2 ᑕᓴᓗᓂᔭᓇ 1:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯᑕ ᐅ ᒐ ᐅᒋ ᒋᔅᑕᔨᑕᑯᑕᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᑭᔭ ᒋᔨᐛᐤ ᒪᒃ ᒋᑭ ᒋᔅᑕᔨᑕᑯᐃᑯᐛᐤ᙮ ᐊᐅᒄ ᒐ ᐃᑐᑕᑯᐅᔭᒄ ᐊᔅᐱᔅ ᓱᐛᔨᑕᑯᓯᒡ ᒋᒋᓴᒪᓂᑐᒥᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭᙮

2 ᑕᓴᓗᓂᔭᓇ 1:12 ပူးပေါင်းရင်းမြစ်များ

ᒐᓂᓯᔅ 18:18

ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ᒥᒐᑐᔅᑲᓇᓯᔨᐛ ᑭᔭ ᒋᑭ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 72:17

ᐅᑦ ᐃᓯᓂᐧᑲᓱᐅᓐ ᓇᓂᑎᒻ ᒋᑭ ᑎᑯᓂᔪᐤ: ᐅᑦ ᐃᓯᓂᐧᑲᓱᐅᓐ ᒋᑭ ᐱᒥᐱᔪᐤ ᒐ ᐃᔅᐱᔅ ᑕᒂ ᐱᓯᒻ᙮ ᐃᔪᐤ ᒪᒃ ᒋᑭ ᓱᐛᔨᑕᑯᓱᐤ ᐎᔾ ᐅᒡ; ᒥᓯᐛ ᑭᔭ ᑲ ᐃᑎᔅᑲᓇᓯᔨᒋ ᐃᔪᐛ ᓱᐛᔨᑕᑯᓯᐤ ᒋᑭ ᐃᑎᑯᐤ᙮

ᒠᓐ 17:10

ᒥᓯᐛ ᐅᒡ ᑲ ᑎᐱᔨᐛᐅᓯᔨᓐ ᑭᔭ ᓂᔾ ᓂ ᑎᐱᔨᐛᐅᓯᓐ᙮ ᒥᓯᐛ ᐊᓐᒡ ᑲ ᑎᐱᔨᐛᐅᓯᔭᓐ ᑭᔭ ᒋᔾ ᒋ ᑎᐱᔨᐛᐅᓯᓐ᙮ ᓂᒋ ᒋᔅᑕᔨᑕᑯᐃᑯᐅᓐ ᒪᒃ ᐎᔨᐛᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

1 ᑯᕆᓐᑎᔭᓇ 1:4

ᒧᔅ ᓂᓇᔅᑯᒪᐤ ᒋᓴᒪᓂᑐᐤ ᑕᓐ ᑲ ᐃᓯ ᓱᐛᔨᒥᑕᒄ ᒋᓴᔅ ᙭ ᐅᒡ᙮

2 ᑯᕆᓐᑎᔭᓇ 13:4

ᐊᑎ ᐊᑲ ᐅᒋ ᓴᐱᓯᑦ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒋᓴᒪᓂᑐᐛ ᐅᓱᐧᑲᑎᓯᐅᓂᒡ ᐅᒡ ᐱᒪᑎᓯᐤ ᐊᓄᒡ᙮ ᐊᐅᑯᓐ ᒪᒃ ᐊ ᐃᓯᓇᑯᓯᔭᒡ ᑭᔭ ᓂᔭᓐ ᐊ ᐎᒐᐎᒋᒡ ᙭, ᓇᒪ ᓂᓴᐱᓯᓇᓐ᙮ ᒥᒄ ᒪᒃ ᙭ ᓂᑭ ᐱᒪᑎᓯᔅᑐᐛᓇᓐ ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ ᒋᔨᐛᐤ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

2 ᑕᓴᓗᓂᔭᓇ 1:10

ᒋᑭ ᐛᐛᓯᐊᐤ ᐅᑎᐸᔨᒋᒐᐤ ᐅᔭ ᐊᓂᔭ ᐊ ᒋᓯᑲᔨᒡ ᑎᑯᓯᒐ ᒐᒋ ᒋᔅᑕᔨᑕᑯᐃᑯᑦ ᑲ ᑕᑈᑎᒥᔨᒋ ᑭᔭ ᒐᒋ ᒋᔅᑕᔨᒥᑯᑦ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒥᑯᑦ᙮ ᐊᑯᑕ ᒪᒃ ᒐ ᐎᒋᐃᐛᔭᒄ ᑭᔭ ᒋᔨᐛᐤ ᒋᔅᑕᔨᑕᑯᐊᑭᓄᒐ ᐅᑎᐸᔨᒋᒐᐤ ᐛᔅ ᔅᒋ ᑕᑈᑕᓇᐛᐤ ᐊᓐ ᒥᔽᒋᒧᐅᓐ ᑲ ᐎᑎᒪᑕᒡ᙮

ᑕᐃᑕᔅ 2:11

ᐛᔅ ᒋᓴᒪᓂᑐᐤ ᒋ ᐛᐸᑎᔨᐛᐤ ᐅᒋᓴᐛᑎᓯᐅᓐ ᒐᒋ ᐅᒋ ᐱᒪᒋᐅᑦ ᒥᓯᐛ ᐊᐛᓐ᙮

1 ᐱᑕᕐ 4:14

ᐛᔅ ᒧᔭᒻ ᒪᔭᔨᒥᑯᐅᔭᒂ ᙭ ᐊ ᓇᓴᐛᒄ, ᒋ ᓱᐛᔨᑕᑯᓯᓇᐛᐤ ᐛᔅ ᐊᑯᑕ ᐛᒋ ᒋᔅᒐᔨᑕᒂᒡ ᑕᑈ ᐊ ᐎᒐᐅᑕᒄ ᑲ ᒋᔅᑕᔨᑕᑯᓯᑦ ᐊᒐᐧᒄ, ᒋᓴᒪᓂᑐᐤ ᐅᑦ ᐊᒐᒂ᙮

ᒋᔅᒐᔨᑕᑯᑕᒐᐅᓐ 1:4

ᓂᔾ ᒠᓐ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᒥᓯᓇᐊᒪᑎᓇᐛᐤ ᐊᓐᑕ ᑲ ᑕᔭᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᐊᐃᓴ ᑲ ᐃᓯᓂᐧᑲᑕᒡ ᐊᔅᒋᔾ᙮ ᒋᓴᒪᓂᑐᐤ, ᐊᓐ ᐊᓄᒡ ᐊ ᑕᑦ ᑭᔭ ᒧᔅ ᑲ ᐸᒋ ᑕᑦ, ᑭᔭ ᐊᓐ ᒐ ᑎᑯᓯᐧᒃ, ᒋᑭ ᓱᐛᔨᒥᑯᐛᐤ ᑭᔭ ᒋᑭ ᒥᔨᑯᐛᐤ ᒋᔭᒪᔨᑎᒧᐅᓂᔪᐤ᙮ ᑭᔭ ᐊᓐᒡ ᓂᔄᐅᑕᒡ ᐊᒐᐧᑯᒡ ᐅᑎᔅᑯᐤ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔨᒡ ᐊ ᑕᒡ, ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮