ᐊᑈᔅᑕᓇᒡ 14:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ “ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᐊᑈᔅᑕᓇᒡ 14:15 ပူးပေါင်းရင်းမြစ်များ

ᒐᓂᓯᔅ 1:1

ᓂᔅᑎᒻ ᒋᓴᒪᓂᑐᐤ ᒋ ᐅᓯᑕᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᒐᓂᓯᔅ 41:16

ᐊᑯ ᒍᓯᑉ ᐊᑕᑦ, “ᓇᒪᔭᐤ ᓂᔾ ᐊ ᐃᑐᑎᒪᓐ, ᒥᒄ ᒋᓴᒪᓂᑐᐤ ᒋᑭ ᒥᔭᐤ ᒋᓴᐅᒋᒪᐛ ᐊ ᒥᔽᔨᒡ ᐎᑎᒪᒐᐅᓂᔪᐤ᙮”

ᑎᐱᑦ ᐅᓂᑭᒧᐅᓇ 115:15

ᒋ ᒥᔽᒋᒥᑯᐛᐤ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 124:8

ᒋ ᐎᒋᐃᑯᓯᐅᓄᐤ ᑎᑯᓂᔪᐤ ᐅᑦ ᐃᓯᓂᐧᑲᓱᐅᓂᒡ ᑎᐸᔨᒋᒐᓱᐤ, ᑲᒋ ᐅᓯᑕᑦ ᒋᒋᒋᓯᑯᔪᐤ ᑭᔭ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 31:6

ᓂᒋ ᐛᐧᑲᑕᐅᒡ ᐊᓐᒡ ᑲ ᐃᔭᐱᑕᔨᑕᒡ ᓂᑐᐎᔾ ᒐᒂᓇ: ᒪᒃ ᓂ ᒪᒥᓯᑐᑐᐛᐤ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 33:6

ᐅᑦ ᐃᔨᒧᐅᓂᒡ ᐅᒋ ᑎᐸᔨᒋᒐᓱᐤ ᒋᓯᒂ ᒋ ᐅᓯᑕᑭᓄᐎᔪᐛ: ᑭᔭ ᒥᓯᐛ ᐊ ᐃᑕᑎᓂᔨᒋ ᐅᑐᓂᒡ ᐊ ᐅᒋ ᔭᔭᑐᑕᐧᒃ᙮

ᐊᒃᓱᑕᔅ 20:11

ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ᑎᑯᓂᔨᒡ, ᒋ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ᒋᓯᑲᔨᒡ, ᑭᔭ ᐛᒋ ᐸᔭᒋ ᒋᓯᑲᒐᑕᒧᑯᐱᓇ᙮

ᒪᑎᔪᐤ 16:16

ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”

ᒠᓐ 5:26

ᐛᔅ ᐎᔾ ᐅᑕᐎᒪᐤ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᒥᔭᐤ ᒪᒃ ᐅᑯᓯᓯᒪᐛ ᑭᔭ ᐎᔾ ᐊ ᑕᔨᒋ ᒐᒋ ᐅᒋᐱᔨᒡ ᐱᒪᑎᓯᐅᓂᔪᐤ᙮

ᒠᓐ 7:18

ᐊᓐ ᐊᐛᓐ ᒥᒄ ᐎᔾ ᑕᓐ ᐊ ᐃᑕᔨᑕᐧᒃ ᑲ ᐃᓯ ᐎᑕᐧᒃ ᒐᒂᔪᐤ, ᓂᑐᐛᔨᑎᒻ ᐎᔾ ᒐᒋ ᒋᔅᑕᔨᒪᑭᓄᐅᑦ᙮ ᐊᑯ ᐊᓐ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᒋᔅᑕᔨᒪᑭᓄᔨᒋ ᐊᓂᔭ ᑲ ᐸᒋ ᐃᑎᓴᐅᑯᑦ ᑯᐃᔅᒄ ᐃᑐᐤ ᑭᔭ ᓇᒪ ᓇᔅᒡ ᑎᑯᓂᔪᐤ ᐎᔭᓯᐃᐛᐅᓂᔪᐤ ᐊᓐᑕ ᐊ ᑕᑦ᙮

ᐊᑈᔅᑕᓇᒡ 10:26

ᒥᒄ ᒪᒃ ᐱᑕᕐ ᒋ ᐱᓯᑯᓇᐤ ᐊ ᐃᑕᑦ, “ᐱᓯᑯ, ᒥᒄ ᐛᔅ ᐊᓐ ᓇᐸᐤ ᑭᔭ ᓂᔾ᙮”

ᐊᑈᔅᑕᓇᒡ 13:32

“ᓂᔭᓐ ᒪᒃ ᒋ ᐸᒋ ᑎᐸᒋᒧᔅᑕᑎᓇᓐ ᒥᔽᒋᒧᐅᓐ ᐊᐅᒄ ᐅ ᓴᔅ ᐊ ᑎᐱᐱᔨᒡ ᐊᓂᔭ ᒋᓴᒪᓂᑐᐤ ᑕᓐ ᑲ ᐃᑕᑦ ᐊᓂᔭᐧᑲ ᒋᐧᑲᓂᓯᓄᐛ ᒐᔅᑎᓇᔅ ᒐ ᐃᑐᑕᐧᒃ᙮

ᐊᑈᔅᑕᓇᒡ 14:21

ᑈᓪ ᑭᔭ ᐸᕐᓇᐸᔅ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᑎᕐᐱ, ᒥᒐᑦ ᒪᒃ ᐊᐛᔪᐛ ᒋ ᑕᑈᔭᔨᒪᔪᐛ ᒋᓴᓴ᙮ ᐊᑯ ᒥᓐ ᑲᐤ ᐊᓐᑕ ᓕᔅᑐᕋ ᒂ ᐃᑐᑕᒡ, ᒥᓐ ᐊᓐᑕ ᐊᐃᑯᓂᔭᒥᒡ, ᐊᑯ ᒥᓐ ᐊᓐᑕ ᐊᓐᑎᔭᑭᒡ᙮

ᐊᑈᔅᑕᓇᒡ 14:7

ᐊᑯᑕ ᐊᓐᑕ ᑲ ᐛᐎᑕᒡ ᐅᔭ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 16:30

ᐊᑯ ᒂ ᐎᐎᑕᐊᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒋ, ᒂ ᐃᑕᑦ, “ᒋᔨᐛᐤ ᓇᐸᑐᒄ, ᐸᒋ ᐎᑎᒧᐅᒄ ᑕᓐ ᒐ ᐃᑎᔭᓐ ᐊ ᐎ ᐱᒪᒋᐅᔭᓐ ?”

ᐊᑈᔅᑕᓇᒡ 27:10

“ᓂ ᐛᐸᑕᓐ ᑕᓐ ᒐ ᐃᓯ ᑯᔅᑕᑎᑯᒡ ᒥᓐ ᒐᒋ ᐳᓯᔭᐧᒄ᙮ ᒋᑭ ᒋ ᐅᓂᑕᓇᓄᐤ ᒐᒂᔪᐛ ᑭᔭ ᐅ ᐊ ᒥᓴᒡ ᐅᐤᑦ᙮ ᐛᐛᒡ ᑭᔭ ᒋᑭ ᒋ ᓂᓱᐅᓇᑎᓯᓇᓄᐤ᙮”

ᐊᑈᔅᑕᓇᒡ 27:21

ᒐᒃ ᓇᐅᔅ ᓇᒪ ᐅᒋ ᒥᒋᓱᐅᒡ ᐊᓐᒡ ᓇᐸᐅᒡ᙮ ᐊᑯ ᑈᓪ ᒂ ᐃᔨᒪᐊᑦ᙮ ᒋ ᐃᔅᒋᔄᐤ ᒪᒃ, “ᓇᐸᑐᒄ, ᐊᑯᔅ ᒪᒃ ᒋ ᓂᑐᑐᔭᒂᒂ ᑲ ᐃᔭᒂᒥᑎᑯᒡ, ᐊᑯᔅ ᐊᓐᑕ ᑯᕆᑦ ᒋ ᐃᑕᐛᐛᐅᒂ, ᑭᔭ ᓇᒪ ᒋᐸ ᐅᒋ ᐃᔅᐱᔅ ᐅᓂᑎᓇᓄᐤ ᒐᒂᔪᐛ ᑭᔭ ᓇᒪ ᒋᐸ ᐅᒋ ᐱᒂᐊᓐ ᐅ ᒋᑦ ᐅᑎᓄᐤ᙮

ᐊᑈᔅᑕᓇᒡ 27:25

ᐊᑯ ᒪᒃ ᑈᓪ ᒂ ᐊᑎ ᐃᑕᑦ ᐊᓂᔭ ᓇᐸᐛ, “ᓱᒋᑕᐊᒄ ᒪᒃ, ᐛᔅ ᓇᔅᒡ ᓂ ᑕᑈᔭᔨᒪᐤ ᒋᓴᒪᓂᑐᐤ ᑕᑈ ᒥᓯᐛ ᒐ ᐃᔅᐱᔨᒡ ᑕᓐ ᑲ ᐃᑎᑯᒡ ᒐ ᐃᔅᐱᔨᒡ᙮

ᐊᑈᔅᑕᓇᒡ 4:24

ᐃᔅᐱ ᑲ ᐎᑎᒧᐛᒡ ᐊᓂᔭᔪᐛ ᐅᐎᒐᐛᑭᓄᐛᐛ ᐊᑯ ᒪᒧᐤ ᒂ ᐊᔭᒥᐊᒡ ᒋᓴᒪᓂᑐᐛ᙮ ᐊᐅᒄ ᐅᔭ ᑲ ᐃᓯ ᐊᔭᒥᐊᒡ, “ᒪᐅᒡ ᑲ ᐃᔅᐸᔨᑕᑯᓯᔨᓐ ᐅᑎᐸᔨᒋᒐᐤ, ᒋᔾ ᑲ ᐅᓯᑕᔨᓐ ᒋᒋᒋᓯᒄ ᑭᔭ ᐊᔅᒋᔾ ᑭᔭ ᐎᓂᐸᒄ, ᒥᓯᐛ ᒪᒃ ᒐᒂᔪᐛ ᑕᓐ ᐊ ᐃᓯ ᑎᒂᒋ ᐊᓐᑕ᙮

ᐊᑈᔅᑕᓇᒡ 7:26

ᒥᓐ ᒪᒃ ᐎᔭᐱᓂᔨᒡ, ᒧᓱᔅ ᒋ ᓇᑕᐤ ᓂᓱ ᐃᔅᕋᐃᓪ ᐃᔪᐛ ᐊ ᒪᓯᐧᑲᑐᔨᒋ, ᐊᑯ ᒂ ᐎ ᒋᐱᒋᐊᑦ᙮ ᐊᑯ ᒂ ᐃᑕᑦ, ‘ᓂᑐᑐᐅᒄ ᒪ, ᑕᐱᔅᑯᓐ ᒋ ᐎᐧᑲᓂᓯᓂᑐᓇᐛᐤ ᒐᒂᓐ ᐛᒋ ᒪᓯᐧᑲᑐᔭᒄ ?’ ”

1 ᑯᕆᓐᑎᔭᓇ 8:4

ᐊᑯ ᒪᒃ ᐛ ᐊᔨᒧᑎᒪᓐ ᐊ ᒥᒋᓇᓄᐅᒡ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᒋᐛᐱᒪᓄᐅᒡ ᒥᓂᑐᐧᑲᓐᒡ ᒥᒄ ᒪᒃ ᒋ ᒋᔅᒐᔨᑕᓇᓄᐤ ᐊᑲ ᓇᔅᒡ ᒐᒂᓂᒡ ᐃᑕᔨᑕᑯᓯᒡ᙮ ᑭᔭ ᒋ ᒋᔅᒐᔨᑕᓇᓄᐤ ᐊᑲ ᑕᑦ ᑯᑎᒃ ᐊᐛᓐ ᐊ ᒋᓴᒪᓂᑐᐅᑦ, ᒥᒄ ᒋᓴᒪᓂᑐᐤ᙮

ᐃᐱᓯᔭᓇ 4:17

ᐅ ᒪ ᒋ ᐊᑎ ᐃᓯ ᐎᑎᒪᑎᓇᐛᐤ ᐅᑎᐸᔨᒋᒐᐤ ᐃᔅ ᐊ ᑕᑦ ᐊ ᐃᔭᒂᒥᑎᑯᒡ ᒐ ᐊᑲ ᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᐱᑕᔨᒪᒡ ᒋᓴᒪᓂᑐᐛ᙮ ᐛᔅ ᐊᓂᔭ ᑕᓐ ᐊ ᐃᓯ ᒪᒥᑐᓇᔨᑕᒡ ᓇᒪ ᓇᔅᒡ ᐊᐱᑕᔨᑕᑯᓂᔪᐤ,

1 ᑕᓴᓗᓂᔭᓇ 1:9

ᑕᓐᑕ ᒥᒄ ᑲ ᐊᑎ ᐃᑐᑕᔭᒡ ᐊᔨᒧᑎᒧᒡ ᐊᐛᓐᒋ ᐊᒋ ᐸᑕᒡ ᑕᓐ ᑲ ᐃᓯ ᒥᔪᐧᑯᐅᔭᒡ ᒋᔨᐛᐤ ᑕᓴᓗᓇᐃᑲ ᑲ ᐅᒋᔭᒄ ᑲ ᓂᑐᐛᐱᒥᑕᒡ᙮ ᐊᔨᒧᑎᒧᒡ ᑭᔭ ᑕᓐ ᑲ ᐃᓯ ᐳᓂᐛᒄ ᐊ ᐊᔭᒥᐊᔅᑐᐛᒄ ᒥᓂᑐᐧᑲᓐ ᒐᒋ ᓂᓇᐃᑐᒪᑯ ᑭᔭ ᒐᒋ ᐊᑐᔅᑯᒪᑯ ᐊᓂᔭᔪᐛ ᑕᑈ ᒐᓴᒪᓂᑐᔨᒋ ᑭᔭ ᑕᑈ ᐸᒪᑎᓯᔨᒋ,

1 ᑎᒧᑎ 3:15

ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮

ᐃᑉᕈᐛ 3:12

ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ᑎᓯᔭᒄ ᐊ ᒥᒋᑕᐊᑦ ᐊ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ᐃᓯᓇᑯᓂᔪᐤ ᒐᒋ ᐊᑎ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 5:17

ᐊᓂᔭᐧᑲ ᐃᓚᐃᒐ ᒧᔭᒻ ᒋᔭᓄᐤ ᐊ ᐃᑕᔨᑕᑯᓱᐛᐧᒄ ᒋ ᐃᑕᔨᑕᑯᓱᐤ᙮ ᐃᔅᐱ ᓱᐧᒃ ᑲ ᐊᔭᒥᐊᑦ ᒐ ᐊᑲ ᒋ ᒋᒧᓂᔨᒡ ᓇᒪ ᐅᒋ ᒋᒧᓂᔪᐤ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ᙮

ᒋᔅᒐᔨᑕᑯᑕᒐᐅᓐ 14:7

ᒋ ᐃᔅᒋᔄᐤ ᐊᓐ ᐊᓐᒋᓐ ᐊ ᒋᔄᐛᑦ, “ᒪᒥᒋᒪᐧᒄ ᒋᓴᒪᓂᑐᐤ ᑭᔭ ᒋᔅᑕᔨᒪᐧᒄ᙮ ᐛᔅ ᓴᔅ ᐅᑎᒋᐱᔪᐤ ᐊᓐᑕ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ᙮ ᐊᔭᒥᐊᔅᑐᐛᐧᒄ ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᐊ ᐅᒋ ᒧᔅᒋᒍᐅᓂᔨᒡ ᓂᐱᔪᐤ᙮”

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮

ᒋᔅᒐᔨᑕᑯᑕᒐᐅᓐ 19:19

ᐊᑯ ᒂ ᐛᐱᒥᒃ ᐊᓐ ᒥᒋ ᐊᐛᓯᔅ ᑭᔭ ᒥᓯᐛ ᒋᓴᐅᒋᒪᐅᒡ ᐅᑕ ᐊᔅᒋᒡ ᐊ ᒪᒧᐎᒡ ᒐᒋ ᓂᑐᐱᔨᑐᐛᒡ ᐊᓂᔭᔪᐛ ᐊᓐᑕ ᑲ ᐛᐱᓯᔨᒋ ᑲᐸᐃᑭᔎᐛ ᑲ ᑕᑎᐱᔨᒋ ᑭᔭ ᐊᓂᔭᔪᐛ ᓂᑐᐱᔪᐅ-ᐃᔨᒥᔪᐛ᙮

ᒋᔅᒐᔨᑕᑯᑕᒐᐅᓐ 22:9

ᒥᒄ ᒪᒃ ᓂᒋ ᐃᑎᒄ, “ᐊᑲ ᐸᒋ ᐊᔭᒥᐊᔅᑐᐎ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᐊ ᐃᑎᔨᓐ ᑭᔭ ᒧᔭᒻ ᐊ ᐃᑎᒡ ᒋᐧᑲᓂᓯᒡ, ᐊᓐᒡ ᑲ ᒋᔅᒋᐛᐃᒐᒡ ᑭᔭ ᐊᓐᒡ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐅᑕ ᒥᓯᓇᐃᑭᓂᒡ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮”

ᒋᔅᒐᔨᑕᑯᑕᒐᐅᓐ 4:11

“ᒋᔾ ᓂᑎᐸᔨᒋᒐᓯᒥᓇᓐ ᑭᔭ ᓂᒋᓴᒪᓂᑐᒥᓇᓐ ᑲ ᐊᑐᔅᑲᑕᒡ ᒋ ᒋᔅᑕᔨᑕᑯᓯᓐ ᒐᒋ ᒋᔅᑕᔨᑕᑯᐃᑯᔨᓐ ᑭᔭ ᒐᒋ ᒋᔅᑕᒋᒥᑯᔨᓐ ᑭᔭ ᒐᒋ ᒪᒥᒋᒥᑯᔨᓐ ᐊᔅᐱᔅ ᓱᐧᑲᑎᓯᔨᓐ᙮ ᐛᔅ ᒋᔾ ᒥᓯᐛ ᒐᒂᓐ ᔅᒋ ᐅᓯᑕᓐ᙮ ᒋᔾ ᔅᒋ ᐃᑕᔨᑕᓐ ᒐᒋ ᑎᒂᒡ ᒥᓯᐛ ᒐᒂᓐ ᐊ ᑎᒂᒡ ᑭᔭ ᒥᓯᐛ ᑲ ᐅᓯᑕᔨᓐ᙮”