ᐊᑈᔅᑕᓇᒡ 11:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 11:28 ပူးပေါင်းရင်းမြစ်များ

ᒐᓂᓯᔅ 41:38

ᐊᑯ ᒋᓴᐅᒋᒪᐤ ᐊᑕᑦ ᐅᑦ ᐊᑐᔅᒐᔭᑭᓇ, “ᓇᒪ ᓂᑕ ᒋᑭ ᒥᔅᑯᐛᓄᐤ ᐊ ᒥᔪ ᑭᔅᒋᑕᑦ ᐊᐛᓐ ᐃᔅᐱᔅ ᒍᓯᑉ, ᐊᓐ ᓇᐸᐤ ᑲ ᐱᒋᔅᑲᑯᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮” ᓇᒪ ᑕᐤ ᐊᐛᓐ ᑲᓄᐛᔨᑕᐧᒃ ᐃᑈᐧᑲᐅᓂᔪᐤ ᑭᔭ ᑭᒐᑕᐛᔨᑕᑯᓱᐅᓂᔪᐤ ᒧᔭᒻ ᒋᔾ ᐊᓯ ᑭᓄᐛᔨᑎᒥᓐ᙮

ᒪᑎᔪᐤ 24:14

ᐅ ᒪᒃ ᒥᔽᒋᒧᐅᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑲ ᑎᐸᑐᑕᔨᒡ ᒋᑭ ᑭᒐᔅᒋᒧᓇᓄᐤ ᐅᑕ ᒥᓯᐛ ᐊᔅᒋᒡ ᒥᓯᐛ ᐊᐛᓐ ᒐᒋ ᐸᑕᐧᒃ, ᑭᔭ ᐃᔭᒄ ᒐ ᐃᔎᐱᔨᒡ᙮”

ᒪᑎᔪᐤ 24:7

ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᒋᑭ ᑎᑯᓐ ᐊ ᑯᐃᒂᒡ ᑭᔭ ᐊ ᑯᐅᐧᑭᑕᓄᐅᒡ᙮

ᓗᒃ 2:1

ᒪᒂᒡ ᒪᒃ ᓯᓴᕐ ᐊᑲᔅᑕᔅ ᐊᒋ ᒋᓴᐅᒋᒪᐅᑦ, ᒋ ᐃᑎᓱᐛᐤ ᒥᓯᐛ ᐃᔪᐛ ᐊᓐᑕ ᕈᒻ ᐊᔅᒋᒡ ᑲ ᑕᔨᒋ ᒐᒋ ᑎᐱᒋᒪᑭᓄᔨᒋ ᑭᔭ ᒐᒋ ᒥᓯᓇᐛᑭᓄᔨᒋ᙮

ᓗᒃ 3:1

ᐊᓂᔭ ᐸᐳᓂᔨᒡ ᐱᑕᑕᒡ ᑕᑐᓴᑉ ᐱᐳᓇ ᑲ ᐃᔅᐱᔅ ᒋᓴᐅᒋᒪᐅᑦ ᑕᐃᐱᕆᔭᔅ ᓯᓴᕐ ᑲ ᐃᓯᓂᐧᑲᓱᑦ, ᑈᓐᑎᔭᔅ ᑈᓚᑦ ᒪᒂᒡ ᒋ ᓂᑲᓂᔅᑲᒐᐤ ᐊᓐᑕ ᒍᑎᔭ ᐊᔅᒋᒡ ᐊᑯ ᐊᕈᑦ ᐊᓐᑕ ᑲᓕᓕ ᐊᔅᒋᒡ ᑲ ᓂᑲᓂᔅᑲᒐᑦ, ᐊᑯ ᐎᐧᑲᓂᓴ ᐊᕈᑦ, ᐱᓕᑉ ᑲ ᐃᓯᓂᐧᑲᓱᔨᒋ ᐊᓐᑕ ᒋ ᓂᑲᓂᔅᑲᒐᔪᐛ ᐃᑐᕆᔭ ᑭᔭ ᑐᕋᑯᓇᐃᑎᔅ ᑲ ᐃᓯᓂᐧᑲᑕᔨᒋ ᐊᔅᒋᔭ᙮ ᐊᑯ ᓚᐃᓴᓂᔭᔅ ᑲ ᓂᑲᓂᔅᑲᒐᑦ ᐊᓐᑕ ᐊᐱᓕᓐ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᐊᑈᔅᑕᓇᒡ 18:2

ᐊᑯᑕ ᒪᒃ ᐅᑕ ᑲ ᐅᒋ ᒋᔅᒐᔨᒪᑦ ᐊᓂᔭ ᒍᐤ ᐃᔪᐛ ᐊᑯᐎᓚ ᑲ ᐃᓯᓂᐧᑲᓱᔨᒋ ᐊᓐᑕ ᑈᓐᑕᔅ ᑲ ᐃᓯᓂᐧᑲᑕᔨᒡ ᐅᑕᓇᐤ ᐊᓐᑕ ᐃᑕᓕ ᐊᔅᒋᒡ ᐊᑯᑕ ᒋ ᐱᒪᑎᓯᒐᓂ᙮ ᐊᑯᑕ ᒪᒃ ᐊᓐᑕ ᑲ ᐅᑐᑕᔨᒂᓂ, ᐎᐛ ᐳᕆᓯᓚ ᐊᒋ ᐎᒐᐛᑦ, ᐛᔅ ᐊᓐ ᒋᓴᐅᒋᒪᐤ ᑲᓗᑎᔭᔅ ᒋ ᐃᑎᓱᐛᒐ ᒥᓯᐛ ᒍᐤ ᐃᔪᐛ ᒐ ᓂᑭᑎᒥᔨᒋ ᕈᒻ ᐅᑕᓇᔪᐤ ᐊᓐᑕ ᐃᑕᓕ ᐊᔅᒋᒡ ᑲ ᑎᑯᓂᔨᒡ᙮ ᒋ ᓂᑐᐛᐱᒪᐤ ᒪᒃ ᑈᓪ ᐅᔭ ᐊᑯᐎᓚᐃᒋ ᑭᔭ ᐎᐎᔪᐛ᙮

ᐊᑈᔅᑕᓇᒡ 21:10

ᐛᐃᐱᔅᒋᔅ ᒪᒃ ᑲ ᑕᔭᒡ ᐊᓐᑕ, ᐊᑯ ᒂ ᑎᑯᓯᐧᒃ ᓇᐸᐤ ᑲ ᐅᒋᔅᒋᐛᐃᒐᓱᐅᑦ᙮ ᐊᑲᐸᔅ ᒋ ᐃᓯᓂᐧᑲᓱᐤ᙮ ᒍᑎᔭ ᐊᔅᒋᒡ ᒋ ᐅᑐᑕᐤ᙮