2 ᐱᑕᕐ 1:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮

2 ᐱᑕᕐ 1:10 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 112:6

ᒐᔅᑎᓇᔅ ᓇᒪᐎᔾ ᒋᑭ ᐊᒋᐸᔨᐊᑭᓄᐤ, ᐅᑯᐃᔅᑯᑕᑎᓯᐤ ᑲᒋᒡ ᒋᑭ ᒋᔅᒋᑐᐛᑭᓄᐤ᙮

ᑎᐱᑦ ᐅᓂᑭᒧᐅᓇ 121:3

ᓇᒪᐎᔾ ᒋᑭ ᓇᐊᔨᑎᒻ ᒋᓯᑎᔪᐤ ᒐᒋ ᐊᒋᐱᔨᒡ: ᐊᓐ ᑲ ᑭᓄᐛᔨᒥᔅᒃ ᓇᒪᐎᔾ ᒋᑭ ᓄᑕᐧᑯᓱᐤ᙮

ᑎᐱᑦ ᐅᓂᑭᒧᐅᓇ 15:5

ᐊᓐ ᐊᑲ ᐎᔨᐛᑦ ᐅᓱᓇᔭᓂᒻ ᒐᒋ ᐃᔅᐱᐱᔨᒋ, ᑭᔭ ᐊᑲ ᐅᑎᓇᐧᒃ ᑎᐸᐊᒪᑯᓯᐅᓂᔪᐤ ᒐᒋ ᐊᔨᒥᐊᑦ ᑲ ᒥᔪ ᐃᑎᔨᒋ᙮ ᐊᓐ ᐅᔭ ᑲ ᐃᑐᑕᐧᒃ ᓇᒪ ᓂᑕ ᒋᑭ ᐊᒋᐱᔭᑭᓄᐤ᙮

ᑎᐱᑦ ᐅᓂᑭᒧᐅᓇ 37:24

ᐊᑎ ᐊ ᐸᒋᓯᒄ, ᓇᒪᐎᔾ ᒋᒋᐛ ᒋᑭ ᓂᒋᐛᐱᓇᑭᓄᐤ: ᐛᔅ ᓯᑐᓂᑯᐤ ᑎᐸᔨᒋᒐᓱᐛ ᐅᑎᒋᔨᒡ ᐅᒡ᙮

ᑎᐱᑦ ᐅᓂᑭᒧᐅᓇ 62:2

ᐎᔾ ᒥᒄ ᓂᒋᔅᑕᐱᔅᑯᒻ ᑭᔭ ᓂᐱᒪᒋᐃᑯᓯᐅᓐ; ᐎᔾ ᓂᒋᔅᐸᐛᑎᑯᓯᐅᓐ; ᓇᒪᐎᔾ ᓇᔅᒡ ᓂᑭ ᐊᒋᐸᔨᐃᑯᐅᓐ᙮

ᑎᐱᑦ ᐅᓂᑭᒧᐅᓇ 62:6

ᐎᔾ ᒥᒄ ᓂ ᒋᔅᑕᐱᔅᑯᒻ ᑭᔭ ᓂ ᐱᒪᒋᐃᑯᓯᐅᓐ; ᐎᔾ ᓂ ᓇᑕᒪᑯᓯᐅᓐ; ᓇᒪ ᓂᑕ ᓂᑭ ᒋ ᐊᒋᐸᔨᐃᑯᐅᓐ᙮

ᒪᑎᔪᐤ 22:14

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᒥᒐᑦ ᐊᐛᓐᒋ ᑕᑈᑕᑭᓄᐎᒡ, ᒥᒄ ᒪᒃ ᓇᒪ ᒥᒐᑦ ᐅᑎᓇᑭᓄᐎᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29

ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

ᐃᑉᕈᐛ 6:19

ᐊ ᒐᔅᑎᓇᑕᔨᑎᒪᐧᒄ ᒪᒃ ᐅᔭ ᑲ ᐃᓯ ᓇᔅᐱᒡ ᑕᑈᑦ ᒋᓴᒪᓂᑐᐤ ᒐ ᐃᓯ ᐃᑐᑎᒪᑕᐧᒄ ᒧᔭᒻ ᐊ ᐃᑕᐱᑎᓯᑦ ᐳᓂᓯᓇᐸᒋᑭᓐ ᒐᒋ ᔭᐃᑎᑯᑎᒡ ᐅᐤᑦ ᐃᓯᓇᑯᓐ᙮ ᐊᓐ ᒪᒃ ᐊᐛᓐ ᑲ ᒐᔅᑎᓇᑕᔨᒪᐧᒄ ᐊᐅᒄ ᐊᓐ ᐸᒐᑦ ᐊᓐᑕ ᐊᓂᔭ ᑲ ᐊᑯᐛᑲᐃᑭᓄᐎᒡ ᒪᐅᒡ ᑲ ᐸᔭᒋᓯᒥᑲᒡ ᐊ ᐃᓯᓂᐧᑲᑕᔨᒡ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ ᐊᔭᒥᐊᐅᒋᐛᐱᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:10

ᐛᔅ ᐊᓐ ᐊᐛᓐ ᒥᓯᐛ ᐊᓂᔭ ᐎᓱᐛᐅᓂᔪᐤ ᑲ ᓂᓇᐃᑕᐧᒃ ᒥᒄ ᒪᒃ ᐸᐃᒄ ᒐᒂᔪᐤ ᐊᓐᑕ ᑕᓐ ᐊ ᐃᑎᔅᑕᔨᒡ ᐱᑯᓇᒐ ᒥᓯᐛ ᐊᓂᔭ ᐎᓱᐛᐅᓂᔪᐤ ᐊ ᐱᑯᓇᐧᒃ ᐃᓯᓇᑯᓱᐤ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 1:5

ᐊ ᐛᐸᑎᒪᒄ ᒪᒃ ᐅ ᑲ ᐃᔅᐱᔅ ᐛᓴ ᒋ ᒥᔪᑐᑎᒪᑕᒄ, ᓱᒃ ᑯᒋᑕᒄ ᑯᐃᔅᑯᑕᑎᓯᐅᓐ ᒐᒋ ᓄᒂᒡ ᐊᓐ ᐊ ᑕᑈᑎᒪᒄ᙮ ᐊᑯ ᒪᒃ ᒋᑯᐃᔅᑯᑕᑎᓯᐅᓄᐛᒡ ᓱᒃ ᒐ ᐎ ᐊᑎ ᐊᔭᔭᒄ ᒋᔅᒐᔨᑎᒧᐅᓐ, ᐊᔭᔅᒃ ᒐ ᐎ ᒥᔪ ᒋᔅᒐᔨᒪᒄ ᒋᓴᒪᓂᑐᐤ ᑭᔭ ᐅᑦ ᐃᔨᒧᐅᓐ ᐊᔭᔅᒃ ᒐ ᐎ ᐊᑎ ᒥᔪ ᒋᔅᒐᔨᑎᒺᒄ᙮

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

2 ᐱᑕᕐ 3:17

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓴᔅ ᒋ ᒋᔅᒐᔨᑕᓇᐛᐤ ᒥᓯᐛ ᐅ᙮ ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑐᑕᔨᑕᑯᒡ ᐊᓐᒡ ᐊᑲ ᐊᔭᐱᑕᔨᑕᒡ ᑕᓐ ᐊ ᐃᓯ ᐎᓱᐛᓄᐎᒡ᙮ ᐛᔅ ᒧᔭᒻ ᐅ ᐃᔅᐱᔨᒐ ᒋᑭ ᐅᓂᑐᑕᔨᑕᑯᓇᐛᐤ ᐊᓐᑕ ᐊᓐ ᐊ ᑕᔭᒄ ᒪᒂᒡ, ᐊᓐ ᐊᒋ ᒐᔅᑎᓇᑕᔨᑕᑯᑕᑭᓄᐅᒡ ᐊᓐᑕ ᓇᐳᐅᔭᒄ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 22:14

ᑕᑈ ᒋᑭ ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᑕᒡ ᐅᑦ ᐊᐱᒋᑕᐅᓄᐛᐛ᙮ ᐊᐅᑯᓐᒡ ᐅᒡ ᒐ ᑕᑈᐅᒐᔨᑕᑯᓯᒡ ᒐᒋ ᐱᒐᒡ ᐊᓂᔭ ᐅᑕᓇᔪᐤ ᑭᔭ ᒐᒋ ᐅᑎᓂᒪᓱᒡ ᒥᓂᓴ ᐊᓐᑕ ᐅᒋ ᐊᓂᔭᔪᐛ ᒥᔅᑎᒂ ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ᙮