2 ᑕᓴᓗᓂᔭᓇ 3:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᓂ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᓴᒋᐃᐛᐅᓐ᙮ ᑭᔭ ᒐᒋ ᓯᐱᔨᐛᓱᐛᒄ ᐊ ᓂᒋᔅᑭᒪᒄ ᐊ ᐊᔨᒪᒡ ᒧᔭᒻ ᙭ ᑲ ᐃᓯ ᓯᐱᔨᐛᓯᑦ᙮

2 ᑕᓴᓗᓂᔭᓇ 3:5 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:36

ᐃᑎᔅᑕ ᓂᑕᐃ ᒋᑎᐸᒋᒧᐅᓂᒡ ᐃᓯ, ᐊᑲ ᒪᒃ ᒧᔅᑕᓇᒪᒐᐅᓂᒡ ᐃᓯ᙮

ᑎᐱᑦ ᐅᓂᑭᒧᐅᓇ 119:5

ᐅ ᑭᒪ ᓂᑦ ᐃᓯᑥᐅᓇ ᒋ ᒋᔅᒋᓄᑕᐃᑯᔭᓐ ᒐᒋ ᑭᓄᐛᔨᑎᒪᓐ ᒋᑦ ᐃᑎᓱᐛᐅᓇ !

ᑎᐱᑦ ᐅᓂᑭᒧᐅᓇ 40:1

ᓯᐱᔪᐛᓯᐅᓂᒡ ᓂᒋ ᐊᓯᓄᐛᐊᐤ ᑎᐸᔨᒋᒐᓱᐤ; ᓂᒋ ᐱᔅᒐᔨᒥᒄ ᒪᒃ, ᑭᔭ ᒋ ᓂᑐᑎᒻ ᓂᒪᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:25

ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ᓯᐱᔪᐛᓯᓇᓄᐤ ᒪᒃ ᐊ ᐊᓱᐛᐸᑎᒪᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

1 ᑯᕆᓐᑎᔭᓇ 8:3

ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 3:11

ᐊᐅᒄ ᒪᒃ ᐅ ᐊ ᐃᓯ ᐊᔭᒥᐊᔅᑎᒪᑕᒡ, ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᒐᒋ ᓇᐃᐱᔨᑕᒡ ᒥᓐ ᒐᒋ ᓂᑐᐛᐱᒥᑕᒡ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮

2 ᐱᑕᕐ 3:12

ᑭᔭ ᐊ ᐱᑯᓴᔨᑎᒪᒄ ᒋᓴᒪᓂᑐᐤ ᐅᒋᓯᑲᒻ ᒐ ᐅᑎᒋᐱᔨᒡ᙮ ᓱᒃ ᒋᐸ ᐊᑐᔅᑯᐛᐛᐤ ᒋᓴᒪᓂᑐᐤ ᐎᐱᒡ ᒐᒋ ᐅᑎᒋᐱᔨᒡ ᐊᓂᔭ ᐅᒋᓯᑲᒻ᙮ ᐛᔅ ᐊᓐ ᐊ ᒋᓯᑲᒡ ᒥᓯᐛ ᒋᓯᒂ ᒋᑭ ᐊᑎᑎᔅᑕᐛ ᑭᔭ ᒋᑭ ᓂᓱᐅᓇᑎᓇ᙮ ᐊᑯ ᒥᓯᐛ ᐊᓂᔭ ᐛᔅᑕᐅᓇ ᐊᓐᑕ ᒋᓯᑯᒡ ᑲ ᑎᒂᒋ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᐛᓴ ᒥᔅᑎ ᒥᓯᑕᐱᔨᒡ ᐃᔅᑯᑕᐤ ᒥᓯᐛ ᐊᓐᑕ ᒋᓯᑯᒡ᙮

1 ᒠᓐ 4:19

ᒋ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ᓴᒋᐃᑕᐧᒄ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 13:10

ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᐊᓐᒡ ᑲ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮