2 ᑯᕆᓐᑎᔭᓇ 1:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒥᒄ ᒪᒃ ᓇᒪ ᓂ ᐅᒋ ᓇᐃᐱᔨᓐ ᐊᑯ ᑲ ᐊᑎᓂᒪᓐ ᑕᓐ ᐊᓐ ᓂᔅᑎᒻ ᑲ ᐃᓯ ᐃᑕᔨᑎᒪᓐ ᒐ ᐃᑎᔭᓐ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒥᒄ ᓇᐸᔅ ᐊᒋ ᐃᑎᔭᓐ ᐃᔅᐱ ᑲ ᐃᑕᔨᑎᒪᓐ ᑕᓐᑕ ᒐ ᐃᑐᑕᔭᓐ᙮ ᑕᐸ ᒥᒄ ᓇᐸᐤ ᐊ ᑕᑦ ᐅᒋᐱᔪᐤ ᐃᔅᐱ ᐊᑕᔨᑎᒪᓐ ᑕᓐ ᒐ ᐃᑎᔭᓐ᙮ ᑕᐸ ᓂᑕ ᓂᑦ ᐃᓯᓇᑯᓯᓐ ᒐᒋ ᐃᑎᒃ ᐊᐛᓐ, “ᓂᐦᐃ, ᒐᔅᑎᓇᔅ ᐊᐅᑯᓐ ᒐ ᐃᑎᔭᓐ,” ᐊ ᒐᔅᑎᓇᐅᔭᓐ ᒪᒃ ᐊᑲ ᑕᑈ ᐎ ᐃᑐᑎᒪᓐ ᐊᓐ ᑕᓐ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 1:17 ပူးပေါင်းရင်းမြစ်များ

ᒪᑎᔪᐤ 1:19

ᐊᓐ ᒪᒃ ᓇᐸᐤ ᒍᓯᑉ ᒧᔅ ᑯᐃᔅᒄ ᑲ ᐎ ᐃᑎᑦ ᒋ ᐃᑕᔨᑕᑯᓱᐤ᙮ ᐃᔅᐱ ᒪᒃ ᒐᔅᒐᔨᒪᑦ ᒪᕆᔨᒋ ᐊ ᑭᓄᐛᔨᒪᐅᓱᔨᒋ ᓇᒪ ᐅᒋ ᓂᑐᐛᔨᒪᐤ ᓂᑐᐎᔾ ᒐᒋ ᐃᑕᒋᒪᑭᓄᔨᒋ ᐊᓐᑕ ᐊ ᒥᒐᑎᓇᓄᐎᒡ, ᐊᑯ ᑲ ᑯᒂᑕᔨᑕᐧᒃ ᒋᔭᒻ ᒐᒋ ᓂᑭᑕᑦ᙮

ᒪᑎᔪᐤ 5:37

ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮”

ᒠᓐ 8:15

ᒥᒄ ᑕᓐ ᐊ ᐃᓯᓄᐛᒄ ᐊᐛᓐ ᐊᐅᑯᓐ ᐊᓂᔭ ᐊ ᐃᓯ ᑎᐸᔅᑯᓇᒄ, ᓂᔾ ᒪᒃ ᓇᒪ ᓂ ᑎᐸᔅᑯᓇᐤ ᐊᐛᓐ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 11:18

ᒧᔭᒻ ᐊ ᓂᔅᐱᑕᐅᒂᐤ ᐊᐛᓐᒋ ᐅᑕ ᐊᔅᒋᒡ ᑲ ᓂᓇᐸᐅᒧᒡ ᓂᑭ ᐃᑎᓐ, ᓇᔅᒡ ᑲ ᓂᓇᐸᐅᒧᒡ ᑕᓐ ᐊ ᐃᑎᒡ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᑲᓚᓯᔭᓇ 2:2

ᒋᓴᒪᓂᑐᐤ ᓂᒋ ᐛᐸᑎᔨᒄ ᐊ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ᓂᑲᓂᐊᑭᓄᐎᒡ ᑲ ᑕᑈᑕᒡ ᑎᐸᓐ ᓂᒋ ᒪᒧᐎᓇᓐ᙮ ᓂᒋ ᐎᑎᒧᐛᐅᒡ ᑕᓐ ᐊᓐ ᑲ ᐃᔅᒋᔄᐅᒡ ᑲ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ᒋᔅᒐᔨᒪᐅᒡ ᑕᓐ ᐊ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ᐛᐎᑎᒧᒡ᙮ ᐛᔅ ᒋ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ᐃᓯᓇᑯᓐ ᑕᓐ ᑲ ᐃᓯ ᐸᒋ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮

1 ᑕᓴᓗᓂᔭᓇ 2:18

ᒥᓐ ᔅᒋ ᐎ ᓂᑐᐛᐱᒥᑎᓇᓐ᙮ ᓂᔾ ᑈᓪ ᒥᒐᑥᐤ ᓂᒋ ᑯᒋᑕᓐ ᒐᒋ ᓂᑐᐛᐱᒥᑕᒡ ᐊᓐᑕ ᐊ ᑕᔭᒄ, ᒥᒄ ᒪᒃ ᒧᔅ ᓂᒋ ᓇᑲᐅᑯᓇᓐ ᒥᒋᒥᓂᑐᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:12

ᓂᐧᑲᓂᓯᑐᒄ, ᐊ ᐃᑎᑦ ᐊᐛᓐ ᒐᔅᑎᓇᔅ ᒐ ᐃᑐᑎᒥᓐ ᒐᒂᓐ, ᐊᑲᐎᔾ ᐎ ᓇᔅᐱᒋᑕᑈ ᒋᓴᒪᓂᑐᐤ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐅᑦ᙮ ᐊᑲᐎᔾ ᐃᔅᒋᔄ, ᐃᔅᐱᒥᒡ ᐊ ᐃᓯ ᑕᑈᔨᓐ, ᒪᒃ ᑯᑎᒡ ᒐᒂᓐ ᒐᒋ ᐃᔅᒋᔄᔨᓐ ᒐᒋ ᒐᔅᑎᓇᔅᑕᑯᓯᔨᓐ ᑕᓐ ᐊ ᐃᔅᒋᔄᔨᓐ᙮ ᐊ ᐎ ᐃᔅᒋᔄᔨᓐ “ᓂᐦᐃ,” ᒥᒄ “ᓂᐦᐃ” ᒋᐸ ᐃᔅᒋᔄᓐ, ᒪᒃ “ᓇᒪ” ᐊ ᐎ ᐃᔅᒋᔄᔨᓐ, ᒥᒄ “ᓇᒪ” ᒋᐸ ᐃᔅᒋᔄᓐ, ᑭᔭ ᓇᒪ ᒋᑭ ᐅᒋ ᓂᓱᐅᓇᒋᒧᒄ ᒋᓴᒪᓂᑐᐤ᙮