1 ᑎᒧᑎ 2:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᓂ ᐱᑯᓴᔨᒪᐅᒡ ᒥᓯᐛ ᓇᐸᐅᒡ ᑕᓐᑕ ᐊ ᐊᑎ ᐃᑕᐛᒂ ᐃᔅᐱ ᐊ ᐊᔭᒥᐊᔅᑕᐛ ᒐᒋ ᐅᐱᔨᑕᒡ ᐅᑎᒋᐛᐛ ᓇᔅᒡ ᐊ ᐱᔅᑕᔨᒥᓱᒡ ᒋᓴᒪᓂᑐᐛ ᐊ ᑕᔨᒋ᙮ ᒪᒂᒡ ᒪᒃ ᐊ ᐊᔭᒥᐊᒡ ᓇᒪ ᒋᐸ ᐅᒋ ᒋᒋᔅᑲᑯᐅᒡ ᒋᔄᓱᐅᓂᔪᐤ ᑭᔭ ᓇᒪ ᒋᐸ ᐅᒋ ᐃᓯᓇᑯᓂᔪᐤ ᓇᔅᒡ ᐎᐱᒡ ᒐᒋ ᒋᔄᓯᔅᑐᐛᒡ ᐊᐛᔪᐛ᙮

1 ᑎᒧᑎ 2:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 134:2

ᐅᐱᓂᔅᒐᔨᒃ, ᐸᔭᒋ-ᒥᒋᐛᐱᒡ, ᑭᔭ ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 141:2

ᐊᑯᔅ ᓂᑦ ᐊᔭᒥᐊᓐ ᒋᑭ ᐎᔨᔅᑎᒪᑯᐅᓐ ᒧᔭᒻ ᐎᒋᒪᓯᑭᓐ; ᑭᔭ ᐊ ᐅᐱᓂᔅᒐᔨᔭᓐ ᒧᔭᒻ ᐅᑕᑯᓯᐤ ᐱᔅᑎᓂᒐᐅᓐ᙮

ᑎᐱᑦ ᐅᓂᑭᒧᐅᓇ 24:4

ᐊᓐ ᑲ ᐸᔭᒋᔅᑕᒐᑦ, ᑭᔭ ᑲ ᐸᔭᒋᑕᐊᑦ; ᐊᑲ ᑲᒋ ᐃᓯ ᐅᐱᓇᑦ ᐅᑦ ᐊᒐᒂ ᒋᔎᐅᓂᒡ, ᐊᑲ ᑭᔭ ᑲᒋ ᐃᔅᒋᔄᑦ ᑭᑭᒋᔭᓯᐅᓂᒡ᙮

ᑎᐱᑦ ᐅᓂᑭᒧᐅᓇ 26:6

ᓂᑭ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ: ᐊᑯ ᒐ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 28:2

ᓂᑐᑕ ᓂᓂᑐᑎᒪᒐᐅᓐ ᑎᔭᑈᔭᓂ; ᐃᔅᐱ ᐊᐅᐱᓂᔅᒐᔭᓂ ᒋᐸᔭᒋ ᐅᐎᓱᐛᒥᒋᐛᐱᒡ᙮

ᑎᐱᑦ ᐅᓂᑭᒧᐅᓇ 35:13

ᓂᔾ ᒪᒃ, ᐃᔅᐱ ᑲ ᐊᐧᑯᓯᒡ ᓂᒋ ᒋᔅᑲᒺᓐ ᐱᒍᐎᔭᓂᔅᒋᓴ: ᓂᒋ ᑕᐸᑕᐃᒧᐊᐤ ᓂᑦ ᐊᒐᐧᒄ ᐊ ᓂᐧᑲᓱᔭᓐ; ᑭᔭ ᓂᑦ ᐊᔭᒥᐊᐅᓐ ᑎᐱᔽ ᓂᒥᔪᐳᐅᓂᒡ ᒋ ᐃᓯ ᒋ ᐛᐱᔪᐤ᙮

ᑎᐱᑦ ᐅᓂᑭᒧᐅᓇ 63:4

ᐊᐅᑯᐤ ᒐ ᐃᓯ ᒪᒥᒋᒥᑕᓐ ᒐ ᐃᔅᐱᔅ ᐱᒪᑎᓯᔭᓐ: ᓂᑭ ᐅᐱᓇᓐ ᓂᑎᒋᔭ ᒋᑦ ᐃᓯᓂᐧᑲᓱᐅᓂᒡ᙮

ᑎᐱᑦ ᐅᓂᑭᒧᐅᓇ 66:18

ᒧᔭᒻ ᐱᔅᒐᔨᑎᒪᓇ ᒥᒐᑎᓯᐅᓐ ᓂᑕᐃᒡ, ᑎᐸᔨᒋᒐᓱᐤ ᓇᒪᐎᔾ ᓂᑭ ᓂᑐᑕᒄ᙮

ᒪᑎᔪᐤ 21:21

ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮

ᒪᑎᔪᐤ 5:44

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓴᒋᐊᐧᑯᒡ ᐊᓐᒡ ᑲ ᐛᐧᑲᑎᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᑲ ᓂᓇᐧᑲᒋᐃᑕᑯᒡ,

ᒪᑎᔪᐤ 6:12

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᓗᒃ 23:34

ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮

ᓗᒃ 24:50

ᐃᔅᐱ ᒪᒃ ᑲ ᐃᓯ ᒋᔅᒋᓄᑕᐊᑦ ᒥᒋᒪ ᐊᓐᑕ ᐅᑕᓇᔪᐤ ᐸᑕᓂ ᑲ ᐃᓯᓂᐧᑲᑕᔨᒡ, ᐊᑯ ᒂ ᐅᐱᓂᔅᒐᔨᑦ ᐊ ᓱᐛᔨᒪᑦ᙮

ᒠᓐ 4:21

ᒋᓴᔅ ᒂ ᐃᑕᑦ, “ᑕᑈᑐᐎ, ᒋᑭ ᐃᔅᐱᔪᐤ ᐊᔅᒄ ᒍᑕᐎᓄᐤ ᒐ ᐊᑲ ᐅᒋ ᐊᔭᒥᐊᔅᑐᐛᑭᓄᐅᑦ ᐅᑕ ᐱᔅᑯᑎᓇᒡ ᑭᔭ ᒪᒃ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 10:2

ᒋ ᐊᔭᒥᐊᐛᑎᓯᔪᐤ ᒪᒃ ᑭᔭ ᒥᓯᐛ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᐊᔭᒥᐊᔅᑐᐛᐅᒡ ᒋᓴᒪᓂᑐᐛ᙮ ᒥᔅᑎ ᒪᒃ ᒋ ᐎᒋᐊᐤ ᐊᓂᔭ ᑲ ᒋᔅᑎᒪᑎᓯᔨᒋ ᒍᐤ ᐃᔪᐛ᙮ ᑭᔭ ᒧᔅ ᒋ ᐊᔭᒥᐊᐤ᙮

ᐊᑈᔅᑕᓇᒡ 10:31

ᐊᑯ ᒂ ᐃᓯᑦ, ‘ᑯᕐᓂᓕᔭᔅ, ᒋᓴᒪᓂᑐᐤ ᒋ ᐸᑎᒻ ᑕᓐ ᑲ ᐃᓯ ᐊᔭᒥᐊᔨᓐ ᑭᔭ ᒋ ᐛᐸᑎᒻ ᑕᓐ ᑲ ᐃᓯ ᐎᒋᐃᑥᐤ ᑯᑎᑭᒡ ᐊᐛᓐᒋ᙮’

ᐊᑈᔅᑕᓇᒡ 10:4

ᒋ ᒥᔅᑎ ᑭᓄᐛᐱᒪᐤ ᒪᒃ ᐊᓂᔭ ᐊᓐᒋᓇ ᐊ ᑯᔅᑕᒋᑦ ᐊᑯ ᒂ ᐃᑕᑦ, “ᒐᒂᓐ, ᐅᑎᐸᔨᒋᒐᐤ ?” ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᒋᓴᒪᓂᑐᐤ ᒋ ᓇᐊᔨᑎᒥᐃᑯᐤ ᑕᓐ ᑲ ᐃᓯ ᐊᔭᒥᐊᔨᓐ, ᑭᔭ ᑕᓐ ᑲ ᐃᓯ ᒥᔪ ᐎᒋᐃᑥᐤ ᑯᑎᑭᒡ ᐊᐛᓐᒋ, ᓇᒪ ᒪᒃ ᒋᑭ ᒋ ᐅᓂᒋᔅᒋᑕᒄ᙮

ᐊᑈᔅᑕᓇᒡ 21:5

ᒥᒄ ᒪᒃ ᐃᔅᐱ ᐛᑎᒋᐱᔨᒡ ᒐ ᔅᑐᑕᔭᒡ, ᒥᒄ ᓂᒋ ᐃᓯ ᔅᑐᑕᓇᓐ᙮ ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᑭᔭ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᓂᒋ ᐎᒐᐅᑯᓇᓂ ᐊ ᓇᓯᐸᐎᒋᑦ᙮ ᐊᑯ ᒥᓯᐛ ᒂ ᓂᐱᔅᑯᐱᔭᒡ ᐊᓐᑕ ᓯᓱᒡ ᐊ ᐊᔭᒥᐊᔭᒡ᙮

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

1 ᑯᕆᓐᑎᔭᓇ 1:2

ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑯᕆᓐᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᐛᐤ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᒄ ᒋᓴᔅ ᙭ ᐊᑯᑕ ᑲ ᐅᒋ ᐅᑎᓂᑕᒄ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᔅᒋ ᐅᑎᓂᑯᐛᐤ ᒐᒋ ᐅᑦ ᐃᔨᒥᑐᑕᑕᒄ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᑕᑈᔭᔨᒥᑯᑦ ᒋ ᐅᑎᓇᐤ᙮ ᐎᔾ ᒪᒃ ᐊᐅᒄ ᐛᒋᒪᒥᔭᐧᒄ ᒥᓯᐛ ᐊ ᑎᓯᔭᐧᒄ᙮

1 ᑯᕆᓐᑎᔭᓇ 7:7

ᐃᐛᒃ ᒪᒃ ᓂᐸ ᒥᔽᔨᑕᓐ ᒥᓯᐛ ᐊᐛᓐ ᐃᓯᓇᑯᓯᑦ ᓂᔾ ᑕᓐ ᐊ ᐃᓯᓇᑯᓯᔭᓐ᙮ ᒥᓯᐛ ᐊᐛᓐ ᑎᐱᔨᐛ ᐊᔭᐤ ᒥᔨᐛᐅᓂᔪᐤ ᒋᓴᒪᓂᑐᐛ ᐊᒋ ᒥᔨᑯᑦ, ᒥᓯᐛ ᐊᐛᓐ ᐃᔭᒡ ᐃᓯᓇᑯᓂᔪᐤ ᑕᓐ ᑲ ᐃᓯ ᒥᔭᑭᓄᐅᑦ ᐊ ᐃᓯᓇᑯᓂᔨᒡ ᑯᑎᑲ ᐊᐛᔪᐛ ᐊ ᐃᓯ ᒥᔭᑭᓄᔨᒋ᙮

2 ᑯᕆᓐᑎᔭᓇ 2:14

ᒥᒄ ᒪᒃ ᑕᑈ ᓂᓇᔅᑯᒪᐤ ᒋᓴᒪᓂᑐᐤ ᐛᔅ ᒧᔅ ᐎᔾ ᓂ ᒋᔅᒋᓄᑕᐃᒄ ᑕᓐᑕ ᐊ ᐃᑐᑕᐅᒡ ᐊ ᐎᒋᐃᑦ ᐊ ᐊᔨᒧᒥᒋ ᙭ᑕ ᒐᒋ ᐅᒋ ᒋᔅᒐᔨᒪᑭᓄᔨᒋ, ᐛᔅ ᙭ ᒧᔅ ᐱᔅᒋᔭᒐᐅᓂᒡ ᒋ ᐊᑎ ᐃᓯ ᐱᒧᑕᔨᑯᓄᐤ᙮ ᒋᓴᒪᓂᑐᐤ ᒋ ᐎᒋᐃᑯᓄᐤ ᒐᒋ ᑎᐸᒋᒪᐧᒄ ᙭ ᒥᓯᐛ ᐊᐛᓐ ᒐᒋ ᒋᔅᒐᔨᒪᑦ᙮ ᐊ ᒋᔅᒐᔨᒪᑭᓄᐅᑦ ᙭ ᒧᔭᒻ ᑲ ᐎᒋᒪᑯᓯᒡ ᒐᒂᓐ ᐃᑕᔨᑕᑯᓐ᙮

ᐱᓕᐱᔭᓇ 1:12

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᑲ ᐃᔅᐱᔭᓐ ᐊ ᒋᐸᐅᑯᔭᓐ ᑕᑈ ᒐᒋ ᐊᑎ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐊᑎ ᑕᑈᑕᒡ ᒥᔽᒋᒧᐅᓂᔪᐤ᙮

1 ᑕᓴᓗᓂᔭᓇ 1:8

ᐊᓐ ᒪᒃ ᑲ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ᐸᑕᑯᑕᓇᐛᐤ, ᒥᓯᑕ ᒋ ᐸᑕᑯᓐ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮

1 ᑎᒧᑎ 5:14

ᐅᔅᑕ ᒪᒃ ᒥᔽᔪᐤ ᐊᑯᔅ ᒥᓐ ᒐᒋ ᓂᐳᐅᒡ ᐅᒡ ᐃᔎᐅᒡ ᑲ ᐸᐃᑯᓯᒡ ᐊᔅᒄ ᑲ ᐅᔅᒋᐱᒪᑎᓯᒡ, ᑭᔭ ᒐᒋ ᐊᑎ ᐊᔭᐛᒡ ᐊᐛᓴ ᑭᔭ ᒐᒋ ᒥᔪ ᓂᓇᑭᑐᐛᔨᑕᒡ ᐎᒋᐛᐛ᙮ ᐅᔭ ᒪᒃ ᐃᑐᑕᒂᐛ ᓇᒪ ᓂᑎᒥᒄ ᒋᑭ ᐅᒋ ᐃᓯ ᐃᔭᔨᒺᐧᑲᑕᑯᐅᒡ ᐊᐛᔪᐛ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮

1 ᐱᑕᕐ 3:7

ᐊᐅᑯᓐ ᒪᒃ ᑭᔭ ᒋᔨᐛᐤ ᑲ ᓂᐳᐅᔭᒄ ᓇᐸᑐᒄ ᒐ ᐃᑎᔭᒄ᙮ ᓱᒃ ᐎ ᓂᓇᑭᑐᐛᔨᒪᐧᑯᒡ ᒋᐅᐛᐅᒡ ᐊ ᐎᒋᒪᑯᒡ ᐊ ᒋᔅᒐᔨᒪᑯᒡ ᐊᑲ ᐃᔅᐱᔅ ᓱᒋᓯᒡ ᒋᔨᐛᐤ ᐊ ᐃᔅᐱᔅ ᓱᒋᓯᐛᒄ᙮ ᒋᔅᑕᔨᒪᐧᑯᒡ ᐛᔅ ᑭᔭ ᐎᔨᐛᐤ ᒋᑭ ᐊᓂᔅᒐ ᒥᔭᑭᓄᐎᒡ ᑲᒋᒡ ᐱᒪᑎᓯᐅᓂᔪᐤ ᒧᔭᒻ ᒋᔨᐛᐤ ᒐ ᐃᓯ ᒥᔨᑯᐅᔭᒄ᙮ ᐃᑐᑎᒧᒄ ᐅ ᐊ ᐃᑎᓱᒥᑎᑯᒡ ᐊᑲ ᒐᒂᓐ ᒐᒋ ᒋᐱᔅᑲᑯᔭᒄ ᐊ ᐊᔭᒥᐊᒄ ᒋᓴᒪᓂᑐᐤ᙮