ᐊᑈᔅᑕᓇᒡ 10:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 10:38 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 2:2

ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ, ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ, ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,

ᑎᐱᑦ ᐅᓂᑭᒧᐅᓇ 2:6

“ᐃᔭᐱᒡ ᒪᒃ ᓂᒋ ᑕᑕᔭᐤ ᓂᒋᓴᐅᒋᒪᒻ ᓂ ᐸᔭᒋ ᐱᔅᑯᑎᓇᒥᒡ ᓴᐃᔭᓂᒡ᙮”

ᑎᐱᑦ ᐅᓂᑭᒧᐅᓇ 45:7

ᒋ ᓴᒋᑕᓐ ᑯᐃᔅᑯᑕᑎᓯᐅᓐ, ᑭᔭ ᒋ ᐛᐧᑲᑕᓐ ᒥᒐᑎᓯᐅᓐ: ᐊᐅᒄ ᐅᒋ ᒋᓴᒪᓂᑐᐤ, ᒋᒋᓴᒪᓂᑐᒻ, ᔅᒋ ᑐᒥᔅᑯᓂᒃ ᓯᒋᔭᓱᐎ ᐱᒥᔾ ᐅᒋ ᒐᒋ ᐊᔪᐛᔅᑯᐅᑥᐤ ᒋᐎᒐᐛᑭᓐᒡ᙮

ᒪᑎᔪᐤ 12:15

ᐃᔅᐱ ᒪᒃ ᒋᓴᔅ ᐱᔭᑕᐧᒃ ᑕᓐ ᐛᑐᑐᐛᑭᓄᐅᑦ ᒋ ᔅᑐᑕᐤ, ᒥᒐᑦ ᒪᒃ ᐊᐛᔪᐛ ᒋ ᓇᓴᐅᑯᐤ᙮ ᒋ ᒥᓏᒋᐊᐤ ᒪᒃ ᐊᓂᔭ ᒥᓯᐛ ᑲ ᐊᐧᑯᓯᔨᒋ ᐊᐛᔪᐛ᙮

ᒪᑎᔪᐤ 12:28

ᓇᒪᔭᐤ ᐸᐃᓪᓯᐳᓪ ᐅᑦ ᐊᒐᒂ ᑲ ᐸᒋ ᒥᔨᑦ ᑭᔅᒋᐅᓂᔪᐤ ᒐᒋ ᐎᐎᑎᓴᐅᒥᒋ ᒥᒋ ᐊᒐᒂ, ᒋᓴᒪᓂᑐᐤ ᐅᑦ ᐊᒐᒂ ᐊᐅᒄ ᑲ ᐸᒋ ᒥᔨᑦ ᑭᔅᒋᐅᓂᔪᐤ ᐅᔭ ᒐᒋ ᐃᑐᑎᒧᒡ᙮ ᐊᑯᑕ ᒪᒃ ᐛᒋ ᐛᐸᑎᔨᑯᐅᔭᒄ ᑕᑈ ᒋᓴᒪᓂᑐᐤ ᐅᒋᓴᐅᒋᒪᐅᓐ ᓴᔅ ᓇᔅᒡ ᐊ ᐅᑎᑕᐅᑯᐛᒄ᙮”

ᒪᑎᔪᐤ 9:19

ᐊᑯ ᒋᓴᔅ ᒂ ᐱᓯᑯᑦ, ᒂ ᐎᒐᐛᑦ ᐊᓂᔭ ᐅᒋᒪᐛ, ᐅᒋᔅᒋᓄᐊᒧᐛᑭᓇ ᑭᔭ ᒋ ᐎᒐᐅᑯᐤ᙮

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:6

ᒋ ᒪᒥᔅᑲᑕᔨᒪᐤ ᒪᒃ ᐊᓂᔭ ᐊ ᐃᔅᐱᔅ ᐊᑲ ᑕᑈᔭᔨᒥᑯᑦ᙮ ᒋ ᐊᒋᓇᔅᑭᒻ ᒪᒃ ᐊᓂᔭᔪᐛ ᐃᑕᐅᓂᓴ ᐊ ᐱᐸ ᒋᔅᑯᑎᒪᒐᑦ᙮

ᓗᒃ 3:22

ᑲ ᐸᔭᒋᓯᔨᒋ ᐊᒐᒂ ᑲ ᐅᒋ ᔭᓯᔅᑕᑯᑦ ᒋᓴᔅ ᒧᔭᒻ ᐅᒥᒥᐤ ᐊ ᐃᓯᓇᑯᓯᔨᒋ᙮ ᐊᑯ ᒂ ᐅᒋ ᐸᑕᑯᓯᑦ ᐊᐛᓐ ᐊᓐᑕ ᐅᒋ ᒋᒋᒋᓯᑯᒡ ᐊ ᐃᔅᒋᔄᑦ, “ᐊᐅᒄ ᐅ ᒋᔾ ᓂᑯᔅ ᑲ ᓴᒋᐃᑕᓐ ᑭᔭ ᓇᔅᒡ ᑲ ᓂᓇᐊᔨᑎᒥᐃᔨᓐ᙮”

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᓗᒃ 9:42

ᒪᒂᒡ ᒪᒃ ᐊ ᐸᒋ ᓇᑕᑦ ᐊᓂᔭ ᒋᓴᓴ ᐊᓐ ᓇᐸᔅ, ᒥᒋ ᐊᒐᒂ ᓇᔅᒡ ᒋ ᐛᐱᓂᑯᐤ ᐊᑯ ᒂ ᐃᑐᑕᑯᑦ ᒐᒋ ᐅᒋᐱᑎᑯᑦ᙮ ᒋᓴᔅ ᒪᒃ ᒋ ᒋᑕᐊᒧᐛᐤ ᐊᓂᔭ ᒥᒋ ᐊᒐᒂ ᒂ ᐃᑕᑦ ᒐᒋ ᓂᑭᑕᔨᒋ ᐊᓂᔭ ᓇᐸᓴ᙮ ᐊᑯᑕ ᒪᒃ ᑲ ᐊᑎ ᒥᓏᑎᓯᑦ ᐊᓐ ᓇᐸᔅ᙮ ᐊᑯ ᒋᓴᔅ ᒂ ᒋᐛᒥᔭᑦ ᐊᓂᔭ ᓇᐸᐛ ᐊᓂᔭᔪᐛ ᐅᑯᓯᔪᐛ᙮

ᓗᒃ 9:56

ᐛᔅ ᐃᔪᐤ ᐅᑯᓯᓴᓐ ᓇᒪ ᐅᒋ ᑎᑯᓯᓐ ᒐᒋ ᓂᓱᐅᓇᒋᑕᐛᑦ ᐊᐛᔪᐛ ᐅᐱᒪᑎᓯᐅᓂᔪᐤ, ᒋ ᑎᑯᓯᓐ ᒐᒋ ᐱᒪᒋᐃᐛᑦ᙮” ᐊᑯ ᐊᓐᑕ ᑯᑎᒋᔪᐤ ᐅᑕᓇᔪᐤ ᒂ ᐃᑐᑕᒡ᙮

ᒠᓐ 10:32

ᐊᑯ ᒋᓴᔅ ᒂ ᐃᑕᑦ, “ᒥᒐᑥᐤ ᔅᒋ ᐛᐸᑕᓇᐛᐤ ᑕᓐ ᑲ ᐃᔅᐱᔅ ᒋ ᒥᔪᑐᑎᒪᑎᑯᒡ᙮ ᓂᓇᐧᑯᐤ ᔅᒋ ᓄᑯᑥᑎᓇᐛᐤ ᒥᔪᑐᑎᒪᒐᐅᓇ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᒐᒋ ᐛᐸᑎᔨᑎᑯᒡ᙮ ᑕᓐ ᐊᓐ ᑲ ᐃᑐᑎᒪᓐ ᐛᒋ ᐎ ᐱᒧᓯᓇᑕᐅᔭᒄ ?”

ᒠᓐ 16:32

ᒋᑭ ᐅᑎᒋᐱᔪᐤ, ᓴᔅ ᒪᒃ ᑕᑈ ᐅᑎᒋᐱᔪᐤ ᐊᓐᑕ ᒥᓯᐛ ᐸᐸᐃᒄ ᒐ ᑕᔭᒄ, ᑕᑎᐸᓐ ᒐ ᑕᔭᒄ ᑎᐱᔨᐛ ᒋᒋᐛᐛᒡ᙮ ᐊᑯ ᓂᔾ ᒐ ᐸᐃᑯᓯᔭᓐ ᐊᑲ ᐊᐱᑕᔨᒥᔭᒄ᙮ ᓇᒪ ᒥᒄ ᒋᒋᐛ ᓂᑭ ᐅᒋ ᐸᐃᑯᓯᓐ ᐛᔅ ᓄᑕᐎᔾ ᑕᐤ ᐅᑕ ᐊ ᑕᔭᓐ᙮

ᒠᓐ 3:2

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒋ ᓂᑐᐛᐱᒪᐤ ᒋᓴᓴ ᐊᑯ ᒂ ᐃᑕᑦ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒋᔾ ᒋᔅᑯᑎᒪᒐᓱᐤ ᐊᒋ ᐸᒋ ᐃᑎᓴᐅᔅᒃ ᒋᓴᒪᓂᑐᐤ᙮ ᐛᔅ ᓇᒪ ᐊᐛᓐ ᒋᑭ ᒋ ᐃᑐᑎᒻ ᐊᓂᔭ ᒪᒥᔅᑲᒡ ᐃᑐᐅᓇ ᒋᔾ ᑲ ᐃᑐᑎᒥᓐ ᐊᑲ ᐎᒋᐃᑯᒐ ᒋᓴᒪᓂᑐᐛ᙮”

ᒠᓐ 3:34

ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ ᐃᔅᒋᔄᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᔅᒋᔄᑦ ᑭᔭ ᓇᔅᒡ ᐱᒋᔅᑲᑯᐤ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮

ᒠᓐ 6:27

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᐊᑈᔅᑕᓇᒡ 10:37

ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᔅᐱᔨᒡ ᐊᓐᑕ ᒥᓯᐛ ᒍᑎᔭᒡ, ᑲᓕᓕᒡ ᐊᓐᑕ ᐅ ᒋ ᐅᒋ ᒋᒋᐱᔪᐤ ᐃᔅᐱ ᒠᓐ ᑲ ᐛᐎᑕᐧᒃ ᓯᑲᐃᑕᒐᐅᓂᔪᐤ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᐃᑉᕈᐛ 1:9

ᔅᒋ ᓴᒋᑕᓐ ᑯᐃᔅᑯᑕᑎᓯᐅᓐ ᐊᑯ ᒥᒐᑎᓯᐅᓐ ᔅᒋ ᐛᐧᑲᑕᓐ᙮ ᐊᐅᒄ ᒪᒃ ᐛᒋ ᐎᔭᐱᒥᑕᓐ ᓂᔾ ᒋᒋᓴᒪᓂᑐᒻ, ᑭᔭ ᑲ ᒋᔅᑕᔨᑕᑯᐃᑕᓐ ᐊ ᑐᒥᔅᑯᓂᑕᓐ ᒐᒋ ᐃᔭᔨᓐ ᒧᒋᒐᔨᑎᒧᐅᓐ᙮ ᒋᔾ ᒪᐅᒡ ᒋ ᒋᔅᑕᔨᑕᑯᐃᑎᓐ ᐃᔅᐱᔅ ᐎ ᒋᐎᒐᐛᑭᓂᒡ᙮”

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

1 ᒠᓐ 2:20

᙭ ᑲ ᐸᔭᒋᓯᑦ, ᔅᒋ ᑐᒥᔅᑯᓂᑯᓄᐤ ᐸᔭᒋ ᐊᒐᒂ, ᑭᔭ ᒥᓯᐛ ᒋᔨᐛᐤ ᓂᔅᑐᑎᒧᒄ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮