ᐊᑈᔅᑕᓇᒡ 18:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒍᐤ ᐃᔪᐤ ᐊᐳᓚᔅ ᐊ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᑦ ᒋ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ᑭᔅᒋᐅᐤ ᐅ ᓇᐸᐤ ᐊ ᐃᔨᒥᑦ, ᑭᔭ ᒋ ᒥᔪ ᒋᔅᒐᔨᑎᒻ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 18:24 ပူးပေါင်းရင်းမြစ်များ

ᐊᒃᓱᑕᔅ 4:10

ᒧᓱᔅ ᒂ ᐃᑕᑦ ᑎᐸᔨᒋᒐᓱᐛ, “ᑎᐸᔨᒋᒐᓱᐤ, ᓇᒪ ᓇᔅᒡ ᓂ ᑭᔅᒋᑕᓐ ᐊᔨᒥᔭᓐ᙮ ᓇᒪ ᓂ ᐅᒋ ᑭᔅᒋᑕᓐ ᐊᔨᒥᔭᓐ ᐊᒺᔭ ᐅᒋ ᐃᔨᒥᔨᓐ, ᑭᔭ ᐊᓄᒡ ᓇᒪ ᓂᑭᔅᒋᑕᓐ᙮ ᒋᒋᐛ ᐸᑎᐧᑲᒡ ᓂᑦ ᐃᔨᒥᓐ ᐊ ᐃᔨᒥᔭᓂ ᑭᔭ ᓂᑦ ᐊᔨᒥᐃᑯᓐ ᐛ ᐃᔨᒥᔭᓂ᙮”

ᒪᑎᔪᐤ 13:52

ᐊᑯ ᐊᑕᑦ, “ᒥᓯᐛ ᐊᓐᒡ ᑲ ᒋᔅᒐᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᑲ ᒋᔅᑯᑎᒧᐛᑭᓄᐎᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ ᑕᓐ ᐊ ᐃᑕᔨᑕᑯᓂᔨᒡ ᒧᔭᒻ ᐊᐛᓐ ᑲ ᑎᐱᔨᐛᐅᓯᑦ ᐊᔅᑕᓱᐅᒋᐛᐱᔪᐤ ᐊ ᑭᓄᐛᔨᑕᐧᒃ ᒐᒂᔪᐤ ᑕᐱᔅᑯᓐ ᐊ ᒥᔽᔨᒋ ᑭᔭ ᐊ ᒋᓴᔭᓯᓇᑯᓂᔨᒋ ᑭᔭ ᐊ ᐅᔅᑲᔨᒋ᙮ ᑕᐱᔅᑯᓐ ᒪᒃ ᐊ ᒥᔪ ᐊᐱᒋᑕᑦ᙮”

ᓗᒃ 24:19

ᐊᑯ ᑲ ᑯᒂᒋᒥᑯᒡ, “ᒐᒂᔪᐛ ᒪᒃ ᐊᓂᔭ ᑲ ᐃᔅᐱᔨᒋ ?” ᐊᑯ ᒂ ᑎᐸᒋᒧᔅᑐᐛᒡ, “ᒥᓯᐛ ᑕᓐ ᑲ ᐃᑐᑐᐛᑭᓄᔨᒋ ᒋᓴᓴ, ᓇᓴᕆᑎᒡ ᑲ ᐅᒋᔨᒋ,” ᐊ ᐃᑕᒡ᙮ “ᐅ ᒋᓴᔅ ᒋ ᐅᒋᔅᒋᐛᐃᒐᓱᐤ᙮ ᒋᓴᒪᓂᑐᐛ ᑭᔭ ᐊᓂᔭ ᐃᔪᐛ ᒋ ᐃᑕᔨᑎᒥᔪᐛ ᒥᓯᐛ ᐊᓂᔭ ᒐᒂᔪᐛ ᑲ ᐃᑐᑕᐧᒃ ᑭᔭ ᐊᓂᔭ ᑲ ᐃᓯ ᐎᑕᐧᒃ ᓇᔅᒡ ᐊᒋ ᓱᒐᔨᑕᑯᓂᔨᒋ᙮

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᐊᑈᔅᑕᓇᒡ 18:28

ᓇᔅᒡ ᒪᒃ ᒋ ᓴᐧᑯᒋᒪᐤ ᐊᓂᔭᔪᐛ ᒍᐤ ᐃᔪᐛ ᐊᓐᑕ ᐊ ᒥᒐᑎᓇᓄᐎᒡ, ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ ᐊ ᐅᒋ ᐎᑎᒧᐛᑦ ᒋᓴᓴ ᐊ ᐊᐎᔨᒋ ᙭ᑕ, ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᔨᒋ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 27:6

ᐅᑕ ᒪᒃ ᐅᔭ ᐅᑕᓇᔪᐤ ᐊᑯᑕ ᑲ ᒥᔅᑲᐧᒃ ᐊᓐ ᐊᓯᒪᑭᓂᓯᐤ ᐅᒋᒪᐤ ᐅᐤᑎᔪᐤ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᐱᔨᒡ, ᐊᓐᑕ ᐃᑕᓕ ᐊ ᐃᔅᐱᔨᒡ, ᐊᑯᑕ ᒪᒃ ᐊᓐ ᒂ ᐳᓯᐃᑯᐅᔭᒡ᙮

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮

ᐊᑈᔅᑕᓇᒡ 7:22

ᒥᓯᐛ ᒪᒃ ᒋ ᐃᓯ ᒋᔅᑯᑎᒧᐛᑭᓄᐤ ᒧᓱᔅ ᐃᒋᑉᑦ ᐃᔪᐛ ᐅᑭᒐᑕᐛᔨᑎᒧᐅᓂᔪᐤ᙮ ᐛᐛᒡ ᓇᔅᒡ ᒋ ᑭᔅᒋᐅᐤ ᐊ ᐃᔨᒥᑦ ᑭᔭ ᒐᒂᔪᐤ ᐊ ᐃᑎᑦ᙮”

1 ᑯᕆᓐᑎᔭᓇ 1:12

ᔅᒋ ᐃᑕᒋᒥᑯᐛᐅᒡ ᐱᔅᒐ ᐊᓐᑕ ᐊ ᑎᓯᔭᒄ ᐊ ᑕᒡ ᐊ ᐃᔅᒋᔄᔭᒄ, “ᓂᔾ ᑈᓪ ᐊ ᓇᓴᐎᔭᒄ,” ᐊᑯ ᑯᑎᑭᒡ ᐊᓐᑕ ᒪᒂᒡ ᐊ ᑕᐛᒄ ᐊ ᑕᒡ ᐊ ᐃᔅᒋᔄᒡ, ᐊᐳᓚᓴ ᐊ ᓇᓴᐛᒡ, ᐊᑯ ᑯᑎᑭᒡ ᐊ ᐃᔅᒋᔄᒡ, ᐱᑕᕋ ᐊ ᓇᓴᐛᒡ, ᐊᑯ ᒥᓐ ᑯᑎᑭᒡ ᐊ ᐃᔅᒋᔄᒡ, ᙭ᑕ ᐊ ᓇᓴᐛᒡ᙮

1 ᑯᕆᓐᑎᔭᓇ 16:12

ᐊᑯ ᒪᒃ ᒋᐧᑲᓂᓴᓄᐤ ᐊᐳᓚᔅ ᒐ ᐊᔨᒧᒥᒃ᙮ ᒧᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ ᐃᔅᐱ ᑲ ᒧᐱᔅᑕᑎᑕᑯ ᐊᓂᔭᔪᐛ ᑯᑎᑲ ᒋᐧᑲᓂᓱᓄᐛ᙮ ᓇᒪ ᐅᒋ ᐎ ᐃᑐᑕᐤ ᐊᓄᒡ ᐎᔾ᙮ ᐎᐱᒡ ᑭᑈ ᓇᐃᐱᔨᒐ ᒋᑭ ᓂᑐᐛᐱᒥᑯᐛᐤ᙮

1 ᑯᕆᓐᑎᔭᓇ 4:6

ᒥᓯᐛ ᐅ ᑲ ᐸᒋ ᐃᔅᒋᔄᔭᓐ ᓂᔾ ᓂᒋ ᐊᔨᒧᒥᓱᓐ ᑭᔭ ᐊᐳᓚᔅ ᓂᒋ ᐊᔨᒧᒪᐤ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᒋᔨᐛᐤ ᓂᐧᑲᓂᓯᑐᒄ ᒥᒄ ᑕᓐ ᐊᑎᔅᑕᒡ ᒥᓯᓇᐃᑭᓂᒡ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᐃᑎᔅᑕᐤ ᐊᑲ ᐊᐛᓐ ᐃᐛᒃ ᒐᒋ ᐃᑕᔨᒪᑦ ᐸᐃᒄ ᐊᐛᔪᐛ ᑕᓐ ᐊ ᐃᑕᔨᒪᑦ ᑯᑎᑲ ᐊᐛᔪᐛ᙮

2 ᑯᕆᓐᑎᔭᓇ 10:10

ᐱᔅᒐ ᐛᔅ ᐊᐛᓐᒋ ᐃᔅᒋᔄᐅᒡ, “ᓇᔅᒡ ᑕᑈ ᓱᒋᑕᑯᓂᔪᐤ ᑕᓐ ᐊ ᐃᑎᓯᓇᐃᒐᑦ ᑈᓪ᙮ ᒧᒡ ᒪᒃ ᐊ ᑕᑦ ᐅᑕ ᓇᔅᒡ ᑕᑈ ᐃᔨᔨᒥᓯᐛᔨᑕᑯᓱᐤ᙮ ᑭᔭ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ ᑕᓐ ᐊ ᐃᔅᒋᔄᑦ᙮”

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

ᑕᐃᑕᔅ 3:13

ᒋᑭ ᔅᑐᑕᐅᒡ ᐊᓐᒡ ᑎᐸᔅᑯᓂᒐᓱᐤ ᓯᓇᔅ ᑭᔭ ᐊᐳᓚᔅ᙮ ᓱᒃ ᒐ ᑯᒋᑕᔨᓐ ᒐᒋ ᐎᒋᐃᑥᐤ ᐊ ᐊᔭᔅᑯᐎᒡ, ᒐ ᓂᑐ ᒋᔅᒐᔨᒥᑥᐤ ᒥᓯᐛ ᒐᒂᔪᐤ ᒐᒋ ᐊᔭᒡ ᑕᓐ ᒐ ᐃᓯ ᓂᑐᐛᔨᑕᒡ᙮