2 ᑕᓴᓗᓂᔭᓇ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᐅᒄ ᐅ ᐛᒋ ᐃᑎᑕᒡ ᐛᔅ ᓂᒋ ᐸᑕᓇᓐ ᐊ ᑕᒡ ᐊᓐᑕ ᐊ ᑕᔭᒄ ᐱᔅᒐ ᐊᑲ ᓇᔅᒡ ᐎᔭᔅ ᐃᑕᐱᑎᓯᒡ ᒥᒄ ᐊ ᐃᔨᒥᑐᑐᐛᒡ ᐊᐛᔪᐛ᙮

2 ᑕᓴᓗᓂᔭᓇ 3:11 ပူးပေါင်းရင်းမြစ်များ

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 5:13

ᑯᑎᑭᒡ ᐅᒡ ᑲ ᐅᔅᒋᐱᒪᑎᓯᒡ ᑲ ᐸᐃᑯᓯᒡ ᐃᔎᐅᒡ ᐊᔭᔅᒃ ᓇᒪ ᒐᒂᓂᒡ ᒋᑭ ᐅᒋ ᐃᑕᔨᑎᒧᒡ ᐊᑲ ᓇᔅᒡ ᒐᒂᔪᐤ ᐃᑐᑕᒡ᙮ ᒥᒄ ᐊᑎ ᐸᐱᑎᑯᐛᐅᒡ ᐊᐛᔪᐛ ᐎᒋᔨᒡ, ᒥᒄ ᐊᑎ ᒥᒧᐱᔅᑐᐛᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᒐᒃ ᒧᔅ ᐱᒋᔎᐧᑲᑐᐛᐅᒡ ᑭᔭ ᐱᐱᔎᐅᒡ ᐊ ᐊᔨᒧᑕᒡ ᒐᒂᔪᐤ ᐊᓂᔭ ᐊᑲ ᒋᐸ ᐅᒋ ᐊᐱᑕᔨᑎᒥᐃᑯᐅᒡ᙮

1 ᐱᑕᕐ 4:15

ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᒋᑭ ᐅᒋ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ᓂᐸᐃᐛᑦ, ᑭᔭ ᒪᒃ ᐊ ᒋᒧᑎᒂ, ᑭᔭ ᒪᒃ ᐊ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ᐅᑕᔨᒪᑦ ᑯᑎᑲ ᐊᐛᔪᐛ ᐊ ᐃᑎᔨᒋ᙮