ᓱᒋᓂᑕᐅᒍᐤ ᐎᔭᒡ ᑭᔭ ᐅᑦ ᐊᒐᐧᑯᒡ᙮ ᐊᑯ ᒪᒃ ᐃᔅᐱ ᑲᒋ ᐃᓯ ᓂᑕᐅᒋᑦ ᐊᑯ ᒧᔅ ᑎᐸᓐ ᒂ ᐎᒋᑦ, ᐸᑐᔅ ᐛᑎᒋᐱᔨᒡ ᒐ ᑭᒐᔅᒋᒪᑦ ᐃᔅᕋᐃᓪ ᐃᔪᐛ᙮ ᐊᓐᑕ ᒪᒃ ᒋ ᐃᑕᐤ ᐸᐧᑯᑎᔅᑭᒥᑲᒡ ᐊᓐᑕ ᐊᑲ ᓂᑕᐅᒋᓂᔨᒡ ᒐᒂᔪᐤ᙮

ᓗᒃ 24:27

ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᐊᑈᔅᑕᓇᒡ 17:3

ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮”

ᐊᑈᔅᑕᓇᒡ 18:25

ᓇᔅᒡ ᒪᒃ ᑯᐃᔅᒄ ᒋ ᐃᓯ ᒋᔅᑯᑎᒧᐛᑭᓄᑯᐱᓇ ᐊᓂᔭ ᒪᔅᑭᓇᔪᐤ ᐅᑎᐸᔨᒋᒐᐛ ᑲ ᐃᔅᒋᔄᔨᒋ ᒐᒋ ᐃᓯ ᐱᒧᑕᓄᐎᒡ ᐊᓐᑕ ᒐᒋ ᐅᒋ ᐱᒪᒋᐅᓇᓄᐎᒡ᙮ ᑭᔭ ᓇᔅᒡ ᒋ ᓯᒋᔭᓱᐤ ᐊ ᐊᔨᒧᒪᑦ ᒋᓴᓴ ᑕᓐ ᐊᓐ ᑲ ᐃᓯ ᐸᑐᐛᑦ ᒠᓐ ᐅᓯᑲᐃᑕᒐᐛ ᐊ ᐃᓯ ᐊᔨᒧᒪᔨᒋ ᑭᔭ ᒋ ᑕᑈᐤ ᐊᓂᔭ ᑲ ᐃᓯ ᒋᔅᑯᑎᒪᒐᑦ᙮ ᒥᒄ ᒪᒃ ᓇᒪ ᐅᒋ ᒋᔅᒐᔨᒪᐤ ᑕᓐ ᑲ ᐸᒋ ᐃᔅᐱᔨᒋ ᒋᓴᓴ᙮

ᐊᑈᔅᑕᓇᒡ 18:5

ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ᐅᑐᑕᔨᒋ, ᐊᑯ ᒂ ᐳᓂᑦ ᐊᓂᔭ ᐊ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᐊᑈᔅᑕᓇᒡ 8:35

ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮

ᐊᑈᔅᑕᓇᒡ 9:22

ᓴᓪ ᒪᒃ ᐊᑐᐎᔅ ᒋ ᓱᐧᑲᑎᓯᐤ ᑕᓐ ᐊᓂᔭ ᑲ ᐃᓯ ᑭᒐᔅᒋᒧᑦ ᐊ ᐊᔨᒧᒪᑦ ᒋᓴᔅ ᑕᑈ ᐊ ᐊᐎᔨᒋ ᙭ᑕ ᐊᓂᔭᔪᐛ ᑲ ᐅᑎᓇᔨᒋ ᒋᓴᒪᓂᑐᐛ᙮ ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᑕᒪᔅᑲᓯᒡ ᑲ ᑕᒡ ᒋ ᐛᐛᓇᔨᑎᒥᐃᑯᐅᒡ, ᓇᒪ ᓇᔅᒡ ᒐᒂᔪᐤ ᒋ ᓇᓂᔎᐅᓴᐊᐅᒡ᙮