1 ᑎᒧᑎ 3:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᐅᒄ ᐅ ᑕᑈ ᑎᔭᑈᒥᑲᒡ ᐃᔅᒋᔄᐅᓐ, ᐊᐛᓐ ᐊ ᐃᑕᔨᑎᒥᐃᑯᒂ ᒐᒋ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓇᔅᒡ ᒥᔽᓯᔪᐤ ᐅᔭ ᐊᑐᔅᒐᐅᓂᔪᐤ ᑲ ᐃᓯ ᐛᑕᔨᑎᒥᐃᑯᑦ ᒐᒋ ᐃᑐᑕᐧᒃ᙮

1 ᑎᒧᑎ 3:1 ပူးပေါင်းရင်းမြစ်များ

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᐊᑈᔅᑕᓇᒡ 1:20

“ᐛᔅ ᐃᑎᔅᑕᔪᐤ ᐊᓐᑕ ᐊᓂᔭ ᑎᐱᑦ ᐅᓂᑭᒧᐅᓂᒡ, ᓇᒪ ᒋᑭ ᐅᒋ ᑕᓄᔪᐤ ᐊᓐᑕ ᑲᒋ ᑕᑦ, ᐊᑲᐎᔾ ᐊᐛᓐ ᒋᑭ ᐅᒋ ᐎᒍᐤ ᐊᓐᑕ᙮ ᐊᔪᐤ ᒪᒃ ᐃᑎᔅᑕᐤ, ᑯᑎᑲ ᐊᐛᔪᐛ ᒋᑭ ᒥᔅᑯᑎᔅᑲᑯᐤ ᐊᓂᔭᔪᐤ ᑲᒋ ᐃᑕᐱᑎᓯᑦ᙮”

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:13

ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮

ᐃᐱᓯᔭᓇ 4:12

ᐊᐅᒄ ᐊᓐᒡ ᒪᒃ ᐅᒡ ᒋᐸ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᑕᓐ ᒐᒋ ᐃᓯ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ᓱᒋᑲᐳᔨᒋ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

1 ᑎᒧᑎ 4:9

ᑕᑈᒥᑭᓐ ᐅ ᐃᔅᒋᔄᐅᓐ, ᑭᔭ ᑎᑯᓐ ᒐᒋ ᑕᑈᑕᑭᓄᐅᒡ᙮

2 ᑎᒧᑎ 2:11

ᐛᔅ ᑕᑈᒥᑭᓐ ᐅ ᑲᒋ ᐃᓇᓄᐅᒡ, “ᒐ ᐎᒋ ᓂᐱᒪᐅᒂ, ᒋᑭ ᐎᒋ ᐱᒪᑎᓯᒪᓄᐤ ᑭᔭ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

ᐃᑉᕈᐛ 12:15

ᓂᓇᑭᑐᐛᔨᒥᑐᒄ ᐊᑲ ᐛᒋ ᐸᐃᒄ ᐊᓐᑕ ᐊ ᑎᓯᔭᒄ ᒐᒋ ᓄᑕᔅᑲᐧᒃ ᒋᓴᒪᓂᑐᐛ ᐅᒥᔨᐛᐅᓂᔪᐤ ᑲ ᐱᒪᒋᐃᐛᒥᑭᓂᔨᒡ᙮ ᑭᔭ ᐃᔭᒂᒥᒄ ᐊᑲ ᐊᐛᓐ ᐊᓐᑕ ᐊ ᑎᓯᔭᒄ ᒧᔭᒻ ᒥᒋ ᐅᑎᐱᔾ ᒐᒋ ᐃᓯ ᓂᑕᐅᒋᑦ᙮ ᐛᔅ ᐃᑕᑥᐛ ᐅᔭ ᐊ ᐃᓯᓇᑯᓯᒡ ᒥᒐᑦ ᐊᐛᔪᐛ ᒋᑭ ᒥᒋᐱᔭᐅᒡ᙮

1 ᐱᑕᕐ 2:25

ᐛᔅ ᒧᔭᒻ ᒪᔭᑕᓂᓯᒡ ᐊ ᐅᓂᓯᓂᒡ ᔅᒋ ᐃᓯᓇᑯᓯᓇᐛᐤ᙮ ᐊᓄᒡ ᒪᒃ ᓴᔅ ᑲᐤ ᔅᒋ ᐸᓯᑯᐅᓇᐛᐤ ᒐᒋ ᓇᓴᐛᒄ ᐊᓐ ᒪᔭᑕᓂᓯᐅ-ᐃᔪᐤ ᑲ ᓂᓇᑭᑐᐛᔨᒥᑕᒄ ᑭᔭ ᑲ ᑭᓄᐛᔨᒪᑦ ᒋᑦ ᐊᒐᐧᑯᐛᐛ᙮

1 ᐱᑕᕐ 4:15

ᐊᑲᐎᔾ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᒋᑭ ᐅᒋ ᓂᓇᐧᑲᑕᔨᒧᐤ ᐊᓂᔭ ᐅᒋ ᐊ ᐎ ᓂᐸᐃᐛᑦ, ᑭᔭ ᒪᒃ ᐊ ᒋᒧᑎᒂ, ᑭᔭ ᒪᒃ ᐊ ᒥᒋᐃᔪᑦ, ᑭᔭ ᒪᒃ ᐊᓂᔭ ᐅᒋ ᐊ ᐅᑕᔨᒪᑦ ᑯᑎᑲ ᐊᐛᔪᐛ ᐊ ᐃᑎᔨᒋ᙮

1 ᐱᑕᕐ 5:2

ᒥᔪ ᑭᓄᐛᔨᒪᑯ ᐊᓂᔭ ᐃᔪᐛ ᒋᓴᒪᓂᑐᐤ ᑲ ᒥᔨᑕᒄ ᒐᒋ ᓂᑲᓂᔅᑯᐅᒪᑯ ᒧᔭᒻ ᑲᒋ ᐃᓯ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᐊᓐ ᑲ ᑭᓄᒪᔭᑕᓂᓱᐛᑦ᙮ ᒥᔪ ᑭᓄᐛᔨᒪᑯ ᒧᔭᒻ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᑭᓄᐛᔨᒪᑯ᙮ ᐊᑲᐎᔾ ᒧᔭᒻ ᐊᐃᓴᒡ ᑲ ᐃᑐᑕᐧᒃ ᐊᐛᓐ ᒐᒂᔪᐤ ᒋᑭ ᐅᒋ ᐃᓯᓇᑯᓯᓇᐛᐤ ᐅ ᑕᓐ ᐊ ᐃᑕᐱᑎᓯᔭᒄ᙮ ᐃᑐᑎᒧᒄ ᒋᑦ ᐊᑐᔅᒐᐅᓄᐛᐤ ᓇᒪᐎᔾ ᒥᒄ ᐊ ᑭᓄᐛᐸᑎᒪᒄ ᑕᓐ ᒐ ᐃᓯ ᐅᑎᓯᔭᒄ ᒪᒃ ᓇᔅᒡ ᐊ ᐃᑕᔨᑎᒥᐃᑯᔭᒄ ᑕᓐ ᒐᒋ ᐃᓯ ᐎᒋᐊᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᓇᑭᑐᐛᔨᒪᑯᒡ᙮