ᐊᑈᔅᑕᓇᒡ 1:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ ᒋ ᐱᒐᐅᒡ ᐊᓂᔭᔪᐤ ᒥᒋᐛᐱᔪᐤ ᒐ ᑕᒡ᙮ ᒋ ᑎᑯᓂᔪᐤ ᐊ ᐱᔅᒋᒐᔭᔨᒡ ᐃᔅᐱᒥᑎᑯᒡ ᐊᓂᔭᔪᐤ ᒥᒋᐛᐱᔪᐤ᙮ ᐊᑯᑕ ᑲ ᐃᓯ ᑯᔅᐸᑐᐛᒡ᙮ ᐊᐅᑯᓐᒡ ᐅᒡ ᑲ ᑕᒡ, ᐱᑕᕐ, ᒠᓐ, ᒋᒥᔅ, ᐊᓐᑎᕈ, ᐱᓕᑉ, ᑥᒥᔅ, ᐸᕐᑥᓚᒥᔪ, ᒪᑎᔪᐤ, ᒋᒥᔅ ᐊᓪᐱᔭᔅ ᐅᑯᓯᓴ, ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ, ᒋᒥᔅ ᐅᑯᓯᓴ᙮

ᐊᑈᔅᑕᓇᒡ 1:13 ပူးပေါင်းရင်းမြစ်များ

ᒪᑎᔪᐤ 9:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ᐱᒧᑕᑦ, ᒋ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊᒋ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ᐱᓯᑯᑦ, ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:15

ᒋᑭ ᐛᐸᑎᔨᑯᐛᐤ ᒪᒃ ᐊᓐᑕ ᐃᔅᐱᒥᑎᑯᒡ ᐊ ᒥᓴᔨᒡ ᐊ ᐱᔅᒋᒐᔭᔨᒡ ᓇᔅᒡ ᐊ ᐃᓯ ᐊᔭᔅᑯᔅᑕᔨᒡ, ᓴᔅ ᒥᓯᐛ ᒐᒂᔪᐤ ᐊ ᑎᑯᓂᔨᒡ ᐊᓐᑕ ᒐ ᐃᓯ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᒐ ᐊᔭᔅᑯᔅᑕᔭᒄ ᐅ ᒥᑯᓴᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:33

ᐱᑕᕋ, ᒋᒥᓴ ᑭᔭ ᒠᓇ ᒪᒃ ᒋ ᔅᑐᑕᐊᐤ, ᓇᔅᒡ ᒪᒃ ᒋ ᒥᓯᒥᔅᑲᑯᐤ ᒥᓯᒪᔨᑎᒧᐅᓂᔪᐤ ᑭᔭ ᓇᔅᒡ ᒋ ᑯᓯᑯᒪᒋᐅᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:14

ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:37

ᐊᑯ ᒋᓴᔅ ᓇᒪ ᐅᒋ ᐱᔅᑎᓇᐤ ᐊᐛᔪᐛ ᒐᒋ ᓇᓴᐅᑯᑦ ᒥᒄ ᐱᑕᕋ, ᒋᒥᓴ ᑭᔭ ᐊᓂᔭ ᐎᐧᑲᓂᓯᔪᐛ ᒠᓇ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:2

ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᐊᑯ ᒋᓴᔅ ᒂ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮ ᐊᑯᑕ ᐅᑕ ᑲ ᒂᔅᒋᓇᑯᓯᑦ ᒋᓴᔅ ᐅᑎᔅᑯᐤ ᐊᓐᑕ ᐊ ᑕᔨᒋ᙮

ᓗᒃ 22:12

ᐊᑯ ᒐ ᐛᐸᑎᔨᑕᒄ ᐊᓐᑕ ᐃᔅᐱᒥᑎᑯᒡ ᐊ ᒥᓴᔨᒡ ᐊ ᐱᔅᒋᒐᔭᔨᒡ ᓴᔅ ᒥᓯᐛ ᒐᒂᔪᐤ ᐊ ᑎᑯᓂᔨᒡ ᐊᓐᑕ ᒐ ᐃᓯ ᓂᑐᐛᔨᑕᑯᓂᔨᒡ᙮ ᐊᑯᑕ ᒪᒃ ᐊᓐᑕ ᒐ ᐊᔭᔅᑯᔅᑕᔭᒄ ᐊᓐ ᒥᑯᓴᓐ᙮”

ᒠᓐ 11:16

ᑥᒥᔅ, ᐸᐃᒄ ᐊᓐ ᑲ ᓂᓯᒡ ᐎᐧᑲᓂᓴ ᑲ ᐃᓯᓂᐧᑲᑕᑭᓄᐅᑦ, ᒋ ᐃᑕᐤ ᐊᓂᔭᔪᐤ ᐎᒋ ᒋᔅᒋᓄᐊᒧᐛᑭᓇ, “ᒥᓯᐛ ᐊᑯᔅ ᐊ ᑎᓯᔭᐧᒄ ᐎᒐᐛᑕᐤ ᒋᓴᔅ ᑭᔭ ᒋᔭᓄᐤ ᒐᒋ ᓂᐸᐃᑯᐅᔭᐧᒄ ᓂᐸᐊᑭᓄᒐ᙮”

ᒠᓐ 14:22

ᒍᑎᔅ, ᓇᒪᔭᐤ ᐊᓐ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᐃᑕᐤ, “ᐅᑎᐸᔨᒋᒐᐤ, ᒐᒂᓐ ᐛᒋ ᐎ ᐃᑐᑐᐅᔭᒡ ᓂᔭᓐ ᒐᒋ ᒥᔪ ᒋᔅᒐᔨᒥᑕᒡ, ᐊᑲ ᒪᒃ ᐎ ᐃᑐᑐᐅᑥᐤ ᑯᑎᑭᒡ ᐊᐛᓐᒋ ᒐᒋ ᒥᔪ ᒋᔅᒐᔨᒥᔅᒡ ?”

ᒠᓐ 18:17

ᐊᓐ ᒪᒃ ᐃᔎᔅ ᐊᓐᑕ ᒋᐱᔎᒡ ᑲ ᑕᑦ ᒋ ᐃᑕᐤ ᐊᓂᔭ ᐱᑕᕋ, “ᓇᒪᔭᐤ ᐊ ᒋᔾ ᐸᐃᒄ ᒋᓴᔅ ᐅᒋᔅᒋᓄᐊᒧᐛᑭᓇ ?” ᐱᑕᕐ ᒪᒃ ᒂ ᐃᑕᑦ᙮ “ᓇᒪ᙮ ᓇᒪᔭᐤ ᓂᔾ᙮”

ᒠᓐ 21:2

ᒪᒧᐤ ᒋ ᑕᐅᒡ ᐅᒡ ᒥᓯᐛ, ᓴᐃᒥᓐ ᐱᑕᕐ, ᑥᒥᔅ, ᐊᓐ ᑲ ᓂᓯᒡ ᑲ ᐃᓯᓂᐧᑲᑕᑭᓄᐅᑦ, ᓇᑕᓂᔭᓪ, ᐊᓐ ᑲᐃᓇᒡ ᑲ ᐅᒋᑦ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᑭᔭ ᐊᓂᔭ ᓂᓱ ᓴᐱᑎ ᐅᑯᓴ ᑭᔭ ᓂᓱ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮

ᐊᑈᔅᑕᓇᒡ 12:17

ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮

ᐊᑈᔅᑕᓇᒡ 15:13

ᐃᔅᐱ ᒪᒃ ᑲᒋ ᐃᓯ ᑎᐸᒋᒧᔨᒋ, ᐊᑯ ᒋᒥᔅ ᒂ ᐱᓯᑯᑦ ᐊ ᐃᔅᒋᔄᑦ, “ᓂᑐᑎᒧᒄ ᒪ, ᓂᐧᑲᓂᓯᑐᒄ,

ᐊᑈᔅᑕᓇᒡ 2:14

ᐱᑕᕐ ᒪᒃ ᒋ ᐎᒋᑲᐳᔅᑐᐛᐤ ᐊᓂᔭ ᑲ ᐸᐃᑯᓴᐳᔨᒋ ᐊᑈᔅᑕᓇ᙮ ᒂ ᐅᑎᔅᑯᑲᐳᔅᑐᐛᒡ ᐊᓂᔭᔪᐛ ᐃᔪᐛ᙮ ᐊᑯ ᐱᑕᕐ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊ ᒋᔄᐛᑦ ᐊ ᐃᔅᒋᔄᑦ, “ᒋᔭᓄᐤ ᒍᐤ ᑲ ᐃᑎᔅᑲᓇᓯᔭᐧᒄ ᑭᔭ ᒥᓯᐛ ᒋᔨᐛᐤ ᐊ ᑎᓯᔭᒄ ᐅᑕ ᒋᕈᓯᓕᒥᒡ ᑲ ᐎᒋᔭᒄ ᐃᔭᒂᐤ ᐸᒋ ᓂᑐᑐᐅᒄ ᑕᓐ ᒐ ᐃᓯ ᐎᑎᒪᑎᑯᒡ᙮ ᒋᑭ ᐎᑎᒪᑎᓇᐛᐤ ᐅ ᒐᒂᓐ ᑲ ᐃᔅᐱᔨᒡ᙮

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 20:8

ᐊᓐᑕ ᒪᒃ ᐊᓐ ᑲ ᒪᒧᐎᔭᒡ ᐃᔅᐱᒥᑎᑯᒡ ᒋ ᒥᒐᓇ ᐛᔅᑕᓂᐱᒪᑭᓇ᙮

ᐊᑈᔅᑕᓇᒡ 4:13

ᐊᓐᒡ ᒪᒃ ᑲ ᒪᒧᐎᒡ ᒋ ᒥᔅᑲᑕᔨᑎᒺᐅᒡ ᑕᓐ ᑲ ᐃᓯ ᐃᔨᒥᔨᒋ ᑭᔭ ᐊᓂᔭᔪᐤ ᐊ ᐃᔅᐱᔅ ᓱᒋᑕᐊᔨᒋ ᐱᑕᕋ ᑭᔭ ᒠᓇ ᐊ ᒋᔅᒐᔨᒪᒡ ᐊᑲ ᐅᒋ ᒋᔅᑯᑎᒧᐛᑭᓄᔨᒋ᙮ ᐊᑯᑕ ᒪᒃ ᑲ ᐅᒋ ᒋᔅᒐᔨᑕᒡ ᒋᓴᓴ ᐊᒋ ᐎᒐᐛᑭᓂᔨᒋ᙮

ᐊᑈᔅᑕᓇᒡ 4:19

ᐱᑕᕐ ᑭᔭ ᒠᓐ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐎᔭᔨᑎᒧᒄ ᒪ, ᑕᓐ ᐊᓂᔭᔪᐤ ᐊ ᑯᐃᔅᑯᓇᑯᓂᔨᒡ ᐊ ᐃᓯᓇᐧᒃ ᒋᓴᒪᓂᑐᐤ᙮ ᒋᔨᐛᐤ ᐊ ᒐᒋ ᑕᑈᑕᑕᒡ ᑭᔭ ᒪᒃ ᒋᓴᒪᓂᑐᐤ ᒐᒋ ᑕᑈᑐᐅᒋᒡ ?

1 ᑯᕆᓐᑎᔭᓇ 15:7

ᒋᒥᓴ ᒥᓐ ᒋ ᓄᑯᓯᔅᑐᐛᐤ᙮ ᒥᓯᐛ ᑭᔭ ᐊᓂᔭ ᐊᑈᔅᑕᓇ ᑲ ᐃᑕᐱᑎᓯᔨᒋ ᒋ ᓄᑯᓯᔅᑐᐛᐤ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

2 ᒠᓐ 1:1

ᓂᔾ ᐸᐃᒄ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᒋ ᒥᓯᓇᐊᒪᑎᓐ ᒋᔾ ᑲ ᐃᑕᔨᒥᑯᔨᓐ ᐅᒋᒪᔎᐤ ᑭᔭ ᒋᑦ ᐊᐛᓯᒥᒡ ᓂ ᒥᓯᓇᐊᒧᐛᐅᒡ᙮ ᐊᐅᒄ ᒋᔨᐛᐤ ᑕᑈ ᑲ ᓴᒋᐃᑎᑯᒡ᙮ ᓇᒪ ᒪᒃ ᒥᒄ ᓂᔾ ᒋᓴᒋᐃᑎᓇᐛᐤ᙮ ᒥᓯᐛ ᑭᔭ ᐊᓐᒡ ᑲ ᒋᔅᒐᔨᑕᒡ ᑕᑈᐅᓂᔪᐤ ᒋᓴᒋᐃᑯᐛᐅᒡ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮