2 ᑯᕆᓐᑎᔭᓇ 9:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐛᐸᑕᒂᐛ ᐊ ᓄᑯᓂᔨᒡ ᑕᑈ ᐊ ᑕᑈᑎᒪᒄ ᑭᔭ ᐊ ᓂᓇᐃᑎᒺᒄ ᒋᓴᔅ ᙭ ᐅᒥᔽᒋᒧᐅᓐ᙮ ᑭᔭ ᒋᑭ ᒋᔅᑕᒋᒪᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᔅᐱᔅ ᐎᒋᐊᑯᒡ ᑭᔭ ᑕᓐ ᑲ ᐃᔅᐱᔅ ᐎᒋᐃᒪᑯ ᑯᑎᑲ ᐊᐛᔪᐛ᙮

2 ᑯᕆᓐᑎᔭᓇ 9:13 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 50:23

ᐊᐛᓐ ᑲ ᒪᒥᒋᒧᐛᑦ ᓂ ᒋᔅᑕᒋᒥᒄ: ᐊᓐ ᑭᔭ ᑯᐃᔅᒄ ᑲ ᐅᔭᔅᑕᑦ ᐅᑦ ᐃᑕᑎᓯᐅᓐ, ᓂᑭ ᐛᐸᑎᔭᐤ ᒋᓴᒪᓂᑐᐛ ᐅᐱᒪᒋᐃᐛᐅᓂᔪᐤ᙮”

ᒪᑎᔪᐤ 5:16

ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ᒥᔪᑐᑎᒪᒄ ᐊᑯ ᒪᒃ ᒐ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ᙮”

ᒪᑎᔪᐤ 9:8

ᐃᔅᐱ ᒪᒃ ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᒥᔅᑲᑕᔭᔨᑎᒧᒡ ᐎᔭᐸᑕᒡ ᑕᓐ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᒋ ᒥᔭᔨᒋ ᐃᔪᐛ ᐅᔭ ᐃᓯ ᑭᔅᒋᐅᓂᔪᐤ᙮

ᓗᒃ 6:46

“ᒐᒂᓐ ᒪᒃ ᐛᒋ ᐃᓯᓂᐧᑲᓯᔭᒄ ᐅᑎᐸᔨᒋᒐᐤ, ᐊᑲ ᒪᒃ ᐃᑐᑎᒪᒄ ᑕᓐ ᐊ ᐃᓯ ᐎᑎᒪᑎᑯᒡ ᒐᒋ ᐃᑐᑎᒪᒄ ?

ᒠᓐ 15:8

ᐊ ᒥᔪ ᒥᓂᓱᐅᔭᒄ ᐊᑯᑕ ᐛᒋ ᒋᔅᑕᒋᒪᑭᓄᐅᑦ ᓄᑕᐎᔾ, ᑭᔭ ᐊᑯᑕ ᒋᔭᔅᑎᓇᑕᔨᑕᒂᒡ ᐊ ᐅᒋᔅᒋᓄᐊᒧᐛᑭᓂᑐᑕᑎᑯᒡ᙮”

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:16

ᐊᑎ ᒪᒃ ᐊᒋ ᑕᔨᒋ ᐊᓂᔭᔪᐛ ᑲ ᐃᑎᓴᐊᒧᐛᑭᓄᐎᒡ ᒐᒋ ᐛᐎᑎᒪᑯᒡ ᒥᔽᒋᒧᐅᓂᔪᐤ ᐊᓐᒡ ᒍᐤ ᐃᔪᒡ ᓇᒪ ᒥᓯᐛ ᐅᒋ ᑕᑈᑎᒧᒡ᙮ ᐊᐅᒄ ᒪᒃ ᐅᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐊᔨᒧᑕᐧᒃ ᑲ ᐃᔅᒋᔄᑦ, ᐅᑎᐸᔨᒋᒐᐤ, ᐊᑐᐎᔅ ᐊ ᐊᐛᓐ ᑕᑈᑎᒻ ᑕᓐ ᐊ ᐃᓯ ᐛᐎᑎᒪᒡ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:8

ᐊ ᑕᒂ ᐊᐛᓐ ᐊᒋ ᒥᔭᑭᓄᐅᑦ ᒐᒋ ᓯᒋᒧᐛᑦ ᐊᓐᑕ ᐊᑲ ᐛ ᓴᐸᔨᑕᑭᓄᔨᒋ ᐊᐅᑯᓐ ᒋᐸ ᐃᑐᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐛᐎᒋᐊᑦ ᐊᐛᔪᐛ ᑕᓐ ᐊ ᐃᓯ ᓄᑕᐱᔨᒋ ᐊᑯᔅ ᒋᑭ ᐎ ᐛᔪᐅᒡ ᒥᔨᐛᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᓂᑲᓂᔅᑲᒐᑦ ᓱᒃ ᒋᐸ ᐎ ᑭᔅᒋᐅᐤ ᐊᓂᔭ ᐊ ᐃᑕᐱᑎᓯᑦ᙮ ᐊᑯ ᒪᒃ ᑲ ᒥᔭᑭᓄᐅᒂ ᐊᐛᓐ ᒐᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᒪᒃ ᐊᓂᔭᔪᐛ ᑲ ᒥᓯᒪᔨᑎᒥᔨᒋ ᒋᐸ ᒥᔽᔨᑎᒻ ᐊᓂᔭ ᐊ ᐃᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:31

ᓂᑐᑎᒪᒄ ᒐᒋ ᑭᓄᐛᔨᒥᑯᐅᔭᓐ ᑕᓐ ᒐ ᐎ ᐃᓯ ᓂᑎᒥᒄ ᐃᑐᑐᐅᒡ ᐊᓐᒡ ᐊᑲ ᑕᑈᑕᒡ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮ ᓂᑐᑎᒪᒄ ᑭᔭ ᐊᓐᒡ ᑲ ᑕᑈᑕᒡ ᒋᕈᓯᓕᒥᒡ ᐊ ᑕᒡ ᒐᒋ ᓇᐊᔨᑎᒥᐃᑯᒡ ᐊᓂᔭ ᑕᓐ ᒐ ᐃᑐᑎᒧᐅᒂᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:26

ᐊᓄᒡ ᒪᒃ ᓴᔅ ᒋ ᒋᔅᒐᔨᑕᓇᓄᐤ ᐅ ᒥᔽᒋᒧᐅᓐ᙮ ᒋᓴᒪᓂᑐᐤ ᑲᒋᒡ ᐊ ᑕᑦ ᒋ ᐃᑎᓱᒪᐤ ᐊᓂᔭᐧᑲ ᐅᒋᔅᒋᐛᐃᒐᓯᒪ ᒐᒋ ᐊᔨᒧᑎᒥᔨᒋ ᐅᔭ ᒥᔽᒋᒧᐅᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᐊᑎ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᒋᔅᒐᔨᑎᒥᐊᑭᓄᐎᒡ ᐊᓂᔭ ᒥᔽᒋᒧᐅᓂᔪᐤ ᑭᔭ ᒐᒋ ᑕᑈᔭᔨᒪᒡ ᑭᔭ ᒐᒋ ᓂᓇᐃᑐᐛᒡ ᒋᓴᒪᓂᑐᐛ᙮

2 ᑯᕆᓐᑎᔭᓇ 10:5

ᒥᒄ ᓂᑦ ᐃᑎᓇᓐ ᒐᒋ ᓂᒋᐛᐸᐊᒪᒡ ᑕᓐ ᐊ ᐃᓯ ᐎᔭᓯᒧᐛᐤ ᑭᒐᑕᐛᑕᑯᐃᓯᒡ ᐊᓐᒡ ᐊᑲ ᒧᔭᒻ ᑲ ᐃᓯ ᐊᔨᒧᒪᒡ ᒋᓴᒪᓂᑐᐛ ᑭᔭ ᑲ ᓂᑲᐅᐛᒡ ᒐᒋ ᒋᔅᒐᔨᒪᑭᓄᔨᒋ ᒋᓴᒪᓂᑐᐛ᙮ ᓂ ᐎ ᐃᑐᑐᐛᓇᓂᒡ ᒐᒋ ᐱᔅᑕᔨᒥᑎᓱᔅᑎᒧᐛᒡ ᙭ᑕ ᐅᒥᑐᓇᔨᒋᑭᓄᐛᐛ ᒐᒋ ᐅᒋ ᓂᓇᐃᑐᐛᒡ᙮

2 ᑯᕆᓐᑎᔭᓇ 2:12

ᑐᕈᐊᔅ ᐊ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮

2 ᑯᕆᓐᑎᔭᓇ 8:4

ᓇᔅᒡ ᓂᒋ ᓯᒋᒥᑯᓇᓂᒡ ᒐᒋ ᐱᔅᑎᓂᒐᔭᒡ ᑭᔭ ᐎᔨᐛᐤ ᒐᒋ ᐱᔅᑎᓂᒐᒡ ᒐᒋ ᐎᒋᐊᑭᓄᔨᒋ ᐊᓂᔭᔪᐛ ᑲ ᒋᔅᑎᒪᑎᓯᔨᒋ ᑲ ᑕᑈᑎᒥᔨᒋ᙮

2 ᑯᕆᓐᑎᔭᓇ 9:14

ᑲ ᐃᔅᐱᔅ ᒋ ᐛᔪᐅᒡ ᓱᐛᔨᒥᑕᒄ ᒋᓴᒪᓂᑐᐤ ᒋᑭ ᓴᒋᐃᑯᐛᐅᒡ ᑭᔭ ᒋᑭ ᐊᔭᒥᐊᔅᑎᒪᑯᐛᐅᒡ᙮

ᑲᓚᓯᔭᓇ 1:24

ᐊᑯ ᒪᒃ ᑲ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

ᐃᑉᕈᐛ 10:23

ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮

ᐃᑉᕈᐛ 13:16

ᐊᑲᐎᔾ ᐳᓂᒄ ᐊ ᒥᔪᑐᑎᒪᒐᔭᒄ ᑭᔭ ᐊ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᓇᔅᒡ ᐊ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 5:9

ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮