2 ᑯᕆᓐᑎᔭᓇ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

2 ᑯᕆᓐᑎᔭᓇ 2:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 106:47

ᐱᒪᒋᐃᓇᓐ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ, ᑭᔭ ᒪᐅᒋᐃᓇᓐ ᐊᑲ ᐊᔭᒥᐊᒡ ᐅᒋ, ᒐᒋ ᓂᓇᔅᑯᒥᑕᒡ ᒋᐸᔭᒋ-ᐃᓯᓂᐧᑲᓱᐅᓐ ᐅᒋ ᑭᔭ ᒐᒋ ᒋᔅᑕᔨᑕᑯᓯᔭᒡ ᒋᒪᒥᒋᒥᑯᓯᐅᓂᒡ᙮

ᑎᐱᑦ ᐅᓂᑭᒧᐅᓇ 148:14

ᐊᓯᒡ ᑭᔭ ᐃᔅᐸᔨᑕᑯᐃᒪᐤ ᐅᑦ ᐊᔅᑲᓂᔨᐛ ᐅᑦ ᐃᔨᒪ, ᐅᒪᒪᑕᑯᒥᑯᓯᐅᓂᔪᐤ ᒥᓯᐛ ᐅᐸᔭᒋᓯᒪ; ᐃᔅᕋᐃᓪ ᐅᑦ ᐃᔨᒪ ᐅᑦ, ᐃᔪᐛ ᑲ ᐸᔄᐱᒥᑯᑦ᙮ ᒪᒥᒋᒥᐧᒄ ᑎᐸᔨᒋᒐᓱᐤ !

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:8

ᓂᔅᑎᒻ ᒐᒂᓐ ᐛ ᐃᔅᒋᔄᔭᓐ᙮ ᓂᓇᔅᑯᒪᐤ ᓂᒋᓴᒪᓂᑐᒻ ᒋᓴᔅ ᙭ ᐅᒋ ᐃᔅᐱ ᒐᔅᒋᓯᑐᑕᑎᑯᒡ ᒥᓯᐛ ᐊ ᑎᓯᔭᒄ ᐛᔅ ᒥᓯᐛ ᐅᑕ ᐊᔅᒋᒡ ᐊᔨᒧᑕᑭᓄᐤ ᒋᑕᑈᔭᔨᑎᒧᐅᓄᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:17

ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:37

ᐊᑎ ᒪᒃ ᒥᓯᐛ ᐅ ᐊ ᐃᓯ ᓂᓇᐧᑯᐤ ᐃᔅᐱᔨᒡ ᐊᓐᑕ ᐊ ᑕᔭᐧᒄ ᒋ ᑭᓄᐛᔨᑕᓇᓄᐤ ᐱᔅᒋᔭᒐᐅᓐ ᙭ ᐅᒋ, ᐊᓐ ᑲ ᓴᒋᐃᑕᐧᒄ ᐛᔅ ᐎᔾ ᒋ ᐎᒋᐃᑯᓄᐤ᙮

1 ᑯᕆᓐᑎᔭᓇ 12:8

ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮

1 ᑯᕆᓐᑎᔭᓇ 15:37

ᐊᓐ ᒪᒃ ᓂᑕᐅᒋᑕᑭᓐ ᑲ ᐊᔭᑭᓄᐅᑦ ᐊᓐᑕ ᐊᔅᒋᒡ ᓇᒪ ᓇᔅᒡ ᒋᔅᒐᔨᑕᑯᓐ ᑕᓐ ᐊᓐ ᒐ ᐃᓯᓇᒂᒡ ᐃᔅᐱ ᒋ ᐃᓯ ᓂᑕᐅᒋᒐ᙮

1 ᑯᕆᓐᑎᔭᓇ 15:57

ᒋᑭ ᓂᓇᔅᑯᒪᓄᐤ ᒪᒃ ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮ ᔅᒋ ᐃᑐᑎᒪᑯᓇᓄᐤ ᒐ ᐊᑲ ᒋ ᓴᐧᑯᒋᐃᑯᔭᐧᒄ ᓂᐳᐅᓐ, ᐃᔭᐱᒡ ᑲᒋᒡ ᒐᒋ ᐱᒪᑎᓯᔭᐧᒄ᙮

2 ᑯᕆᓐᑎᔭᓇ 1:11

ᒋᔨᐛᐤ ᒪᒃ ᑭᔭ ᒋᑭ ᒋ ᐎᒋᐃᓇᓐ ᐊ ᐊᔭᒥᐊᔅᑎᒧᔭᒡ᙮ ᐅ ᒪᒃ ᑎᔭᒂ ᐸᑎᒪ ᒋᑭ ᓄᑯᓐ ᑕᓐ ᒐ ᐃᓯ ᓱᐛᔨᒥᔨᒥᑦ ᒋᓴᒪᓂᑐᐤ᙮ ᐊᑯᑕ ᒪᒃ ᒐ ᐅᒋᐱᔨᒡ ᒥᒐᑦ ᐊᐛᓐ ᒐ ᓂᓇᔅᑯᒪᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮

2 ᑯᕆᓐᑎᔭᓇ 9:15

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓂᔭ ᐅᒥᔨᐛᐅᓐ᙮ ᓇᒪ ᐊᓐ ᒋ ᐎᑕᑭᓄᐅᔪᐤ ᐊ ᐃᔅᐱᔅ ᒥᔽᔨᑕᑯᓂᔨᒡ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

ᑯᓚᓯᔭᓇ 1:6

ᐅ ᒥᔽᒋᒧᐅᓐ ᒧᓯᓇᐤ ᐱᒥᐱᔪᐤ ᓱᐛᔨᒋᒐᐅᓐ ᐊᓐᑕ ᐅᒋ ᑭᔭ ᒧᓯᓇᐤ ᒥᓯᑕᐱᔪᐤ ᐊ ᐛᐎᑕᑭᓄᐅᒡ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅᑕ ᐊᔅᒋᒡ᙮ ᐊᐅᑯᓐ ᒪᒃ ᐊ ᐃᓯᓇᒂᒡ ᒥᔽᒋᒧᐅᓐ ᐊᓐᑕ ᒪᒂᒡ ᐊ ᑕᔭᒄ ᐃᔅᐱ ᑲ ᐸᑎᒪᒄ ᐊ ᐊᔨᒧᑕᑭᓄᔨᒋ ᒋᓴᒪᓂᑐᐤ ᐅᒋᓴᐛᑎᓯᐅᓐ ᑭᔭ ᑲ ᓂᔅᑐᑎᒪᒄ ᑕᓐ ᐊᓐ ᐊ ᐃᑕᔨᑕᑯᓂᔨᒡ᙮

ᑯᓚᓯᔭᓇ 2:15

ᐊᓂᔭ ᒋᐱᔭᑎᑯᒡ ᑲ ᓂᐱᑦ ᙭ ᐊᑯᑕ ᓇᔅᒡ ᑲ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ᐊᔭᔨᒋ ᑭᔭ ᐊᓂᔭ ᑲ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ᐛᐸᑎᔭᐤ ᓇᔅᒡ ᐊ ᓴᒂᐊᑦ ᐊᓂᔭᔪᐛ᙮

1 ᑕᓴᓗᓂᔭᓇ 1:8

ᐊᓐ ᒪᒃ ᑲ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ᐸᑕᑯᑕᓇᐛᐤ, ᒥᓯᑕ ᒋ ᐸᑕᑯᓐ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮

1 ᑕᓴᓗᓂᔭᓇ 3:9

ᑕᓐᑕ ᒪᒃ ᒐᒋ ᐅᒋ ᑕᑈ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐊᓐ ᐊ ᐃᔅᐱᔅ ᓇᔅᒡ ᒥᔽᔨᑎᒥᐃᔭᒡ ᐃᔅᐱ ᐊ ᐃᔨᒥᐃᒋᒡ ᒋᓴᒪᓂᑐᐤ᙮

1 ᑎᒧᑎ 2:8

ᓂ ᐱᑯᓴᔨᒪᐅᒡ ᒥᓯᐛ ᓇᐸᐅᒡ ᑕᓐᑕ ᐊ ᐊᑎ ᐃᑕᐛᒂ ᐃᔅᐱ ᐊ ᐊᔭᒥᐊᔅᑕᐛ ᒐᒋ ᐅᐱᔨᑕᒡ ᐅᑎᒋᐛᐛ ᓇᔅᒡ ᐊ ᐱᔅᑕᔨᒥᓱᒡ ᒋᓴᒪᓂᑐᐛ ᐊ ᑕᔨᒋ᙮ ᒪᒂᒡ ᒪᒃ ᐊ ᐊᔭᒥᐊᒡ ᓇᒪ ᒋᐸ ᐅᒋ ᒋᒋᔅᑲᑯᐅᒡ ᒋᔄᓱᐅᓂᔪᐤ ᑭᔭ ᓇᒪ ᒋᐸ ᐅᒋ ᐃᓯᓇᑯᓂᔪᐤ ᓇᔅᒡ ᐎᐱᒡ ᒐᒋ ᒋᔄᓯᔅᑐᐛᒡ ᐊᐛᔪᐛ᙮

2 ᑎᒧᑎ 2:2

ᔅᒋ ᐸᑐᐅᓐ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᒪᒂᒡ ᐊ ᒥᒐᑎᓇᓄᐅᒡ᙮ ᐅ ᒪᒃ ᑲ ᐃᓯ ᒋᔅᑯᑎᒪᒐᔭᓐ ᒐ ᐱᔅᑎᓇᑯᒡ ᐊᓐᒡ ᑲ ᑕᑈᐅᒐᔨᑕᑯᓯᒡ ᒐᒋ ᐊᓱ ᒋᔅᑯᑎᒧᐛᒡ ᑯᑎᑲ ᐊᐛᔪᐛ᙮

ᒋᔅᒐᔨᑕᑯᑕᒐᐅᓐ 7:12

ᐊ ᐃᔅᒋᔄᒡ, “ᑕᑈ ᐊᐅᑯᓐ ᐊ ᐃᓯᓇᒂᒡ᙮ ᐊᔭᐤ ᒋᓴᒪᓂᑐᐤ ᓱᐛᔨᒋᒐᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᓯᐅᓂᔪᐤ᙮ ᐊᐅᒄ ᒪᒃ ᐛᒋ ᒪᒥᒋᒥᑯᑦ ᐊᐛᔪᐛ, ᑭᔭ ᐊᐅᒄ ᐅᔭ ᐛᒋ ᓂᓇᔅᑯᒥᑯᑦ ᑭᔭ ᒋᔅᑕᒋᒥᑯᑦ ᑲᒋᒡ ᑭᔭ ᑲᒋᒡ᙮ ᐊᒥᓐ᙮”