ᐊᑈᔅᑕᓇᒡ 10:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᑯ ᒂ ᐃᑕᑦ ᐊᓂᔭᔪᐛ ᐃᔪᐛ, “ᒋᑭ ᐊᔨᒧᑎᒪᑎᓇᐛᐤ ᒐᒂᓐ᙮ ᒋ ᒥᔪ ᒋᔅᒐᔨᑕᓇᐛᐤ ᐊᓐᑕ ᒍᐤ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊᑎᔅᑕᒡ ᐊᐛᓐ ᐊ ᒍᐎᐃᔪᑦ ᒐ ᐊᑲ ᒋ ᒧᐱᔅᑐᐛᑦ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑭᔭ ᒐ ᐊᑲ ᒋ ᐎᒐᐛᑭᓂᑐᐛᑦ᙮ ᒋᓴᒪᓂᑐᐤ ᒪᒃ ᓂᒋ ᐛᐸᑎᔨᒄ ᒐ ᐊᑲ ᒋ ᐊᑐᐛᔨᒥᒃ ᐊᐛᓐ, ᒐᒋ ᐃᑕᔨᒥᒃ ᐊᑲ ᐸᔭᒋᓯᑦ ᒪᒃ ᐊ ᒥᒋᓯᑦ ᒐᒋ ᐃᑕᔨᒪᒃ᙮

ᐊᑈᔅᑕᓇᒡ 10:28 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:2

ᓇᔅᒡ ᒋ ᒋᐧᑲᔭᐱᒪᐅᒡ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭ ᐊᑲ ᐅᒋ ᑲᓯᑎᒐᔨᒋ ᐊᔅᒄ ᐊᑲ ᒥᒋᓱᔨᒋ᙮ ᐊᒋ ᒪᒃ ᐃᑎᓱᐛᔨᒋ ᐸᕆᓯᐊ ᒐᒋ ᑲᓯᑎᒐᔨᒋ ᐊᐛᔪᐛ ᐊᔅᒄ ᐊᑲ ᒥᒋᓱᔨᒋ᙮

ᓗᒃ 18:11

ᐊᑯ ᐊᓐ ᐸᕆᓯ ᒋ ᐸᐃᑯᑲᐳᐤ ᐊ ᐃᓯ ᐊᔭᒥᐊᑦ, ‘ᒋᓴᒪᓂᑐᐤ, ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᑦ ᐊᓇ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ᙮

ᒠᓐ 18:28

ᐎᐱᒡ ᐊᓂᔭ ᑲ ᒐᒋᓴᐸᔭᔨᒡ ᐊᓐᑕ ᑲᔭᐸᓴ ᐊ ᑕᔨᒋ ᒋ ᐅᒋ ᔅᑐᑕᐊᑭᓄᐤ ᒋᓴᔅ, ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ ᒂ ᐃᑐᑕᐊᑭᓄᐅᑦ᙮ ᑈᓚᑦ ᒋ ᐃᓯᓂᐧᑲᓱᐤ ᐊᓐ ᒋᓴᐅᒋᒪᐅᑯᐸᓇᐤ᙮ ᐊᓐᒡ ᒪᒃ ᒍᐤ ᐃᔪᒡ ᓇᒪ ᐅᒋ ᐎ ᐱᒐᐅᒡ ᐎᔨᐛᐤ ᐊᓐᑕ ᐛᔅ ᒋ ᐃᑎᔅᑕᔪᐤ ᒍᐤ ᐅᐎᓱᐛᐅᓄᐛᒡ ᒐ ᐊᑲ ᒋ ᐱᒐᒡ ᐎᒋᔨᒡ ᐊᐛᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᑭᔭ ᓇᒪ ᒋᐸ ᐅᒋ ᒥᒍᐅᒡ ᐎᒪᔅᑲᒐᐅ-ᒥᑯᓴᓂᔪᐤ ᒋ ᐱᒐᐅᐛᐅᒂ ᐊᓐᑕ ᒋᓴᐅᒋᒪᐅᑯᐸᓇᐛ ᐎᒋᔨᒡ᙮

ᒠᓐ 4:27

ᐊᑯᑕ ᒂ ᐅᒋ ᑎᑯᓯᓂᔨᒋ ᒋᓴᔅ ᐅᒋᔅᒋᓄᐊᒧᐛᑭᓇ, ᓇᔅᒡ ᒪᒃ ᒋ ᓯᔅᒋᑯᒋᐃᑯᐅᒡ ᐊ ᐛᐱᒪᒡ ᒋᓴᓴ ᐊ ᐃᔨᒪᐊᔨᒋ ᐊᓂᔭ ᐃᔎᐛ᙮ ᐃᔭᐱᒡ ᒪᒃ ᓇᒪ ᐛᐛᒡ ᐸᐃᒄ ᐅᒋ ᑯᒂᒋᒪᐅᒡ ᒐᒂᔪᐤ ᐛᒋ ᐃᔨᒪᐊᔨᒋ ᐊᓂᔭ ᐃᔎᐛ ᑭᔭ ᓇᒪ ᐅᒋ ᑯᒂᒋᒪᐅᒡ ᒐᒂᔪᐤ ᑲ ᐊᔨᒧᑎᒥᔨᒋ᙮

ᒠᓐ 4:9

ᓇᔅᒡ ᒪᒃ ᒋ ᑯᔅᑯᐱᔪᐤ ᐊᓐ ᐃᔎᐤ ᐊᓂᔭ ᑲ ᐃᑎᑯᑦ ᒋᓴᓴ ᐊᑯ ᒂ ᐃᑕᑦ, “ᒍᐤ ᓇᐸᐤ ᒋᔾ᙮ ᓂᔾ ᒪᒃ ᓴᒪᕆᔭ ᐃᔎᐤ᙮ ᒐᒂᓐ ᐛᒋ ᓂᑐᐛᔨᑎᒥᓐ ᒐᒋ ᒥᓇᐃᑕᓐ ?” ᓇᒪ ᓇᔅᒡ ᐅᒋ ᐅᑐᑕᒥᑐᐛᐅᒡ ᒍᐤ ᐃᔪᒡ ᐊᓂᔭ ᐃᔪᐛ ᐊᓐᑕ ᓴᒪᕆᔭ ᐊᔅᒋᒡ ᑲ ᐅᒋᔨᒋ, ᐊᐅᒄ ᐅᔭ ᐛᒋ ᐃᔅᒋᔄᑦ ᐅᔭ ᐊᓐ ᐃᔎᐤ᙮

ᐊᑈᔅᑕᓇᒡ 10:29

ᑲ ᐸᒋ ᐎᓴᒥᔭᒄ ᒪᒃ, ᓇᒪ ᐊᑲ ᓂ ᐅᒋ ᐎ ᐸᒋ ᐃᑐᑕᓐ ᐛᔅ ᑎᐛᒡ ᓂᒋ ᓂᔅᑐᑕᓐ ᑕᓐ ᑲ ᐃᓯ ᐛᐸᑎᔨᑯᐅᔭᓐ ᐊᑯ ᒪᒃ ᑲ ᐸᒋ ᑎᑯᓯᓂᔭᓐ᙮ ᐊᑯ ᒪᒃ ᐛ ᒋᔅᒐᔨᑎᒪᓐ, ᒐᒂᓐ ᐛᒋ ᐎᓴᒥᔭᒄ ?”

ᐊᑈᔅᑕᓇᒡ 11:9

“ᐊᑯ ᒥᓐ ᒂ ᐅᒋ ᐸᑕᒂᒡ ᐸᑕᑯᓱᐅᓐ ᒋᒋᒋᓯᑯᒡ ᐅᒡ ᐊ ᐃᔅᒋᔄᑦ ᐊᐛᓐ, ‘ᐊᑲᐎᔾ ᐃᔅᒋᔄ ᐊ ᐎᓇᒡ ᐊᓂᔭ ᒋᓴᒪᓂᑐᐤ ᐊᒋ ᐃᔅᒋᔄᑦ ᐊ ᐸᔭᐧᑭᓂᔨᒡ᙮’