ᐊᑈᔅᑕᓇᒡ 14:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐱᔅᒐ ᒍᐤ ᐃᔪᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ᐅᑐᑕᐅᒡ, ᐊᑯ ᑲ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ᓂᐸᐊᒡ ᑈᓚ᙮ ᐊᑯ ᑲ ᐸᐱᒧᓯᓇᑕᐛᒡ ᐊᑯ ᑲ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ᐃᑕᔨᒪᒡ ᐊ ᓂᐱᔨᒋ ᐊᓂᔭ ᑈᓚ᙮

ᐊᑈᔅᑕᓇᒡ 14:19 ပူးပေါင်းရင်းမြစ်များ

ᐊᑈᔅᑕᓇᒡ 13:14

ᐊᑯ ᒥᓐ ᐊᓐᑎᔭᑭᒡ ᒂ ᐃᑐᑕᒡ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ ᐅᑕᓇᐤ᙮ ᑲ ᐊᔭᒥᐊᐅᒋᓯᑲᔨᒡ ᒪᒃ ᒋ ᐱᒐᐅᒡ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊᑯ ᒂ ᐊᐱᒡ ᐊᓐᑕ᙮

ᐊᑈᔅᑕᓇᒡ 13:45

ᐃᔅᐱ ᒪᒃ ᐊᓐᒡ ᒍᐤ ᐃᔪᒡ ᐎᔭᐱᒪᒡ ᐊᓂᔭ ᒥᒐᑦ ᐃᔪᐛ ᐊ ᐎ ᓂᑐᑎᒥᔨᒋ, ᓇᔅᒡ ᒋ ᐅᑕᔨᑎᒧᒡ᙮ ᒋ ᐎ ᓂᔅᑯᔅᑐᐛᐅᒡ ᑕᓐ ᑲ ᐃᔅᒋᔄᔨᒋ ᑈᓚ ᑭᔭ ᒋ ᒪᔭᔨᒪᐅᒡ᙮

ᐊᑈᔅᑕᓇᒡ 14:1

ᐃᔅᐱ ᑲ ᑎᑯᓯᒡ ᐊᓐᑕ ᐊᐃᑯᓂᔭᒥᒡ, ᑈᓪ ᑭᔭ ᐸᕐᓇᐸᔅ ᒋ ᐱᒐᐅᒡ ᐊᓐᑕ ᐊᔭᒥᐊᐅᒋᐛᐱᒡ, ᑭᔭ ᐊᓂᔭ ᑲ ᐃᔅᐱᔅ ᒋ ᓱᒋᑕᑯᓯᒡ ᐊ ᑭᒐᔅᒋᒧᒡ ᒥᒐᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 14:18

ᐊᑎ ᒪᒃ ᐅᔭ ᐊᒋ ᐃᓯ ᐎᑎᒧᐛᑭᓄᐎᒡ ᐅᒡ ᐃᔪᒡ ᐃᔭᐱᒡ ᒋ ᐎ ᓂᐸᐊᐅᒡ ᒥᔅᑐᓴ ᒐᒋ ᒥᑐᔅᑕᐊᒧᐛᒡ ᐊᓂᔭ ᐊᑈᔅᑕᓇ᙮ ᒐᒃ ᒪᒃ ᑲ ᓴᐧᑯᒋᒥᑯᒡ ᐊᓂᔭ ᐊᑈᔅᑕᓇ ᒐ ᐊᑲ ᒋ ᐃᑐᑕᒡ ᐅᔭ᙮

ᐊᑈᔅᑕᓇᒡ 14:2

ᐊᑯ ᐊᓐᒡ ᒍᐤ ᐃᔪᒡ ᐊᑲ ᑕᑈᑕᒡ, ᒋ ᐃᑐᑐᐛᐅᒡ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒥᒋᐱᔭᐊᔨᒋ ᐊᓂᔭᔪᐛ ᐎᐧᑲᓂᓯᒪᐛ᙮

ᐊᑈᔅᑕᓇᒡ 14:21

ᑈᓪ ᑭᔭ ᐸᕐᓇᐸᔅ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᑎᕐᐱ, ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒪᔪᐛ ᒋᓴᓴ᙮ ᐊᑯ ᒥᓐ ᑲᐤ ᐊᓐᑕ ᓕᔅᑐᕋ ᒂ ᐃᑐᑕᒡ, ᒥᓐ ᐊᓐᑕ ᐊᐃᑯᓂᔭᒥᒡ, ᐊᑯ ᒥᓐ ᐊᓐᑕ ᐊᓐᑎᔭᑭᒡ᙮

ᐊᑈᔅᑕᓇᒡ 14:26

ᐊᑯᑕ ᒪᒃ ᐊᓐᑕ ᐅᒋ ᑲᐤ ᒂ ᐃᔅᒋᒪᒡ ᐊᓐᑕ ᐊᓐᑎᔭᑭᒡ, ᐊᓐᑕ ᑲ ᐅᒋ ᒋᑎᓴᐛᑭᓄᐎᒡ ᑭᔭ ᑲ ᒋᔅᑕᒡ ᐊᓂᔭ ᐊᑐᔅᒐᐅᓂᔪᐤ ᑲ ᐃᑎᓱᒪᑭᓄᐎᒡ ᒐᒋ ᐃᑐᑕᒡ᙮ ᐊᔅᒄ ᒪᒃ ᐊᑲ ᐅᒋ ᔅᑐᑕᒡ ᐊᓐᑎᔭᑭᒡ ᐅᒋ, ᒋ ᐊᔭᒥᐊᔅᑎᒪᑯᐅᒡ ᐃᔪᐛ ᒐᒋ ᓱᐛᔨᒥᑯᒡ ᒋᓴᒪᓂᑐᐛ ᒪᒂᒡ ᐊ ᐊᑐᔅᒐᔅᑐᐛᒡ᙮

ᐊᑈᔅᑕᓇᒡ 14:4

ᐊᑯ ᒪᒃ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑎᐸᓂᐃᑐᐅᒡ, ᐱᔅᒐ ᒋ ᑕᑈᑐᐛᐅᒡ ᐊᓂᔭ ᑈᓚ ᑭᔭ ᐸᕐᓇᐸᓴ, ᐊᑯ ᑯᑎᑭᒡ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᑐᐛᒡ᙮

ᐊᑈᔅᑕᓇᒡ 14:5

ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐊᓐᒡ ᒍᐤ ᐃᔪᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᒋ ᑯᒂᑕᔨᒪᐅᒡ ᒐᒋ ᓂᓇᐧᑲᒋᐊᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᑭᔭ ᒐᒋ ᓂᐸᐊᒡ ᐊ ᐸᐱᒧᓯᓇᑕᐛᒡ᙮

ᐊᑈᔅᑕᓇᒡ 15:26

ᐅᒡ ᒪᒃ ᑈᓪ ᑭᔭ ᐸᕐᓇᐸᔅ, ᐊᑎ ᒥᒐᑥᐤ ᐊᒋ ᓂᓇᐧᑲᒋᐊᑭᓄᐎᒡ ᑭᔭ ᒐᑲᑦ ᐊᒋ ᓂᐸᐊᑭᓄᐎᒡ, ᓇᒪ ᐃᔭᐱᒡ ᐅᒋ ᐳᓂᔪᒡ ᐊ ᐊᑐᔅᑯᐛᒡ ᐅᑎᐸᔨᒋᒐᐛ ᒋᓴᔅ ᙭ᑕ᙮

ᐊᑈᔅᑕᓇᒡ 17:13

ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ᑕᒡ ᑈᓚ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ᐃᑐᑕᐅᒡ ᐊᓐᑕ, ᒂ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮

ᐊᑈᔅᑕᓇᒡ 22:20

ᑭᔭ ᐃᔅᐱ ᑲ ᓂᐸᐊᑭᓄᐅᑦ ᔅᑎᐱᓐ ᐊᓂᔭ ᐊ ᑎᐸᒋᒥᔅᒃ ᐅᒋ, ᑭᔭ ᓂᔾ ᓂᒋ ᑕᓐ ᐊᓐᑕ᙮ ᓂᒋ ᓇᐊᔨᑕᓐ ᐊᓂᔭ ᐊᒋ ᐃᑐᑐᐛᑭᓄᐅᑦ ᑭᔭ ᓂᒋ ᑭᓄᐛᔨᑎᒺᓐ ᐅᑦ ᐊᑯᐳᐛᐛ ᐊᓐᒡ ᑲ ᓂᐸᐊᒡ ᔅᑎᐱᓇ᙮’ ”

ᐊᑈᔅᑕᓇᒡ 7:58

ᐊᑯ ᒂ ᐎᐎᑎᓴᐛᒡ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᒂ ᐎ ᓂᐸᐊᒡ ᐊ ᐸᐱᐳᒧᓯᓇᑕᐛᒡ᙮ ᐊᓐᒡ ᒪᒃ ᑲ ᐸᑐᐛᒡ ᑕᓐ ᑲ ᐃᔅᒋᔄᔨᒋ ᔅᑎᐱᓇ ᒋ ᓂᑭᑎᒧᒡ ᐅᑦ ᐊᑯᐳᐛᐛ ᒐᒋ ᓇᑭᑐᐛᐸᑎᒥᔨᒋ ᐅᔅᒋᓂᒋᓱᐛ ᓴᓪ ᐊ ᐃᓯᓂᐧᑲᓱᔨᒋ᙮

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

1 ᑯᕆᓐᑎᔭᓇ 15:31

ᓂᐧᑲᓂᓯᑐᒄ, ᐊᓯᑯᒻ ᒋᓯᑲᐛ ᓂ ᐸᓱᐛᐸᑕᓐ ᓂᐳᐅᓐ᙮ ᐊᓐ ᐊ ᐃᓯ ᒪᒥᒋᐃᔭᒄ ᑕᐱᔅᑯᓐ ᐊ ᐎᒐᐅᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋᐱᔨᒡ ᐅ ᒐᒋ ᐃᔅᒋᔄᔭᓐ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 11:25

ᓂᔍᐤ ᓂᒋ ᐛᐛᓯᐃᑯᐅᓐ ᐃᓴᒂ ᐊ ᐅᑎᑕᒧᐅᑯᔭᓐ᙮ ᐸᐃᒂᐤ ᓂᒋ ᐸᐱᒧᓯᓇᑕᐅᑯᐅᓐ ᐊ ᐎ ᓂᐸᐃᑯᐅᔭᓐ᙮ ᓂᔍᐤ ᓂᒋ ᑕᓐ ᐊ ᑯᓴᐸᒡ ᐊ ᒥᓴᒡ ᐅᐤᑦ᙮ ᐸᐃᒂᐤ, ᐸᐃᒄ ᒋᓯᑲᐛ ᒪᒃ ᐸᐃᒄ ᑎᐱᔅᑲᐛ ᒧᓴ ᓂᒋ ᐱᐸᒪᐅᑯᐅᓐ ᐎᓂᐸᑯᒡ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮

1 ᑕᓴᓗᓂᔭᓇ 2:14

ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ᐃᔅᐱᔨᔭᒄ ᑕᓐ ᑲ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᔨᒋ, ᐊᓐᒡ ᙭ᑕ ᑲ ᐎ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮