ᐊᑈᔅᑕᓇᒡ 16:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᑎᐛᒡ ᒪᒃ, ᐊᑎ ᐊ ᒪᒂᑎᐱᔅᑲᔨᒡ, ᐊᓐ ᑲ ᓂᓇᑭᑐᐛᔨᑕᐧᒃ ᐊᓂᔭ ᑲᒪᑯᓄᐛᓯᐅᒋᐛᐱᔪᐤ ᒋ ᐎᐎᑕᐊᐤ ᑈᓚ ᑭᔭ ᓴᓂᓴ ᐊᑯ ᑲ ᒋᔅᑕᐸᐅᑕᐛᑦ ᐊᓐᑕ ᑲ ᐸᐱᓯᔅᑕᐛᑭᓄᔨᒋ᙮ ᐊᑯ ᑎᐛᒡ ᐎᔾ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᑲ ᓯᑲᐃᑐᐛᑭᓄᐅᒡ᙮

ᐊᑈᔅᑕᓇᒡ 16:33 ပူးပေါင်းရင်းမြစ်များ

ᒪᑎᔪᐤ 3:6

ᒧᓴ ᒋ ᐎᑎᒧᒡ ᑕᓐ ᑲ ᐃᓯ ᒥᒋᑐᑎᒧᐛᒂ ᑭᔭ ᒂ ᓯᑲᐃᑕᑯᒡ ᒠᓇ ᐊᓐᑕ ᒠᕐᑕᓐ ᓯᐱᒡ᙮

ᓗᒃ 19:9

ᒋᓴᔅ ᒪᒃ ᒋ ᐃᑕᐤ, “ᐊᓄᒡ ᐅ ᒐᓯᑲᒡ ᒥᓯᐛ ᐃᔪᒡ ᑲ ᐎᒋᒡ ᐅᑕ ᒋᒋᒡ ᐱᒪᒋᐊᑭᓄᐅᒡ᙮ ᒋᔾ ᒪᒃ ᓴᑭᔭᔅ ᑭᔭ ᒋᔾ ᒋᑦ ᐃᑎᔅᑲᓇᓯᓐ ᐊᓐᑕ ᐊᑉᕋᐊᒻ ᐊ ᑕᑦ᙮

ᐊᑈᔅᑕᓇᒡ 16:15

ᒋ ᓯᑲᐃᑐᐛᑭᓄᐤ ᒪᒃ ᓕᑎᔭ ᑭᔭ ᒥᓯᐛ ᐊᓐᑕ ᐎᒋᒡ ᑲ ᐎᒋᒥᑯᑦ᙮ ᐊᑯ ᒂ ᐎᓴᒥᔨᒥᒡ ᐊᓐᑕ ᐎᒋᒡ ᒐᒋ ᐎᒋᒥᒋᑦ ᐊ ᐃᑎᑯᔭᒡ, “ᒋᔭᔅᑎᓇᐅᐛᒂ ᐊ ᑕᑈᔭᔨᒥᒃ ᐅᑎᐸᔨᒋᒐᐤ, ᐸᒋ ᐱᒐᒄ ᓂᒋᒡ ᐊᓐᑕ ᒐ ᑕᔭᒄ᙮” ᓂᒋ ᓴᐧᑯᒋᒥᑯᓇᓐ ᒪᒃ᙮

ᐊᑈᔅᑕᓇᒡ 16:23

ᐃᔅᐱ ᒪᒃ ᑲᒋ ᐃᓯ ᒥᔅᑎ ᐸᐱᓯᔅᑕᐛᑭᓄᐎᒡ ᐊᑯ ᑲ ᐱᑎᑲᐊᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᑲ ᐃᑎᓱᒪᑭᓄᐅᑦ ᐊᓐ ᑲ ᓂᓇᑭᑐᐛᔨᑕᐧᒃ ᑲᒪᑯᓄᐛᓯᐅᒋᐛᐱᔪᐤ ᐃᔭᒂ ᐅᔭ ᒐᒋ ᓂᓇᑭᑐᐛᔨᒪᑦ᙮

ᐊᑈᔅᑕᓇᒡ 16:25

ᒐᑲᑦ ᒋ ᐊᐱᑕᑎᐱᔅᑲᔨᒐ ᐊᑯ ᑲ ᐊᔭᒥᐊᒡ ᑈᓪ ᑭᔭ ᓴᓂᔅ ᑭᔭ ᐊ ᓂᑭᒧᔅᑐᐛᒡ ᒋᓴᒪᓂᑐᐛ, ᐊᓐᒡ ᒪᒃ ᑯᑎᑭᒡ ᑲ ᒪᑯᓇᑭᓄᐅᒡ ᒥᒄ ᒋ ᓂᑐᑐᐛᐅᒡ᙮

ᐊᑈᔅᑕᓇᒡ 16:32

ᒋ ᐊᔨᒧᑎᒧᐛᐤ ᒪᒃ ᐊᓂᔭ ᓇᐸᐛ ᐅᑎᐸᔨᒋᒐᐛ ᐅᑦ ᐃᔨᒧᐅᓂᔪᐤ ᑭᔭ ᒥᓯᐛ ᐊ ᐃᑎᓯᔨᒋ ᐊᐛᔪᐛ ᐊᓐᑕ ᐎᒋᔨᒡ ᑲ ᑕᔨᒋ᙮

1 ᑯᕆᓐᑎᔭᓇ 1:16

ᓂ ᒋᔅᒋᓯᓐ ᑭᔭ ᔅᑎᐸᓇᔅ ᐊᒋ ᓯᑲᐃᑐᐅᒃ ᑭᔭ ᐊᓂᔭᔪᐛ ᐊᓐᑕ ᐊ ᑕᑦ ᑲ ᐎᒋᒥᑯᑦ ᓂᒋ ᓯᑲᐃᑐᐅᒪᐛ᙮ ᓇᒪ ᒪᒃ ᒥᓐ ᑯᑎᒃ ᐊᐛᓐ ᓂ ᒋᔅᒋᓯᓐ ᒐᒋ ᓯᑲᐃᑐᐅᒃ᙮

ᑲᓚᓯᔭᓇ 5:13

ᓂᐧᑲᓂᓯᑐᒄ᙮ ᔅᒋ ᐃᑕᔨᒥᑯᓇᐛᐤ ᒐᒋ ᐎᐧᑯᒋᐃᑯᔭᒄ ᑕᓐ ᐊ ᐃᓯ ᒪᒋᒂᐱᐧᑲᓱᔭᒄ᙮ ᐊᑲᐎᔾ ᒥᒄ ᒋᑭ ᐎᐅᓂᑕᓇᐛᐤ ᐅ ᐊᒋ ᐎᐧᑯᒋᐃᑯᔭᒄ ᒐᒋ ᐱᔅᑎᒪᒄ ᒐᒋ ᒥᒋᑐᑎᒪᒄ᙮ ᐃᔭᐱᒡ ᒋᐸ ᐛᐎᒋᐃᑐᓇᐛᐤ ᐊ ᓴᒋᐃᑐᔭᒄ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

1 ᐱᑕᕐ 3:21

ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮