2 ᑯᕆᓐᑎᔭᓇ 1:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᓇᒪᐎᔾ ᑭᑈ ᐎ ᒋ ᐎ ᐛᐎᓱᐛᑎᑎᓇᓐ ᒐᒋ ᐎᑎᒪᑕᒡ ᒐᒂᓐ ᒋᐸ ᑕᑈᑕᓇᐛᐤ ᐛᔅ ᒋ ᐊᔨᒋᑲᐳᓇᐛᐤ ᑕᑈᑎᒧᐅᓂᒡ ᐃᔅ᙮ ᐃᔭᐱᒡ ᐛᔅ ᐊᓐ ᒋ ᐎᒋ ᐊᑐᔅᒐᒥᑎᓇᓐ ᒋᔨᐛᐤ ᒐᒋ ᐅᒋ ᒥᔽᔨᑎᒪᒄ᙮

2 ᑯᕆᓐᑎᔭᓇ 1:24 ပူးပေါင်းရင်းမြစ်များ

ᒪᑎᔪᐤ 24:49

ᐊᑯ ᒪᒃ ᓇᔅᒡ ᓂᓇᐧᑲᒋᐊᒐ ᐊᓂᔭ ᐎᒋ ᐊᐱᒋᐊᑭᓇ ᑲ ᓂᑲᓂᔅᑯᐛᑦ ᐊ ᐅᑎᑕᒪᐛᑦ ᑭᔭ ᒥᒄ ᒥᒋᓱᒐ ᒪᒃ ᒋᔎᐸᒐ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:12

ᓂᑦ ᐃᔅᒋᔄᓐ ᑕᐱᔅᑯᓐ ᒐᒋ ᐎᒋᐃᑐᔭᐧᒄ, ᒐᒋ ᐎᒋᐃᑯᔭᒄ ᓂᔾ ᓂᑕᑈᑎᒧᐅᓐ ᑭᔭ ᒋᔨᐛᐤ ᒋᑕᑈᑎᒧᐅᓄᐛᐤ ᒐᒋ ᐎᒋᐃᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:20

ᑕᑈ ᑭᑈ᙮ ᒥᒄ ᒪᒃ, ᒋᓴᒪᓂᑐᐤ ᒋ ᐃᒐᓇᐤ ᐊᓂᔭᔪᐛ ᒍᐤ ᐃᔪᐛ ᐛᓴ ᐊᒋ ᐊᓏᑕᑯᑦ᙮ ᒋᔾ ᒪᒃ ᐎ, ᒋ ᒥᔪ ᓂᑕᐅᒋᓐ ᐊᓐᑕ ᐊᓐ ᒥᔅᑎᒄ ᐛᔅ ᔅᒋ ᑕᑈᔭᔨᒪᐤ ᒋᓴᒪᓂᑐᐤ᙮ ᐊᑲᐎᔾ ᒋᑭ ᐅᒋ ᓂᓇᐸᐅᒧᓐ᙮ ᑎᑯᓐ ᐃᔭᐱᒡ ᒐᒋ ᐃᔭᒂᒥᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:2

᙭ ᔅᒋ ᐃᑐᑎᒪᑯᓄᐤ ᒧᔅ ᐊᑯ ᒐᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐅᓱᐛᔨᒋᒐᐅᓐ ᒋᐱᒪᑎᓯᐅᓇᒡ᙮ ᐊᑯ ᒪᒃ ᒪᔽᔨᑎᒪᐧᒄ ᐊ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮

1 ᑯᕆᓐᑎᔭᓇ 15:1

ᐊᑯ ᒪᒃ ᐛ ᒋᔅᒋᓱᒥᑎᑯᒡ, ᓂᐧᑲᓂᓯᑐᒄ, ᐊᓐ ᒥᔽᒋᒧᐅᓐ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ, ᔅᒋ ᑕᑈᑕᓇᐛᐤ ᑭᔭ ᔅᒋ ᐅᑎᓇᓇᐛᐤ ᑕᓐ ᑲ ᐃᓯ ᐎᑎᒪᓐ᙮ ᐊᐅᒄ ᒥᔽᒋᒧᐅᓐ ᐊᔨᒋᑲᐳᐃᑯᔭᒄ᙮

1 ᑯᕆᓐᑎᔭᓇ 3:5

ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ᓂᓇᐃᑕᓇᓐ ᑕᓐ ᑲ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 5:7

ᐛᔅ ᐅᑕ ᐊ ᐱᒪᑎᓯᔭᐧᒄ ᐊᓐ ᑕᓐ ᐊ ᐃᓯ ᑕᑈᑎᒪᐧᒄ ᒋᑦ ᐊᔅᐸᔨᒧᑐᑕᓇᓄᐤ ᐊᑎ ᐊᔅᒄ ᐊᑲ ᐛᐸᑎᒪᐧᒄ ᑕᓐ ᒐ ᐃᓯ ᒥᔨᑕᐧᒄ ᒋᓴᒪᓂᑐᐤ᙮

1 ᐱᑕᕐ 5:3

ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ᒋᔅᒋᓄᐛᐱᒥᑕᑯᒡ᙮