1 ᑎᒧᑎ 6:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

1 ᑎᒧᑎ 6:5 ပူးပေါင်းရင်းမြစ်များ

ᒪᑎᔪᐤ 12:33

“ᐊᓂᔭ ᑕᓐ ᐊ ᐃᓯ ᓂᑕᐅᒋᑕᑦ ᒥᓂᓴ ᒥᔅᑎᒄ ᐊᑯᑕ ᐛᒋ ᓂᔅᑐᓄᐛᑭᓄᐅᑦ ᒐᒄ ᒥᔅᑎᒄ ᐊᓐ᙮ ᐊᑲ ᒪᒃ ᒥᔪ ᓂᑕᐅᒋᑦ ᒥᔅᑎᒄ ᓇᒪ ᒥᔽᔪᐛ ᐊᓂᔭᔪᐛ ᒥᓂᓴ᙮

ᒪᑎᔪᐤ 21:13

ᐊᑯ ᒋᓴᔅ ᒂ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ᙮’ ᒥᒄ ᒪᒃ ᒋᔨᐛᐤ ᑲᒋᒧᑎᒡ ᐎᒋᐛᐤ ᐊᐅᑯᓐ ᐊ ᑕᐱᒋᑕᔭᒄ ᐅ ᒋᓴᐊᔭᒥᐊᐅᒋᐛᑉ᙮” ᐊᐅᑯᓐ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᑲ ᐊᑕᐛᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮

ᒪᑎᔪᐤ 23:13

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ, ᒋᔨᐛᐤ ᑲ ᑭᒋᐱᔅᑯᐛᑯᒡ ᐊᐛᓐᒋ ᒐᒋ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᑲ ᒪᒃ ᐛᐛᒡ ᒐᒋ ᐱᒐᔭᒄ ᒋᔨᐛᐤ᙮ ᓇᒪ ᒋ ᐱᔅᑎᓇᐛᐅᒡ ᐊᓐᒡ ᑲ ᐎ ᐱᒐᒡ ᐊᓐᑕ ᒋᒋᒋᓯᒄ ᒋᓴᐅᒋᒪᐅᓂᒡ ᒐᒋ ᐱᒐᒡ᙮

1 ᑯᕆᓐᑎᔭᓇ 11:16

ᐊᑯ ᒪᒃ ᐊ ᐃᑕᒂ ᐊᐛᓐ ᐊᑲ ᓇᐊᔨᑕᐧᒃ ᑕᓐ ᑲ ᐃᔅᒋᔄᐅᒡ, ᐊᐅᑯᓐ ᒥᒄ ᒐᒋ ᐃᔅᒋᔄᔭᓐ, ᐊᐅᒄ ᐊ ᐃᑕᔨᑎᒪᒡ ᐊ ᑯᐃᔅᑯᓇᒂᒡ ᑭᔭ ᐊᐅᒄ ᐅᔭ ᐊ ᐃᑐᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒪᒂᒡ ᐊ ᑕᒡ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 1:6

ᐱᔅᒐ ᒪᒃ ᐊᐛᓐᒋ ᓇᒪ ᓴᔅ ᐊᐱᑕᔨᑎᒥᐃᑯᐅᒡ ᐅᔭ ᐊ ᐃᓯ ᑯᐃᔅᑯᐱᒪᑎᓯᓇᓄᐎᒡ᙮ ᐅᔅᑕ ᐃᑕᔨᑎᒥᐃᑯᐅᒡ ᒐᒋ ᐊᔨᒧᑕᒡ ᐊᓂᔭ ᒐᒂᔪᐤ ᐊᑲ ᓇᔅᒡ ᒐᒂᔪᐤ ᐃᓯ ᐎᒋᐃᑯᒡ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

1 ᑎᒧᑎ 3:8

ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

1 ᑎᒧᑎ 4:7

ᐊᑲᐎᔾ ᐊᐱᒋᑕ ᐊᓂᔭ ᐊᑲ ᒐᒂᓐ ᐃᑕᐱᑎᔨᒋ ᓂᑐᐎᔾ ᑎᐸᒋᒧᐅᓇ ᐊ ᑭᒐᔅᒋᒧᔨᓐ ᒪᒃ ᐊ ᒋᔅᑯᑎᒪᒐᔨᓐ ᒧᔭᒻ ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐃᑕᐸᒋᑕᔨᓐ᙮ ᐅᔅᑕ ᐎ ᒋᔅᑯᑎᒪᓱ ᑕᓐᑕ ᐊᑐᐎᔅ ᒐᒋ ᐅᒋ ᓂᓇᐊᔨᑎᒥᐃᑦ ᒋᓴᒪᓂᑐᐤ᙮

1 ᑎᒧᑎ 4:8

ᑎᑯᓂᔪᐤ ᑭᑈ ᑕᓐ ᐊ ᐃᓯ ᐎᒋᐃᑯᑦ ᐊᐛᓐ ᐊ ᓴᓴᐅᐱᔪᐅᑦ᙮ ᐊᑯ ᒪᒃ ᐊᓐ ᐊᐛᓐ ᓱᒃ ᒧᔅ ᑲ ᐎ ᓂᓇᐃᑎᒪᐊᑦ ᒋᓴᒪᓂᑐᐛ ᐊᔪᐅᒄ ᐅᔭ ᐊᑐᐎᔅ ᒐ ᐎᒋᐃᑯᑦ ᐊᓄᒡ ᐅᑕ ᐊ ᐱᒪᑎᓯᑦ ᑭᔭ ᐊᓐᑕ ᐃᔅ ᓂᔅᑕᒥᒡ᙮

1 ᑎᒧᑎ 6:6

ᑕᑈ ᑭᑈ ᐊ ᒋᓴᒪᓂᑐᐛᑎᓯᑦ ᐊᐛᓐ ᐊ ᐃᔅᐱᑕᔨᑕᐧᒃ ᒪᒃ ᑕᓐ ᐊ ᐃᓯ ᐊᔭᑦ ᓂ ᐛᔪᑎᓯᓐ ᐃᑕᔨᑎᒻ᙮

2 ᑎᒧᑎ 3:5

ᒧᔭᒻ ᓇᔅᒡ ᐊ ᐊᔭᒥᐊᐛᑎᓯᒡ ᒋᑭ ᐎ ᐃᓯᓇᑯᐃᓱᐅᒡ ᒥᒄ ᒪᒃ ᓇᒪ ᒋᑭ ᐅᒋ ᐊᐱᑕᔨᑎᒥᐃᑯᐅᒡ ᐊᓂᔭ ᓱᐧᑲᑎᓯᐅᓂᔪᐤ ᒋᐸ ᐎᒋᐃᑯᐅᒡ ᒐᒋ ᓂᓇᐃᑎᒪᐅᒡ ᒋᓴᒪᓂᑐᐛ᙮ ᐊᑲᐎᔾ ᒥᑯᔅᑲᑕᔨᒥᒡ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ᙮

2 ᑎᒧᑎ 3:8

ᓂᔅᑯᔅᑎᒧᒡ ᑕᑈᐅᓂᔪᐤ ᐅᒡ ᓇᐸᐅᒡ ᒧᔭᒻ ᑕᓐ ᑲ ᐃᑎᔨᒋ ᐊᓂᔭᐧᑲ ᒐᓂᔅ ᑭᔭ ᒐᒻᐳᕆᔅ ᐊᒋ ᓂᔅᑯᔅᑐᐛᔨᒋ ᒧᓱᓴ᙮ ᓇᔅᒡ ᑕᑈ ᓇᒪ ᑯᐃᔅᑯᑯᑕᔪᐛ ᐅᒥᑐᓇᔨᒋᑭᓄᐛᐛ ᑭᔭ ᐅᑕᑈᑎᒧᐅᓄᐛᐤ ᓇᒪ ᑯᐃᔅᒄ ᐃᓯᓇᑯᓂᔪᐤ᙮

ᑕᐃᑕᔅ 1:11

ᐃᑕᔨᑕᑯᓂᔪᐤ ᒪᒃ ᒐᒋ ᒋᐱᒋᐊᑭᓄᐎᒡ ᐅᔭ ᐊ ᐃᓯ ᐎᑎᒪᒐᒡ ᐛᔅ ᒥᒋᐱᔨᐊᐎᒡ ᐊᐛᔪᐛ ᐊ ᒋᔅᑯᑎᒧᐛᒡ ᐊᓂᔭ ᒐᒂᔪᐤ ᐊᑲ ᒋᐸ ᐅᒋ ᒋᔅᑯᑎᒧᐛᐅᒡ ᒥᒄ ᐊᓂᔭ ᐊ ᐎ ᐅᓱᓇᔭᓂᒥᐧᑲᓱᒡ ᐅᒡ᙮

2 ᐱᑕᕐ 2:15

ᓴᔅ ᒋ ᓂᑭᑎᒧᒡ ᑯᐃᔅᒄ ᐊ ᐃᓯ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ᐃᓯᓂᐧᑲᓱᑦ ᒋ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮

2 ᐱᑕᕐ 2:3

ᐊᓂᔭ ᒪᒃ ᒐ ᐃᔅᐱᔅ ᐎ ᐛᔪᐅᒡ ᐊᔭᒡ ᐅᒡ ᓂᑐᐎᔾ ᒋᔅᑯᑎᒪᒐᓱᐅᒡ, ᓂᑎᒥᒄ ᑎᐸᒋᒧᐅᓇ ᒋᑭ ᐛᐎᑎᒪᑯᐛᐅᒡ᙮ ᐊᑯᑕ ᒪᒃ ᓇᓂᑎᒻ ᐊᓂᔭ ᓂᑎᒥᒄ ᐊ ᐃᑕᒋᒧᔅᑕᑕᑯᒡ ᒐ ᐅᒋ ᐎ ᐃᑕᐱᒋᐃᑕᑯᒡ ᒐᒋ ᐅᒋ ᐅᓱᓇᔭᓂᒥᐧᑲᓱᒡ᙮ ᐊᐅᑯᓐᒡ ᒪᒃ ᐅᒡ ᓴᔅ ᐛᔅᑭᒡ ᑲ ᐊᔭᔅᑯᔅᑕᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᑭᔭ ᒧᔅ ᒋ ᒐᔅᑎᓇᒋᔅᑕᔪᐤ ᑕᓐ ᒐ ᐃᓯ ᓂᓱᐅᓇᑎᓯᒡ᙮

ᒍᑦ 1:11

ᑕᑈ ᒋᑭ ᐊᒂᒡ ᒥᒋᐱᔪᐅᒡ᙮ ᒧᔭᒻ ᐊᓂᔭ ᑲᐃᓇ ᑲ ᐃᑎᔨᒋ ᐊᐅᑯᓐ ᐊ ᐃᑎᒡ᙮ ᒋ ᐱᔅᑕᔨᒥᓱᐅᒡ ᒧᔭᒻ ᐊᓂᔭ ᐸᓚᒻ ᑲ ᐃᓯ ᒥᒋᑐᑎᒥᔨᒋ ᒐᒋ ᐃᓯ ᒥᒋᑐᑕᒡ ᒥᒄ ᓱᓇᔭᔪᐤ ᐊ ᐎ ᒪᐅᒋᑎᒪᓱᒡ᙮ ᑭᔭ ᒧᔭᒻ ᐊᓂᔭ ᑯᕋ ᑲ ᐃᓯ ᓱᒐᔨᒧᔨᒋ, ᐊᐅᑯᓐ ᐊ ᐃᓯ ᓱᒐᔨᒧᒡ᙮ ᐊᐅᑯᓐ ᒪᒃ ᐊ ᐃᓯ ᓂᓱᐅᓇᑎᓯᒡ ᑭᔭ ᐎᔨᐛᐤ᙮

ᒋᔅᒐᔨᑕᑯᑕᒐᐅᓐ 18:13

ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ᐅᑎᓇᑭᓄᐎᒡ ᐱᒥᔪᐤ ᑲ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ᐎᒋᒪᑯᓂᔨᒋ᙮ ᑭᔭ ᒋ ᐊᔭᐅᒡ ᐊ ᐊᑕᐛᒡ ᐊᓂᔭᔪᐛ ᑲ ᐎᒋᒪᑯᓂᔨᒋ ᐊ ᐃᔎᓯᑭᓄᔨᒋ, ᑲ ᓱᓇᔭᐎᔨᒋ ᑐᒥᓂᑭᓇ, ᑲ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ᐊᑕᐛᒡ᙮”

ᒋᔅᒐᔨᑕᑯᑕᒐᐅᓐ 18:3

ᐛᔅ ᐊᓐᒡ ᐊᓐᑕ ᑲ ᐎᒋᒡ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓇᔅᒡ ᐛᐸᒻ ᒋ ᐅᒋ ᓇᐃᐱᔨᑐᐛᐅᒡ ᒐᒋ ᓂᓱᐅᓇᒋᐃᑯᔨᒋ ᐊ ᐎᓂᓱᐤ ᐱᒪᑎᓯᔨᒋ᙮ ᒧᔭᒻ ᐊᒋ ᒥᓇᐊᒡ ᓱᒥᓇᐳᔪᐤ ᒐᒋ ᒋᔎᐸᔅᑲᑯᔨᒋ, ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᑲ ᐃᑐᑐᐛᒡ᙮ ᒋ ᐸᒋ ᐎᒋ ᐎᓂᓱᐤ ᐱᒪᑎᓯᒥᑯᐅᒡ ᒋᓴᐅᒋᒪᐛ ᐅᑕ ᐊᔅᒋᒡ ᑲ ᑕᔨᒋ᙮ ᐊᑯ ᐊᓂᔭᔪᐛ ᐊ ᐊᑕᐛᔨᒋ ᒐᒂᔪᐤ ᑲ ᐅᒋ ᐱᒪᒋᐅᔨᒋ, ᒋ ᐅᓱᓇᔭᓂᒥᐧᑲᓱᔪᐛ ᑕᓐ ᑲ ᐃᓯ ᐊᑲ ᐅᒋ ᐳᓂᐱᔨᒡ ᐊ ᐎ ᐛᔪᑎᓯᒡ᙮ ᐎᓂᓱᐱᒪᑎᓯᐅᓂᒡ ᒋ ᐅᒋ ᐅᓱᓇᔭᓂᒥᐧᑲᓱᐅᒡ᙮”