1 ᑎᒧᑎ 4:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᒧᔅ ᐊᐱᒋᑕ ᐊᓐ ᐊᒐᐧᒄ ᒥᔨᐛᐅᓐ ᐊ ᐃᓯ ᐊᔭᔨᓐ ᒐᒋ ᐊᑐᔅᑯᐅᑦ ᒋᓴᒪᓂᑐᐤ᙮ ᐛᔅ ᐊᐅᒄ ᐅ ᒥᔨᐛᐅᓐ ᑲ ᒥᔨᑯᔨᓐ ᒋᔅᒋᐛᐃᒐᐅᓂᒡ ᐅᒋ, ᑲ ᓴᒥᓂᔅᒡ ᐊ ᐊᔭᒥᐊᔅᑎᒪᔅᒡ ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮

1 ᑎᒧᑎ 4:14 ပူးပေါင်းရင်းမြစ်များ

ᐊᑈᔅᑕᓇᒡ 11:30

ᐊᐅᑯᓐ ᒪᒃ ᑲ ᐃᑎᒡ᙮ ᒋ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮

ᐊᑈᔅᑕᓇᒡ 13:3

ᐃᔅᐱ ᒪᒃ ᑲ ᒋᔅᑕᒡ ᐊᓂᔭ ᐊ ᐃᑎᒡ ᐊ ᐊᑲ ᒥᒋᓱᒡ ᑭᔭ ᒥᒄ ᐊ ᐊᔭᒥᐊᒡ, ᐊᑯ ᒂ ᑕᒋᓇᒡ ᐊ ᐊᔭᒥᐊᔅᑎᒧᐛᒡ ᐊᓂᔭ ᐸᕐᓇᐸᓴ ᑭᔭ ᓴᓚ, ᐊᑯ ᑲ ᒋᑎᓴᐛᒡ᙮

ᐊᑈᔅᑕᓇᒡ 19:6

ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 22:5

ᐅ ᒪᒃ ᒋᓴᐊᔭᒥᐊᐅᒋᒪᐤ ᑭᔭ ᐊᓐᒡ ᒍᐤ ᐃᔪᒡ ᑲ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᒋᑭ ᒋ ᐎᑎᒪᑯᐛᐅᒡ ᐊ ᑕᑈᐅᒡ ᐅᔭ ᑲ ᐃᔅᒋᔄᐅᒡ᙮ ᓂᒋ ᒥᔨᑯᒡ ᒥᓯᓇᐃᑭᓇ ᒐᒋ ᐃᑐᑐᒥᒋ ᐎᐧᑲᓂᓯᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮ ᒋ ᒥᓯᓇᑕᔪᐤ ᐊᓐᑕ ᐊ ᐃᑎᓱᒥᒡ ᒐᒋ ᒪᑯᓂᒥᒋ ᑭᔭ ᒐᒋ ᒪᒋᒂᐱᐧᑲᑕᒥᒋ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᑭᔭ ᒐᒋ ᐸᓱᒥᒋ ᐅᑕ ᒋᕈᓯᓕᒥᒡ ᒐᒋ ᐛᐛᓯᐊᑭᓄᔨᒋ᙮”

ᐊᑈᔅᑕᓇᒡ 6:6

ᐊᑯ ᒪᒃ ᐊᓐᒡ ᑲ ᑕᑈᑕᒡ ᒂ ᐃᑐᑕᐊᒡ ᐊᓂᔭᔪᐛ ᑲ ᐅᑎᓇᒡ ᓇᐸᐛ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ᑕᔨᒋ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᒂ ᑕᒋᓇᒡ ᑭᔭ ᑲ ᐊᔭᒥᐊᔅᑎᒧᐛᒡ ᐊᓂᔭᔪᐛ ᓇᐸᐛ᙮

ᐊᑈᔅᑕᓇᒡ 8:17

ᐊᑯ ᒪᒃ ᐱᑕᕐ ᑭᔭ ᒠᓐ ᒂ ᑕᒋᓇᒡ ᐊᓂᔭᔪᐛ ᐃᔪᐛ, ᐊᑯ ᒪᒃ ᑲ ᐊᔭᐛᔨᒋ ᑲ ᐸᔭᒋᓯᔨᒋ ᐊᒐᒂ᙮

1 ᑕᓴᓗᓂᔭᓇ 5:19

ᐊᑲᐎᔾ ᓂᑲᓇᐧᒄ ᑲ ᐸᔭᒋᓯᑦ ᐊᒐᐧᒄ ᑕᓐ ᐛ ᐃᓯ ᐊᑐᔅᒐᑦ᙮

1 ᑎᒧᑎ 1:18

ᐅ ᒪᒃ ᒋᑦ ᐃᑎᓱᒥᑎᓐ ᒋᔾ ᑎᒧᑎ ᓂᑯᔅ᙮ ᓱᐧᒃ ᐛᐎᑕ ᐅ ᒥᔽᒋᒧᐅᓐ ᐛᔅ ᐊᐅᒄ ᐅᔭ ᑲ ᐃᓯ ᐊᔨᒧᒥᔅᒡ ᒐ ᐃᑐᐅᑦ ᐊᓐᒡ ᐅᒋᔅᒋᐛᐃᒐᓱᒡ ᐃᔅᐱ ᑲ ᓂᑲᓐ ᐊᔨᒧᑕᒡ ᒋ ᐱᒪᑎᓯᐅᓂᔪᐤ᙮ ᑭᓄᐛᔨᑎᒥᐃᑯᔨᓇ ᒪᒃ ᐊᓐ ᑲ ᐃᓯ ᐊᔨᒧᑕᒡ ᒋ ᐱᒪᑎᓯᐅᓐ ᒋᑭ ᐎᒋᐃᑯᓐ ᒐᒋ ᒥᔪ ᒪᓯᒐᔨᓐ ᐊᓐᑕ ᑕᑈᑎᒧᐅᓂᒡ ᐃᔅ᙮

1 ᑎᒧᑎ 4:15

ᓂᓇᑭᑐᐛᔨᑎᒥᐃᑯᐤ ᒧᔅ ᒐᒋ ᐃᑐᑎᒥᓐ ᐅ ᑲ ᐃᓯ ᐊᔨᒧᑎᒪᑕᓐ ᑭᔭ ᒐᒋ ᐛᐸᑕᒡ ᒥᓯᐛ ᐊᐛᓐᒋ ᑕᓐ ᐊ ᐃᓯ ᐊᔭᔅᒃ ᑭᔅᒋᐅᔨᓐ ᐊ ᐊᑐᔅᑯᐅᑦ ᒋᓴᒪᓂᑐᐤ᙮

1 ᑎᒧᑎ 5:17

ᐊᓐᒡ ᑲ ᐎᒋᐃᐛᒡ ᐊ ᓂᑲᓂᔅᑲᑭᓄᔨᒋ ᐊᔭᒥᐊᐅᒋᐛᐸ ᐊ ᒥᔪ ᓂᓇᑭᑐᐛᔨᑕᒡ ᒪᒃ ᐊᓂᔭ ᐊ ᐃᑕᐱᑎᓯᒡ ᐃᑕᔨᑕᑯᓂᔪᐤ ᓇᔅᒡ ᒐᒋ ᒋᔅᑕᔨᒪᑭᓄᐎᒡ᙮ ᐊᑐᐎᔅ ᒪᒃ ᒋᐸ ᒋᔅᑕᔨᒪᑭᓄᐎᒡ ᐊᓐᒡ ᓇᔅᒡ ᑲ ᐃᓯ ᐱᔅᑎᓂᓱᒡ ᒐᒋ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᒐᒋ ᒋᔅᑯᑎᒪᒐᒡ᙮

1 ᑎᒧᑎ 5:19

ᐊᑲᐎᔾ ᐊᔨᒪᔨᑎᒧᒄ ᑕᓐ ᐊ ᐃᑕᑭᓄᐅᑦ ᐊ ᐃᓯ ᐊᑕᒪᔨᑕᑯᓯᑦ ᑲᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᐸᑐᔅ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᐸᐃᑯᓂᔨᒐ ᑕᓐ ᐊ ᐃᑕᒋᒪᒡ᙮

1 ᑎᒧᑎ 5:22

ᐊᑲᐎᔾ ᐛᓴ ᐎᐱᒡ ᒋᑭ ᐅᒋ ᑕᒋᓇᐤ ᐊᐛᓐ ᑭᔭ ᒐᒋ ᐎᒋᐃᑦ ᐊᐛᓐ ᐊ ᒥᒋᑐᑕᐧᒃ᙮ ᓱᒃ ᒥᔪ ᑭᓄᐛᔨᒥᓱᐤ ᒐᒋ ᐸᔭᒋᓇᒂᒡ ᒋᐱᒪᑎᓯᐅᓐ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

2 ᑎᒧᑎ 1:6

ᐊᐅᒄ ᒪᒃ ᐅ ᐛᒋ ᐎ ᒋᔅᒋᓱᒥᑕᓐ ᓱᒃ ᒧᔅ ᒐᒋ ᐊᐱᒋᑕᐅᑦ ᐊᓂᔭ ᒥᔨᐛᐅᓂᔪᐤ ᒋᓴᒪᓂᑐᐤ ᑲ ᒥᔨᔅᒃ ᐃᔅᐱ ᑲ ᓴᒥᓂᑕᓐ ᐊ ᐊᔭᒥᐊᔅᑎᒪᑕᓐ᙮