2 ᑎᒧᑎ 4:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒥᒄ ᓗᒃ ᐊᐅᒄ ᐊ ᑕᑦ ᐅᑕ ᐊ ᑕᔭᓐ᙮ ᔭᐃᑕᔾ ᒐ ᐎ ᐸᒋ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ᐎᒋᐃᑦ ᐅᑕ ᐊ ᐊᔭᒥᐊᐤ ᐊᑐᔅᒐᐅᒡ᙮

2 ᑎᒧᑎ 4:11 ပူးပေါင်းရင်းမြစ်များ

ᒪᑎᔪᐤ 19:30

ᒥᒄ ᒪᒃ ᒥᒐᑦ ᐊᓐᒡ ᐊ ᒋᔅᑕᔨᑕᑯᓯᒡ ᑲ ᐃᑕᔨᒪᑭᓄᐎᒡ ᓇᒪ ᒋᑭ ᐅᒋ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᑭᔭ ᒥᒐᑦ ᐊᓐᒡ ᑲ ᐃᑕᔨᒪᑭᓄᐎᒡ ᐊ ᐊᑲ ᒋᔅᑕᔨᑕᑯᓯᒡ ᒋᑭ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”

ᒪᑎᔪᐤ 20:16

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᒐ ᐅᒋ ᐅᑕᒡ ᐃᓯ ᐱᔅᑎᓇᑭᓄᐅᒡ ᐊᓐᒡ ᓂᑲᓄᒡ ᑲ ᐃᑕᐃᓱᒡ ᐊᑯ ᐊᓐᒡ ᒪᔅᑕᔾ ᑲ ᐃᓯ ᐱᔅᑎᓂᓱᒡ ᓂᑲᓄᒡ ᒋᑭ ᐃᓯ ᐱᔅᑎᓇᑭᓄᐅᒡ᙮ ᒥᒐᑦ ᒪᒃ ᑕᑈᑕᑭᓄᐎᒡ, ᒥᒄ ᓇᒪ ᒥᒐᑐᐅᒡ ᐛᑎᓇᑭᓄᐎᒡ᙮”

ᓗᒃ 13:30

ᐛᔅ ᐊᓐᒡ ᑲ ᐃᑕᔨᒪᑭᓄᐎᒡ ᐊᑲ ᒋᔅᑕᔨᑕᑯᓯᒡ ᒋᑭ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ, ᑭᔭ, ᐊᓐᒡ ᐊ ᒋᔅᑕᔨᑕᑯᓯᒡ ᑲ ᐃᑕᔨᒪᑭᓄᐎᒡ ᓇᒪ ᒋᑭ ᐅᒋ ᒋᔅᑕᔨᑕᑯᓱᐅᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”

ᐊᑈᔅᑕᓇᒡ 12:12

ᐃᔅᐱ ᒪᒃ ᒐᔅᒐᔨᑕᐧᒃ ᐱᑕᕐ ᑕᓐ ᑲ ᐃᔅᐱᔨᑦ, ᒋ ᐃᑐᑕᐤ ᐊᓐᑕ ᒪᕆᔨᒋ ᐊ ᑕᔨᒋ, ᒠᓐ-ᒪᕐᑲ ᐅᑲᐎᔪᐛ᙮ ᒪᒂᒡ ᒪᒃ ᒥᒐᑦ ᐊᐛᔪᐛ ᒋ ᒪᒧᐎᔪᐛ ᐊᓐᑕ ᐊ ᐊᔭᒥᐊᔨᒋ᙮

ᐊᑈᔅᑕᓇᒡ 12:25

ᐸᕐᓇᐸᔅ ᑭᔭ ᓴᓪ ᒋ ᒋᔅᑕᐅᒡ ᑕᓐ ᑲ ᐎ ᐃᑎᒡ ᐊᓐᑕ ᒋᕈᓯᓕᒥᒡ, ᑭᔭ ᒂ ᒋᐛᒡ ᐊᓐᑕ ᐊᓐᑎᔭᑭᒡ᙮ ᒠᓐ-ᒪᕐᑲ ᒪᒃ ᒋ ᔅᑐᑕᐊᐅᒡ᙮

ᐊᑈᔅᑕᓇᒡ 15:37

ᐊᑯ ᐸᕐᓇᐸᔅ ᒂ ᐎ ᔅᑐᑕᐊᑦ ᐊᓂᔭ ᒠᓐ-ᒪᕐᑲ᙮

ᐊᑈᔅᑕᓇᒡ 15:39

ᐊᑯ ᑲ ᒥᒋᐱᔨᒡ ᐸᕐᓇᐸᔅ ᑭᔭ ᑈᓪ ᐅᔭ ᐅᒋ, ᐊᑯ ᑕᑎᐸᓐ ᒂ ᐃᑐᑕᒡ᙮ ᐸᕐᓇᐸᔅ ᒋ ᔅᑐᑕᐊᐤ ᐊᓂᔭ ᒠᓐ-ᒪᕐᑲ, ᐊᓐᑕ ᓴᐃᐳᕋᔅ ᐊᑯᑕ ᑲ ᐃᑕᓯᒡ ᐊ ᒥᓴᔨᒡ ᐅᑎᓂᔪᐤ ᐊ ᐊᐱᒋᑕᒡ᙮

ᐊᑈᔅᑕᓇᒡ 16:10

ᐃᔅᐱ ᒪᒃ ᑲ ᐎᑎᒧᔨᒥᑦ ᑈᓪ ᐅᔭ ᑲ ᐃᓯᓇᐧᒃ, ᓂᒋ ᒐᔅᑎᓇᐅᓇᓐ ᒋᓴᒪᓂᑐᐤ ᐊ ᓂᑐᐛᔨᒥᔨᒥᑦ ᒐᒋ ᐎᑎᒧᐅᒋᒡ ᐊᓐᒡ ᐃᔪᒡ ᒥᔽᒋᒧᐅᓂᔪᐤ᙮ ᐊᑯ ᑎᐛᒡ ᑲ ᐊᔭᔅᑯᐎᔭᒡ ᒐ ᐃᑐᑕᔭᒡ ᐊᓐᑕ᙮

ᑯᓚᓯᔭᓇ 4:10

ᐊᕆᔅᑕᕐᑲᔅ ᑭᔭ ᐎᔾ ᒋᐸᐛᑭᓄᐤ ᐅᑕ ᑲ ᒋᐸᐅᑯᐅᒡ᙮ ᒋ ᐛᒋᔭᒥᑯᐛᐤ ᑭᔭ ᐎᔾ᙮ ᑭᔭ ᒪᕐᒃ ᒋ ᐛᒋᔭᒥᑯᐛᐤ᙮ ᐸᕐᓇᐸᔅ ᐅᔭ ᐎᐧᑲᓂᓴ᙮ ᓴᔅ ᔅᒋ ᐎᑎᒪᑯᓇᐛᐤ ᒐ ᒥᔪᐧᑯᐛᒄ ᒪᕐᒃ ᐅᑎᑎᑕᒂ᙮

ᑯᓚᓯᔭᓇ 4:14

ᓗᒃ ᓇᔅᒡ ᑲ ᓴᒋᐃᒃ ᓂᑐᐧᑯᐃᔨᔅ ᑭᔭ ᑎᒪᔅ ᒋ ᐛᒋᔭᒥᑯᐛᐅᒡ ᑭᔭ ᐎᔨᐛᐤ᙮

2 ᑎᒧᑎ 1:15

ᐛᔅ ᒋ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ᒂᔅᑲᑎᓯᒡ ᐊᓐᑕ ᐊᐃᓴ ᐊ ᑕᒡ ᐊᒋ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮

2 ᑎᒧᑎ 2:21

ᐛᔅ ᒧᔭᒻ ᒪᒃ ᐊᐛᓐ ᐸᔭᒋᐃᓱᒐ ᐊ ᓂᓇᑭᑐᐛᔨᑕᐧᒃ ᒐ ᐊᑲ ᒋ ᐎᓂᐃᑯᑦ ᒥᒐᑎᓯᐅᓂᔪᐤ, ᒋᑭ ᑎᑯᓂᔪᐤ ᐊᓂᔭ ᓇᔅᒡ ᐊ ᒋᔅᑕᔨᑕᑯᓂᔨᒡ ᒐ ᐃᓯ ᐊᐱᒋᐊᑭᓄᐅᑦ, ᓇᔅᒡ ᒋᑭ ᐱᔅᑎᓂᓱᐤ ᒐᒋ ᒥᔪ ᐊᐱᒋᐃᑯᑦ ᐊᓂᔭ ᑲ ᐎ ᐊᐱᒋᐃᑯᑦ ᐊ ᐃᑐᑕᐧᒃ ᒥᒄ ᑕᓐ ᐊ ᐃᑎᓱᒥᑯᑦ᙮

ᐸᐃᓕᒪᓐ 1:24

ᒋ ᐛᒋᔭᒥᑯᐛᐅᒡ ᑭᔭ ᒪᕐᒃ, ᐊᕆᔅᑕᕐᑲᔅ, ᑎᒪᔅ ᑭᔭ ᓗᒃ᙮ ᑭᔭ ᐎᔨᐛᐤ ᐅᒡ ᐊᑐᔅᑯᐛᐅᒡ ᐅᑎᐸᔨᒋᒐᐛ᙮

1 ᐱᑕᕐ 5:13

ᒋ ᐛᒋᔭᒥᑯᐛᐅᒡ ᐊᓐᒡ ᑭᔭ ᐎᔨᐛᐤ ᑲ ᐅᑎᓂᑯᒡ ᒋᓴᒪᓂᑐᐛ ᐊᓐᑕ ᐸᐱᓗᓐ ᐊ ᑕᒡ᙮ ᑭᔭ ᒪᕐᒃ ᓂᑯᔅ ᑲ ᐃᑕᔨᒥᒃ ᒋ ᐛᒋᔭᒥᑯᐛᐤ᙮