1 ᑎᒧᑎ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 3:2 ပူးပေါင်းရင်းမြစ်များ

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 2:36

ᒋ ᑕᐤ ᐊᓐᑕ ᐊᔭᒥᐊᐅᒋᐛᐱᒡ ᒋᓴᐃᔎᐤ ᐊᓇ ᐊ ᐃᓯᓂᐧᑲᓱᑦ ᐊᒋ ᐅᒋᔅᒋᐛᐃᒐᓱᐅᑦ᙮ ᐸᓄᐃᓪ ᒋ ᐃᓯᓂᐧᑲᓱᔪᐛ ᐅᑕᐎᔭ, ᐊᓱᕐ ᑲ ᐃᑎᔅᑲᓇᓯᔨᒋ ᐊᑯᑕ ᑲ ᐅᒋᔨᒋ᙮ ᓴᔅ ᒪᒃ ᓇᔅᒡ ᒋ ᒋᓴᐃᔎᐅᐤ ᐊᓇ᙮ ᔭᓇᐤ ᑕᑐᔪᐤ ᐊᓱ ᓇᐤ ᒋ ᐃᑕᑐᐳᓇᓱᐤ᙮ ᒥᒄ ᓂᔄᐅᑕᒡ ᑕᑐᐤ ᐱᐳᓇ ᒋ ᐎᒋᒥᑐᐎᒐᓂᒋ ᐅᓇᐸᒪ, ᐊᑯ ᑲ ᐳᓂᐱᒪᑎᓯᔨᒋ᙮ ᓇᒪ ᒪᒃ ᒥᓐ ᐅᒋ ᐅᓇᐸᒧᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

ᐱᓕᐱᔭᓇ 2:15

ᐛᔅ ᐊᐅᒄ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ ᐅᑕ ᐊᔅᒋᒡ ᒪᒂᒡ ᑲ ᒥᒐᑎᓯᒡ ᐊ ᑕᒡ ᐊ ᑕᔭᒄ᙮ ᐊᑯ ᒪᒃ ᓇᒪ ᒋᑭ ᐅᒋ ᑎᑯᓂᔪᐤ ᑕᓐ ᒐᒋ ᐃᓯ ᐊᑕᒪᔨᒥᑕᒄ ᐊᐛᓐ ᑭᔭ ᓇᔅᒡ ᒋᑭ ᐸᔭᒋᓇᑯᓇ ᒋᐱᒪᑎᓯᐅᓄᐛᐛ᙮ ᒧᔭᒻ ᐅᒐᑭᑕᐧᑯᒡ ᐊ ᒋᐧᑲᔭᔅᑐᐛᒡ ᐊ ᑎᐱᔅᑲᔨᒡ ᐊᐅᑯᓐ ᒋᐸ ᐃᓯ ᐛᓯᓱᐛᓇᐛᐤ ᐅᑕ ᐊᔅᒋᒡ᙮

1 ᑎᒧᑎ 3:12

ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮

1 ᑎᒧᑎ 3:8

ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

1 ᑎᒧᑎ 4:3

ᒋᑭ ᐎ ᒋᑕᐊᒪᒐᐅᒡ ᒐᒋ ᓂᐳᐅᓇᓄᐎᒡ᙮ ᑭᔭ ᒋᑭ ᑎᑯᓂᔪᐤ ᒥᒋᒥᔪᐤ ᐊ ᐎ ᒋᑕᐊᒪᒐᒡ ᒐᒋ ᒥᒋᓇᓄᐎᒡ᙮ ᒋᓴᒪᓂᑐᐤ ᒪᒃ ᒋ ᐅᓯᑕᐤ ᐅᔭ ᒥᒋᒥᔪᐤ ᒐᒋ ᒥᒋᔨᒋ ᐊ ᓂᓇᔅᑯᒧᔨᒋ ᐊᓂᔭ ᑲ ᑕᑈᑎᒥᔨᒋ ᑭᔭ ᑲ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 5:10

ᑭᔭ ᒋᐸ ᑎᑯᓂᔪᐤ ᑕᓐ ᐊ ᐃᓯ ᒥᔽᒋᒪᑭᓄᐅᑦ ᐊ ᒪᒥᔪᑐᑎᒪᒐᑦ, ᒧᔭᒻ ᐊᒋ ᒥᔪ ᓂᑕᐅᒋᓇᑦ ᐊᐛᓴ, ᐊᒋ ᒥᔪ ᑭᓄᐛᔨᒪᑦ ᒪᓐ ᒪᓐᑕᐛ, ᑭᔭ ᒧᔅ ᐊᒋ ᒪᒥᔪᑐᑐᐛᑦ ᑲ ᑕᑈᑎᒥᔨᒋ ᑭᔭ ᒧᔅ ᐊᒋ ᓂᓇᑎᒧᐛᑦ ᐊᓂᔭᔪᐛ ᑲ ᐊᔨᒥᐅᔨᒋ ᑭᔭ ᓱᒃ ᒧᔅ ᐊᒋ ᓇᓂᑐᐤ ᒥᔅᑲᐧᒃ ᑕᓐ ᒐ ᐃᓯ ᒪᒥᔪᑐᑎᒪᒐᑦ᙮

1 ᑎᒧᑎ 5:22

ᐊᑲᐎᔾ ᐛᓴ ᐎᐱᒡ ᒋᑭ ᐅᒋ ᑕᒋᓇᐤ ᐊᐛᓐ ᑭᔭ ᒐᒋ ᐎᒋᐃᑦ ᐊᐛᓐ ᐊ ᒥᒋᑐᑕᐧᒃ᙮ ᓱᒃ ᒥᔪ ᑭᓄᐛᔨᒥᓱᐤ ᒐᒋ ᐸᔭᒋᓇᒂᒡ ᒋᐱᒪᑎᓯᐅᓐ᙮

1 ᑎᒧᑎ 5:9

ᓇᒪ ᒋᐸ ᐅᒋ ᒥᓯᓇᐛᑭᓄᐤ ᐃᔎᐤ ᑲ ᐸᐃᑯᓯᑦ ᐊᓐᑕ ᐊᔭᒥᐊᐅᒋᐛᐱᒡ ᒐᒋ ᐅᒋ ᐎᒋᐊᑭᓄᐅᑦ ᐸᑐᔅ ᐊᓱᑕᒡ ᑕᑐᔪᐛᐳᓇᓯᒐ᙮ ᑭᔭ ᓇᒪ ᒋᐸ ᐅᒋ ᐎᒋᐊᑭᓄᐤ ᐅᔅᑕ ᐸᐃᒂᐤ ᑲ ᓂᐳᐅᒂ᙮

2 ᑎᒧᑎ 2:24

ᐛᔅ ᐊᓐ ᑲ ᐊᐱᒋᐃᑯᑦ ᐅᑎᐸᔨᒋᒐᐛ ᓇᒪ ᒋᐸ ᐅᒋ ᐊᔭᔅᑕᒧᐛᐤ᙮ ᒋᐸ ᒋᔅᑎᒪᒐᔨᒪᐤ ᒥᓯᐛ ᐊᐛᔪᐛ ᑭᔭ ᐊᓂᔭ ᐊ ᒥᔪ ᒋᔅᑯᑎᒪᒐᑦ ᒋᐸ ᓯᐱᔪᐛᓯᔅᑐᐛᐤ ᐊᐛᔪᐛ᙮

ᑕᐃᑕᔅ 2:2

ᐎᑎᒧᐅᒡ ᐊᓐᒡ ᑲ ᒋᓴᐃᔪᐅᒡ ᒐᒋ ᓂᓇᑭᑐᐛᔨᑕᒡ ᑕᓐ ᐊ ᐃᑎᒡ, ᑭᔭ ᒐᒋ ᐃᑈᐧᑲᒡ, ᑭᔭ ᒐᒋ ᐃᓯ ᐱᒪᑎᓯᒡ ᒐᒋ ᐅᒋ ᒋᔅᑕᔨᒪᑭᓄᐎᒡ᙮ ᒋᐸ ᐎ ᓱᒋᑲᐳᐎᒡ ᑕᑈᑎᒧᐅᓂᒡ, ᑭᔭ ᓴᒋᐃᐛᐅᓂᒡ ᑭᔭ ᓯᐱᔪᐛᓯᐅᓂᒡ ᐃᔅ᙮

ᐃᑉᕈᐛ 13:2

ᒋᔅᒋᓯᒄ, ᒧᔅ ᒐᒋ ᐊᔭᔅᑯᐎᔭᒄ ᒐᒋ ᐱᑎᑲᐊᑯᒡ ᒪᓐᑕᐅᒡ ᒋᒋᐛᐛᒡ᙮ ᐱᔅᒐ ᐊᐛᓐᒋ ᓴᔅ ᒋ ᐱᑎᑲᐊᐅᒡ ᒪᓐᑕᐛ ᐊᓐᑕ ᐊ ᑕᒡ, ᓇᒪ ᒪᒃ ᐅᒋ ᒋᔅᒐᔨᒪᐅᒡ ᐱᔅᒐ ᐊᓂᔭ ᒪᓐᑕᐛ ᑲ ᐱᑎᑲᐊᒡ ᐊᒋ ᐊᓐᒋᓄᐎᑯᐱᓇᓂ᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᐱᑕᕐ 4:9

ᒪᒥᔅᑯᒡ ᒪᒥᔪᑐᑕᑐᒄ, ᒥᔽᔨᑎᒧᒄ ᐅ ᐊ ᐃᓯ ᐎᒋᐃᑐᔭᒄ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮