1 ᑎᒧᑎ 1:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

1 ᑎᒧᑎ 1:17 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 10:16

ᑎᐸᔨᒋᒐᓱᐤ ᒋᓴᐅᒋᒪᐅᐤ ᑲᒋᒡ ᑭᔭ ᑲᒋᒡ: ᐊᑲ ᐊᔭᒥᐊᒡ ᓂᓱᐅᓂᑎᓯᐅᒡ ᐅᑦ ᐊᔅᒋᔨᒡ ᐅᒡ᙮

ᑎᐱᑦ ᐅᓂᑭᒧᐅᓇ 106:48

ᒋᑭ ᐎ ᒪᒥᒋᒪᑭᓄᐤ ᑎᐸᔨᒋᒐᓱᐤ ᐃᔅᕋᐃᓪ ᐅᒋᓴᒪᓂᑐᒪ, ᑲᒋᒡ ᑭᔭ ᑲᒋᒡ: ᐊᑯᔅ ᒪᒃ ᒥᓯᐛ ᐃᔪᒡ ᒋᑭ ᐃᔅᒋᔄᐛᒡ, “ᐊᒥᓐ᙮” ᒪᒥᒋᒥᐧᒄ ᑎᐸᔨᒋᒐᓱᐤ !

ᑎᐱᑦ ᐅᓂᑭᒧᐅᓇ 145:13

ᒋᒋᓴᒋᒪᐅᓐ ᑲᒋᒡ ᐅᒋᒪᐅᓄᐤ, ᑭᔭ ᒋᑎᐸᔨᒋᒐᐅᓐ ᐱᒥᐱᔪᐤ ᒥᓯᐛ ᒐ ᐊᑎ ᐊᓂᔅᒐ ᐱᒪᑎᓯᓇᓄᐅᒡ᙮

ᑎᐱᑦ ᐅᓂᑭᒧᐅᓇ 41:13

ᒪᒥᒋᑕᑯᓱᐤ ᑎᐸᔨᒋᒐᓱᐤ ᐅᒋᓴᒪᓂᑐᒪ ᐃᔅᕋᐃᓪ, ᑲᒋᒡ ᐅᒋ ᑭᔭ ᑲᒋᒡ ᐃᔅᑯᐤ᙮ ᐊᒥᓐ ᑭᔭ ᐊᒥᓐ᙮

ᑎᐱᑦ ᐅᓂᑭᒧᐅᓇ 45:1

ᓂᑕᐃ ᒥᑐᓇᔨᑎᒧᒪᑭᓐ ᒥᔪ ᒐᒂᓐ: ᓂᑦ ᐊᔨᒧᑕᓐ ᐊᓂᔭ ᑲᒋ ᐅᓯᑕᔨᓐ ᒋᓴᐅᒋᒪᐤ ᐅᒡ: ᓂᑕᔨᔾ ᐃᓯᓇᑯᓐ ᒧᔭᒻ ᐅᒥᓯᓇᐃᑭᓇᔅᒄ ᐅᒥᓯᓇᐃᒐᐤ ᑲ ᐊᔭᔅᑯᐎᑦ᙮

ᑎᐱᑦ ᐅᓂᑭᒧᐅᓇ 45:6

ᒋᒋᓴᐅᒋᒪᐤ ᑕᑎᐳᐛᑭᓐ, ᐅ ᒋᓴᒪᓂᑐᐤ, ᑲᒋᒡ ᑭᔭ ᑲᒋᒡ ᑎᒂᓐ: ᒋᒋᓴᐅᒋᒪᐛᑎᑯᒻ ᑯᐃᔅᒄ ᒋᓴᐅᒋᒪᐛᑎᒄ᙮

ᑎᐱᑦ ᐅᓂᑭᒧᐅᓇ 57:11

ᐃᔅᐸᔨᑕᑯᓯ, ᐅ ᒋᓴᒪᓂᑐᐤ, ᐃᔅᐱᔅ ᒋᓯᒂ; ᐊᑯᔅ ᑭᔭ ᒋᒋᔅᑕᔨᑕᑯᓱᐅᓐ ᐃᔅᐱᔅ ᒥᓯᐛ ᐊᔅᒋᔾ᙮

ᑎᐱᑦ ᐅᓂᑭᒧᐅᓇ 90:2

ᐊᒺᔭ ᐅᒋ ᑎᒂᒋ ᐱᔅᑯᑎᓇᐛ, ᐊᒺᔭ ᑭᔭ ᐅᒋ ᐅᓯᑕᔨᓐ ᐊᔅᒋᔾ ᑭᔭ ᒥᓯᐛ ᒐᒂᓐ ᐊᓐᑕ ᐊ ᑎᒂᒡ, ᒧᔅ ᑲᒋᒡ ᐅᒋ ᑭᔭ ᒧᔅ ᑲᒋᒡ ᐃᓯ ᒋ ᒋᓴᒥᓂᑐᐅᓐ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒪᑎᔪᐤ 28:20

ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 5:44

ᑕᓐᑕ ᒐᒋ ᐅᒋ ᑕᑈᑎᒪᒄ ᒥᒄ ᓇᐸᐤ ᐊ ᐎ ᓂᓇᐃᑎᒪᐊᒄ ᐊᑲ ᐎ ᓂᓇᐃᑎᒪᐊᒄ ᒋᓴᒪᓂᑐᐤ ?”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:20

ᐊᑎ ᐊᑲ ᐅᒋ ᒋ ᐛᐱᒪᑭᓄᐅᑦ ᒋᓴᒪᓂᑐᐤ, ᒥᓯᐛ ᑕᓐ ᑲ ᐃᓯ ᑕᑦ ᐅᔭ ᐊᔅᒋᔪᐤ ᐊᑯᑕ ᒐᒋ ᐅᒋ ᐱᔭᑭᔅᒡ ᓂᔅᑐᐅᓂᒺᒡ ᐊᐛᓐᒋ ᐅᑲᒋᒐ ᓱᐧᑲᑎᓯᐅᓂᔪᐤ ᑭᔭ ᐊᑯᑕ ᒐᒋ ᐅᒋ ᒋᔅᒐᔨᒪᒡ ᑕᑈ ᐊ ᒋᓴᒪᓂᑐᐎᔨᒋ᙮ ᓇᒪ ᒪᒃ ᒋᑭ ᒋ ᑕᐤ ᐊᐛᓐ ᐊᑲ ᒋᔅᒐᔨᑕᐧᒃ ᐊ ᑕᔨᒋ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:23

ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑲ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭ ᑲᒋᒡ ᒐ ᑕᔨᒋ, ᐃᔭᐱᒡ ᐊᓂᔭᔪᐛ ᒥᓂᑐᐧᑲᓇ ᒐ ᓂᓱᐅᓇᑎᓯᔨᒋ ᐊᔭᒥᐊᔅᑐᐛᐅᒡ, ᐊᓂᔭᔪᐛ ᐎᔨᐛᐤ ᑎᐱᔨᐛ ᐊᒋ ᐅᓯᐊᒡ ᒥᔅᑎᑯᒡ ᑭᔭ ᐊᓯᓂᒡ ᐅᒡ᙮ ᐊᓂᔭᔪᐛ ᒪᒃ ᒥᓂᑐᐧᑲᓇ ᑲ ᐅᓯᐊᒡ ᒧᔭᒻ ᓇᐸᐛ ᒪᒃ ᐱᔭᓯᓴ ᒪᒃ ᐊᐛᓯᓴ ᒪᒃ ᓂᓇᐧᑯᐤ ᐊ ᐃᓯᓇᑯᓯᔨᒋ ᒥᓐᑐᓴ ᐊᐅᑯᓐ ᑲ ᐃᓯᓇᑯᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:36

ᐎᔾ ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᐅᓯᑕᐤ᙮ ᐎᔾ ᒥᓯᐛ ᒐᒂᔪᐤ ᓂᓇᑭᑐᐛᔨᑎᒻ᙮ ᐎᔾ ᒥᓯᐛ ᒐᒂᔪᐤ ᑎᐱᔨᐛᐅᓯᐤ᙮ ᐎᔾ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:27

ᒋᓴᒪᓂᑐᐤ ᒥᒄ ᐎᔾ ᑲ ᒋᓴᒪᓂᑐᐅᑦ ᑭᔭ ᓇᔅᒡ ᑲ ᑭᒐᑕᐛᔨᑕᐧᒃ, ᒋᑭ ᒪᒥᒋᒪᑭᓄᐤ ᐊᓂᔭ ᐅᒋ ᑕᓐ ᐊ ᐃᓯ ᐃᑐᑎᒥᔨᒋ ᒋᓴᔅ ᙭ᑕ᙮ ᐊᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:10

ᐊᓂᔭᔪᐛ ᒪᒃ ᒧᔅ ᑲ ᒥᔪᑐᑎᒥᔨᒋ ᐊᐅᑯᓐ ᐊᓂᔭᔪᐛ ᒐ ᒥᔪ ᑭᓄᐛᐱᒪᑦ ᒋᓴᒪᓂᑐᐤ᙮ ᒋᑭ ᒋᔅᑕᒋᒪᐤ ᑭᔭ ᒋᑭ ᒥᔭᐤ ᒋᔭᒪᔨᑎᒧᐅᓂᔪᐤ᙮ ᐊᓂᔭᔪᐛ ᓂᔅᑎᒻ ᒍᐤ ᑲ ᐃᑎᔅᑲᓇᓯᔨᒋ ᒋᑭ ᐃᑐᑐᐛᐤ ᐅᔭ ᐊᑯ ᒥᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

ᑯᓚᓯᔭᓇ 1:15

ᐎᔾ ᙭ ᒧᔭᒻ ᐊᐅᑯᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᓄᑯᓯᔨᒋ᙮ ᙭ ᐊᐅᒄ ᒋᓴᒪᓂᑐᐤ ᐅᓂᔅᑎᒧᓴᓇ, ᐊᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ ᐊ ᐃᑕᔨᑕᑯᓂᔨᒡ ᒥᓯᐛ ᒐᒂᔪᐤ ᑲ ᐅᓯᑕᑭᓄᐎᒋ᙮

ᐃᑉᕈᐛ 11:27

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮

ᐃᑉᕈᐛ 2:7

ᐛᐃᐱᔅᒋᔅ ᔅᒋ ᐃᑐᑐᐛᐤ ᐊᑐᐎᔅ ᒐᒋ ᑎᐱᑕᔨᑕᑯᓯᑦ ᐊ ᐃᑕᔨᑕᑯᓯᔨᒋ ᐊᓐᒋᓇ᙮ ᑭᔭ ᐃᔭᐱᒡ ᔅᒋ ᐃᑐᑐᐛᐤ ᒐᒋ ᒋᔅᑕᔨᑕᑯᓯᑦ᙮

1 ᐱᑕᕐ 5:11

ᐎᔾ ᒪᒃ ᒋᓴᒪᓂᑐᐤ ᑲᒋᒡ ᐊᔭᐤ ᒥᓯᐛ ᓱᐧᑲᑎᓯᐅᓂᔪᐤ᙮ ᐊᒥᓐ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮

1 ᒠᓐ 4:12

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒧᔭᒻ ᓯᐊᒋᐃᑐᐛᐛᒂ, ᒋ ᐱᒋᔅᑲᑯᓄᐤ ᒋᓴᒪᓂᑐᐤ ᑭᔭ ᐅᓴᒋᐃᐛᐅᓐ ᒐᔅᑎᓇᑕᔨᑕᑯᓂᔪᐤ ᐊ ᐱᒋᔅᑲᑯᐛᐧᒄ᙮

ᒍᑦ 1:25

ᒋᑭ ᒥᔭᑭᓄᐤ ᒋᔅᑕᔨᑕᑯᓱᐅᓂᔪᐤ, ᒋᓴᐅᒋᒪᐅᓂᔪᐤ, ᓱᐧᑲᑎᓯᐅᓂᔪᐤ ᑭᔭ ᑎᐸᔨᒐᐅᓂᔪᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒋ, ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 15:3

ᒋ ᓂᑭᒧᐅᒡ ᒪᒃ ᒧᓱᓴ ᐅᓂᑭᒧᐅᓂᔪᐤ᙮ ᐊᐅᒄ ᐅ ᒧᓱᔅ ᒋᓴᒪᓂᑐᐛ ᑲ ᐅᑦ ᐊᐱᒋᐊᑭᓂᑐᑕᑯᑦ᙮ ᐅᔭ ᒪᒃ ᐅᓂᑭᒧᐅᓂᔪᐤ ᒋ ᓂᑭᒧᐅᒡ ᐊ ᒋᔅᑕᒋᒪᒡ ᒪᔭᑕᓂᓴ᙮ ᐊᐅᒄ ᐅᔭ ᑲ ᐃᓯ ᓂᑭᒧᒡ, “ᐅᑎᐸᔨᒋᒐᐤ ᒋᓴᒪᓂᑐᐤ ᒋᔾ ᒪᐅᒡ ᑲ ᓱᐧᑲᑎᓯᔨᓐ᙮ ᓇᔅᒡ ᑕᑈ ᒥᔽᔨᑕᑯᓐ ᑭᔭ ᒋᔅᑕᔨᑕᑯᓐ ᑕᓐ ᐊ ᐃᓯ ᐃᑐᑎᒥᓐ᙮ ᒋᔾ ᒋᒋᓴᐅᒋᒪᐅᑐᑐᐛᐅᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ, ᒧᔅ ᑯᐃᔅᒄ ᒋᑦ ᐃᑎᓐ ᑭᔭ ᒧᔅ ᑕᑈᒥᑭᓐ ᑕᓐ ᐊ ᐃᔅᒋᔄᔨᓐ᙮

ᒋᔅᒐᔨᑕᑯᑕᒐᐅᓐ 17:14

ᐅᒡ ᒪᒃ ᐸᐃᑯᔪᐤ ᒋᓴᐅᒋᒪᐅᒡ ᑭᔭ ᐊᓐ ᒥᒋ ᐊᐛᓯᔅ, ᒋᑭ ᓂᑐᐱᔨᑐᐛᐅᒡ ᐊᓂᔭᔪᐛ ᒪᔭᑕᓂᓴ᙮ ᒥᒄ ᒪᒃ ᒋᑭ ᓴᑯᐃᑯᐅᒡ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᑲ ᓇᓴᐅᑯᔨᒋ᙮ ᐛᔅ ᐎᔾ ᐊᓐ ᒪᔭᑕᓂᔅ ᒋᒋᐛ ᒋᔅᑕᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᒋᒋᐛ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮ ᐊᓂᔭᔪᐛ ᒪᒃ ᑲ ᓇᓴᐅᑯᑦ, ᐊᐅᑯᓂ ᐎᔾ ᐛᒋᒡ ᑲ ᑕᑈᑕᑦ ᑭᔭ ᑲ ᐅᑎᓇᑦ ᒐᒋ ᐅᑦ ᐃᔨᒥᑦ ᑭᔭ ᐊᐅᑯᓂ ᐊᓂᔭᔪᐛ ᑯᐃᔅᒄ ᑲ ᐃᑎᔨᒋ ᐊ ᓇᓴᐅᑯᑦ᙮”

ᒋᔅᒐᔨᑕᑯᑕᒐᐅᓐ 19:1

ᒥᓐ ᒂ ᐃᓯ ᐛᐸᑎᔨᑯᐅᔭᓐ ᒐᒂᓐ᙮ ᓂᒋ ᐸᑕᓐ ᒧᔭᒻ ᓇᔅᒡ ᐊ ᒥᒐᑐᐛᑕᒡ ᐊᐛᓐᒋ ᐊᓐᑕ ᒋᒋᒋᓯᑯᒡ ᐊ ᐅᒋ ᐸᑕᑯᓯᒡ ᐊ ᐃᑎᑕᒂᒡ᙮ ᓇᔅᒡ ᒋ ᒋᔄᐛᐅᒡ ᐊ ᐃᔅᒋᔄᒡ, “ᒪᒥᒋᒪᐧᒄ ᒋᓴᒪᓂᑐᐤ᙮ ᐎᔾ ᐊᐅᒄ ᑲ ᐱᒪᒋᐃᑕᐧᒄ᙮ ᓇᔅᒡ ᑕᑈ ᒋᔅᑕᔨᑕᑯᓱᐤ ᑭᔭ ᓇᔅᒡ ᓱᒐᔨᑕᑯᓱᐤ᙮

ᒋᔅᒐᔨᑕᑯᑕᒐᐅᓐ 19:16

ᐅᑦ ᐊᑯᐱᒡ ᑭᔭ ᐅᑈᒥᒡ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ᙮ ᐃᑎᔅᑕᔪᐤ, “ᒋᒋᐛ ᐊ ᒋᔅᑕᔨᑕᑯᓯᑦ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᓇᔅᒡ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮”

ᒋᔅᒐᔨᑕᑯᑕᒐᐅᓐ 19:6

ᐊᑯ ᒂ ᐸᑐᐅᒂᐤ ᐊ ᒥᒐᑐᐛᑕᒡ ᐊᐛᓐᒋ ᒧᔭᒻ ᓂᐱᔾ ᐊ ᒋᔄᐛᔭᒍᐅᒡ ᑭᔭ ᒧᔭᒻ ᓂᒥᔅᒍᐅᒡ ᐊ ᐸᑕᑯᓯᒡ ᐊ ᐃᑎᑕᑯᓯᒡ᙮ ᒋ ᐃᔅᒋᔄᐅᒡ, “ᐊᓕᓗᔭ, ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ ᐎᔾ ᑕᐸᔨᒋᒐᐤ᙮

ᒋᔅᒐᔨᑕᑯᑕᒐᐅᓐ 7:12

ᐊ ᐃᔅᒋᔄᒡ, “ᑕᑈ ᐊᐅᑯᓐ ᐊ ᐃᓯᓇᒂᒡ᙮ ᐊᔭᐤ ᒋᓴᒪᓂᑐᐤ ᓱᐛᔨᒋᒐᐅᓂᔪᐤ, ᑭᒐᑕᐛᔨᑎᒧᐅᓂᔪᐤ, ᒋᔅᑕᔨᑕᑯᓱᐅᓂᔪᐤ ᑭᔭ ᒥᔅᑯᓯᐅᓂᔪᐤ᙮ ᐊᐅᒄ ᒪᒃ ᐛᒋ ᒪᒥᒋᒥᑯᑦ ᐊᐛᔪᐛ, ᑭᔭ ᐊᐅᒄ ᐅᔭ ᐛᒋ ᓂᓇᔅᑯᒥᑯᑦ ᑭᔭ ᒋᔅᑕᒋᒥᑯᑦ ᑲᒋᒡ ᑭᔭ ᑲᒋᒡ᙮ ᐊᒥᓐ᙮”