2 ᑯᕆᓐᑎᔭᓇ 13:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

2 ᑯᕆᓐᑎᔭᓇ 13:10 ပူးပေါင်းရင်းမြစ်များ

1 ᑯᕆᓐᑎᔭᓇ 4:21

ᐃᔅᐱ ᐸᒋ ᓂᑐᐛᐱᒥᑎᑯᒐ ᑕᓐ ᐊᐅᒄ ᐊ ᐃᓯ ᓂᑐᐛᔨᑎᒪᒄ᙮ ᒋ ᓂᑐᐛᔨᒥᓇᐛᐤ ᐊ ᒐᒋ ᐸᒋ ᑕᐧᑯᓂᒪᓐ ᐱᓯᔅᑕᐃᑭᓐ ᑭᔭ ᒪᒃ ᓴᒋᐃᐛᐅᓐ ᒐᒋ ᐸᑕᔭᓐ ᐸᐧᑲᒡ ᒐᒋ ᐃᑐᑕᑎᑯᒡ ?

1 ᑯᕆᓐᑎᔭᓇ 5:4

ᐅᑎᐸᔨᒋᒐᐤ ᒋᓴᔅ ᐊᒋ ᐸᒋ ᒥᔨᑦ ᒐᒋ ᐃᓯ ᐎᔭᔨᑎᒧᒡ᙮ ᒪᒧᐎᔭᒂ ᒐ ᐊᔭᒥᐊᔭᒄ, ᒧᔭᒻ ᐊᓐᑕ ᐊ ᑕᔭᒄ ᐊ ᑕᔭᓐ ᒋᑭ ᐃᑕᔨᑕᑯᓐ ᑭᔭ ᐅᑎᐸᔨᒋᒐᐤ ᒋᓴᔅ ᐅᓱᐧᑲᑎᓯᐅᓐ ᒋᑭ ᑎᑯᓂᔪᐤ᙮

2 ᑯᕆᓐᑎᔭᓇ 10:2

ᓱᒃ ᒋ ᓂᑐᑎᒪᑎᓇᐛᐤ, ᐊᑲᐎᔾ ᐊᔨᐧᑭᒥᐃᒄ ᒐᒋ ᐊᑲ ᒥᓇᑎᓯᔭᓐ ᐅᑎᑎᑯᒐ᙮ ᑕᐸ ᓂᑭ ᐅᒋ ᒥᓇᑎᓯᓐ ᒥᑥᐅᒂᐛ ᐊᓐᒡ ᐊᐛᓐᒋ ᒥᒄ ᓂᔭᓐ ᐊ ᒪᒥᑐᓇᔨᒥᓱᐎᒋᒡ ᑲ ᐃᑕᔨᒥᔨᒥᒡ᙮

2 ᑯᕆᓐᑎᔭᓇ 10:4

ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮

2 ᑯᕆᓐᑎᔭᓇ 10:8

ᑕᐸ ᓂ ᓴᒂᔨᒧᓐ ᐊᑎ ᐊᐱᓯᔅ ᐊᑐᐎᔅ ᑲ ᐃᓯ ᐊᔨᒧᑎᒧᐛᓇ ᐊᓐ ᑎᐸᔨᒋᒐᐅᓐ ᑲ ᒥᔨᑯᐅᔭᒡ ᒐᒋ ᐎᒋᐃᑕᒡ᙮ ᐅᑎᐸᔨᒋᒐᐤ ᓂᒋ ᒥᔨᑯᓇᓐ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑕᒡ, ᓇᒪ ᐎ ᒐᒋ ᓂᑕᐅᑕᒡ᙮

2 ᑯᕆᓐᑎᔭᓇ 13:2

ᒪᔅᑕᔾ ᑲ ᑎᑯᓯᓄᒡ ᓴᔅ ᓂᒋ ᐃᔭᒂᒥᒪᐅᒡ ᐊᓐᒡ ᑲ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ᒥᓇᒋᒪᐅᒡ ᐅᒡ ᑲ ᒥᒋᑐᑕᒡ᙮

2 ᑯᕆᓐᑎᔭᓇ 13:8

ᓇᒪ ᒋᑭ ᒋ ᐃᑐᑕᓇᓄᐤ ᒐᒋ ᓂᔅᑯᔅᑎᒪᐧᒄ ᑕᑈᐅᓐ, ᒥᒄ ᒋᑭ ᓂᓇᐃᑕᓇᓄᐤ᙮

2 ᑯᕆᓐᑎᔭᓇ 2:3

ᐊᐅᑯᓐ ᐛᒋ ᒥᓯᓇᐊᒪᑎᑯᒡ ᐊᓐ ᑲ ᒥᓯᓇᐊᒪᑎᑯᒡ᙮ ᓇᒪ ᓂ ᐅᒋ ᓂᑐᐛᔨᑕᓐ ᒐᒋ ᒥᓯᒪᔨᑎᒥᐃᔭᒄ ᓂᑐᐛᐱᒥᑎᑯᒐ, ᐛᔅ ᒋᔨᐛᐤ ᒋᐸ ᒥᔽᔨᑎᒥᐃᓇᐛᐤ᙮ ᓇᔅᒡ ᓂᒋ ᒋᔅᒐᔨᑕᓐ ᒥᔽᔨᑎᒪᓇ ᑭᔭ ᒋᔨᐛᐤ ᒐ ᒥᔽᔨᑎᒪᒄ᙮

2 ᑯᕆᓐᑎᔭᓇ 6:6

ᓂᒋ ᓄᑯᑕᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ᓂᔅᑐᑎᒪᒡ ᑕᑈᐅᓐ, ᐊ ᓯᐱᔪᐛᓯᔭᒡ ᑕᓐ ᐊ ᐃᓯ ᓂᒋᔅᑲᒪᒡ, ᐊ ᒥᔪᑐᑐᐎᒋᒡ ᐊᐛᓐᒋ᙮ ᑲ ᐸᔭᒋᓯᑦ ᐊᒐᐧᒄ ᑭᔭ ᓂ ᐎᒋᐃᑯᐅᓇᓐ ᑭᔭ ᓂ ᓄᑯᑕᓇᓐ ᑕᑈ ᐊ ᓴᒋᐃᒋᒡ ᒥᓯᐛ ᐊᐛᓐ᙮

ᑕᐃᑕᔅ 1:13

ᑕᑈ ᒪᒃ ᐊᐅᑯᓐ ᐊ ᐃᑕᔨᑕᑯᓯᔨᒋ ᐊᓂᔭ ᑲ ᐃᔅᒋᔄᑦ᙮ ᐊᐅᒄ ᒪᒃ ᐅᔭ ᒐ ᐅᒋ ᓱᒃ ᓂᔅᑯᔅᑐᐛᑯᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑲ ᓂᑐᑐᐛᒡ ᐊᓂᔭᔪᐛ ᑲ ᐎᔭᓯᐃᐛᔨᒋ ᒐᒋ ᐅᒋ ᓱᒋᑲᐳᐅᒡ ᑯᐃᔅᒄ ᐊ ᐃᓯ ᑕᑈᑕᒡ᙮