15 ᓂᓇᑭᑐᐛᔨᑎᒥᐃᑯᐤ ᒧᔅ ᒐᒋ ᐃᑐᑎᒥᓐ ᐅ ᑲ ᐃᓯ ᐊᔨᒧᑎᒪᑕᓐ ᑭᔭ ᒐᒋ ᐛᐸᑕᒡ ᒥᓯᐛ ᐊᐛᓐᒋ ᑕᓐ ᐊ ᐃᓯ ᐊᔭᔅᒃ ᑭᔅᒋᐅᔨᓐ ᐊ ᐊᑐᔅᑯᐅᑦ ᒋᓴᒪᓂᑐᐤ᙮
ᒪᒃ ᒥᔽᔨᑎᒺᐤ ᐅᑦ ᐃᑎᓱᐛᐅᓂᔪᐤ ᑎᐸᔨᒋᒐᓱᐛ: ᑭᔭ ᒪᒥᑐᓇᔨᑎᒺᐤ ᐅᑦ ᐃᑎᓱᐛᐅᓂᔪᐤ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ᙮
ᒋᑭ ᐎᐧᑭᓐ ᐊ ᒪᒥᑐᓇᔨᒥᒃ: ᓂᑭ ᓯᒋᔭᓯᓐ ᑎᐸᔨᒋᒐᓱᐤ ᐅᒋ᙮
ᒋᔅᒋᑎᒺᐧᒄ ᐅᒪᒥᔅᑲᒡ-ᐃᑐᐅᓇ ᑲ ᐃᑐᑕᐧᒃ; ᐅᒥᒪᑕᐅ-ᐃᑐᐅᓇ, ᑭᔭ ᐅᑎᐸᔅᑯᓂᒐᐅᓇ ᐅᑐᓂᒡ᙮
ᓂᔅᒋᓯᒂ ᓂᑲᓂᐱᔪᐛ ᓂᐸᐱᐅᓂᒡ, ᒐᒋ ᒪᒥᑐᓇᔨᑎᒪᓐ ᒋᑦ ᐃᔨᒧᐅᓐ᙮
ᓂᑭ ᒪᒥᑐᓇᔨᑕᓐ ᒋᐎᓱᐛᐅᓇ, ᑭᔭ ᓂᑭ ᒋᔅᑕᔨᑕᓐ ᒋᑦ ᐃᓯᑥᐅᓇ᙮
ᐅᒋᒪᐅᒡ ᑭᔭ ᐊ ᐊᐱᒡ ᓂᒋ ᒪᒋ ᐃᑎᑯᒡ; ᒪᒃ ᒋᑦ ᐊᑐᔅᒐᔭᑭᓐ ᒋ ᒪᒥᑐᓇᔨᑎᒻ ᒋᑦ ᐃᑎᓱᐛᐅᓇ᙮
ᓂᑭ ᐅᐱᓂᔅᒐᔨᔅᑕᓐ ᑭᔭ ᒋᑦ ᐃᑎᓱᐛᐅᓇ ᑲ ᓴᒋᑕᔭᓐ; ᓂᑭ ᒪᒥᑐᓇᔨᑕᓐ ᒪᒃ ᒋᑦ ᐃᑎᓱᐛᐅᓇ᙮
ᐅ, ᑕᑈ ᓂ ᓴᒋᑕᓐ ᒋᐎᓱᐛᐅᓐ ! ᐊᐅᒄ ᑲ ᒪᒥᑐᓇᔨᑎᒪᓐ ᐃᔅᑭᓐ ᒋᓯᑲᐛ᙮
ᐅᔅᑕ ᓂᑦ ᐅᓂᔅᑐᑎᒧᐅᓐ ᐃᔅᐱᔅ ᒥᓯᐛ ᑲ ᒋᔅᑯᑎᒧᐅᒡ: ᐛᔅ ᒋᑎᐸᒋᒧᐅᓇ ᐊᐅᑯᓂᐃ ᑲ ᒪᒥᑐᓇᔨᑎᒪᓐ᙮
ᓂ ᒋᔅᒋᓐ ᐎᐱᒡ ᒋᓯᑲᐛ; ᓂ ᒪᒥᑐᓇᔨᑕᓐ ᒥᓯᐛ ᒋᑦ ᐊᑐᔅᒐᐅᓇ; ᓂ ᓇᑭᑐᐛᔨᑕᓐ ᒋᑎᒋᒡ ᑲᒋ ᐅᒋ ᐅᓯᑕᔨᓐ᙮
ᐊᑯᔅ ᓂᑦ ᐃᔨᒧᐅᓇ ᓂᑐᓂᒡ, ᑭᔭ ᐊ ᐃᓯ ᒪᒥᑐᓇᔨᑎᒪᓐ ᓂᑕᐃᒡ, ᒋᑭ ᒥᔪᓇᑯᓇ ᐊ ᑭᓄᐛᐸᑎᒥᓐ, ᐅ ᑎᐸᔨᒋᒐᓱᐤ, ᓂ ᒥᔅᑯᐅᓯᐅᓐ ᑭᔭ ᓂᐱᒪᒋᐃᐛᓯᒻ᙮
ᓂᑐᓐ ᒋᑭ ᐊᔨᒧᑎᒧᒥᑭᓐ ᑭᒐᑕᐛᔨᑎᒧᐅᓐ; ᑭᔭ ᓂᑕᐃᒡ ᓂᑭ ᒪᒥᑐᓇᔨᑕᓐ ᓂᔅᑐᑎᒧᐅᓐ᙮
ᐃᔅᐱ ᒐᔅᒋᑕᑕᓂ ᓂᓂᐸᐅᓂᒡ, ᑭᔭ ᒥᔭᒥᑐᓇᔨᒥᑕᓂ ᐊ ᒪᒂᒡ ᑎᐱᔅᑲᒡ᙮
ᓂᑭ ᒪᒥᑐᓇᔨᑕᓐ ᑭᔭ ᒥᓯᐛ ᒋᑦ ᐊᑐᔅᒐᐅᓐ, ᓂᑭ ᐊᔨᒧᑕᓐ ᑭᔭ ᒋᑦ ᐃᑐᐅᓇ᙮
ᐊᐅᑯᓐ ᒪᒃ ᒧᔭᒻ ᒋᐸ ᐃᓯ ᐛᔅᑕᓂᒪᑯᐅᒡ ᐊᐛᓐᒋ ᒋᐛᔅᑕᐅᓄᐛᐅᔪᐤ ᐊᓐᑕ ᒋᐱᒪᑎᓯᐅᓄᐛᒡ ᑲ ᑎᒂᒡ, ᒐᒋ ᐛᐸᑕᒡ ᐊᓂᔭ ᐊ ᐃᓯ ᒥᔪᑐᑎᒪᒄ ᐊᑯ ᒪᒃ ᒐ ᒪᒥᒋᒪᒡ ᒍᑕᐎᐛᐛ ᒋᒋᒋᓯᑯᒡ ᐊ ᑕᔨᒋ᙮”
ᐊᑯ ᒪᒃ ᓂᔭᓐ ᒐ ᐃᔅᐱᓯᔭᒡ ᒐᒋ ᐊᔭᒥᐊᔭᒡ ᑭᔭ ᐊ ᑭᒐᔅᒋᒧᔭᒡ᙮”
ᓂᐧᑲᓂᓯᑐᒄ, ᒋ ᒋᔅᒐᔨᑕᓇᐛᐤ ᐊᓐᑕ ᐊ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ᐃᓯᓂᐧᑲᑕᔨᒡ᙮ ᒋ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ᑕᑈᑎᒥᔨᒋ᙮
ᓂ ᒋᔅᒐᔨᑕᓇᓐ ᒋᓴᒪᓂᑐᐤ ᐊᒋ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒡ, ᓂ ᒋᔅᒐᔨᑕᓇᓐ ᑭᔭ ᒋᔭᓄᐤ ᒐ ᐅᓂᔅᑲᓂᑕᐧᒄ ᓂᐳᐅᓂᒡ ᐅᒡ ᐎᔾ ᒋᓴᒪᓂᑐᐤ ᐊ ᑕᑦ ᒐᒋ ᑕᐛᐧᒄ᙮
ᐊᑐᐎᔅ ᒪᒃ ᒋ ᐃᑐᑎᒧᒡ ᑕᓐ ᑲ ᐃᑕᔨᒥᒋᒡ ᒐ ᐃᑎᒡ᙮ ᓂᔅᑎᒻ ᒋᓴᒪᓂᑐᐛ ᒋ ᐱᔅᑕᔨᒥᑎᓱᔅᑐᐛᐅᒡ ᐊᑯ ᓂᔭᓐ ᑲ ᐱᔅᑕᔨᒥᑎᓱᔅᑐᐎᒥᒡ ᒧᔭᒻ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑎᒡ᙮
ᒧᔅ ᐊᐱᒋᑕ ᐊᓐ ᐊᒐᐧᒄ ᒥᔨᐛᐅᓐ ᐊ ᐃᓯ ᐊᔭᔨᓐ ᒐᒋ ᐊᑐᔅᑯᐅᑦ ᒋᓴᒪᓂᑐᐤ᙮ ᐛᔅ ᐊᐅᒄ ᐅ ᒥᔨᐛᐅᓐ ᑲ ᒥᔨᑯᔨᓐ ᒋᔅᒋᐛᐃᒐᐅᓂᒡ ᐅᒋ, ᑲ ᓴᒥᓂᔅᒡ ᐊ ᐊᔭᒥᐊᔅᑎᒪᔅᒡ ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮
ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮
ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮
ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮