ᐊᑈᔅᑕᓇᒡ 12:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᕈᑦ ᒪᒃ ᓇᔅᒡ ᒋ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ᑕᑦ ᒋ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ᐅᒋᔨᒋ ᐊᒋ ᐸᒋ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ᐃᓯᓂᐧᑲᓱᔨᒋ, ᐊ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮

ᐊᑈᔅᑕᓇᒡ 12:20 ပူးပေါင်းရင်းမြစ်များ

ᒐᓂᓯᔅ 10:15

ᑲᐃᓇᓐ ᒋ ᐅᑕᐎᑕᑯᐤ ᓴᐃᑐᓐ, ᐅᓂᔅᑎᒧᓴᓇ ᑭᔭ ᐊᑦ,

ᒐᓂᓯᔅ 10:19

ᐊᑯ ᑲᐃᓇᓐ ᐃᔪᒡ ᓴᐃᑐᓐ ᒋ ᐅᑦ ᐊᔅᒋᐅᒡ ᑭᔭ ᑭᕋᕐ ᐃᑕᒐ ᐃᔅᐱᔅ ᑲᓴ ᑭᔭ ᓱᑕᒻ, ᑯᒧᕋ, ᐊᑦᒪ ᑭᔭ ᓴᐳᐃᒻ ᐃᔅᐱᔅ ᓚᓴ᙮

ᓗᒃ 16:8

“ᐃᔅᐱ ᐊᓐ ᐅᒋᒪᐤ ᐱᔭᑕᐧᒃ ᑕᓐ ᑲ ᐃᑎᔨᒋ ᐊᓂᔭ ᐅᒋᒪᓯᒪ ᒋ ᒪᒥᒋᐃᑯᐤ, ᐃᑈᐧᑲᐤ ᐊ ᐃᑕᔨᒪᑦ ᐊᑲ ᒪᒃ ᑯᐃᔅᒄ ᐅᒋ ᑎᔨᒋ᙮ ᐛᔅ ᐊᓐᒡ ᐊᑲ ᑯᐃᔅᑯᑕᑎᓯᒡ ᐅᑕ ᐊᔅᒋᒡ ᓇᔅᒡ ᑕᑈ ᑭᔅᒋᐅᐎᒡ ᐊ ᐎᐧᑯᒋᑎᒪᓱᒡ ᒐᒂᔪᐤ ᐃᔅᐱᔅ ᐎ ᐊᓐᒡ ᑲ ᑯᐃᔅᑯᑕᑎᓯᒡ᙮”

ᐊᑈᔅᑕᓇᒡ 12:21

ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 21:3

ᐃᔅᐱ ᒪᒃ ᐎᔭᐸᑎᒪᒡ ᐊᓐ ᒥᓂᔅᑎᒄ ᓴᐃᐳᕋᔅ ᑲ ᐃᓯᓂᐧᑲᑕᒡ ᓴᐅᓄᒡ ᐃᑕᒐ ᓂᒋ ᐃᓯ ᐎᒪᐊᓇᓐ ᐊᑯ ᑯᐃᔅᒄ ᐊᓐᑕ ᓯᕆᔭ ᐊᔅᒋᒡ ᐊᑯᑕ ᒂ ᐃᑕᔅᑎᒥᑎᓱᔭᒡ᙮ ᐊᓐ ᒪᒃ ᐅᑕᓇᐤ ᑕᐃᕋ ᑲ ᐃᓯᓂᐧᑲᑕᒡ ᐊᓐᑕ ᓯᕆᔭ ᐊᔅᒋᒡ ᑲ ᑎᒂᒡ ᐊᑯᑕ ᑲ ᓇᑎᑭᒪᐊᒪᒡ ᐊᑯᑕ ᑭᔭ ᑲ ᐊᒂᓇᓱᓇᓄᐅᒡ᙮

ᐊᑈᔅᑕᓇᒡ 21:7

ᐊᓐᑕ ᒪᒃ ᐊᓐ ᑕᐃᕋ ᑲ ᐃᓯᓂᐧᑲᑕᒡ ᐅᒋ ᐊᑯ ᐱᑥᓚᒪᐃᔅ ᑲ ᐃᓯᓂᐧᑲᑕᒡ ᐅᑕᓇᐤ ᒂ ᑭᐸᔭᒡ, ᒂ ᐊᑎ ᓂᑐᐛᐱᒥᒋᒡ ᐊᓐᒡ ᐎᐧᑲᓂᓯᒪᐅᒡ᙮ ᐸᐃᒄ ᒋᓯᑲᐛ ᓂᒋ ᐃᑕᐛᓇᓐ ᐊᓐᑕ ᐊ ᑕᒡ᙮