2 ᑕᓴᓗᓂᔭᓇ 3:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒋ ᒥᔪ ᒋᔅᒐᔨᑕᓇᐛᐤ ᑭᔭ ᒋᔨᐛᐤ ᒐᒋ ᐃᑎᔭᒄ ᑕᓐ ᑲ ᑎᔭᒡ ᐊᓐᑕ ᐊ ᑕᔭᒄ ᑲᒋ ᑕᔭᒡ᙮ ᓇᒪ ᓂ ᐅᒋ ᒋᑎᒥᓇᓐ᙮

2 ᑕᓴᓗᓂᔭᓇ 3:7 ပူးပေါင်းရင်းမြစ်များ

1 ᑯᕆᓐᑎᔭᓇ 11:1

ᐅ ᑲ ᐃᓯ ᐛᐱᒥᔭᒄ ᐊ ᐃᓯ ᐱᒪᑎᓯᔭᓐ ᐊ ᒂᔅᑲᑎᓯᔭᓐ, ᐊᐅᑯᓐ ᑭᔭ ᒋᔨᐛᐤ ᐃᓯ ᐱᒪᑎᓯᒄ᙮

1 ᑯᕆᓐᑎᔭᓇ 4:16

ᐊᐅᒄ ᒪᒃ ᐛᒋ ᓇᔅᒡ ᐱᑯᓴᔨᒥᑎᑯᒡ ᒐᒋ ᒋᔅᒋᓄᐛᐱᒥᔭᒄ᙮

ᐱᓕᐱᔭᓇ 3:17

ᓂᐧᑲᓂᓯᑐᒄ, ᓱᒃ ᐎ ᒋᔅᒋᓄᐛᐱᒧᒄ ᐊ ᐃᓯ ᐱᒪᑎᓯᔭᓐ᙮ ᔅᒋ ᐛᐸᑎᔨᑎᓇᓐ ᑕᓐ ᐊᓐ ᒋᐸ ᐃᓯ ᐱᒪᑎᓯᓇᐛᐤ᙮ ᓱᒃ ᒪᒃ ᒋᔅᒋᓄᐛᐱᒪᐧᑯᒡ ᐊᓐᒡ ᑲ ᒋᔅᒋᓄᐛᐱᒥᔨᒥᒡ ᐊ ᐃᓯ ᐱᒪᑎᓯᐅᒋᒡ᙮

ᐱᓕᐱᔭᓇ 4:9

ᒋᐸ ᑐᑕᓇᐛᐤ ᐊᓐ ᑲ ᐃᓯ ᒋᔅᑯᑎᒪᑎᑯᒡ ᑭᔭ ᐊᓐ ᑲ ᐃᓯ ᐛᐱᒥᔭᒄ ᐊ ᐃᑕᑎᓯᔭᓐ᙮ ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᓇᐛᐤ᙮

1 ᑕᓴᓗᓂᔭᓇ 2:10

ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

2 ᑕᓴᓗᓂᔭᓇ 3:9

ᐊᐅᒄ ᑲ ᑎᔭᒡ᙮ ᐊᑎ ᐃᓯᓇᒂᒡ ᒐᒋ ᓂᑐᑎᒪᑕᒡ ᒐᒋ ᐱᒥᐱᔨᐃᔨᐊᒡ ᓇᒪ ᒋ ᐅᒋ ᓂᑐᐛᔨᑎᒪᑎᓇᓐ ᒐᒂᓐ᙮ ᐛᔅ ᔅᒋ ᐎ ᐛᐸᑎᔨᑎᓇᓐ ᑕᓐ ᒋᐸ ᐃᑕᑎᓯᓇᐛᐤ ᑭᔭ ᒋᔨᐛᐤ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

ᑕᐃᑕᔅ 2:7

ᒋᔾ ᒪᒃ ᑭᔭ ᒋᐸ ᐎ ᐛᐸᑎᔭᐅᒡ ᑕᓐ ᒐ ᐃᓯ ᒋᔅᒋᓄᐛᐱᒥᔅᒡ ᐊ ᒥᔪᑐᑎᒥᓐ ᒥᓯᐛ ᑕᓐ ᐊ ᐃᑎᔨᓐ᙮ ᐊ ᒋᔅᑯᑎᒪᒐᔨᓐ ᑭᔭ ᒋᐸ ᓄᑯᑕᓐ ᐊ ᐃᑈᐧᑲᔨᓐ ᑭᔭ ᑯᐃᔅᒄ ᒋᐸ ᐃᓯ ᒋᔅᑯᑎᒪᒐᓐ᙮

1 ᐱᑕᕐ 5:3

ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ᒋᔅᒋᓄᐛᐱᒥᑕᑯᒡ᙮