2 ᑯᕆᓐᑎᔭᓇ 11:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 11:23 ပူးပေါင်းရင်းမြစ်များ

ᐊᑈᔅᑕᓇᒡ 14:19

ᐱᔅᒐ ᒍᐤ ᐃᔪᒡ ᒋ ᐅᑐᑕᐅᒡ ᐊᓐᑕ ᐊᓐᑎᔭᑭᒡ ᐊᓐ ᐅᑕᓇᐤ ᐊᓐᑕ ᐱᓯᑎᔭ ᐊᔅᒋᒡ ᑲ ᑎᒂᒡ, ᑭᔭ ᐱᔅᒐ ᐊᓐᑕ ᐊᐃᑯᓂᔭᒻ ᒋ ᐅᑐᑕᐅᒡ, ᐊᑯ ᑲ ᓴᐧᑯᒋᒪᒡ ᐊᓂᔭ ᐃᔪᐛ ᒐᒋ ᐎᒋᐃᑯᒡ ᐊ ᐎ ᓂᐸᐊᒡ ᑈᓚ᙮ ᐊᑯ ᑲ ᐸᐱᒧᓯᓇᑕᐛᒡ ᐊᑯ ᑲ ᐎᐎᑕᐸᑕᒡ ᐊᓐᑕ ᐊᓂᔭ ᐅᑕᓇᔪᐤ ᐊᒋ ᐃᑕᔨᒪᒡ ᐊ ᓂᐱᔨᒋ ᐊᓂᔭ ᑈᓚ᙮

ᐊᑈᔅᑕᓇᒡ 20:23

ᒪᐅ ᒥᒄ ᒐᔅᒐᔨᑎᒪᓐ, ᑲ ᐸᔭᒋᓯᑦ ᐊᒐᐧᒄ ᓂ ᓂᑲᓐ ᐎᑎᒪᒄ ᒐ ᒋᐸᐅᑯᐅᒡ ᑭᔭ ᓂᓇᐧᑯᐤ ᒐ ᐃᓯ ᐃᔨᒧᐅᒡ ᒥᓯᐛ ᐅᑕᓇᒡ ᒐ ᐊᑎ ᐃᑐᑕᐅᒡ᙮

ᐊᑈᔅᑕᓇᒡ 21:11

ᐊᑯ ᒂ ᐸᒋ ᓂᑐᐛᐱᒥᔨᒥᑦ ᐅ ᓇᐸᐤ, ᒂ ᐅᑎᓂᒺᑦ ᑈᓚ ᐅᐱᒂᑕᐅᓂᔪᐤ, ᒂ ᒪᑯᐱᑕᐧᒃ ᐅᓯᑕ ᑭᔭ ᐅᑎᒋᔭ ᐊᑯ ᑲ ᐃᔅᒋᔄᑦ, “ᒪᐅ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, ᐊᐅᑯᓐ ᒐ ᐃᑕᐱᒂᑎᑯᑦ ᐊᓂᔭ ᒍᐤ ᐃᔪᐛ ᒋᕈᓯᓕᒥᒡ ᑲ ᑕᔨᒋ ᐊᓐ ᐊᐛᓐ ᑕᐱᔨᐛᐅᓯᑦ ᐅᔭ ᐱᒂᑕᐅᓂᔪᐤ᙮ ᒋᑭ ᐃᓯ ᐱᔅᑎᓱᐛᑎᑯᐤ ᑭᔭ ᐅᔭ ᐃᔪᐛ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮”

ᐊᑈᔅᑕᓇᒡ 25:14

ᓇᐅᓴᓯᔅ ᒪᒃ ᒋᐸ ᑕᐅᒡ ᐊᓐᑕ᙮ ᐊᑯ ᐸᔅᑕᔅ ᑲ ᐊᔨᒧᑎᒺᑦ ᒋᓴᐅᒋᒪᐛ ᐊᒃᕆᐸᔨᒋ ᑕᓐ ᑲ ᐎ ᐃᑐᑐᐛᑭᓄᔨᒋ ᑈᓚ᙮ ᒋ ᐃᔅᒋᔄᐤ ᒪᒃ, “ᐊᔅᒄ ᐊᓐ ᐊᑯᑕ ᐊ ᑕᑦ ᐸᐃᒄ ᓇᐸᐤ ᐊᒋ ᒋᐸᐛᑭᓄᐅᑦ ᒪᒂᒡ ᐱᓕᑭᓴ ᑲ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 27:1

ᐃᔅᐱ ᒪᒃ ᑲ ᐎᔭᔨᑕᑭᓄᐅᒡ ᐃᑕᓕ ᒐ ᐃᔅᒋᒪᔭᒡ, ᐸᐃᒄ ᐊᓯᒪᑭᓂᓯᐤ ᐅᒋᒪᐤ ᒍᓕᔭᔅ ᐊ ᐃᓯᓂᐧᑲᓱᑦ ᒋ ᐃᑎᓱᒪᑭᓄᐤ ᒐᒋ ᓂᓇᑭᑐᐛᔨᒪᑦ ᐊᓂᔭ ᑈᓚ ᑭᔭ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒪᑯᓇᑭᓄᔨᒋ᙮ ᐅ ᒪᒃ ᒍᓕᔭᔅ ᐸᐃᑯ ᒥᑕᓯᒥᑎᓄᐤ ᒋ ᐃᑕᑎᓯᔪᐛ ᐊᓯᒪᑭᓂᓴ ᐊ ᓂᑲᓂᔅᑯᐛᑦ ᕈᒻ ᐊ ᐃᓯ ᒥᓯᓇᓱᔨᒋ᙮

ᐊᑈᔅᑕᓇᒡ 28:16

ᑲ ᒥᓯᑲᔭᒡ ᐊᓐᑕ ᕈᒥᒡ, ᑈᓪ ᒋ ᐱᔅᑎᓇᑭᓄᐤ ᑎᐸᓐ ᐊᓐᑕ ᒥᒋᐛᐱᔪᐤ ᒐᒋ ᐎᒋᑦ᙮ ᐊᑯ ᒥᒄ ᐃᔭᐱᒡ ᐊᓯᒪᑭᓂᓴ ᒋ ᑕᔪᐛ ᐊ ᓂᓇᑭᑐᐛᔨᒥᑯᑦ᙮

ᐊᑈᔅᑕᓇᒡ 28:30

ᓂᓱ ᐱᐳᓇ ᒪᒃ ᒋ ᑕᐤ ᑈᓪ ᐊᓐᑕ ᐊᓂᔭ ᒥᒋᐛᐱᔪᐤ᙮ ᐎᔾ ᒋ ᐱᒥᐱᔨᐃᓱᐤ ᓱᓇᔭᔪᐤ᙮ ᒋ ᒥᔽᔨᑎᒻ ᐊ ᒧᐱᔅᑐᐛᑭᓄᐅᑦ᙮

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:36

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ᓇᓴᐅᑕᒡ᙮ ᒧᔭᒻ ᒪᔭᑕᓂᓯᒡ ᑲ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

1 ᑯᕆᓐᑎᔭᓇ 3:5

ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ᓂᓇᐃᑕᓇᓐ ᑕᓐ ᑲ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 4:1

᙭ ᐅᑦ ᐊᐱᒋᐊᑭᓇ ᒋᐸ ᐃᓯ ᑭᓄᐛᐱᒥᓇᓐ, ᐊᓐᒡ ᑲ ᒥᔭᑭᓄᐎᒡ ᒐ ᐊᓱᐤ ᒋᔅᑯᑎᒪᒐᒡ ᐊᓂᔭ ᒐᒂᔪᐛ ᐊᔅᒄ ᐊᑲ ᐅᒋ ᐎᑕᑭᓄᔨᒋ, ᐊᓂᔭᔪᐛ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒋ᙮

1 ᑯᕆᓐᑎᔭᓇ 4:11

ᐛᐛᒡ ᑭᔭ ᒪᒂᒡ ᐊᓄᒡ ᓇᓂᑯᑎᓂᔾ ᓂ ᓯᐛᔨᓇᓐ᙮ ᓇᓂᑯᑎᓂᔾ ᓂ ᐸᐧᑯᑕᑕᓇᓐ᙮ ᓇᓂᑯᑎᓂᔾ ᓇᒪ ᓇᔅᒡ ᒋ ᐃᓯᓇᑯᓇ ᓂᑦ ᐊᐱᒋᑕᐅᓇᓇ᙮ ᓇᔅᒡ ᓂ ᐎ ᐃᑐᑕᑯᐅᓇᓐ ᑭᔭ ᒪᓐ᙮ ᑭᔭ ᓇᒪ ᑎᑯᓐ ᐊᓐᑕ ᒐᒋ ᐎᒋᔭᒡ᙮

1 ᑯᕆᓐᑎᔭᓇ 4:9

ᓂᔾ ᒪᒃ ᐊ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ᑎᐸᔅᑯᓇᑭᓄᐎᒡ ᒐ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮ ᓂᒋ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮

2 ᑯᕆᓐᑎᔭᓇ 10:7

ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ᓂᔅᑐᓇᒂᒡ᙮ ᐊ ᑕᒂ ᐊᐛᓐ ᐊ ᒐᔅᑎᓇᐅᑦ ᙭ ᐊ ᑎᐱᔨᐛᐅᓯᑐᑕᑯᑦ ᒐ ᐎ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮

2 ᑯᕆᓐᑎᔭᓇ 11:5

ᓇᒪ ᓇᔅᒡ ᓄᑕᔭᔅ ᓂᑦ ᐃᑕᔨᑕᑯᓯᓐ ᓂᑦ ᐃᑕᔨᑕᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᑲ ᒋᔅᑕᔨᒪᑯᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

2 ᑯᕆᓐᑎᔭᓇ 4:11

ᓂ ᐱᒪᑎᓯᓇᓐ ᑭᑈ ᐊᓄᒡ ᒥᒄ ᒪᒃ ᒧᔅ ᑯᔅᐱᓇᑕᔨᑕᑯᓐ ᒐᒋ ᐅᓂᑕᔭᒡ ᓂᐱᒪᑎᓯᐅᓇᓇ ᐊ ᑕᑈᔭᔨᒥᒋᒡ ᒋᓴᔅ᙮ ᐊᑯ ᒪᒃ ᒐᒋ ᓂᔅᑐᓇᑯᓂᔨᒡ ᒋᓴᔅ ᐅᐱᒪᑎᓯᐅᓐ ᐅᑕ ᐅᔭ ᓂᔪᓇᒡ ᒐ ᓂᐱᒥᑭᓂᔨᒋ᙮

2 ᑯᕆᓐᑎᔭᓇ 6:9

ᐊᑎ ᒪᒃ ᐊ ᒥᔪ ᒋᔅᒐᔨᑕᑯᓯᔭᒡ ᐃᔭᐱᒡ ᒧᔭᒻ ᐊᑲ ᐊᓐ ᒋᔅᒐᔨᑕᑯᓯᒡ ᐊᐛᓐᒋ ᓂᑦ ᐃᑕᔨᒧᑯᐅᓇᓐ᙮ ᒧᔅ ᓂ ᐸᓱᐛᐸᑕᓇᓐ ᓂᐳᐅᓐ᙮ ᓂ ᐱᒪᑎᓯᓇᓐ ᒪᒃ᙮ ᐊᑎ ᐊ ᑎᒂᒡ ᒪᓐ ᐊ ᐃᓯ ᐛᐛᓯᐃᑯᐅᔭᒡ ᓇᒪ ᓂ ᐅᒋ ᓂᐸᐃᑯᐅᓇᓐ᙮

ᑲᓚᓯᔭᓇ 6:17

ᐊᑲᐎᔾ ᐊᐛᓐ ᓂᑭ ᐎ ᓂᓇᐧᑲᒋᐃᒄ᙮ ᑎᑯᓐ ᑕᓐ ᑲ ᐃᓯ ᓂᒪᐃᑯᐅᔭᓐ ᓂᔭᒡ ᙭ ᐅᒋ ᐊ ᐊᑐᔅᑯᐅᒃ᙮

ᐃᐱᓯᔭᓇ 3:1

ᓂᔾ ᑈᓪ, ᐊ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 6:20

ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ ᒐᒋ ᐛᐎᑎᒧᒡ ᐅᒥᔽᒋᒧᐅᓐ ᐊᑎ ᒪᒂᒡ ᐅᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ᙮ ᐸᒋ ᐊᔭᒥᐊᔅᑎᒧᐅᒄ ᒪᒃ ᒐᒋ ᓱᒋᑕᐊᔭᓐ ᑭᔭ ᒐᒋ ᐃᔅᒋᔄᔭᓐ ᑕᓐ ᐊ ᐃᓯ ᓂᑐᐛᔨᒥᑦ ᒋᓴᒪᓂᑐᐤ᙮

ᐱᓕᐱᔭᓇ 1:13

ᒧᔭᒻ ᒥᓯᐛ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᑕᒡ ᒋᓴᐅᒋᒪᐛ ᐎᒋᔪᐤ ᑭᔭ ᑯᑎᑭᒡ ᐊᐛᓐᒋ ᐅᑕ ᐊᑕᒡ ᒋᔅᒐᔨᑎᒧᒡ ᐊ ᐊᑐᔅᒐᔅᑐᐅᒥᒋ ᙭ᑕ ᐛᒋ ᑕᐅᒡ ᐅᑕ᙮

ᐱᓕᐱᔭᓇ 2:17

ᒂᔄᓐ ᓂᑭ ᓂᐸᐃᑯᐅᓐ᙮ ᐊᑯ ᒪᒃ ᐊᓐ ᑕᐱᔅᑯᓐ ᒥᓯᐛ ᐊᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᐊᑎ ᓂᐸᐃᑯᐅᔭᓇ ᓂᑭ ᒥᔽᔨᑕᓐ ᑭᔭ ᑕᐱᔅᑯᓐ ᒋᑭ ᒥᔽᔨᑕᓇᓄᐤ ᐛᔅ ᐊᐅᑯᐤ ᒐ ᐅᒋ ᐃᔭᐱᒡ ᐱᔅᑎᓂᒧᐛᒄ ᒋᓴᒪᓂᑐᐤ ᑕᓐ ᐊ ᐃᓯ ᑕᑈᔭᔨᒪᒄ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑎᒧᑎ 4:6

ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

2 ᑎᒧᑎ 1:16

ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮

ᐸᐃᓕᒪᓐ 1:9

ᒥᒄ ᒪᒃ ᓴᒋᐃᐛᐅᓐ ᓂ ᐃᑐᑕᑯᓐ ᐃᔭᐱᒡ ᒐᒋ ᑯᒂᒋᒥᑕᓐ᙮ ᓇᒪ ᒋᑭ ᐅᒋ ᐊᔨᐧᑭᒥᐃᑎᓐ ᐊ ᐎᑎᒪᑕᓐ ᑕᓐ ᒋᐸ ᐃᑎᓐ ᐊᑎ ᐊ ᒋᓴᐃᔪᔭᓐ ᑭᔭ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᐊᒋ ᐊᔨᒧᒥᒃ ᒋᓴᔅ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮