2 ᑯᕆᓐᑎᔭᓇ 6:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ “ᐊᑯ ᒪᒃ, ᓂᑭᑕᐧᑯᒡ ᐊᓐᒡ ᐊᑲ ᑕᑈᑕᒡ, ᑭᔭ ᑎᐸᓂᐃᓱᒄ,” ᐃᔅᒋᔄᐤ ᐅᑎᐸᔨᒋᒐᐤ᙮ “ᐊᓐ ᒐᒂᓐ ᐊ ᐃᑕᔨᑕᒂᒡ ᐊ ᒪᔭᑎᒡ ᐊ ᐅᓇᔨᑎᒥᐃᑯᑦ ᐊᐛᓐ ᐊ ᐊᔭᒥᐊᑦ ᑭᔭ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊᑲᐎᔾ ᐊᐱᑕᔨᑎᒧᒄ᙮ ᓂᑭ ᒥᔽᔨᑕᓐ ᒪᒃ ᐸᒋ ᓇᓯᔭᒂ᙮

2 ᑯᕆᓐᑎᔭᓇ 6:17 ပူးပေါင်းရင်းမြစ်များ

ᐊᑈᔅᑕᓇᒡ 2:40

ᓇᐅᔅ ᒋ ᐃᔨᒪᐊᐤ ᐱᑕᕐ ᐊᓂᔭᔪᐛ ᐃᔪᐛ᙮ ᒋ ᐃᔭᒂᒥᒪᐤ, ᐊ ᐃᑕᑦ, “ᐎᐧᑯᒋᐃᓱᒄ ᒐ ᐊᑲ ᒋ ᐛᐛᓯᐃᑯᐅᔭᒄ ᒋᔨᐛᐤ ᑕᓐ ᒐ ᐃᓯ ᐛᐛᓯᐊᑭᓄᐅᒡ ᐅᒡ ᑲ ᒥᒐᑎᓯᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:7

ᓇᒪ ᒋ ᐅᒋ ᐊᑐᐛᔨᒥᑯᐛᐤ ᙭, ᐊᑲᐎᔾ ᒪᒃ ᑭᔭ ᒋᔨᐛᐤ ᐊᑐᐛᔨᒥᑐᒄ ᐛᔅ ᐊᑯᑕ ᒐᒋ ᐅᒋ ᒪᒥᒋᒪᑭᓄᐅᑦ ᒋᓴᒪᓂᑐᐤ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᒋᔅᒐᔨᑕᑯᑕᒐᐅᓐ 18:4

ᐊᑯ ᒥᓐ ᑯᑎᒃ ᐊᐛᓐ ᒂ ᐸᑐᐅᒃ ᒋᒋᒋᓯᑯᒡ ᐊ ᐅᒋ ᐃᔨᒥᑦ ᐊ ᐃᔅᒋᔄᑦ, “ᒋᔨᐛᐤ ᓂᑦ ᐃᔨᒥᑎᒄ ᐊᓐᑕ ᐊ ᑕᔭᒄ, ᐎᐎᒄ ᐊᓐ ᐅᑕᓇᐤ ᐊᑲ ᑭᔭ ᒋᔨᐛᐤ ᒐ ᒥᒋᑐᑎᒪᒄ ᒧᔭᒻ ᑕᓐ ᐊ ᐃᑎᒡ ᐊᓐᒡ ᐊᓐᑕ ᐊ ᑕᒡ ᑭᔭ ᒪᒃ ᒐ ᐊᑲ ᒋ ᐊᓯᒡ ᐛᐛᓯᐃᑯᔭᒄ ᐃᔅᐱ ᐛᐛᓯᐊᑭᓄᑥᐛ᙮